ئه‌ڤرۆنيۆز:
كۆمسيۆنا بلند يا هه‌لبژارتنان ل عيراقێ، دانا مۆله‌تا دامه‌زراندنێ ب هه‌فت حزبێن نوو په‌سه‌ندكر.
رياز به‌دران، ريڤه‌به‌رێ فه‌رمانگه‌ها ن هه‌لبژارتنێن كۆمسيۆنێ دبه‌ياننامه‌كێ دا راگه‌هاند، جڤاتا كۆمسياران داخوازا داخوازا دامه‌زراندنا حه‌فت حزبێن نوو په‌سه‌ندكر ودياركر كو وان حه‌فت حزبان هه‌موو رێنمايێن كۆمسيۆنێ يێن بجهئيناين.
جڤاتا نوونه‌رێن عيراقێ ل سالا 2015 قانوونا حزبێن سياسى په‌سه‌ندكربوو.
ئه‌ڤرۆنيۆز:
كۆمپانيا سامسۆنگ يا كورى دياركر كو ئه‌و به‌رهه‌ڤيا راگه‌هاندنا مۆبايلا گالاگسى 2018 A5 دكه‌ت، ب رێيا دانانا به‌رپه‌ره‌كێ پشته‌ڤانيێ ب ناڤێ A530 ل سه‌ر پێگه‌هێ وێ يێ فه‌رمى يێ كوريا باشوور، ئه‌وژى هژمارا كودێ دێ دانيته سه‌ر وێ مۆبايلا نوو.
ل دووڤ هنده‌ك پێزانينێن ل سه‌ر وى جۆرێ گلاكسى هاتينه به‌لاڤكرن، مۆبايلا نوو دێ شاشه‌كا مه‌زن هه‌بيت كو به‌رى نوكه تنێ د هه‌ردو موبايلێن S8 ونوت 8 هاتبوو ديتن، به‌سما تبلێ ژى دێ ل پشتا موبايلێ بيت .
ئه‌ڤرۆنيۆز:
راهينه‌رێ يانا ريال مه‌دريد يا ئيسپانى، زه‌ينه‌دين زێدان، راگه‌هاند دفنا سێرخيۆ رامۆس كاپتنێ يانێ يا شكه‌ستى.
ريال مه‌دريد وئه‌تله‌تيكۆ مه‌دريد د ياريا دێربى يا مه‌دريد دا ئه‌وا دوهى ب شه‌ڤ هاتيه ئه‌نجامدان بێ گۆل وه‌كهه‌ڤ ببون وسه‌ره‌راى ژده‌ستدانا دو خالان، ريالێ كاپتنێ خوه ژى ژده‌ستدا.
پشتى ياريێ رافايێل ڤاران، ياريكه‌رێ ريال مه‌دريد، گۆتبوو، ره‌وشا رامۆسى يا باش نينه ودفنا وى يا شكه‌ستى وده‌مێ دووركه‌فتنا وى ژياريان يا ديار نينه.
ژئه‌گه‌رێ وێ هنگافتنا رامۆسى، زه‌ينه‌دين زێدان نه‌چار بوو دده‌مێ بێهنڤه‌دانا دناڤبه‌را هه‌ردو گێمان دا رامۆسى بگوهۆريت وياريزان ناچۆ فێرناندێز هاته جهێ وى. پشتى ياريێ ژى زێدانى گۆت، دفنا رامۆسى يا شكه‌ستى ونه‌شێم ده‌مێ دووركه‌فتنا وى ژياريان دياربكه‌م.
به‌رى نوكه ژى دفنا رامۆسێ د ياريه‌كێ دا ل گه‌ل بايرن ميونيخ دخۆلا قاره‌مانێن ئورۆپا دا هاتبوو شكاندن، به‌لێ پشتى سێ رۆژان ژوێ هنگافتنێ پشكدارى دكلاسيكۆيێ دا كر ل به‌رامبه‌ر به‌رشه‌لونا وگۆله‌ك ژى تۆماركربوو.
ئه‌ڤرۆنيۆز:
فه‌رماندێ هێزێن پاراستنا ئێزيدخان ل شنگالێ، حه‌يده‌ر شه‌شۆ، راگه‌هاند، حه‌شدا شه‌عبى ژبنگه‌هێن خوه ل شنگالێ ڤه‌دكێشن ودچنه ده‌رڤه‌ى باژێرى.
حه‌يده‌ر شه‌شۆ بۆ مالپه‌رێ فه‌رميێ پارتى گۆت، حه‌شدا شه‌عبى ژبنگه‌هێن خوه ل شنگالێ ڤه‌دكێشن ودچنه ده‌رڤه‌ى باژێرى وئه‌و باره‌گايێن حه‌شدێ ده‌ست ب سه‌ردا گرتى، نوكه يێ چۆل دكه‌ن.
گۆت ژى، ده‌ما حه‌شدا شه‌عبى هاتيه شنگالێ، ب نه شه‌رعى ده‌ست ب سه‌ر باره‌گايێن پێشمه‌رگه‌ى و فه‌رمانگه‌هێن حكومى دا گرتبوو، به‌لێ نوكه هه‌موو يێن چۆلكرين ويێن چووينه باشوورێ شنگالێ وبرياره هه‌تا سه‌رێ ڤێ مه‌هێ ب تمامى شنگالێ بجه بهێلن.
شه‌شۆى دياركر، ب چو شێوه‌كى كريارێن حه‌شدا شه‌عبى ل شنگالێ جهێ قه‌بوولكرنێ نه‌بوون وناهێنه قه‌بوول كرنێ ژى، چونكى وان ب شێوه‌كێ نه‌شه‌رعى هێرش ل سه‌ر ده‌ڤه‌رێن كوردستانێ كر وپێشيلكارى ئه‌نجامدان.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى چريا دويێ 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1260 |
| 1 يۆرۆيێ ئه‌ورۆپى | 1480 |
| 1 ليرێ توركى | 325 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز ، ھلۆری:
پشتی کو 118 کچ ل سەرانسەرێ جیھانێ ھەڤرکی لسەر دەستڤەئینانا تاجا شاھجوانا جیھانێ کری ، کچەکا ھندی شیا ئەوێ تاجێ دەستخوڤە بینیت و ببیتە شاھجوانا جیھانێ.
ھەڤرکیێن شاھجوانا جیھانێ ل وەلاتێ چینێ ب رێڤەچوو ژبەرکو پارسال کچەکا چینی ببویە شاھجوانا جیھانێ ، ئەڤ یەک ژی رامانە کو سالا بھێت دێ ھەڤرکیێن شاھجوانا جیھانێ ل ھندستانێ ب رێڤەچیت ژبەرکو ھەر کچەکا تاجا شاھجوانیێ دەستخوڤە بینیت دێ شاھجوانی ل سالا دوڤدا ل وەلاتێ وێ ھێتەکرن.
مانوشی چیلار ئەو کچا ھندستانێ شیا ببیتە شاھجوانا جیھانێ بو سالا 2017 ، ئەڤە د دەمەکێ دایە کو بەری نھا بتنێ کچێن فەرەنسا و بریتانیا و کینیا و مەکسیکێ دبوونە شاھجوان.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
ئەڤرۆ نیوز، ھلوری:
پێشتر ژی چەندان جاران ھەلویستێن خوە ل سەر ریفراندۆمێ راگەھاند بوو ، وەسا بریارە کو سوبەھی دادگەھا فیدرالی یا عیراقێ داوی ھەلویست و بریارا خوە لسەر ریفراندۆما ھەرێما کوردستانێ و دەڤەرێن کوردستانیێن دەرڤەیێ کارگێریا ھەرێما کوردستانێ ژی بدەت ، بەلێ ئەو یەک نەھاتیە پشتراستکرن ، ئەرێ حکومەتا ھەرێما کوردستانێ دێ بریارا وان پەسەند کەت یان دێ تانەیێ لێدەت.
ئەڤرۆ 19 چریا دوویێ ل گورەی نوچەیەکێ رۆژنامەیا شەرقولئەوسەت بتنێ دوو جورە رێکەفتن دناڤبەرا ھەرێما کوردستان و عیراقێ ھەنە کو ژ ئاریشەیێن پشتی ریفراندۆمێ بھێنە چارەسەرکرن، و ئێک ژ وان ئەوە پەنایێ بو دادگەھا فیدرالی ببەن کو ئەو ژی دھێتە چاڤەرێکرن سوبەھی داوی بریار لسەر ڤێ یەکێ بەت.
ژێدەرێن رۆژنامەیا ناڤبری ددەتن دیارکرن پشتی بریارا دادگەھێ لسەر ریفراندۆما ھەرێما کوردستانێ و رەزامەندیا حکومەتا ھەرێما کوردستانێ لسەر بریارا دادگەھێ ، دێ قوناغا دوویێ دەست پێ کەت کو ئەو ژی ئەنجامدانا دانوستاندنایە دناڤبەرا ھەولێر و بەغدا ، ئەڤ یەک ژی بو وێ یەکێ یە داکو جارەک دن ھەرێما کوردستانێ ژ روویێ ئەرک و مافان پێگەھێ خوە ل گەل عیراقێ گرێدەتن ڤە و بابەتێن مینا بودجە ژی ل گەل بھێنە گرێدان.
حکومەتا ھەرێما کوردستانێ دناڤبەرا دوو دیتنێن ژێکجودا دمینیت ئەو ژی ریفراندۆم ژلایێ گەلێ کوردستانێ ڤە ھاتیە ئەنجامدان و رەتکرنا وێ دێ یا ب زەحمەت بیت ، ژلایەکێ دنڤە گڤاشتنێن حکومەتا عیراقێ بەر ب زێدەتر ڤە بچن ژ وانان کێمکرنا پشکا بودجا ھەرێمێ و شارستەیێن دارایێن ھەرێمێ ، ھەروەسا ب ھەلوەشاندنا ریفراندۆمێ ب زەحمەت دبیت کو جارەک دن ھەرێما کوردستانێ ریفراندۆمەکا دن بکەت.
ئەڤرۆ نیوز ، ھلۆری:
بێگومانە پێشکەفتنا تەکنولوژیایێ بویە سەدەم کو مرۆڤ باوەریا خوە ب ھەر تشتەکێ بینیت ، ژ بەرکو شیانێن مرۆڤان ھەموو سنور شکاندن ، د نوترین داھێنان دا ترومبێلەک لسەر شێوازێ ساروخێ ھاتە چێکرن .
ل گورەی نوچەیەکێ مالپەرا mbc ل فروکخانا نیوکی ل کورنوال ، ئێکەمین ترومبێلا لسەر شێوەیێ ساروخێ ب ناڤێ ” بلوند ھاوند ” ھاتە چێکرن ، و ئاندی گریین شوفێرا وێ ئەوێ ترومبێلێ دکەت.
ئەڤێ ترومبێلا نوو ھژمارا پیڤایی شکاند ژبەرکو لەزاتیا وێ دگەھیتە دوو ھزار و 400 کیلومەتران د ئێک دەمژمێر دا ، و ژبەرڤێ ناڤێ وێ چو د پرتوکا گنێس دا.
ئەڤرۆ نیوز، نەوزاد ھلوری:
ب ھەلکەفتا رۆژا جیھانیا زەلامان ئێکەتیا زەلامان ل ھەولێر کونگرەیەکێ رۆژنامەڤانی ئەنجام دا و تێدا داخوازکر کو پێدڤی یە رۆژا جیھانیا زەلامان ل کوردستانێ ژی وەکو ھەموو وەلاتێن جیھانێ ببیتە رۆژەکا فەرمی.
ئەژێ ئیبراھیم سەرۆکێ ئێکەتیا زەلامێن کوردستانێ د کونگرەیەکێ رۆژنامەڤانی دا ل ھەولێر دیارکر کو رۆژا جیھانیا زەلامان د رۆژەکا وەکو ئەڤرۆ دا ل زێدەتر ژ 70ێ وەلاتێن جیھانێ ب فەرمی ھاتیە نیاسین، بەلێ ل ھەرێما کوردستانێ نەھاتیە نیاسین و گۆت: (ھەموو زەلامان پێدڤی ب ژیانەکا ئازاد ھەیە و پێدڤی یە بریارێ ل سەر چارەڤیس و مافێن خوە بدەت وەکو چاوا ئافرەت ئازادن لسەر ھزر وب یر و ئەرک و مافێن خوە، ھەروەسا زەلام ئەو پشکا جڤاکی یە کو بەرپرسیارەتی و پەیداکرنا پاریێ ژیانێ و بارگرانیا خێزان و سەرکردایەتی و ھەموو جورە پێشڤەبرنەکا دەولەتێ د ستوویێ وان دایە).
زێدەتر گۆت: (پێدڤی یە ئەڤ رۆژ ببیتە سەدەم کو مافێن زەلامان زێدەتر بھێنە گەرنتیکرن و ببیتە رۆژەکا فەرمی ل کوردستانێ و ل پەی ئەوێ رۆژێ ئەرک و مافێن وان بھێنە دیارکرن و پاراستن ، ب زەلام ژی ب ئاراستەیەکێ باشتر خزمەتا جڤاکی بکەن).
نيشاندان
