ئەڤرۆ نیوز:
وەزارەتا ساخلەمیا عیراقێ راگەهاند کو د ماوەیێ ٢٤ دەمژمێرێن بۆری دا ل عیراقێ ٢ هزار و ١٨٤ کەسێن دی تووشی ڤایرۆسێ کۆرۆنایێ بووینە و هەروەسا ١١٠ کەسان ژی ب کۆرۆنایێ جانێ خوە ژ دەست دان.
١١٠ کەسێن دی ل عیراقێ ب کۆرۆنایێ جانێ خوە ژ دەست دان
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سهرهكى Facebook
فرۆکێن تورکیا چیایێن سنورێ دەرکارێ بۆردومان دکەن
هەر سێ وەلات ل دژی رۆژئاڤایێ کوردستانێ نە
ئەڤرۆ نیوز:
د دووماهیا کۆمبوونا ئاستانا ب پشکداریا هەر سێ وەلاتێن روسیا، ئیران و تورکیا کو ب رێیا ڤیدیو کۆنفرانسەکێ برێڤەچوو هەر سێ وەلاتان دیار کرن کو نابیت ب چو رەنگەکێ کار بۆ پارچەکرنا ئاخا سووریێ بهێتە کرن.
چاڤدێرێن سیاسی ژی دیار دکەن کو هەرچەندە روسیا ل گەل نێرینێن ئیرانێ و تورکیا یە، لێ د هەمان دەمی دا روسیا دڤێت کورد د چارچۆڤێ سووریایەک نوو دا بگەهنە مافێن خوە لێ سووریا نەهێتە پارچەکرن.
ئەندامەکێ خۆلا ئێکێ یا پەرلەمانێ کوردستانێ وەغەر کر
ئەڤرۆ نیوز:
ئەڤرۆ ل باژێرێ هەولێرێ حەسەن سالح ئاغا ئەندامێ خۆلا ئێکێ یا پەرلەمانێ کوردستانێ سەر ب فراکسیۆنا پارتی دیموکراتی کوردستان ل باژێرێ هەولێرێ ژ بەر نەخوشیا گران وەغەر کر.
حەسەن سالح ئاغا کەسەکێ ناسکری ل دەڤەرا گەرمیان و کەلار بوویە و دەمەکە تووشی نەخوشیێ ببوو و ئەڤرۆ ژی ل باژێرێ هەولێرێ وەغەرا دووماهیێ کر.
هژمارا جان ژ دەستدانا ب کۆرۆنایێ ل ئیرانێ زێدەتر بوویە
ئەڤرۆ نیوز:
وەزارەتا ساخلەمیێ یا ئیرانێ راگەهاند کو چەند رۆژن هژمارا تووشبوون و مرنا ب کۆرۆنایێ ل ئیرانێ ل گۆر رۆژێن بەری نها زێدەتر لێ هاتیە.
وەزارەتا ساخلەمیێ یا ئیرانێ دیار کریە کو د ماوەیێ ٢٤ دەمژمێرێن بۆری دا ٢٦٥٢ کەس ل ئیرانێ تووشی ڤایرۆسێ کۆرۆنایێ بووینە و هەروەسا ١٤٦ کەسان ژی ب ڤایرۆسێ کۆرۆنایێ جانێ خوە ژ دەست داینە و ئەو ئامارە ژی نیشا ددەت کو ل گۆر رۆژێن بۆری تووشبوون و مرنا ب کۆرۆنایێ زێدەتر بوویە.
به‌نكا نیڤ دوله‌تی: كورونایێ جوداهیا جڤاكی زێده‌كر
ئه‌ڤرۆ نیوز:
رێڤه‌به‌رێ به‌نكا نێڤ ده‌وله‌تی راگه‌هاند ب ئه‌گه‌رێ به‌لاڤبوونا ڤایرۆسێ كورونایێ كوڤید19 جوداهیا ته‌خاتیا جڤاكی و نه‌یه‌كسانیێ د جیهانی دا زیده‌كریه.
ده‌یڤید مالپاس رێڤه‌به‌رێ به‌نكا نێڤ ده‌وله‌تی د راگه‌هاندنه‌كێ دا به‌لاڤكریه رێژه‌یا زۆربوونا ئه‌و زیانێن ئابووری یێن كۆ ب ئه‌گه‌رێ كورونایێ ل به‌ر جیهانێ كه‌تین، دناڤا ئه‌وان كه‌سێن ئاكنجیێن وه‌لاتێن نوو پێگه‌هشتی كۆ ژێده‌رێ ژیانا وان بۆ ناهێته مسوگه‌ركرن.
ناڤبری ئه‌و چه‌نده ژی دیاركر ئه‌و كاره‌ساتێن ب ئه‌گه‌رێ ڤایرۆسێ كورونایێ ل وه‌لاتێن نوو پێگه‌هشتی سه‌رهلدایه زۆر دژوار و كارتێكه‌رن ل ژێرخانا ئه‌وان وه‌لاتان كریه .
ده‌یڤید مالپاس رێڤه‌به‌رێ به‌نكا نێڤ ده‌وله‌تی ئه‌و چه‌نده ژی راگه‌هاند ئابوورێ جیهانێ پێدڤی ب چه‌ندین سالانه تا ڤه‌گه‌ریت ئه‌وی ئاستێ به‌ری سه‌رهلدانا ڤایرۆسی.
نوكه زێده‌تری 10 ملیۆن و 820 هزار توشبووییێن ڤایرۆسێ كورونا هه‌نه ل ته‌ڤایا جیهانێ، ژ ئه‌ڤێ ژماره‌یێ ژی 519 هزار و 275 كه‌سان گیانێ خوه ژ ده‌ست داینه و زێده‌تری شه‌ش ملیۆنان ژی ساخ بووینه.
دهۆک: بهایێ ئەمپێرێ کارەبا مووەلیدان هاتە دیار کرن
ئەڤرۆ نیوز، زنار تۆڤی:
لژنا سەرپەرشتیکرنا مووەلیدان ل پارێزگەها دهۆکێ دیار کر: بۆ هەر ئەمپێرەکا کارەبا مووەلیدان بۆ هەیڤا خزیرانێ ٨٥٠٠ دینار هاتینە دەست نیشان کرن.
هەکار هروری نوونەرێ خودانێن موەلیدان د لژنا سەرپەرشتیا مووەلیدان دا ل دهۆکێ بۆ ئەڤرۆ نیوز دیار کر: بۆ هەر ئەمپێرەکێ کارەبا مووەلیدان بۆ هەیڤا خزیرانێ ل سنورێ پارێزگەها دهۆکێ 8 هزار و 500 دینار هاتینە دیار کرن.
بهایێ به‌رمیلا پترۆلێ نێزیك دبیت ل 43 دۆلاران
ئه‌ڤرۆ نیوز:
ئه‌ڤرۆ بهایی پترۆلێ جاره‌كا دی بلندبوونه‌كا نوو توماركر و بهایێ هه‌ر به‌رمیله‌كا پترۆلێ یا برێنت ل بازارێن جیهانی 42.24 دۆلاران كرین و فروتن پێ هاتیه‌كرن.
بهایێ پترۆلا ته‌كساس بلند بوویه كۆ 39.99 دۆلاران كرین و فروتن پێ هاتیه‌كرن.
بلند بوونا بهایێ پترۆلێ ل بازارێن جیهانێ پشتی بریارا وه‌لاتێن پشكدار ل ئوپێكی هات كۆ بریارا كێمكرنا هتنارتنا پترۆلی بۆ ده‌مێ هه‌یڤه‌كا دی درێژكر، هه‌روه‌سا ده‌ستپێكرنا كارگه‌هان و به‌رهه‌م ئینان و پیشه‌سازی ل وه‌لاتێن ئه‌ورۆپا كۆ ل ده‌مێ بوری ب ئه‌گه‌رێ قه‌ده‌غه‌یا هاتنوچونێ هاتبوونه راوه‌ستاندن.
رێ ب پوتنی دهێته دان هه‌تا 2036 سه‌رۆكێ روسیا بیت
ئه‌ڤرۆ نیوز:
نێزیكی 78% یا وه‌لاتیێن روسیا ب به‌لێ ده‌نگ دا ب راستڤه‌كرنا دستورێ وه‌لاتی، كۆ رێك ب ڤلادیمێر پوتنی دهێته دان ژبلی ئه‌ڤێ خولا سه‌رۆكاتیێ، بۆ دو خولێن دی ب بیته سه‌رۆك.
پشتی دهی ده‌نگدانا وه‌لاتیێن روسیا ل سه‌ر راستڤه‌كرنا دستورێ وه‌لاتی برێڤه چووی، ئه‌ڤرۆ دوماهی ب جوداكرنا ده‌نگان هات، 77.92% یا ده‌نگان ب به‌لێ بوون و پشته‌ڤانیا راستڤه‌كرنا دستورێ وه‌لاتی دكرن، بتنێ 21.37% ب نه‌خێر ده‌نگ دابوون، دده‌مه‌كی دا نێزیكی 65% یا وه‌لاتیان پشكداریی ده‌نگدانێ دا كربوون، به‌ریا نها لایه‌نێن ئوپوزسیونێ ل روسیا ل دژی ئه‌وێ راستڤه‌كرنێ بوون، چه‌ند خونیشاندان ژی كرن.
ئه‌ڤ راستڤه‌كرنا دستوری، ڤلادیمێر پوتن دشێت هه‌تا سالا 2036 وه‌ك سه‌رۆكێ روسیا بمینیت لگۆری ئه‌وێ چه‌ندێ ئه‌ڤ خولا سه‌رۆكاتیێ ل 2024 ب دوماهی دهێت و بوی هه‌یه ل دو خولێن دی ژی خوه هه‌لبژێریت وه‌ك سه‌رۆك.
پوتن پشتی جوسیف ستالین زۆرترین ده‌م ل ده‌سه‌لاتێ دا مایه چ وه‌ك سه‌رۆك وه‌زیر و سه‌رۆكێ وه‌لاتی.
شاندێ پێشمهرگهی گه‌هشته به‌غدا
ئه‌ڤرۆ نیوز:
شاندێ بلندێ وه‌زاره‌تا پێشمه‌رگه‌یێ هه‌رێما كوردستانێ ب سه‌رۆكاتیا فه‌ریق جه‌مال ئێمینكی سوپاسالارێ پێشمهرگهی ب سه‌ره‌دانه‌كێ گه‌هشته به‌غدا و ل گه‌ل به‌رپرسێن بلندێن وه‌زاره‌تا به‌ره‌ڤانیا عیراقێ كۆم دبیت.
لیوا قاره‌مان كه‌مال جێگرێ سوپاسالارێ وه‌زاره‌تا پێشمهرگهی بۆ كارۆبارێن ئوپراسیونان راگه‌هاند د ئه‌ڤێ سه‌ره‌دانێ دا دێ كۆمبوونان ل گه‌ل به‌رپرسێن وه‌زاره‌تا به‌ره‌ڤانیا عیراقی و دانوستاندنێ ل سه‌ر چه‌ند پرسه‌كێن سه‌ربازی كه‌ین.
تانوكه هه‌رێما كوردستانێ چه‌ندین جارا داخازا هه‌ما هه‌نگیێ ل گه‌ل سوپایێ عیراقێ كریه بۆ كۆنترولكرنا ره‌وشا ئه‌منی یا ده‌ڤه‌رێن كوردستانی یێن ده‌رڤه‌ی ئیدارا هه‌رێمێ كۆ ل هنده‌ك جهان گرۆپێن تیرۆریستی كریارێن تیرۆری ئه‌نجام دده‌ن.
نيشاندان
WP Facebook Auto Publish Powered By : XYZScripts.com