ئەڤرۆ نیوز:
رێڤەبەرێ گشتی یێ ساخلەمیا سلێمانیێ راگەهاند، پێنج تووشبوویێن دیتر یێن کۆرۆنا یێ چێبوون و بۆ مال هاتینە رەوانەکرن، ب ڤێ چەندێ هەتا نوکە 101 تووشبوویێن کۆرۆنا یێ ل سلێمانیێ چێبووینە.
ئەڤرۆ نیوز:
رێڤەبەرێ گشتی یێ ساخلەمیا هەولێرێ چێبوونا 22 تووشبوویێن دیتر یێن کۆرۆنا یێ راگەیاند و گۆتیە، بریار هاتیە دان ڤرێکەنە مال.
د. دلۆڤان محەمەد فاتح جەلال، رێڤەبەرێ گشتی یێ ساخلەمیا هەولێرێ دیار کر: ئەڤرۆ ۱۳ نیسانا ۲٠۲٠ ل هەولێرێ (۲۲) تووشبوویێن دیتر یێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام یێ جێگیرە، هەتا نوکە هژمارا چێبوویان ل هەولێرێ گەهشتیە (۷٤) کەسان.
ئهڤرۆ نیۆز، سالار دۆسكى:
سهرۆكێ سهندیكا زێرنگرێن كوردستانێ تایێ دهۆكێ ئاشكراكر كو ههموو زێرنگرێن بازارى كریا دوكانێن خوه پێشتر داینه خودانێن مولكى، ئهڤه دهمهكى دا كو كریێن خوه سالانه د دهن نهكو ههیڤانه.
شێخ عهبدوسهلام، سهرۆكێ لقێ دهۆكێ یێ كومهلا زێرینگرێن كوردستانێ بۆ ئهڤرۆ نیۆز گۆت: ڤهكرنا دوكانێن زێرى دێ ب بریارهكا حوكمهتا ههرێما كوردستانێ بیت و چاڤهرێى 16 ههیڤێ دكهین كو دووماهى موولهته بۆ قهدهغهكرنا هاتنوچوونێ و ههتا نوكه دهنگ و باسێن ڤهكرنا بازارێ زێرنگران نینه.
هێشتا گۆت: نوكه بهایێ زێرى گران بوویه و گرام ب 56 هزار و نیڤایه، بهایێ زێرى گرێدایه ب بازارێ جیهانى ڤه و هیڤى خواست ژیان وهك پێشتر ڤهگهریته ڤه و خهلكێ بچیته سهر كارێن خوه.
ئەڤرۆ نیوز، زنار تۆڤی:
هێمن سلێمان بەرپرسێ راگەهاندنا پۆلیسێن پارێزگەها دهۆکێ بۆ ئەڤرۆ نیوز دیار کر: ئەڤرۆ سێشەمبی 13.4.2020 ل تاخێ کێڤلا ل پارێزگەها دهۆکێ گەنجەکێ 20 سالی گیانێ خوە ژ دەست دایە، لدووڤ زانیاریان ئەڤرۆ ئەو گەنجە ل گەل چەند هەڤالان چوویە چیایی، لێ د چیایی دا کەفتیە و ئێکسەر گیانێ خوە ژ دەست دایە.
ئهڤرۆ نیوز:
چاڤهرێ دهێتهكرن ل ڤهگوهاستنێن بهێت ئوبامیانگ ستێرا گابونى و یانا ئهرسینال پێكهاتیێ یانا خوه ب جه بهێلت و بهر ب یانهكا نوو ڤه بچیت .
رۆژناما سپورت یا ئیسپانى ئاشكرا كریه بهرپرسێن یانا بهرشهلۆنا د ڤى دهمى دا هزر ل ئینانا ئوبامیانگ نهكریه بتنێ نوكه هزر ل ئینانا هێرشبهرێ ئهنتر میلان لاوتارو مارتینیز كریه .
ههردیسان ئهوێ رۆژنامێ ئاشكرا كریه ژى وى ستێرا ئهرسینال نوكه دو داخوازیێن فهرمى ل بهر دهستێ وى نه ئهوژى ژ یانا ئهنتر میلان یا ئیتالى و پاریس سانجێرمان لێ یاریزان چاڤهرێ خهونا خوه یه ئهوژى ههڤبهستێ ل گهل بهرشهلۆنا ئیمزا بكهت.
ههژى گوتنێ یه ل ڤهگوهاستنێن هاڤینا بورى یانا بهرشهلۆنا هزر ل ئینانا ئهوى ئوبامیانگ كر بوو لێ نوكه هزرا خوه گوهورى یه و دخوازن ههڤبهستێ ل گهل مارتینیز ئیمزا بكهن.
ئهڤرۆ نیوز:
چاڤهرێ دهێتهكرن ل ڤهگوهاستنێن بهێت ئوبامیانگ ستێرا گابونى و یانا ئهرسینال پێكهاتیێ یانا خوه ب جه بهێلت و بهر ب یانهكا نوو ڤه بچیت .
رۆژناما سپورت یا ئیسپانى ئاشكرا كریه بهرپرسێن یانا بهرشهلۆنا د ڤى دهمى دا هزر ل ئینانا ئوبامیانگ نهكریه بتنێ نوكه هزر ل ئینانا هێرشبهرێ ئهنتر میلان لاوتارو مارتینیز كریه .
ههردیسان ئهوێ رۆژنامێ ئاشكرا كریه ژى وى ستێرا ئهرسینال نوكه دو داخوازیێن فهرمى ل بهر دهستێ وى نه ئهوژى ژ یانا ئهنتر میلان یا ئیتالى و پاریس سانجێرمان لێ یاریزان چاڤهرێ خهونا خوه یه ئهوژى ههڤبهستێ ل گهل بهرشهلۆنا ئیمزا بكهت.
ههژى گوتنێ یه ل ڤهگوهاستنێن هاڤینا بورى یانا بهرشهلۆنا هزر ل ئینانا ئهوى ئوبامیانگ كر بوو لێ نوكه هزرا خوه گوهورى یه و دخوازن ههڤبهستێ ل گهل مارتینیز ئیمزا بكهن.
ئەڤرۆ نیوز:
فەخرەدین کۆجا وەزیرێ ساخلەمیا تورکیا راگەهاند: د شەڤەک و رۆژەکێ دا 4 هزار 39 کەسێن دیتر تۆشی کۆرۆنا یێ بووینە، هەروەسا 98 کەسان ژی گیانێ خوە ژ دەست دایە.
ناڤهاتی گۆت ژی: ب گشی نوکە روەشا هزار و 786 کەسان یا خرابە، دیسان هەتا نوکە ل تورکیا هزار و
126 کەسان ب کۆرۆنا یێ گیانێ خوە ژ دەست دایە و هەتا نوکە ل تورکیا پتری 61 هزار کەسان تۆشی کۆرۆنا یێ بووینە، دیسان دهێتە چاڤەرێکرن حوکمەتا وی وەلاتی قەدەغەیا هاتنوچوونێ ل چەندین باژێرێن دی رابگەهینیت.
ئەڤرۆ نیوز، عەلی حاجی :
رێڤەبەرێ گشتی یێ بازرگانی یێ ل هەرێما کوردستانێ د داخویانیەکێ دا بۆ ئەڤرۆ نیوز دیار کر بریارە سوبەهی سێشەمبی وەزیرێ بازرگانی یێ سەرەدانا پارێزگەرێ دهوکێ و ژوورا بازرگانیێ ل دهوکێ و دەروازێ نێڤدەولەتی یێ ئیبراهیم خەلیل بکەت.
نەوزاد ئەدهەم زێدەتر گوت : مەرەما سەرەدانا وەزیرێ بازرگانیێ بۆ باژێرێ دهۆکێ ژبەر وێ چەندێ ئەوە کو پشتی وەزیری چەندین کومبوون ل گەل بازرگانێن پارێزگەهێن هەولێرێ و سلێمانێی ئەنجام داین ل دەست پێکا سەرەدانا خوە دا بۆ پارێزگەها دهوکێ کومبوونەکێ ل گەل بازرگانێن دهوکێ ل ژوورا بازرگانیا دهوکێ ل دور کێشە و ئاستەنگێن بازرگانان ئەنجام دەت، پشتی وێ کومبوونێ دێ سەرەدانا پارێزگارێ دهوکێ هێتە کرن ل دور بزاڤا بازرگانی ل هەرێمێ و پارێزگەهێ و هەر دیسان هەبوونا رێژا پێدڤێین روژانە یا خەلکی یە دا کو وەزیر ئاگەهدار بیت ل سەر گرانیا بازاری، هەر د بەرنامەیێ سەرەدانا وەزیرێ بازرگانی دێ سەرەدانا دەروازێ نێڤدەولەتی یێ ئیبراهیم خەلیل کەت بۆ چەند مەرەمێن بازرگانی ل وی دەرگەهی، دیسان وەکو پێزانینێن ل بەر دەست ب درێژاهیا ١٤٠ کێلومەتران ل دەرگەهێ وەلاتێ تورکیا ترۆمبێل کەڤتینە د سرایێ دا و ئەڤە ژی مەترسیەکا رژدی یە بۆ کوردستانێ ل دور ڤەگوهاستنا وی ڤایروسی بۆ هەرێما کوردستانێ.
ناڤهاتی گوت ژی : لەورا وەزیرێ بازرگانی یێ دێ بزاڤێ کەت ب رێیا سەرەدانا خوە زێدەتر بەحس ل رێکارێن ساخلەمیێ کەت، داکو دوبارە چاڤ خشاندنەک ل هاتنا وان ترومبێلێن بارهەلگرێن تورکی کەت بۆ ناڤ ئاخا کوردستانێ دا داکو چو مەترسیەک دروست نەبیت.
ئهڤرۆ نیۆز، سالار دۆسكى:
ئهندامهكێ پهرلهمانێ كوردستانێ ئاشكرا كر كو دێ كومیتهك هێـته دروستكرن و نوونهرێن ههرسێ وهزارهتێن پهروهردێ و خواندنا بلند و ئهوقافێ تێدابن و دێ كار بۆ راستڤهكرنا باوهرنامێن مامۆستایێن ئاینى هێتهكرن.
مهلا ئحسان رێكانى، ئهندامێ لژنا ئهوقاف و كاروبارێن ئاینى ل پهرلهمانێ كوردستانێ بۆ ئهڤرۆ نیۆز گۆت: پتر ژ 40 مامۆستایێن ئاینى كو نوونهراتیا ههژمارهكا زووتر یا مامۆستایێن ئاینى دكهن، یا داشتهك پێشكێشكى لژنا ئهوقافێ ل پهرلهمانى كربوون، داخاز كرینه كو باوهرنامێن وا بهێنه راست ڤهكرن چنكو چووینه دهرڤه خواندینه و مامۆستا ههبووینه پهیمانگهه ب دووماهى ئیناینه ل كوردستانێ و دڤێت باوهرنامێن وا بهێنه راستڤهكرن.
ئاشكراكر ژی، كو دێ لژنهك ژ نوونهرێن ههرسێ وهزارهتێن خواندنا بلند، ئهوقاف و كاروبارێن ئاینى و پهروهرده هێته پێكئینان ب مهرهما دهركرنا هندهك رێنما ل سهر راستڤهكرنا ئهڤان باوهرناما و ژڤان بوو ههرسێ وهزیر بۆ رونشتنهكا پهرلهمانى بهێنه داخواز كرن بهلێ ژ بهر نهخوشیا كورونایێ ئهڤ چهندە هاتیه راوستاندن.
ههمان ئهندامێ پهرلهمانى ئهو ژى خۆیاكر كو داخواز ژ وهزارهتا خواندنا بلند هاتیهكرن كو راستڤهكرن ل باوهرنامان دا بهێتهكرن.