ئەڤرۆ نیوز:
فرۆکێن تورکیا کەمپا مەخموور بوردومان دکەن و ل گۆر چەندین ژێدەرێن میدیایی د ئەنجاما بوردومانا فرۆکێن تورکیا دا چەندین کەس بووینە قوربانی.
فرۆکێن تورکیا کەمپا مەخموور بوردومان دکەن
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
رۆژا ژینگه‌ها كوردستانێ ب ده‌ركرنا به‌یاننامه‌كێ دهێته ساخكرن
ئه‌ڤرۆنیۆز، سالار دۆسكی:
ل دووڤ گۆتنا رێڤه‌به‌رێ فه‌رمانگه‌ها ژینگه‌ها دهۆكێ ئه‌فساله رۆژا ژینگه‌هێ ناهێته ساخكرن و بتنێ ده‌سته‌یا گشتی دێ به‌یاننامه‌كێ ده‌ركه‌ت.
محه‌مه‌د تاهر سه‌لاح الدین بریفكانی، رێڤه‌به‌رێ فه‌رمانگه‌ها ژینگه‌ها دهۆكێ بۆ ئه‌ڤرۆ نیۆز ئاشكراكر كو ئه‌ڤساله رۆژا ژینگه‌ها كوردستانێ ناهێته ساخكرن كو دكه‌ڤیته 16ی نیسانێ یا هه‌ر ساله‌كێ و ئه‌گه‌ر ژی هاتنا ڤایرۆسێ كورونایه.
رێڤه‌به‌رێ فه‌رمانگه‌ها ژینگه‌هێ ل دهۆكێ ئه‌و ژی دیاركركو پلان بۆ ئه‌ڤساله هاتبوو دانان كو چه‌ندین چالاكی بڤێ هه‌لكه‌فتنێ بهێنه ئه‌نجامدان و كۆمبوون ل گه‌ل ده‌سته‌یا ژینگه‌ها كوردستانێ هاتبوونه‌كرن و هه‌ر فه‌رمانگه‌هه‌كێ به‌رنامێ خوه دانابوو لێ راوستاندنا ده‌واما و هاتنا ڤی ڤایرۆسی هه‌موو بزاڤێن فه‌رمانگه‌هێ راوستانداینه.
رێڤه‌به‌رێ هه‌مان فه‌رمانگه‌هێ ئه‌و یەک ژی ئاشكراكر كو كارێ فه‌رمانگه‌هێ گرێدایی ناڤ وه‌لاتیان بووینه و ژ به‌ر نه‌خوشیێ هاتینه راوستاندن و بتنێ دێ ئه‌ڤرۆ په‌یامه‌ك ژ ده‌سته‌یا ژینگه‌هێ هێـته به‌لاڤه‌كرن و چ چالاكیێن دی نابن.
کارەبا گشتی دێ زێدەتر لێ هێت
ئەڤرۆ نیوز:
ئومێد محەمەد رێڤەبەرێ کۆنترۆلا کارەبێ ل هەرێما کوردستانێ راگەهاند کو ل مەها چار دەمژمێرێن کارەبا نشتیمانێ دێ پتر لێ هێت و بەری نها د شەڤ و رۆژەکێ دا پتر ژ ١٥ دەمژمێرێن کارەبێ هەبوون نها بوویە ١٨ دەمژمێر و دێ پتر ژی لێ هێت.
ناڤهاتی ئەو یەک ژی دیار کر کو ژ بەر قەدەغەیا هاتنوچوونێ ل مەها سێ رەوشا کارەبێ باشتر لێ هاتیە، هەر چەند دو پێلێن سەرمایێ هەبوون لێ دیسان رەوشا کارەبێ باش بوو و دێ ل مەها چار باشتر ژی لێ هێت و رەنگە پتر ژ ١٨ دەمژمێران کارەب بۆ وەلاتیان بهێتە دابینکرن.
شاندەکێ هەرێمێ دێ سەرەدانا بەغدا کەت
ئەڤرۆ نیوز:
سامر غەزبان وەزیرێ پەترۆلا عیراقێ راگەهاند کو وەلاتی وی پایبەندە ب بریارا ئۆپێک و ئەندامێن دی یێن بەرهەمئینانا پەترۆلێ بۆ کێمکرنا بەرهەمئینانا پەترۆلێ کو بەری نها وەلاتێن ئەندامێن ئۆپێک و یێن دی بریارا هندێ دابوون.
ناڤهاتی ئەو یەک ژی دیار کر کو ژ بۆ بابەتێ پەترۆلێ دێ شاندەک ژ هەولێرێ سەرەدانا بەغدا کەت دا ل دۆر بابەتێ چاوانیا کێمکرنا بەرهەمئینانا پەترۆلێ هەر دو ئالی دانوستاندنان بکەن.
فوئاد حسێن ل كابینا كازمی دا نابیت
ئه‌ڤرۆنیۆز، سالار دۆسكی:
ئه‌ندامه‌كا په‌رله‌مانێ عیراقێ ئاشكراكر كو دهێته چاڤه‌رێكرن هه‌موو وه‌زیرێن كابینا پێشوو یا حوكمه‌تا عیراقێ ژ پشكا كوردان بهێنه گوهورین، هه‌كه پێداگری ژی ل سه‌ر بهێته‌كرن، ره‌نگه ده‌نگێن پێدڤی ل په‌رله‌مانی ب ده‌ست ڤه نه‌ئینن.
ئه‌ڤرۆ چارشه‌مبی 15ی نیسانێ، خانم هەدار بارزانی، ئه‌نداما په‌رله‌مانێ عیراقێ ژ فراكسیۆنا پارتی دیموكراتی كوردستان تایبه‌ت بۆ ئه‌ڤرۆ نیۆز گۆت: مسته‌فا كازمی دیاركریه كو كابینا خوه یا ته‌مامكری و ده‌ست ب كومبوونان كریه ل گه‌ل ئالیێن سیاسی، به‌لێ هه‌تا نوكه ب فه‌رمی ل گه‌ل ئالیێن سیاسی ل كوردستانێ كومبوون ئه‌نجام نه‌دایه.
هه‌مان ئه‌ندام گۆت ژی: پشكا كوردان ل كابینا پێشوو حوكمه‌تا عیراقێ سێ وه‌زاره‌ت بووینه ئه‌و ژی (دارایی، داد، ئاڤه‌دانكرن) باوه‌ر ناكه‌م هه‌ر ئه‌و كه‌ساتیێن پشكا كوردان ل هه‌مان كابینه‌دا بهێنه‌دانان چونكو هه‌تا پێداگری ل سه‌ر بهێته‌كرن ره‌نگه ده‌نگێن پێدڤی ل په‌رله‌مانی نه‌ئینن تایبه‌ت وه‌زیرێ دارایی و ئابووری د.فوئاد حسێن چنكو ئالیێن شیعی گه‌له‌ك دژاتیا وی دكر و تایبه‌ت ده‌مێ هنارتنا پشكا بۆدجا هه‌رێما كوردستاتێ، هه‌مان ده‌م بێژم ئه‌وی چ سه‌رپێچیێن نه‌قانوونی نه ئه‌نجامدابوون چنكو ل دووف قانوونا بودجا 2019 دچوو.
هه‌مان ئه‌ندام ئه‌و ژی خۆیاكر كو راسته هه‌تا نوكه 250 هزار به‌رمیلێن په‌ترۆلێ رادستی كومپانیا سومو نه‌هاتینه‌كرن به‌لێ به‌رامبه‌ر ئه‌وێ رێژێ حوكمه‌تا عیراقێ بۆدجا هه‌رێما كوردستانێ دبری.
فرۆکێن تورکی گوندێ هەترشێ بومبە باران کر
مسته‌فا كازمی: كابینا نوو یا حكومه‌تا عیراقێ ته‌مام بوویه
ئه‌ڤرۆ نیوز:
سه‌رۆك وه‌زیرێ راسپاردی بۆ پێك ئینانا حكومه‌تا نوو یا عیراقێ راگه‌هاند: كابینا نوو یا حكومه‌تێ ته‌مامكریه و بۆ ئه‌وێ چه‌ندێ ل جڤاتا نوونه‌رێن عیراقێ باوه‌ری پێ بهێته‌دان.
مسته‌فا كازمی سه‌رۆك وه‌زیرێ راسپاردی بۆ پێك ئینانا حكومه‌تا نوو یا عیراقێ راگه‌هاند پشتی هه‌فتیه‌كێ ژ راسپاردنا وی بۆ پێك ئینانا كابینا حوكمه‌تێ ته‌مامكریه و نوكه د دانوستاندنێ دایه ل گه‌ل لایه‌نان ژبوی ره‌زامه‌ندیێ ل سه‌ر كابینا حكومه‌تا وی بده‌ن، تا ل جڤاتا نوونه‌ران باوه‌ری پێ بهیته‌دان.
راسپاردیێ پێك ئینانا حكومه‌تا نوو یا عیراقی ئه‌و چه‌نده ژی راگه‌هاند: كارێن ده‌ستپێكی یێن من دێ دانوستاندنێ ل گه‌ل ئه‌مریكا بیت سه‌باره‌ت هه‌بوونا سه‌ربازێن وێ ل عیراقێ كۆ عیراق گوره‌پانه‌ك نینه بۆ ئێكلایكرنا حساباتان، هه‌روه‌سا دانوستاندنه‌كا نیشتمانی یا راسته‌قینه دناڤبه‌را ته‌ڤایا پێكهاتێن عیراقێ ساز بكه‌ین، كۆ بۆ ده‌مێ چه‌ند سالانه هه‌بوونا وێ نینه، ب ئارمانجا تێگه‌هه‌كێ نیشتمانی دروست بكه‌ین و تاكۆ ب شیێن سازیێن ده‌وله‌تێ ئاڤا بكه‌ین.
مسته‌فا كازمی ئه‌و چه‌نده ژی دازانین چ بژارده هه‌مبه‌ری مه نینن ژبلی پرۆژه‌یه‌كێ نیشتمانی یێ عیراقی كۆ دوور بیت ژ ره‌گه‌زپه‌رستی و مه‌زهه‌بیێ.
رۆژا 9 نیسانێ یا سالا 2020 سه‌رۆكاتیا كۆمارێ عیراقێ مسته‌فا كازمی سه‌رۆكێ ده‌زگه‌هێ هه‌والگریا نیشتمانی بۆ پێك ئینانا حكومه‌تا نوو راسپارد.
پێنج گەریلایێن پەکەکە ب ئەگەرێ بوردۆمانا تورکیا بوونە قوربانی
ئەڤرۆ نیۆز، قائید میرۆ:
نیڤرۆیا ئەڤرۆ فڕۆکەیێن شەڕکەرێن تورکیا ھژمارەک بنکە و بارەگایێن پەکەکێ ل سنورێ قەزا رواندز کرنە ئارمانج و گورەی زانیاریێن ئەڤرۆ نیۆز ھژمارەک چەکدارێن پەکەکێ بووینە قوربانی.
کویستان ئەحمەد، قایمقاما رواندز بۆ ئەڤرۆ نیۆز دیارکر” شەڤا بۆری فڕۆکەیێن تورکیا ل زینیا وەرتێ ھژمارەک بارەگایێن پارتا کرێکارێن کوردستانێ پەکەکێ کرنە ئارمانج، ئەڤرۆ دیسان نیڤرۆ زینیا وەرتێ ھاتە بوردۆمانکرن ژلایێ تورکیاڤە و بوردۆمان تنێ ٢٠٠ میترا ل بارەگایێ ھێزەکا پێشمەرگەی یا سەر ب لیوا حەفت دووربوویە.
قایمقاما رواندز ئاشکراکر” پێشمەرگەی چو زیان نەبووینە، بەلێ دەمژمێر ١٢ی نیڤرۆ جارەکادی فڕۆکەیێن تورکیا بنکە و بارەگایێن پەکەکێ ل چیایێ ھەلاموول کرینە ئارمانج و زیانێن پەکەکێ بۆمە دیارنەبووینە. ژلایێ خۆڤەژی ژێدەرەکێ ئاگەھدار ل دەڤەرێ بۆ ئەڤرۆ نیۆز گۆت” د بوردۆمانا شەڤا بۆری دا تنێ ئێک چەکدارێ پەکەکێ برینداربوویە، بەلێ ب ئەگەرێ بوردۆمانا ئەڤرۆیا زینیا وەرتێ پێنج چەکدارێن پەکەکێ بووینە قوربانی و پێشبینی دھێتەکرن ئێک ژ قوربانیێن پەکەکێ سەرکردەبیت.
وه‌زاره‌تا ساخله‌میاعیراقێ: هێشتا مه‌ترسیێن ڤایرۆسێ كورونایێ ماینه
ئه‌ڤرۆ نیوز:
وه‌زاره‌تا ساخله‌می و ژینگه‌ها عیراقێ راگه‌هاند: هێشتا مه‌ترسیێن ڤایرۆسێ كورونایێ ماینه و پێدڤیه وه‌لاتی هه‌تا ب ته‌مامی ئه‌و ڤایرۆس ژ ناڤ دچیت پێگیر بن ب بریار و رێنمایێن خۆپاراستنێ.
سه‌یف به‌در په‌یڤدارێ وه‌زاره‌تا ساخله‌میا حكومه‌تا عیراقێ راگه‌هاند: نوكه كۆنترۆلكرن و رێگرتن ژ به‌لاڤبوونا ڤایرۆسێ كورونایێ به‌ره‌ڤ سه‌ركه‌فتنه‌كا مه‌زن دچین، به‌لێ پێدڤیه پێگیربوونا وه‌لاتیان رێنمایان به‌رده‌وام بیت تاكۆ ب ته‌مامی كۆنترۆلا ڤایرۆسی بهێته‌كرن، چونكو هێشتا مه‌ترسیێن وێ ماینه.
په‌یڤدارێ وه‌زاره‌تا ساخله‌میا حكومه‌تا عیراقێ ئه‌و چه‌نده ژی راگه‌هاند: نوكه جهێن باش مه‌هه‌نه بۆ ڤه‌حه‌واندن و چاڤدێریكرنا ته‌ڤایا توشبوویێن ڤایرۆسێ كورونایێ، به‌لێ هه‌كه ڤایرۆس ب شێوه‌یه‌كێ به‌رفره‌هـ به‌لاڤ ب بیت دێ بیته ژناڤچوونا كه‌رتێ ساخله‌میێ و دشیانێن مه‌دا نابیت وێ ژمارا زۆرا توشبوویان وه‌ربگرین و چاره بكه‌ین، باشترین چاره‌سه‌ری بۆ ڤایرۆسێ كورونایێ، بجهكرنا پێنگاڤێن خوپارێزی و گرنگیدان ب پاقژیێ و دیر كه‌فتن ژ جهێن قه‌ره‌بالغه.
لگۆری دوماهی ئامارێن وه‌زاره‌تا ساخله‌میا حكومه‌تا عیراقێ 1400 توشبوویێن ڤایرۆسێ كورونایی هاتینه توماركرن كۆ 78 كه‌س ژی ب ڤایرۆسێ كورونایێ مرینه و 766 كه‌س ژی كۆ هه‌لگرێن ڤایرۆسی بوون باش و ساخ بوویه و نه‌خوشخانه بجهـ هێلاینه.
توشبوویێن كورونایێ ل جیهانێ ژ دو ملیۆن كه‌سان ده‌رباز بوو
ئه‌ڤرۆ نیوز:
لگۆری دوماهی ئامار، توشبوویێن ڤایرۆسێ كورونا ل جیهانێ گه‌هشتیه دو ملیۆن و 8251 حاله‌تان.
لگۆری ئامارێن جیهانی تاكو نها ژماره‌یا توشبوویێن كورونایێ ل جیهانێ گه‌هشته دو ملیۆن و هه‌شت هزار و دوسه‌د و پێنجی و ئێك كه‌سان و ژ وێ ژماره‌یێ ژی سه‌د و بیست هه‌فت هزار و سه‌د شێستو هه‌شت كه‌س مرینه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوویێ ب ڤایرۆسێ كوروناێ تێدا هاتیه توماركرن، كۆ گه‌هشتیه شه‌ش سه‌د و چار هزار كه‌سان، و بیست و شه‌ش هزار و شێستوچار كه‌س ژی مرینه.
ڤایرۆسێ كورونایێ نه‌خوشیه‌كا جیهانی یه و هه‌یڤا 12 یا سالا بوری ل باژێرێ ئوهان یا چینێ سه‌رهلدا و نوكه زێده‌تری 200 وه‌لاتێن جیهانێ به‌لاڤ بوویه.
نيشاندان
WP Facebook Auto Publish Powered By : XYZScripts.com