ئەڤرۆ نیوز:
ئەندامەکێ جڤاتا سەرکردایەتیا ئێکەتیێ دیار کر کو گەلەک ئاریشێن د ناڤبەرا ئێکەتیێ و پارتی کو بەری نها ببوونە ئاستەنگ ل هەمبەر هندێ هەر دو ئالی کۆم نەبن ئێدی ئەو ئاریشە نها نەماینە و حەفتیا بهێت دێ د ئاستێ مەکتەبا سیاسی دا هەر دو ئالی کۆمبن.
ئاسۆس عەلی ئەندامێ جڤاتا سەرکردایەتیا ئێکەتیێ دیار ژی کر کو ئەو گەشبینن دێ د کۆمبوونا حەفتیا بهێت یا د ناڤبەرا پارتی و ئێکەتیێ دا پرانیا ئاریشێن نها هێنە چارەسەر کرن و ئەو یەک دێ کارتێکرنەکا باش ل رەوشا کوردستانێ ژی کەت.
ئه‌ڤرۆ نیوز، بارزان مزوورى:
ئه‌ڤرۆ به‌رى نیڤرۆ رێكکه‌فتى 22/7/2020 ل ژێرچاڤدێریا”سه‌ردار یه‌حیا عەبدولعەزیز”قایمقامێ قه‌زا شێخان مه‌زنترین مزگه‌فت ب ناڤێ”شه‌هیدان” دناڤ سه‌نته‌رێ شێخان هاتە ڤه‌كرن کو ژلایێ خێرخوازان ڤه هاتبوو ئاڤاكرن.
قایمقامێ قه‌زا شێخان بۆ ئه‌ڤرۆ نیوز گۆت: (ب به‌شداریا رێڤه‌به‌ریا ئه‌وقافا شێخان و ئێكه‌تیا زانایێن ئایینێ ئیسلامێ و به‌شداریا ئێك ژ قه‌شه‌یێن مه‌سیحیان و نوێنه‌رێن لقا 20 شێخان مزگه‌فتا شه‌هیدان دناڤ سه‌نته‌رێ شێخان هاتە ڤه‌كرن).
ناڤهاتى خویاكر عه‌رده‌كێ مه‌زن ب رووبه‌ره‌كێ به‌رفرەه هاتبوو دابین كرن ژلایێ باژێرڤانیا شێخان ڤه به‌لێ كارێ ئاڤاكرنا وێ ژلایێ خێرخوازان ڤه بۆ ب شێوه‌یه‌كێ دو قاتى دگه‌ل هوله‌كا تازیان هاتیه دانان.
ئەڤرۆ نیوز:
پشتی کو سەرۆک کۆمارێ تورکیا رەجەب تەیب ئەردۆگان دیار کر ئەو دێ ل دەریا سپی بەردەوامیێ دەنە کارێ لێگەریانێ بۆ پەیداکرنا گاز و پەترۆلێ و ژ بەر هندێ ژی دەستووریێ ژ کەسێ وەرناگرن، هەر دو وەلاتێن ئەمریکا و یونان پێکڤە هۆشداری دانە تورکیا.
وەزارەتا دەرڤە یا ئەمریکا دیار کر کو تورکیا ب کریارێن خوە یێن شاش ئاریشێن هەی زێدەتر لێ دکەت و یونانێ ژی ب فەرمی راگەهاند کو ئەو رێ نادەن تورکیا دەست ب کارێن وەسا ب مەترسی بکەت.
ئەڤرۆ نیوز:
محەمەد جەواد زەریف وەزیرێ دەرڤە یێ ئیرانێ راگەهاند کو وی د سەرەدانا خوە یا بۆ عیراقێ و هەرێما کوردستانێ دا شیایە کارێن باش بکەت و گۆت: (سەرەدانا من بۆ عیراقێ و هەرێما کوردستانێ یا سەرکەفتی بی و مە شیا رێککەفتنێن باش ل گەل عیراقێ و هەرێما کوردستانێ بکەین).
وەزیرێ دەرڤە یێ ئیرانێ بەحسێ ناڤەرۆکا رێککەفتنان نەکر، لێ دیار کر رێککەفتنێن باش د بەرژەوەندیا هەر دو ئالیان دا هاتینە کرن.
ئه‌ڤرۆ نیوز:
وه‌زاره‌تا چاندن و ژێده‌رێن ئاڤی یا حوكمه‌تا هه‌رێما كوردستانێ راگه‌هاند كارێ پێدڤی بۆ قه‌ده‌غه‌كرنا ته‌ڤایا مریشكێن به‌فرگرتی و ساخ وهێك ژ ده‌رڤه بهێن كریه، وه‌زاره‌ت پێگیره ب بریارا قه‌ده‌غه‌كرنا ئینانا مریشكێن به‌فرگرتی و ساخ و هێكان، ژ رۆژا ئاگه‌هداربوون ب بریارا قه‌ده‌غه‌یێ ،چ موله‌ت و ره‌زامه‌ندیا وه‌زاره‌تێ بۆ ئینانا ئه‌وان به‌رهه‌مان بۆ ناڤخۆ نه دایه.
حسێن حه‌مه كه‌ریم په‌یڤدارێ وه‌زاره‌تا چاندنێ یا هه‌رێمێ راگه‌هاند بتنێ هه‌رێما كوردستانێ داخاز كریه هێك و مریشكان هاوه‌رده بكه‌ین، چونكو نه‌شیێن وه‌ك پێدڤیێن ناڤخۆ پێ بهێنه دابینكرن، كۆ هنده‌ك كه‌س هه‌نه ب قاجاغ هێكا ئیرانی و ئوكرانی توركی هاروه‌رده‌یی هه‌رێمێ دكه‌ن و پاشی ره‌وانه‌یێ عیراقی دكه‌ن، سالا 2019 پشتی چه‌ند هه‌یڤه‌كان ژ بریارا وه‌زاره‌تا چاندنا عیراقێ، وه‌زاره‌تا چاندنا هه‌رێمێ ب نفیسارا فه‌رمی ئینانا هێك و مریشكان قه‌ده‌غه‌كریه، به‌لێ مه داخاز ژ عیراقی نه‌كریه هێك و مریشكان بۆ مه فرێ كه‌ت، بتنێ ره‌وش به‌رۆڤاژی یه زۆر جاران هه‌رێم هێك و مریشكان هنارده‌یی پارێزگه‌هێن عیراقێ دكه‌ت، هه‌ر ده‌مێ مریشكا ره‌وانه‌ی عیراقێ نه‌كه‌ین بهایێ مریشكێ ل بازارێن ناڤخۆ دادكه‌ڤیت.
ئه‌ڤرۆ نیوز:
شرین حسێن رێڤه‌به‌را گشتی یا به‌نك و بسپوریان ل وه‌زاره‌تا دارای و ئابووری راگه‌هاند بریار هاتیه دان ئه‌وێن قه‌ر ل سه‌ر هه‌ین، وه‌كو قه‌رێن ئاڤاهیان و چاندنێ و پیشه‌سازی و گه‌شتیاری و قه‌رێن دی كۆ ب ئه‌گه‌رێ ئه‌ڤێ ره‌وشا نوكه نه‌شیان ل ده‌مێ خودا بزڤرینن، ل ده‌مێ ڤه‌گه‌راندنا وان ژی دا دێ حوكمه‌ت ژ 15% یا ئه‌وان قه‌ران خوش بن.
رێڤه‌به‌را گشتی یا به‌نك و بسپوریان ل وه‌زاره‌تا دارای و ئابووری ئه‌و چه‌نده ژی راگه‌هاند ئه‌و بریار دو برگه‌یان بخوڤه دگریت كو ئاڤاهی و پیشه‌سازی و چاندن كو ئه‌و برگه‌یه د بێژیت ئه‌و هه‌ڤ نیشتمانیێ قه‌ر ل سه‌ر و سزایێن گیرۆبوونێ ژی چووینه سه‌ر ژ ئه‌وێ غراما ل سه‌ر تانوكه دێ 15% لی خوش بن، ب مه‌رجه‌كی د وی ماوه‌یێ دیاریكری به‌رهه‌ڤ بیت و پاره‌یی ب كاش بده‌ت.
هه‌ر وه‌لاتیه‌كێ قه‌ر ل سه‌ر و ده‌مێ دانا قه‌رێ وی ژی مایی هه‌كه به‌رهه‌ڤ بیت ئه‌وی پاره‌ی ڤه‌گه‌رینیت ب كاش ل ئه‌وی ده‌مێ دیاریكری، ئه‌ڤه حوكمه‌ت ژ 15% بۆ داشكاندنێ كه‌ت.
شرین حسێن رێڤه‌به‌را گشتی یا به‌نك و بسپوریان ل وه‌زاره‌تا دارای و ئابووری راگه‌هاند ژی حوكمه‌تێ زێده‌تری چار تریلیۆن دینار وه‌كو پێشینه قه‌ر دایه وه‌لاتیان، نوكه نێزیكی دو تریلیۆن دیناران د ستویێ ئه‌وان كه‌سان دا مایه و نه‌ڤه‌گه‌راندینه و پاره نیڤا وێ ژی ڤه‌گه‌ریت هه‌ر باشه بۆ حوكمه‌تێ.
ئه‌ڤرۆ نیوز:
بریار بوو ئه‌ڤرۆ ده‌سته‌یا سه‌رۆكاتیا په‌رله‌مانی كۆم ب بیت، به‌لی ئه‌و كۆمبوون نه‌هاته‌كرن، ب ئه‌گه‌رێ به‌رهه‌ڤ نه‌بوونا سه‌رۆكا په‌رله‌مانێ كوردستانێ، كۆمبوون هاته پاش خستن بۆ سوبه‌هی.
هه‌رچه‌نده بریار بوو ئه‌ڤرۆ كۆمبوونا ده‌سته‌یا سه‌رۆكاتیا په‌رله‌مانێ كوردستانێ بهێته سازكرن، به‌لێ ب ئه‌گه‌رێ به‌رهه‌ڤ نه‌بوونا د.رێواز فایه‌ق سه‌رۆكا په‌رله‌مان كوردستانێ كۆمبوون هاته پاش خستن.
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند هاتنوچون ل رۆژێن چه‌ژنا قوربانی ب ته‌ڤایی دێ هێته قه‌ده‌غه‌كرن.
ئه‌ڤرۆ 22/7/2020، ریاز عه‌بدلئه‌میر رێڤه‌به‌رێ گشتی یێ وه‌زاره‌تا ساخله‌میا عیراقێ راگه‌هاند وه‌زاره‌تا ساخله‌میێ داخاز ژ لژنا ساخله‌می و لژنا بلندا به‌رهنگاربوونا كورونایێ كریه قه‌ده‌غه‌یا هاتنوچونێ ل رۆژێن چه‌ژنێ دا بهێته راگه‌هاندن.
ریاز عه‌بدلئه‌میری ئه‌و چه‌نده ژی راگه‌هاند كۆ ئه‌گه‌رێ ئه‌وێ داخازیێ رێگرتنه ژ زێده‌تریا به‌لاڤ بوونا كورونایێ ل عیراقێ، كۆ هه‌فتیه‌كێ پشتی چه‌ژنا ره‌مه‌زانێ و قه‌ده‌غه‌نه‌كرنا هاتنوچونێ ژماره‌یا توشبوویێن كورونایێ زۆر زێده‌تر لێ هات و ره‌وش گه‌هشته ئاسته‌كێ مه‌ترسیدار.
رێڤه‌به‌رێ گشتی یێ وه‌زاره‌تا ساخله‌میا عیراقێ ئه‌و ئێكه ژی دازانین لژنا بلندا به‌رهنگاربوونا كورونایێ ره‌زامه‌ندی ل سه‌ر قه‌ده‌غه‌كرنا ته‌ڤایی ل رۆژێن چه‌ژنێ دا دایه.
هه‌تا نوكه 97 هزار و 159 كه‌س ل عیراقێ توشیی كورونایێ بووینه و ژ ئه‌ڤێ ژماره‌یێ ژی سێ هزار و 950 كه‌سان ژی گیانێ خوه ژ ده‌ست دایه.
نيشاندان