ئه‌ڤرۆ نیوز:
ب سه‌رپه‌رشتی و به‌رهه‌ڤبوونا سه‌رۆكێ حوكمه‌تا هه‌رێما كوردستانێ، به‌رێ بنیاتێ ده‌ڤه‌را پیشه‌سازیا خوراكی ل دهۆكێ دهێته دانان.
ده‌مژمێر 11 به‌ری نیڤرۆیا ئه‌ڤرۆ 20/7/2020 ب سه‌رپه‌رشتی و به‌رهه‌ڤبوونا مه‌سرور بارزانی سه‌رۆكێ حوكمه‌تا هه‌رێما كوردستانێ، به‌رێ بنیاتێ ده‌ڤه‌را پیشه‌سازیا خوراكی ل باژێرێ دهۆكێ هێته‌دانان.
ئەڤرۆ نیوز:
سەرۆکێ کۆمارا عیراقێ، سەرۆکێ حوکمەتێ و سەرۆکێ پەرلەمانێ عیراقێ جەخت ل چارەسەریێن کێشێن بەغدا و هەولێر دکەن و رادگەهینن: پێدڤیە ب کریار کێشێن هەلاویستی یێن دناڤبەرا حوکمەتا فیدرالی و هەرێما کوردستانێ بهێنە چارەسەر کرن.
ئەڤرۆ ئێکشەمبی 19 تەمووزا 2020 بەرهەم سالح، سەرۆک کۆمارێ عیراقێ، مستەفا کازمی، سەرۆک وەزیرێن عیراقێ و محەمەد حەلبوسی سەرۆکێ پەرلەمانێ عیراێ ل کۆچکا کۆماری کۆمبوون، دووماهی پێشهاتێن سیاسی، ئەمنی و ئابووری و دۆخێ کۆرۆنایێ گوتۆبێژ کرینە، د هەمان دەمدا سەرۆک کۆمارێ عیراقێ دیار کریە، پێدڤیە هەموو کێشێن هەلاویستی یێن دناڤبەرا هەولێر و بەغدا دا لدووڤ دستۆرێ بهێنە چارەسەر کرن، د هەمان دەمدا کازمی ژی بەرنامێ سەرەدانا خوە بۆ ئیرانێ و سعودی دیار کریە.
ئەڤرۆ نیوز:
دروستبوونا ھەستێ ئەڤینداریێ د ناڤبەرا دو کەسان دا، ھەستێ پشتراستیێ زێدە دکەت و دلگرانیێ کێم دکەت، دەربارەی ڤی بابەتی چەندین بۆچوونێن جۆدا هەنە.
مالپەرێ سەیدەتی ئاماژە ب کومەکا راستیان دایە، کو دەربارەی ئەڤینداریێ دروست دبن، ئەوژی ئەڤەنە:
. ل جهێ ھێلانا ھزرێن خوشتڤیا خوە یا بەرێ، ھزرێن وێ بکە، ب وێ چەندێ دێ مەژی ب دوبارەبوونا زانیاریان ماندی بیت و پشتی دەمەکێ دێ ژ مەژیێ تە چیتەدەر.
. ئەڤینداریێ ئێشان یا ھەی ب ھەمان شێوێ ئێشانا لەشی، کو ب سەدەما نەخوشیێ دروس دبیت.
. ھەڤژینی ئاریشەیان چارەسەر ناکەت.
. دشێی وە بکەی کو ئەڤیندارا تە عاشقی تە ببیت.
. چ ئەڤینداری د بێ مەرج نینن، ھەر دێ ئاریشە و مەرج د ناڤبەرا ھەوە دا روودەن.
. ئەڤینداری ژیێ مرۆڤی درێژ دکەت.
ئەڤرۆ نیوز:
پەیڤدارێ وەزارەتا ئەوقافا هەرێما کوردستانێ دیار کر: بریارا ڤەکرنا دەرگەهێن مزگەفتان د دەستهەلاتا سەرۆکێ ژوورا ئۆپەراسیۆنێن پارێزگەهان دایە.
نەبەز ئیسماعیل پەیڤدارێ وەزارەتا ئەوقاف و کاروبارێن ئاینی گۆت ژی: ڤەکرنا دەرگەهێن مزگەفتان د دەستهەلاتا مە دا نینە، لدووڤ رێکارێن وەزارەتا ناڤخۆ، پێدڤیە ئەڤ بریارە ژ ئالیێ ژوورا ئۆپەراسیۆنێن پارێزگەهان ڤە بهێتە دان.
ئەڤرۆ نیوز:
وەزارەتا ساخلەمیا هەرێما کوردستانێ تووشبوون 256 کەسێن دی و وەغەرکرنا 10 کەسێن دی ب ڤایرۆسێ کۆرۆنایێ راگەیاند.
هەروەسا گۆتیە: د شەڤەک و رۆژەکێ دا 256 تووشبوویێن دی یێن کۆرۆنایێ ل هەرێمێ هاتینە تۆمار کرن و ب ڤی رەنگی، ل هەولێر 124 کەس، ل سلێمانیێ 58 کەس، ل گەرمیان 34 کەس، ل راپەرین 13 کەس، ل دهۆکێ ژی 15 کەس و ل هەلەبجە 12 کەس توشبووینە، نوکە هژمارا توشبوویان ل کوردستانێ گەهشتە 10 هزار و 851 کەسان.
ئەڤرۆ نیوز:
وەزارەتا ساخلەمیا عیراقێ راگەهاند: کو دو هزار و ٣١٠ حالەتێن توشبوون ب کۆرۆنایێ و دو هزار و ٣٦ حالەتێن چێبوونێ و ٩٠ حالەتێن وەغەرکرنێ هاتینە تۆمار کرن.
ئەڤرۆ شەمبیێ، وەزارەتا ژینگەهـ و ساخلەمیا عیراقێ دیار کر: د ٢٤ دەمژمێرێن بورى دا، دو هزار و ٣١٠ حالەتێن نوو یێن توشبوون ب کۆرۆنایێ هاتینە تۆمار کرن، کو ٧٦١ حالەت ژ وان ل بەغدا بووینە.
هەتا نوکە ٩٢ هزار و ٥٣٠ کەس ل عیراقێ توشی ڤایرۆسێ کۆرۆنایێ بووینە، ژ وێ هژمارێ ژی سێ هزار و ٧٨١ کەسان وەغەر کریە، ٦٠ هزار و ٥٢٨ کەس ژ چێبووینە.
ئەڤرۆ نیوز، عەلی حاجی:
پشتی کچەکا باژێرێ زاخۆ بناڤێ دیلان سەلیم کوژمەیەکێ پارەی ل سەنتەرێ بازارێ زاخۆ دیتین و بۆ خودانێ وێ ڤەگەراندین ڤێ چەندێ رەنگڤەدانەکا باش هەبوو ل راگەهاندنێ دا.
دیلان سەلیم تایبەت بۆ ئەڤرۆ نیوز گۆت : دوهی روژا شەمبیێ ل دانێ ئێڤاری دەما من قەستا بازارێ زاخۆ کری،من چزدانکەکا زەلامان دیت،پشتی من ئەو چزدانکە هەلگرتی من کوژمەیەکێ پارەیێ دولارێ ئەمریکی دناڤ دا دیت و لەورا من ژی دگەل خوە راکر و دەما گەهشتیمە مال من ئێکسەر پەیوەندی ب پولیسێن زاخۆ کر و پشتی وی دەمی ل دانێ شەڤ پولیسان پەیوەندی ب مە کر کو خودانێ وی پارەیێ هاتیە دیتن دیار بویە و ئەڤرۆ روژا ئێک شەمبێ رێکەڤتی ١٩/٧/٢٠٢٠ ئەو پارە ب کوژمێ ٨٨ وەرەقێن دولاری رادەستی خودانێ وێ کرن لەورا ب راستی ژی بو من گرنگ بوو کو دەما خودانێ وێ دیار بوویی ژبەر کو دەما مافێ مروڤی بهێتە دان هەستەکێ گەلەک خوەشە.
ناڤبریێ دیار گۆت ژی : جودا ژ وێ چەندێ ژی هەستەکێ خوەشتر ژی بو من دروست بوو دەما پێشوازیەکا باش ل ڤی کارێ من هاتیە کرن و هێڤی خازم ژی هەمی کەسەک هەمان کار دووبارە بکەن و نافێ کەسێ بەرامبەری خوە بۆ ڤەگەرینن و نوکە خوە ب سەر بلند دبینم .
ئەڤرۆ نیوز:
پەیڤدارێ وەزارەتا بەرەڤانیا ئەرمەنستانێ راگەهاند کو هێزێن وان شیاینە سێ تانکێن ئازەربایجانێ ل سەر سنوری ژناڤ ببەن.
شوشان ستەپانیان پەیڤدارێ وەزارەتا بەرەڤانیا ئەرمەنستانێ راگەهاند کو هێزێن وان ب هەموو رەنگەکێ د ئامادەباشیێ دانە و دێ بەرسڤا هەر هێرشەکێ ژی دەن و گۆت: (مە شیایە دربێن مەزن ل ئازەربایجانێ بدەین و سێ تانکێن وان هەتا نها هاتینە ژناڤبرن).
ئەڤرۆ نیوز:
دەزگەهێن راگەهاندنا ئەمریکا ئاماژە ب ئۆپەراسیۆن و شەرێ تورکیا ل سووریێ، عیراقێ و لیبیا دکەن و دیار دکەن کو ئەردۆگانی دڤێت تورکیا بکەتە وەلاتێ هەری ب هێز ل رۆژهەلاتا ناڤین، لێ ئابوورێ تورکیا و گەلەک فاکتەرێن دی رێگرن.
ل گۆر دەزگەهێن راگەهاندنا ئەمریکا تورکیا پتر ژ هەر دەمەکێ د ئاستێ جیهانی دا ب تنێ مایە و پرانیا وەلاتێن کو بەری نها پەیوەندیێن وان و تورکیا باش بوون نها ژ تورکیا دوور کەفتینە.
نيشاندان