ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى ئه‌يارا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1305 |
| 1 يۆرۆيێ ئه‌ورۆپى | 1460 |
| 1 ليرێ توركى | 490 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
سه‌رۆك كۆمارێ توركيا راگه‌هاند كو قووناغا چاره‌سه‌ريێ ب تنێ يا تايبه‌ت نينه ب كوردان يان ده‌ڤه‌ره‌كا دياريكرى و دبێژيت: “ئه‌ڤێن چه‌ك ل بن ده‌ستى، مافێ ره‌خنه‌گرتنێ ل قووناغا ئاشتيێ نينه”.
ره‌جه‌ب ته‌يب ئه‌ردوگان، سه‌رۆك كۆمارێ توركيا، سه‌ره‌دانا باژێرێ باتمانێ كر و د داخۆيانيه‌كێ دا ل هه‌مبه‌ر لايه‌نگێن خوه راگه‌هاند: هه‌كه هه‌ده‌په و په‌كه‌كه د دلسۆژن بۆ قووناغا چاره‌سه‌ريێ، پێدڤيه چه‌كى بدانن و هه‌كه نه مافێ ئاخفتن و ره‌خنه‌گرتنێ ل قووناغا ئاشتيێ نينه.
گۆتژى: “قووناغا ئاشتيێ ب تنێ بۆ ده‌ڤه‌ره‌كا دياركرى دێ بيته ئه‌گه‌رێ زۆريكرنێ ل كوردان، چونكو ئه‌وێن دڤێت قووناغ ب تنێ ب كوردان ڤه بهێته گێردان، مه‌ره‌مێن دى يێن پێ هه‌ين”.
سه‌رۆك كۆمارێ توركيا هێرشێن دژوار كرنه سه‌ر پارتا ديموكراتا گه‌لان “هه‌ده‌په” و گۆت: “ئه‌وێن ژ چيا فه‌رمانان وه‌ردگرن، جهێ وان ل ناڤ سيسته‌مێ وه‌لاتى دا ننيه”.
ئاماژه ب وێ چه‌ندێ ژى كر كو ل توركيا بزاڤێن دابه‌شكرنا ئه‌رد و وه‌لاتى يا د رێ دا و هنده‌ك كه‌س يێن هه‌ين دڤێت وه‌لاتى به‌ر ب دابه‌شكرنێ ڤه ببه‌ن.
په‌رله‌مانتاره‌كێ هه‌ڤپه‌يمانيا ده‌وله‌تا قانوونێ وه‌سان دبينيت كو سه‌ره‌دانا سه‌رۆكێ هه‌رێما كوردستانێ بۆ ئه‌مريكا دچيته د چارچۆڤێ دابه‌شكرنا عيراقێ دا.
د به‌ياننامه‌كێ دا كو سايتێ “المصدر نيوز” به‌لاڤكريه، موحان سه‌عداوى، ئه‌ندامێ جڤاتا نوونه‌ران عيراقێ ل سه‌ر هه‌ڤپه‌يمانيا ده‌وله‌تا قانوونێ راگه‌هاند: سه‌رۆكێ هه‌رێما كوردستانێ د چارچۆڤێ سه‌ره‌دانا خوه دا بۆ واشتنۆن دێ ل گه‌ل به‌رپرسێن وى وه‌لاتى دانوستاندنێ ل سه‌ر وى پرۆژه‌يى كه‌ت ئه‌وێ كۆنگرێسێ وى وه‌لاتى بۆ دابه‌شكرنا عيراقێ دارێتى”.
ئه‌ڤى په‌رله‌مانتارى گۆتژى: “سه‌رۆكێ هه‌رێما كوردستانێ دڤێت گرنگيا وێ چه‌ندێ بكه‌ت كو ئه‌و پرۆژه د قووناغا داهاتى دا نه‌هێته بجهئينان”.
ئه‌ڤرۆ نيوز:
بسپۆرێ کارووبارێن تورکیا، د. موسا کەڤال دبێژيت، سەرۆک وەزیرێ ھەرێما کوردستانێ نێچیرڤان بارزانی رۆلەکێ بەرچاڤ د پێڤاژۆیا ئاشیتیێ ل تورکیا دیت و کارێ حوكمه‌تا وی وەلاتی و پهكهكێ ژ ھەڤ نێزیک بکەت، کو ھەردو ئالی دخوازن نێچیرڤان بارزانی ئالیکاریا وان بکەت د سەرخستنا وێ پێڤاژۆیێ دا.
حوكمه‌تا تورکیا و ڤەکرنا لاپەرا ئاشتیێ نە ب ھێسانی بوو، ب تایبەتی پشتی وی شەرێ ب سالان د ناڤبەرا توركيا و په‌كه‌كه‌ێ دا، لێ ل گەل پێشکەتنا ھەرێما کوردستانێ و بھێزبوونا په‌وەندیێن وێیێن ئابۆری و دیپلۆماتیکی ل گەل وی وەلاتی، نێچیرڤان بارزانی دەریەکێ گرینگ ژ توركيا و په‌كه‌كه‌ێ را ڤەکر، دا کو ھەردو ئالی تێکەڤن ناڤا پێڤاژۆیا ئاشتی و چارەسەریێ.
د. موسا کەڤال بۆ مالپەرا پارتى ديموكراتى كوردستان راگه‌ھاند: “سەرۆکوەزیرێ ھەرێما کوردستانێ نێچیرڤان بارزانی جھێ متمانە و باوەریا گەلێ کوردە و رێبەرێ په‌كه‌كه‌ێ د ڤێ پێڤاژۆیێ دا، و توركيا ژی باش وی ناس دکەن و گرینگیەکا باش ددن رۆلا وی د چارەسەرکرنا پرسا کورد دا و ژ ھەڤنێزیکبوونا پهكهكێ و حوكمه‌تا توركيا. کو ئێك ئاستەنگیێن ل پێشیا چارەسەرکرنا پێڤاژۆیا ئاشتیێ ل وی وەلاتی، بێ باوەرییە، ژ بەر کو توركيا و پهكهكێ باوەریا وان ب ھەڤ ناهێت، لەوما رۆلێ نێچیرڤان بارزانی يێ گرنگە دا کو ھەردو ژ ھەڤ نێزیک ببن و ده‌رگه‌هه‌كێ گرنگ ژی بۆ پێڤاژۆیێ ل توركيا ڤەکر”.
د. موسا کەڤال، ژبلی کو رۆلا ھەبوونا باوەریێ د ناڤبەرا حوكمه‌تا توركيا و پهكهكێ دا ب خالەکا گرنگ دزانيت و رۆلێ نێچیرڤان بارزانی د پێڤاژۆیا ئاشیتیێ دا بۆ ھەردو ئالیان ب گرینگ دبینن کو تەکەزیێ ل سەر سەخستنا ئاشیتیێ دکەت، ھەڤدەم کەڤال دبێژيت: “نێچیرڤان بارزانی رۆلەکێ مەزن د نێزیکبوونا ھەردو ئالیان دا دیتیە و دیارە کو وێ پێڤاژۆیێ گەڵەک قووناغ دەرباس کریە و پشتی ھه‌لبژارتنێن وی وەلاتی ژی دێ پێڤاژۆ بەردەوام بيت. ھەروه‌ھا ئۆجه‌لان ب خوە ژی بەحسا وێ یەکێ کریە کو ئەو پشتا ئەردۆگان دگريت کو سیتەما توركيا ببيتە سەرۆکاتی”.
وی پسپۆرێ کارووبارێ توركيا دبێژيت ژى: “نھا ھەم توركيا و ھەم په‌كه‌كه ژی دخوازن نێچیرڤان بارزانی زێدەتر ئالیکاریا پێڤاژۆیا ئاشتی و چارەسەریێ بکەت. ئەڤ یەک د دەمەکێ دەیە کو، سەرۆکوەزیر گرنگيێ ب وێ پێڤاژۆیێ دده‌ت کو نھا ھەردو ئالی ژێ دخوازن کو بەردەوام بيت ھەتا ئەو پێڤاژۆ ب سەر کەڤيت”.
موسا کەڤال هوسان گۆت: “پێدڤيه توركيا وەکو دەولەت و په‌كه‌كه وەکو پارتی ژی ل رۆلێ نێچیرڤان بارزانی خوەدی دەرکەڤن و وێ رۆلێ ژبیر نەکن، ژ بەر کو ھەرێما کوردستانێ ل رۆژھلاتا ناڤین و ئەورۆپایێ ژی خوەدی گرینگیەکا مەزنە و نێچیرڤان بارزانی ژی ب راستی رۆلەکێ مەزن د وێ پێڤاژۆیێ دا ديتيه”.
ل دووماهيێ ژى گۆت: “ژ بەر ھەولێن نێچیرڤان بارزانی بۆ سەرخستنا وێ پێڤاژۆیێ، دبيت کو ل دووماهيێ توركيا وەک ھەرێما کوردستانێ بزاڤا چارەسەرکرنا پرسگرێکێن ناڤا خوە بدەن و وەک چاوا ل ھەرێما کوردستانێ ديموکراتیک و فيدرالی ھەیە، وه‌ھا ژی ل توركيا دووبارە ببيت”.
ئه‌ڤرۆ نيوز:
مژدين سالح سترانبێژا شوخا كورد ئه‌وا ژ ده‌رڤه‌يى وه‌لاتى دژيت، ل سه‌ر په‌يجێ خوه يێ تايبه‌ت يێ تۆڕا جڤاكيا فه‌يسبۆكى وێنه‌كێ خوه يێ بێ ميكاژ به‌لاڤ كريه كو گه‌له‌ك ژ پشته‌ڤان و حه‌ز ژێكه‌رێن وێ وه‌سان دايه دياركرن كو ئه‌و بێ ميكاژ جوانتره.
هۆنه‌رمه‌ند مژدينێ ل سه‌ر وى وێنه‌يى نڤيسى يه: “ل مال بێ ميكاژ، بێيى ئه‌ڤينى ژيان يا بێ ده‌مژمێره و ده‌م ژى هه‌ست دچيت”.
هنده‌ك پشته‌ڤانێن وێ”فانێن وى” ل سه‌ر وى وێنه‌يى نڤيسيه كو ئه‌و وه‌كو گۆلێ يه و بێ ميكياژ گه‌له‌ك جوانتره و هنده‌كان ژى سه‌رساميا خوه پێ دايه دياركرن.
فراكسیۆنی پارتی دیموكراتی كوردستان لە پەڕلەمانی كوردستان
2015-5-3
ئه‌ڤرۆ:
پارێزگەرێ دھۆکێ فەرھاد ئەترووشی دوھی 2ى ئه‌يارا 2015ێ ل گەل رێڤەبەرێ رەگەزناما دھۆکێ و قایمقامێن سنوورێ پارێزگەھێ گەنگەشە ل سەر چاوانیا بەرھەڤکرنا جھێن تایبەت بۆ ڤەکرنا نڤیسینگەھێن چێکرنا کارتا نشتیمانی ل سنوورێ قەزا و ناحیێن پارێزگەھێ کر.
فەرھاد ئەترووشی تەئکید ل سەر تەرخان کرنا ھەموو شیانان کر بۆ سەرکەفتنا پرۆسا چێکرنا ڤێ کارتێ و قایمقام راسپاردن کو د ھەڤکار بن ل گەل رێڤەبەریا رەگەزنامێ ل دھۆکێ بۆ خزمەتکرنا وەلاتیان و ب ساناھی کرنا کارێ چێکرنا ڤێ کارتێ، کو بۆ سەرانسەری پارێزگەھا دھۆکێ پێدڤیە ژ 13 هه‌تا 19 نڤیسینگەھان بھێنە ڤەکرن و بەری نوکە کادرێ رەگەزناما دھۆکێ ل سەر چێکرنا ڤێ کارتێ ھاتیە مەشقدان، کۆمپیوتەر و کەلوپەلێن پێدڤی گەھەشتینە پارێزگەھێ و ب تنێ مایە جە بۆ ڤەکرنا نڤیسینگەھان بھێنە بەرھەڤ کرن کو بریارە ل دەستپێکا ھەیڤا شەش یا ئەڤ سالە دەست ب چێکرنا وێ ل سەرانسەر عیراقێ بھێتە کرن، بۆ ماوێ سێ ھەیڤان ئەڤ کارتە بۆ ھەموو وەلاتیان بھێت دورست کرن، کو ل وەلاتێ ئەلمانیا ھاتیە چێکرن و ئەڤ کارتە ل شوونا رەگەزناما عیراقی و ناسناما بارێ شارستانی و کارتا زانیاریان و فۆرما ئاھێن خوارنێ دێ کار پێ ھیتە کرن و پشتی چێکرنا وێ ئەو بەلگەنامێن دیتر ھەموو یان کار پێ ناھێتە کرن.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى دێ ئه‌سمان بيته ئه‌ور پاشان هنده‌ك بارانا كێم ل هنده‌ك ده‌ڤه‌رێن جودا باريت ب تايبه‌ت ل دانێ پشتى نيڤرۆ.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ به‌رده‌واميا لاوازبوونا فشارێن نزمێن ده‌ريا ناڤه‌راست بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 4ى ئه‌يارا 2015ێ دێ ئه‌سمان بيته ئه‌ور پاشان هنده‌ك بارانا كێم ل هنده‌ك ده‌ڤه‌رێن جودا باريت ب تايبه‌ت ل دانێ پشتى نيڤرۆ.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته خوار وه‌كو هه‌ڤبه‌ركى ل گه‌ل رۆژێن به‌رى نوكه بيت ب رەنگەکی د ناڤبەرا 13 بۆ 25 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.
نيشاندان