ئەڤرۆ نیوز:
وەزارەتا ساخلەمیا هەرێما کوردستانێ تووشبوونا دو کەسێن دی ب کۆرۆنا یێ ل سلێمانیێ راگەهاند، کو ئێک ژ وان زەلامەکێ 80 سالیە و یێدی ژی گەنجەکێ د ژیێ 29 سالیێ دایە.
دو تووشبوویێن دی یێن کۆرۆنا یێ ل سلێمانیێ هاتنە تۆمار کرن
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سهرهكى Facebook
دو کەسێن دی ل دهۆکێ تووشی کۆرۆنایێ بوون
سێ به‌رهه‌م ل سه‌ر ڤایرۆسی بێ به‌رامبه‌ر هاتنه دروستكرن
ئه‌ڤرۆنیۆز، سالار دۆسكی:
سه‌رۆكێ تیپا رۆباد یا هونه‌رێ مۆزیكێ ئاشكراكر كو شیاینه سێ به‌رهه‌مێن هونه‌ری ل سه‌ر كاودانێن نوكه ژیان تێدا دبوریت دروست بكه‌ن و هه‌موو بێ به‌رامبه‌ر ل (تون) ستودیو هاتینه دروستكرن.
هونه‌رمه‌ند محه‌مه‌د زه‌كی، سه‌رۆكێ تیپا روباد یا مۆزیكێ، بۆ مالپه‌رێ ئه‌ڤرۆ نیۆز ئاشكراكر كو پشتی هاتنا ڤایرۆسێ كورونایێ وه‌ك خو پاراستن ژڤی ڤایرۆسێ كورونایێ شیاینه سێ به‌رهه‌مێن جودایێن هونه‌ری دروست بكه‌ت، به‌رهه‌مه‌ك بناڤێ (كه‌رنیته) هه‌ر مۆزیكژه‌نه‌ك ل مالا خوه مۆزیكێ دژه‌نیت و ڤیدیو ل مالا خوه، مونتاژێ وێ (دژوار روشدی) بوویه.
هونه‌رمه‌ند محه‌مه‌د زه‌كی ئه‌و ژی دیاركركر كو پارچه مۆزیكا (هیڤیه‌ك بۆ ژیانێ) كو ژ ژه‌نینا هونه‌رمه‌ند (محه‌مه‌د زه‌كی)ه و ده‌ربرین ژ ڤالابوونا باژێری دكر و ژیان ل باژێری نه‌مایه و زارۆك یاریا ناكه‌ن، ل دووماهیێ هیڤیه‌ك هاته دیاركرن كو جاره‌كا دی دێ ژیان ل ڤی باژێری ڤه گه‌ریته ڤه، ئه‌ف به‌رهه‌م ژ ده‌رهێنانا(ستار)
سه‌رۆكێ تیپا روباد ئه‌و ژی گۆت: به‌رهه‌مێ سیێ بناڤێ(سوپاس) كو كێمترین دیاری بوو پێشكێشی هێزێن نافخو و ستافێ ساخله‌میێ بكه‌ین كو وه‌ك پێشمه‌رگه‌ی به‌ر ڤی ڤایرۆسێ كوژه‌ك راوستیان و ئه‌م پاراستین، كو په‌یڤ و ئاواز هونه‌رمه‌ند(شه‌عبان سلێمان) به‌رهه‌مێ رێڤه‌به‌ریا مۆزیكێ و رێڤه‌به‌ریا گشتی یا ره‌وشه‌نبیری و هونه‌ری یه
زه‌كی ئاماژه‌كره وێ چه‌ندێ ژی كو ئه‌ف هه‌موو به‌رهه‌مه ل ستودیویا (تون ستودیو) بێ به‌رامبه‌ر هاتینه دروستكرن.
ئاگەهداریەک ژ رێڤەبەریا ئاڤا زاخۆ
ئەڤرۆ نیوز،عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر رێژەیا شیلی بوونا ئاڤا خابیری ل زاخۆ ب شێوەیەکێ بەرچاڤ بلند بوویە و پێدڤی یە خەلک وەکو رۆژانێن بوری ئاڤێ نەمەزێخیت هەتا کو ئاڤا خابیری بەرەڤ ئاسایی بونا خوە ڤە دچیت. زێدەتر هاشم ئیبراهیم گوت : دوهی روژا پێنچ شەمبێ هەتا نوکە شێلی بونا ئاڤێ گەهشتی یە ٢٣٠٠ پلەیان و ئەڤە ژی رێژەیەکا بلندە لەورا نوکە
ژی دا مە هێزا پروژێ ئاڤا زاخۆ کێم کری یە وئەڤ چەندە ژی دێ بیتە ئەگەر ئاڤ کێمتر ب وەلاتیان بهێتە دان هەتا کو ئاڤ ڤەگەریتە سەر رەوشا خوە یا جاران،پێدڤی یە ل سەر وەلاتیێن زاخۆ د ڤان روژان دا ئاڤێ کێمتر مەزێخن ژبەر کو وەکو روژانێن بوری ئاڤب وان ناهێتەدان،هەردەما رێژەیا شیلی بونا ئاڤا خابیری بگەهیتە سەر هزار پلەیان دا ئەم هێزا پروژەیی کێمتر دکەین بەلێ نوکە دا ئەو رێژەیە دو جارکی لێهاتیە لەورا نەچارین نوکە دا ئاڤا پروژەیێ زاخۆ کێمتر ژ روژقنێن دیتر ب وەلاتیان بدەین.
پارێزگه‌ها دهۆكێ چه‌ندین رێنمایێن نوو بۆ ئاسایكرنا كارێ بازرگانیێ دان
ئه‌ڤرۆ نیوز:
ژورا ئوپەراسیونا بەرھنگاربوونا ڤایرۆسێ کۆرۆنایێ ل پارێزگەھا دھۆک قوناغا 7 راگەھاند.
ژوورا ئوپراسیونا به‌رهنگاربوونا ڤایرۆسێ كورونایێ ل پارێزگه‌ها دهۆكێ رێ پێدان یا قوناغا هه‌فتێ بۆ ئاسایكرنا ره‌وشا باژێرێ دهۆكێ ده‌رخستن و دئه‌ڤێ رێ پێدانێ دا چه‌ندین جورێن دوكانێن بازاری دشێن ڤه‌كه‌ن.
د قوناغا هه‌فتیێ یا رێ پیدانێ ژلایێ پارێزگه‌ها دهۆكێ ڤه ده‌ركه‌تی 12 جورێن كاری هاتینه ده‌ست نیشانكرن بۆ ده‌ست ب كاربوونێ و هێدی هیدی قوناغ دیڤ قوناغێ ره‌وشا باژێری به‌ره‌ڤ ئاسای بوونێ ڤه دچیت.
په‌رله‌مانتاره‌ك: یاسا چاكسازیان ل هه‌ریما كوردستانێ گیرونه‌بوویه
ئه‌ڤرۆنیۆز، هه‌رهین محه‌مه‌د:
ئه‌ندامه‌كێ په‌رله‌مانێ كوردستانێ دیاركر كو یاسا چاكسازیان گیرو نه‌بوویه، به‌لێ خه‌لكی موچێن خوه دڤێن یا گرنگ ئه‌م دناڤ خوه دا یاسا چاكسازیێ جێبه‌جێ بكه‌ین، ئه‌و خه‌لكێ نوكه ل كوردستانێ ژموچه‌كی پتر وه‌ردگرن هه‌موو دێ هێنه برین ژبه‌ركو كریارا ژیان كرنێ ل كوردستانێ راوه‌ستیایه و فرۆتنا پترۆلێ گه‌له‌ك لاواز بوویه و ئاریشامه ل گه‌ل به‌عدا چاره‌سه‌رنه‌بوویه.
مه‌حسن دوسكی ئه‌ندامێ په‌رله‌مانێ كوردستانێ بۆ ئه‌ڤرۆ نیۆز دیاركر جێبه‌جێكرنا یاسا چاكسازیان گیرو نه‌بوویه و نوت روژان پشتی سه‌رۆكێ هه‌رێمێ ئیمزا دكه‌ت و به‌لاڤ دبیت پشتی وێ نوت رۆژان پێدڤیه بهێته جێبه‌جێكرن رێكارێن دروست، چونكو بۆ جێبه‌جێكرنا وێ ئه‌نجومه‌نێ وه‌زیران هنده‌ك مه‌رج و رێنمایان و كارنامه‌یان ده‌ركه‌ت داكو بشێن جێبه‌جیێ بكه‌ن، به‌لێ دڤی كاودانی دا پێدڤیه بله‌ز چونكو خه‌لكێ مه موچێن خوه دڤێن و دبینم ئه‌و كه‌سێن دو موچان، یان سێ مۆچان وه‌ردگرن بتنێ موچه‌كی بۆ بهێلن و یێن دی ژلایێ حكومه‌تا هه‌رێما كوردستانێ ڤه بهێنه برین و ئه‌و موچێن دی یێن مه‌زن كێم كه‌ن و حكومه‌ت ب دانه ل سه‌ر میزانیا خوه داكو موچێن دی پێ بده‌ن، چونكو ئه‌ڤرۆ ئه‌ڤ كاودانه یێن هندێ نینن خه‌لكێ مه به‌حسێ ئیمتیازان و خزمه‌تێ و باوه‌رنامێ بكه‌ن و یا پێدڤیه حكومه‌ت رێه‌كا به‌روه‌خت ب بینیت داكو موچه‌یی َخه‌لكی دابه‌ش بكه‌ن.
زێده‌تر گۆت: ڤایرۆسێ كورونایێ ئابوورێ هه‌موو جیهانێ ئێخستیه دمه‌ترسیێ دا كریارا بازرگانی و ژیانێ ل هه‌موو جیهانێ لاوازكریه و ئه‌ڤرۆ كه ژی ل هه‌رێما كوردستانێ مۆچێن خه‌لكی و داهاتێ كوردستانێ سێ ژێده‌ر هه‌نه ژێده‌رێ ئێكێ ئه‌و پارێ ژبه‌غدا دهێت بۆ موچه‌ی ژێده‌رێ دوێ داهاتێ ناڤخویی ده‌می َكوم ڤه دبیت ل وه‌زاره‌تا دارایی و دابه‌ش دبیت ژێده‌رێ سیێ فرۆتنا نه‌فتێ یه و هه‌رسێ ژێده‌رژی دمه‌ترسیێ دا یه و داهاتێ نافخو ژی نه‌مایه، چونكو باج و خه‌لك و كریارا ژیان كرنێ ل كوردستانێ راوه‌ستیایه و فرۆتنا نه‌فتێ د چ ره‌وش دایه گه‌له‌ك ئه‌رزان بوویه و بازارێ نه‌فتێ گه‌له‌ك یێ لاواز بووی و ئاریشامه ل گه‌ل به‌عدا چاره‌سه‌رنه‌بوویه و شاندێ مه ئه‌ڤه دوروژه ل وێری و ده‌ست ڤالا زڤرینه ڤه و بریاره جاره‌كا دی بچنه ڤه و ده‌ست ب دانوستاندان بكه‌نه ڤه هێشتا ژی گۆت: یا گرنگ ئه‌م دناڤ خوه دا یاسا چاكسازیێ جێبه‌جێ بكه‌ین، ئه‌و خه‌لكێ نوكه ل كوردستانێ ژموچه‌كی پتر وه‌ردگرن هه‌موو بهێنه برین و گه‌له‌ك ده‌رمالێن بێ یاسا ژی هه‌نه ئه‌و ژی دێ هێنه برین و دیسان ئه‌و رێكخستنێن پێشمه‌رگه‌ی بهێنه نوژه‌ن كرن ڤه، چونكو نه رونیه‌كا ب ناڤ و ژماریت فه‌رمانبه‌رو پێشمه‌رگه‌هان و گه‌له‌كێن دی ل كوردستانێ یا هه‌ی و پێدڤیه ب جدی ل سه‌ر بابه‌تی راوه‌ستن و باوه‌ردكه‌م دێ هاریكاریا مه‌كه‌ن.
شیعەیان رۆژا شەمبیێ وەك ئێکەم رۆژا هەیڤا رەمەزانێ راگەهاند
ئەڤرۆ نیوز:
پشتی وەلاتێ سعودی و بەرەیێ سوننی یێن وەلاتێن موسلمان رۆژا ئەینی ب ئێكەم رۆژا هەیڤا رەمەزانا ئەڤ سالە راگەهاندی، ئیرانێ و بەرەیێ شیعی دوسبە رۆژا شەمبیێ وەك ئێکەم رۆژا هەیڤا رەمەزانێ راگەهاند.
ب ڤێ چەندێ پشکەکا وەلاتێن ئیسلامی ب هێجەتا هندێ کو ئەڤ شەڤە هەیڤ ل ئەسمانی دا نەدیتیە، سوبەهی نەكریە رەمەزان، پشکەکا دیەر ژی ژ وەلاتێن ئیسلامی راگەهاندیە کو وان هەیڤ ل ئاسمانیدا دیتیە و سوبەهی كریە ئێكەم رۆژا رەمەزانێ، ئەڤە ژی د دەمەکێ دایە، کو هەموو سالان هەمان سیناریۆ و دابەشبوونا وەلاتێن ئیسلامی دووبارە دبیتەڤە.
ل عیراقێ وەقفا سوننی ئەینی وەكو ئێكەم رۆژا هەیڤا رەمەزانێ راگەهاند و عەلی سیستانی لێڤەگەرێ شیعان راگەهاندیە، کو رۆژا ئەینی رەمەزان نینە، بەلكو شەمبیێ ئێكەم رۆژا هەیڤا رەمەزانێ یە.
ئێدی عیراق گەنمی ژ دەرڤە نائینیت
ئەڤرۆ نیوز:
وەزیرێ چاندنا عیراقێ راگەهاند، پشتی 50 سالان و بۆ جارا ئێکێ عیراق گەنمی هاوردە ناکەت و ئامادەکاریان بۆ هنارتنا 850 هزار تەنێن جهی بۆ دەرڤەی وەلاتی دکەت.
سالح حوسنی، وەزیرێ چاندنا عیراقێ گوت، وەزارەتا چاندنێ ل سالا 2018 وەرە پلانەکا ستراتیژی دارشتیە بۆ دەستبەرداربوونا وەلاتی ژ ئینانا تۆڤی ب گشتی و گەنم و جهی ب تایبەتی، پێشبینیا ئەگەرێ داخستنا دەروازێن سنووری د هەر حالەتەکێ نەخواستی و ب لەز کریە.
هەروەسا گۆتیە، وەزارەتا وی کارکریە بۆ قەدەغەکرنا ئینانا 25 مادێن خوارنێ و تۆڤی، ئەڤە ژی ب ئەگەرێ پڕکرنا پێدڤیێن نافخۆ یێن عیراق و زۆربوونا بەرهەمێ نافخۆیی.
وەزیرێ چاندنا عیراقێ هێک وەکو نموونە ئیناینە و راگەهاندیە، پێشتر بەرهەمئینانا هێکان ل عیراقێ ژ 10% یا پێدڤیێن وەلاتیان پر دکر، بەلێ نوکە 90% یا پێدڤیێن هەموو عیراقێ پر دکەت، هەمان تشت بۆ جهی ژی کریە و ل حەفتیا بهێت دی دەست پێکەن ب هنارتنا 850 هزار تەنێن جهی بۆ دەرڤەیی عیراقێ.
لدووڤ گوتنێن سالح حوسنی، سیاسەتا سەرەکیا وەزارەتا چاندنێ ڤەگەراندنا باوەریێ یە بۆ جۆتیاران ب رێیا هاندانا وان بۆ کارێ چاندنێ، پشتەڤانیان وان، پێدانا شایستێن دارایی و قەدەغەکرنا ئینانا بەرهەمێ بیانی.
سەرۆکێ هەرێما کوردستانێ ب هەلکەفتا هاتنا هەیڤا رەمەزانێ پەیامەک بەلاڤکر
ئەڤرۆ نیوز:
ب هەلکەفتا هاتنا رەمەزانا پیرۆز، نێچیرڤان بارزانی سەرۆکێ هەرێما کوردستانێ پەیامەک بەلاڤکریە و تێدا هاتیە:
ب هەلکەفتا ھاتنا هەیڤا رەمەزانا پیرۆز، پیرۆزباهیێ ل موسلمانێن کوردستانێ، عیراقێ و جیھانێ دکەم. ھیڤیدارم ئەڤ هەیڤا پیرۆز ببیتە جهێ ب هێزکرنا تەبایێ، پێکڤه‌ژیانێ، لێبورینێ، خۆشتڤیاتیێ و گیانێ ھارکاریێ و زالبوون ب سەر گشت وان کۆسپێن دهێنە هەمبەری وەلاتێ مە.
خودایێ مه‌زن کوردستانێ بپارێزیت
پەیاما پیرۆزباهیێ یا سەرۆک بارزانی ب هەلکەفتا هاتنا هەیڤا رەمەزانێ
ئەڤرۆ نیوز:
سەرۆک بارزانی ب هەلکەفتا هاتنا هەیڤا رەمەزانا پیرۆز پەیامەک بەلاڤکریە و تێدا هاتیە:
بسم الله الرحمن الرحيم
(شهر رمضان الذي انزل فيه القرآن هدى للناس وبينات من الهدى و الفرقان).
– صدق الله العظيم-
ب هەلکەفتا هاتنا هەیڤا ره‌مه‌زانا پیرۆز، گه‌رمترین پیرۆزباهیان ل سه‌رجه‌م موسلمانێن جیهانێ ب گشتی و كوردستانێ و عیراقێ ب تایبه‌تی د‌كه‌م.
هیڤیدارم هاتنا هەیڤا رەمەزانێ، ببیته مایه‌یێ خێر و خۆشیێ بۆ گه‌لێ كوردستانێ و عیراقێ و هەموو مرۆڤایەتیێ و دووماهی هاتنا نەخۆشیان و ئاسایبوونا ژیانێ.
هەروەسا دووماهی هاتنا تیرۆرێ و تووندرەویێ و بەلاڤبوونا ئاشتی و پێکڤەژیانێ و ئاسوودەیێ بۆ هەموو مرۆڤایەتیێ.
نيشاندان
WP Facebook Auto Publish Powered By : XYZScripts.com