ئەڤرۆ نیوز:
نڤیسینگەها نوری مالکی سەرۆکێ هەڤپەیمانیا دەولەتا یاسا راگەهاند کو ئەڤرۆ پشتی هەڤدیتنا سەرۆکێ هەرێما کوردستانێ ل گەل نوری مالکی نێچیرڤان بارزانی داخواز ژ نوری مالکی کریە کو سەرەدانا هەولێرێ بکەت.
نڤیسینگەکا نوری مالکی هەروەسا دیار کریە کو بریارە مالکی د زووترین دەم دا سەرەدانا هەولێرێ بکەت.
ئەڤرۆ نیوز:
د چارچۆڤێ هەڤدیتنێن خوە ل بەغدا بەری دەمەکێ سەرۆکێ هەرێما کوردستانێ نێچیرڤان بارزانی و شاندێ د گەل دا ل گەل سەرۆکێ هەڤپەیمانیا دەولەتا یاسا نوری مالکی کۆمبوون.
د کۆمبوونێ دا بەحسێ ئاریشێن د ناڤبەرا هەولێرێ و بەغدایێ دا هاتنە کرن و هەروەسا د پشکەکا دی یا کۆمبوونێ دا بەحسێ رۆلێ کوردان د کابینا نوو یا حوکمەتا عیراقێ و دانوستاندنێن د ناڤبەرا عیراقێ و ئەمریکا دا هاتە کرن.
د کۆمبوونێ دا هەر دو ئالیان ژی دیار کرن کو پێدڤیە ئاریشێن د ناڤبەرا هەولێرێ و بەغدایێ دا بهێنە چارەسەر کرن.
ئەڤرۆ نیوز:
رێڤەبەریا گشتی یا ساخلەمیێ ل پارێزگەها سلێمانیێ راگەهاند کو بەری دەمەکێ ل نەخوشخانا شەهید ئاسو ل سلێمانیێ چار تووشبوویێن کۆرۆنایێ جانێ خوە ژ دەست دان.
ل گۆر رێڤەبەریا ساخلەمیێ ل سلێمانیێ هەر ئەڤرۆ سپێدی ژی دو کەسێن دی ل سلێمانیێ جانێ خوە ژ دەست دان و ب گشتی ئەڤرۆ شەش کەسان ژ بەر کۆرۆنایێ ل پارێزگەها سلێمانیێ جانێ خوە ژ دەست داینە.
ئه‌ڤرۆ نیوز،عه‌لی حاجی :
جۆتیاره‌كێ چاندنا برنجی ل زاخۆ بۆ ئه‌ڤرۆ نیوز دیار كر هه‌كه بازرگان خوه ل كرینا برنجی بكه‌نه خودان دێ بینه خودانێ باشترین برنجی ل سه‌ر ئاستێ عێراقێ، نه‌بوونا پشته‌ڤانیا كه‌رتێ تایبه‌ت نه‌چار كرینه بتنێ بۆ كه‌سێن نێزیكی خوه برنجی بتنێ بچینین .
زێده‌تر هندرین موسته‌فا گۆت: د ئه‌ڤ ساله دا بتنێ ل سه‌ر دوو دونه‌مێن ئه‌ردی من برنج چاندی یه به‌لێ هه‌كه بازرگانه‌ك خوه ل مه بكه‌ته خودان و برنجی بكریت دێ شێن باشترین برنج به‌رهه‌م بینن كو زێده‌باری هه‌بوونا رێژه‌یه‌كا زۆر یا بازرگانان و چو كه‌س خوه ل كرینا برنجی ناكه‌ته خودان ئه‌و ژی به‌ر وێ چه‌ندێ یه كو قازانجا برنجی یا كێمه و هه‌كه بازرگان خوه لێ بكه‌نه خودان دێ ب رێژه‌یه‌كا زێده‌تر خه‌لك برنجی چینیت و دێ كارێن باشتر هێنه كرن، به‌لێ هه‌ر دیسان ژی پێدڤی یه حكومه‌ت ب خوه ژی هاریكار بیت ب تایبه‌تی ژی د دابین كرنا كاره‌بێ دا .
ناڤبری گۆت ژی : د سالانێن بوری دا دبیت مه ئاڤه‌كا زێده‌تر مه‌زاخت بیت به‌لێ د ئه‌ڤ ساله دا مه ته‌كنیكه‌كا دیتر ب كارئینایه بۆ ئاڤدانا برنجی كو ئاڤێ ب شێوه‌یه‌كێ كێمتر خه‌رج بكه‌ت و ئه‌ڤه ژی دێ بیته رێیه‌كا ساناهیتر بۆ ئاڤدانا برنجی و ئه‌ڤ چه‌نده ژی من پشت به‌ستن دانایه سه‌ر شیانێن خوه و بو سالێن بهێت دێ رێژه‌یا چاندنا برنجی زێده‌تر لێكه‌م .
ئه‌ڤرۆ نیوز:
لگۆری دوماهی ئامارێن ڤایرۆسێ كورونایێ ل سه‌ر ئاستێ جیهانێ، ئه‌ڤرۆ ژماره‌یا توشبوویێن ڤایرۆسێ كورونایێ ل به‌رازیل ژ ملیۆنه‌ك توشبوویان ده‌رباز بوو.
لگۆری ئه‌وان ئامارێن جیهانی ل سه‌ر ڤایرۆسێ كورونایێ به‌رده‌وام دهێنه به‌لاڤكرن، ئه‌ڤرۆ ل به‌رازیلێ ملیۆنه‌ك و 70 هزار و 139 كه‌س توشبوویێن كورونایێ بوون و ژ وێ رێژێ ژی 50 هزار و 58 توشبوویان گیانێ خو ژ ده‌ست دایه.
به‌رازیل پشتی ئه‌مریكا دهێت و ب پله‌یا دوێ ب توشبوویێن كورونایی دهێته هژمارتن.
ئه‌ڤرۆ نیوز:
وه‌زیرا كارۆبارێن جڤاكی یا حكومه‌تا هه‌رێما كوردستانێ راگه‌هاند سوبه‌هی دێ هه‌رسێ سه‌رۆكاتیێن هه‌رێما كوردستانێ كۆم بن و بریارا دوماهیێ ل سه‌ر موچه‌ی و ده‌رماله‌یان ده‌ن.
كویستان محه‌مه‌د وه‌زیرا كارۆبارێن جڤاكی یا حكومه‌تا هه‌رێما كوردستانێ راگه‌هاند پشتی دئه‌وێ كۆمبوونا رۆژا شه‌مبیێ دا وه‌زیرێن حكومه‌تێ بووچوونێن جودا ل سه‌ر ده‌ستكاریكرنا موچه و ده‌رماله‌یان هه‌بوون، ئه‌ڤرۆ ئێك شه‌مبی جڤاتا وه‌زیران برێكا ڤیدیو كۆنفرانس كۆم دبن و پرسا موچه‌یی ئێخنه به‌ر دانوستاندنان، به‌لێ د كۆمبوونا ئه‌ڤرۆ ژی دا پرسا موچه و ده‌رماله‌یان بریارا دوماهێ ل سه‌ر ناهێته دان.
وه‌زیرا كارۆبارێن جڤاكی یا حكومه‌تا هه‌ریما كوردستانێ ئه‌و چه‌نده ژی راگه‌هاند بریاره سوبه‌هی هه‌ر سێ سه‌رۆكاتیێن هه‌رێما كوردستانێ كۆمبن و بریارا دوماهێ ل ده‌ر موچه و ده‌رماله‌یان بده‌ن.
دو توشبوویێن دی گیانێ خو ژ ده‌ست دان و هژمارا گیان ژ ده‌ستدانا توشبوویێن ڤایرۆسێ كورونایێ گه‌هشته 50 كه‌سان.
ته‌ها ئه‌حمه‌د به‌رپرسێ راگه‌هاندنا قائیمقامیا قه‌زا سه‌یدسادق راگه‌هاند ئه‌ڤرۆ 21/6/2020 دو توشبوویێن دی ب كورونایێ ل سه‌ید سادق گیانێن خو ژ ده‌ست دان.
ناڤبری ئه‌و چه‌نده ژی دا زانین ئێك ژ توشبوویێن گیانێ خو ژ ده‌ست دازه‌لامه دژیێ 70 سالیێ دایه و ئاكنجیێ گوندێ گرێزه سه‌ر ب قه‌زایا سه‌ید سادق ڤه‌یه، نه‌خوشیا درێژ خایه‌ن هه‌بوو ئه‌ڤێن دی ژی زه‌لامه‌كێ ژیێ وی 55 سالی بوو ئاكنجیێ سه‌ید سادق بوو.
ته‌ها ئه‌حمه‌د به‌رپرسێ راگه‌هاندنا قائیمقامیا قه‌زا سه‌یدسادق ئه‌و چه‌نده ژی راگه‌هاند تا نوكه پێنج ژ توشبوویێن ڤایرۆسێ كوروناێ ل سه‌ید سادق گیانێ خو ژ ده‌ست داینه و كو ته‌ڤایا وان زه‌لام بوون.
ئەڤرۆ نیوز ، ئێقبال عومەر:
ئه‌ڤرۆ سپێدێ ته‌رمێ گه‌نجه‌كێ سنێلە ل گوندێ بالندا یا سه‌ر ب ده‌ڤه‌را بارزان ڤە هاته دیتن، ئێك ژ کەس وکارێن وی بو ئەڤرۆ نیوز دیارکر کو وەلاتیەکی ئەو هایدار کرینە جەنازەکێ د روبارێ زێ دا، پشتی سەرەدانا وی جهی کری مەدیت کو جەنازە یێ ئەوی گەنجێ سنێلەیە یێ کو بەری ۱۰ روژان ل شێلادزێ کەفتیە ئاڤێ و خەندقی.
سامی بنیامێن ئێکە ژ کەسوکارێن وی بو ئەڤرۆ نیوز گوت: ل رێكەفتی 12/6/2020 ل رۆژا ئەینی، گەنجەك ب ناڤێ(حەجی شەمسەدین) كو ژدایك بوویێ سالا 2004 یە، ل ناڤا ئاڤا رویبارێ زیێ مەزن دا خەندقی هەر چەندە ۱۰ رۆژ لسەر خەندقینا وی دەرباز بوونە تاکو هاتیە دیتن، بەلێ ئاڤا رویبارێ زیێ مەزن ئاڤەكا بلند و بهێزە و زێدەباری وێ چەندێ جهێن ئاسێ و ب سیپەل ل ناڤا ئەڤی رویباری دا هەنە و هەر جارەكا كەسەك ل ناڤا ئەڤی رویباری خەندقی بیت، زوی تەرم نەهاتبیتە دیتن.
گوت ژی: پشتى لێگه‌ریانه‌كا زۆر ئه‌ڤرۆ تەرێ وی هاته دیتن و بۆ نوژداریا داد ل ئامێدیێ هاته ره‌وانه‌كرن، هەر ئەڤرو ل گورستانا شێلادزێ هاتە ڤەشارتن.
ئەڤرۆ نیوز:
وەزارەتا ساخلەمیا هەرێمێ راگەهاند: ٢٦٦ حالەتێن نوو یێن توشبوونێ و ٣٩ حالەتێن باشبوونێ و نەهـ حالەتێن گیان ژ دەستدانێ هاتینە تۆمار کرن.
وەزراەتا ساخلەمیا هەرێمێ راگەهاندیە ژی: د دەمێ ٢٤ دەمژمێرێن بوری دا، کو؛٢٦٦ حالەتێن نوو یێن توشبوون ب کۆرۆنا یێ هاتینە تۆمار کرن، کو ١٩٦ ژ وان ل سلێمانیێ نە، ٣٨ ل گەرمیان، ١٩ ل هەولێر، حەفت ل هەلەبجە، چار ل راپەرین و دو ژی ل دهۆکێ.
هەروەسا گۆتیه: ٣٩ حالەتێن نوویێن باشبوونێ ژى هاتینە تۆمار کرن، کو ٢٣ ل هەولێرێ، 12 ل دهۆکێ و 4 ژی ل گەرمیان، هەروەسا نەهـ کەسان گیانێ خوە ژ دەستداینە، کو پێنج ل سلێمانیێ، ئێک ل هەولێرێ و ئێک ژی ل هەلەبجە، ئێک ل راپەڕین و ئێک ژی ل گەرمیان.
نيشاندان