ئەڤرۆ نیوز:
ئەڤرۆ ئەینیێ د. عەبدوللا سالح محەمەد، ئێک ژ نۆشدارێن دێرینێن پارێزگەها دهۆکێ، کو تایبەتمەندێ نشتەرگەریا گشتی بوویە وەغەر کریە.
نۆشدارەکێ دێرینێ دهۆکێ وەغەر کر
نووترين نووچه
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
- هەتا نوكە پێنج هەڤپەیمانی بۆ هەلبژارتنێن بهێن یێن ئیراقێ یێن هاتینە تۆماركرن
- كـلارا عـودیـشۆ: پـترییا كـریـستییانـێن ئـیراقێ چـووینـە ژ دەرڤـە
- سەرۆك بارزانی دوپاتیێ ل پێكڤەژیانێ د ناڤبەرا پێكهاتەیێن ئیراقێ دا دكەت
- نێچیرڤان بارزانی: سری سورەییا ئۆندەر نموونەیەكێ بلند یێ ئاشتیخوازیێ و مرۆڤپەروەریێ نیشادا
- ب ڕاگرتنا هنارتنا پەترۆلا هەرێمێ ئیراق دخوازیت زیانێ ل كۆمپانیێن ئەمریكی بدەت
- هەلبژارتنێن ڤێ جارێ دێ گوهۆڕینان ل ئیراقێ پەیداكەن
سهرهكى Facebook
حوكمه‌ت دێ قوتابیێن كورد ل روسیا و ئه‌رمینیا ڤه‌گه‌رینیت
ئه‌ڤرۆنیۆز، سالار دۆسكی:
سه‌رۆكێ لژنا په‌یوه‌ندیێن ده‌رڤه ل په‌رله‌مانێ كوردستانێ ئاشكراكر كو نوكه كارێ ل سه‌ر زڤراندنا قوتابیێن كورد ل هه‌ر دو وه‌لاتێن(روسیا، ئه‌رمینیا) دهێته‌كرن بۆ كوردستانێ.
د. رێبوار بابكه‌ی سه‌رۆكێ لژنا په‌یوه‌ندیێن ده‌رڤه و چاندا كوردی ل ده‌رڤه ل په‌رله‌مانێ كوردستانێ، رۆژا ئه‌ینی 17ی نیسانێ بۆ ئه‌ڤرۆ نیۆز گۆت: ماوێ 20 روژانه به‌رده‌وام خه‌لكێ مه ل ده‌رڤه په‌یوه‌ندیێ ب مه دكه‌ت، ل ده‌رڤه نه و ژبه‌ر گرتنا رێكان نه‌شێن قه‌ستا كوردستانێ بكه‌ن و باراپتر ئه‌ف خه‌لكه قوتابی بووینه و ل وه‌لاتێن( قوربص، توركیا، ئه‌رمینیا، روسیا) ب هه‌فكاریا وه‌زاره‌تا نافخو و فه‌رمانگه‌ها په‌یوه‌ندیێن ده‌رڤه شیاین (600) قوتابیان ژ وه‌لاتێ توركیا (300) قوتابیان ل وه‌لاتێ قوربص ڤه‌گه‌رینه كوردستانێ و بهێنه كه‌رنتیكرن، ب سوپاسی هاتنا ئه‌ڤان قوتابیان ل سه‌ر ئه‌ركێ حوكمه‌تێ بووینه.
هه‌مان ئه‌ندامێ په‌رله‌مانی ئه‌و ژی ئاشكراكر كو نوكه كاری ل سه‌ر زڤراندنا قوتابیێن كوردستانێ ئه‌وێن ل وه‌لاتێن (ئه‌رمینیا، روسیا) دخوینن دكه‌ن بۆ زڤراندنێ، چنكو دزانین ره‌وشا هه‌رێما كوردستانێ ژ ڤایرۆسێ كورونایێ ئێمناهی تره، زێده‌باری خه‌لك مه هه‌یه ل وه‌لاتێ(هندستانێ) كارێ ل سه‌ر دهێته‌كرن كو ڤه‌گه‌رانه كوردستانێ.
د. رێبوار بابكه‌ی ئه‌وژی ئاشكراكر كو هه‌ژمارا قوتابیێن كورد ل ئه‌رمینیا(200) روسیا هێشتا هه‌ژمار نه گه‌هشتیه مه، ب هیڤی نه وه‌ك پێشتر حوكمه‌تا هه‌رێمێ دێ زڤراندنا ئه‌وان قوتابیان ب ستویێ خوه ڤه گریت.
ئه‌ندامه‌كێ شانه‌یا قه‌یرانێن عیراقێ: ده‌سپێكرنا گه‌شتان گرێدایی ئاستێ كۆنترولكرنا كورونایێ ڤه یه
ئه‌ڤرۆ نیوز:
ئه‌ندامه‌كێ شانه‌یا قه‌یرانێن عیراقێ ل سه‌ر ده‌ستپێكرنا گه‌شتێن ئاسمانی راگه‌هاند: ده‌ستپێكرنا گه‌شتان گرێدایی ب ئاستێ ڤایرۆسێ كورونایێ ڤه‌یه ل وه‌لاتان.
ریاز هه‌بدلئه‌میر رێڤه‌به‌رێ گشتی ل وه‌زاره‌تا ساخله‌میا حكومه‌تا عیراقێ راگه‌هاند: نوكه چ وه‌لات ل جیهانێ نه‌شین ده‌می دیار بكه‌ن بۆ ڤه‌كرن و ده‌سپتێكرنا گه‌شتێن ئاسمانی، ده‌ستپیكرنا گه‌شتین ئاسمانی گرێدایی ئاستێ كۆنترولكرنا كورونایێ ڤه هه‌یه ل هه‌موو جیهانێ.
ریڤه‌به‌رێ گشتی ل وه‌زاره‌تا ساخله‌میا حكومه‌تا عیراقێ ئه‌و چه‌نده ژی راگه‌هاند لگۆری رێنمایان تانوكه ب تنێ رێك دهێته دان ب وه‌لاتیێن عیراقی كۆ ل ده‌رڤه‌ی وه‌لاتی نه و دڤێن ڤه‌گه‌رنه ڤه، ل ده‌مێن بهێت پێشوازیكرن ل شاندێن وه‌لاتان ل سه‌ر بنه‌مایێ ئاستێ كۆنترولكرنا كورونایێ ل وی وه‌لاتی دبیت.
ل رۆژا 17 ئادارێ یا ئیسال پشتی ده‌ركه‌ڤتنا ڤایرۆسێ كورونایی ل عیراقێ و وه‌لاتێن هه‌ڤسی ب بریارا وه‌زاره‌تا ناڤخۆ ته‌ڤایا گه‌شتیێن ئاسمانی یێن عیراقێ تا ده‌مه‌كێ نه‌دیار هاتنه راوه‌ستاندن.
وه‌زاره‌تا خاندنا بلند دێ قوتابیێن ده‌رڤه‌ی هه‌رێمێ ڤه‌گه‌رینیت
ئه‌ڤرۆ نیوز:
وه‌زاره‌تا خاندنا بلند و ڤه‌كۆلینێن زانستی یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، كۆ ئه‌و قوتابیێن هه‌رێما كوردستانێ ژده‌رڤه‌ی وه‌لاتی دخوینن و هه‌تا نوكه نه‌ڤه‌گه‌ریاینه خو به‌رهه‌ڤ بكه‌ن بۆ ڤه‌گه‌راندنێ.
د راگه‌هاندنا وه‌زاره‌تا خاندنا بلند و ڤه‌كۆلینێن زانستی دا هاتیه كۆ ئاگه‌هداریا ته‌ڤایا قوتابیێن كۆ ل ده‌رڤه‌ی وه‌لاتی نه و نه‌ڤه‌گه‌ریانه پێدڤیه ده‌مێن خۆ لگۆری خشته‌یێ هه‌ڤ پێچ رێك بێخن ب مه‌به‌ستا ئه‌نجامدانا به‌رهه‌ڤكاریێ و ئاماده‌بوونا وان ل باله‌فرخانه‌یێن ئه‌وان وه‌لاتان ڤه‌گه‌راندنا وان بۆ هه‌رێما كوردستانێ.
شانده‌كێ جڤاتا نوونه‌رێن عیراقێ گه‌هشته هه‌ولێرێ
ئه‌ڤرۆ نیوز:
شانده‌كێ شانه‌یێن قه‌یرانان یا جڤاتا نوونه‌رێن عیراقێ گه‌هشته هه‌ولیڕا پایته‌ختا هه‌رێما كوردستانێ.
شاند ئه‌ڤرۆ سپێدێ ب سه‌رۆكاتیا حه‌سه‌ن كه‌عبی جێگرێ ئێكێ یێ سه‌رۆكێ جڤاتا نوونه‌رێن عیراقێ گه‌هشته هه‌ولێرێ.
شاند دێ ل گه‌ل به‌رپرسێن حكومه‌تا هه‌رێما كوردستانێ پرسا ره‌وشا هه‌رێما كوردستانێ و پرۆسه‌یا ریب ری بوونا ڤایرۆسێ كورونایێ دانوستانێ كه‌ن.
قۆناغا پێنجێ یا ئاسانکاریان ل دهۆکێ هاتە راگەهاندن
خاچا سۆر: رۆژهەلاتا ناڤین دێ روو ب روو قەیرانێن جڤاکی و ئابووری بیت
ئەڤرۆ نیۆز:
رێکخراوا خاچا سۆر یا نێڤدەولەتی داخوازا هاریکاریێ بۆ وان وەلاتێن رۆژهەلاتا ناڤین دکەت، یێن کو ل سالێن بوری شەر و ئالۆزی تێدابوویە، بۆ هندێ دابشێن روو ب روو کۆرۆنا یێ و کاریگەریێن وێرانکاریێ ببن.
فابریزیۆ کاربۆنی، رێڤەبەرێ لقێ رۆژهەلاتا ناڤین یا لژنا نێڤدەولەتی یا خاچا سۆر یا نێڤدەولەتی گۆتیە، نوکە رۆژهەلاتا ناڤین روو ب روو دو هێرشان بوویە، کو پێکهاتیە ژ هێرشا بەلاڤبوونا کۆرۆنا یێ ل وان دەڤەرێن شەر تێدا ل گەل هێرشا تێکچوونا وارێ جڤاکی و ئابووری، دبیت ڤان هەردو قەیرانا کاریگەریەکا مەزن یا مرۆڤاتیێ هەبیت.
هەروەسا گۆتیە، دبیت کۆرۆنا ببیتە بیڤەلەرزەکا جڤاکی و ئابووری یا جیهانی و کاریگەریا ڤێ بیڤەلەرزێ دێ ل وان دەڤەران پتر دەرکەڤیت، کو شەر تێدابوویە، هەر نوکە ب ملیۆنان کەس ل وان دەڤەران کێشا کێمیا خوارنێ، ئاڤێ و کارەبێ، خرابیا سیستەمێ ساخلەمیێ و بلندبوونا بهایێ پێدڤیان هەیە و وان ژێدەرێ ژیان و ژێرخانێ ژ دەستدایە، نوکە نیڤا سازیێن ساخلەمیێ ل سووریا و یەمەنێ د چالاک نینن و 40 ملیۆن کەس ژ خەلکێ عیراقێ، سووریا و یەمەنێ پێدڤی ب هاریکاریێن مرۆڤی هەیە، هەکە هاریکاری نەگەهنی دێ کارەسات روودەن.
وەزارەتا ساخلەمیێ: دو حالەتێن نوو یێن کۆرۆنا یێ ل سلێمانیێ هاتنە تۆمار کرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، دو توشبوو یێن دی یێن کۆرۆنا یێ ل سلێمانیێ هاتنە تۆمار کرن، کو سەرەدانا دەرڤەی هەرێمێ کربوون، ب ڤێ چەندێێ هژمارا توشبوویێن هەرێمێ گەهشتە ٣٣٧ کەسان.
ئەڤرۆ پێنجشەمبی، وەزارەتا ساخلەمیا هەرێما کوردستانێ راگەهاند، د بەردەوامیا پشکین و لێگەریانێ لدووڤ گۆمانلێکریان، دو توشبوویێن دی ب ڤایرۆسێ کۆرۆنا یێ ل سلێمانیێ هاتنە دەست نیشانکرن.
هەروەسا گۆتیە، هەردو توشبوویی خۆجهێن سلێمانیێ نە، ئێک ژ وان ژنەکا ١٢ سالیە و یێ دیتر زەلامەکێ ٢٥ سالیە و پێشتر سەرەدانا وەلاتێ قوبرس کربوون.
وەزارەتا ساخلەمیێ گوژمێ وی پارێ ژ بەغدا گەهشتیە هەرێمێ ئاشکرا دکەت
ئەڤرۆ نیوز:
وەزیرێ ساخلەمیا هەرێما کوردستانێ راگەهاند، بەغدا سێ ملیار و نیڤ دینار وەک هاریکاری بۆ بەرهنگاربوونا کۆرۆنا یێ بۆ هەرێمێ ڤرێکرینە و دبێژیت، ل بەرچاڤ گرتنا رێنمایێن ساخلەمیێ چەندین جهـ دێ هێنە ڤەکرن.
ئەڤرۆ پێنجشەمبی، سامان بەرزنجی وەزیرێ ساخلەمیا هەرێما کوردستانێ د کۆنفرانسەکێ رۆژنامەڤانی دا راگەهاند، ئەو بودجێ وەزارەتا دارایا عیراقێ بۆ هەرێمێ تەرخانکری بۆ بەرهنگاربوونا کۆرۆنا یێ، کو کۆژمێ سێ ملیار و نیڤ دینارێن عیراقینە ژ بەغدا گەهشتینە هەرێمێ، بۆ هەر ئێک ژ پارێزگەهێن هەولێر، سلێمانی، دهۆکێ ملیارەک بیت و نیڤ ملیار ژی دێ بۆ وەزارەتا ساخلەمیێ بیت.
هەروەسا گۆتیە ژی، د دەمێن داهاتی دا دێ چەند خزمەتکاریێن دیتر هێنە ڤەکرن و ل بەرچاڤ گرتنا رێکار و رێنمایێن ساخلەمیێ، کو ئەو ژی پێکدهێن ژ خزمەتکاریێن ڤاکسینا و چارەسەریێن نەخۆشیێن دۆمدرێژ و چاڤدێریا ساخلەمیا دەستپێکی ل بنگەهێن ساخلەمیێ دا.
وەزارەتا ساخلەمیا تورکیا: 125 کەسێن دیتر ب کۆرۆنا یێ گیانێ خوە ژ دەستداینە
ئەڤرۆ نیوز:
وەزیرێ ساخلەمیا تورکیا راگەهاند، ژ ئەگەرێ کۆرۆنا یێ ئەڤرۆ 125کەسان گیانێ خوە ژ دەست دایە، هەروەسا هەتا نوکە ل تورکیا 1643 کەسان ب کۆرۆنا یێ گیانێ خوە ژ دەست دایە، دیسان د دەمێ 24 دەمژمێرێن بوری دا 4801 کەس توشی کۆرۆنا یێ بووینە، سەرجەمێ گشتی یێ توشبوویێن کۆرۆنا یێ ل تورکیا گەهشتە 74 هزار و 193 کەسان.
نيشاندان
WP Facebook Auto Publish Powered By : XYZScripts.com