ئەڤرۆ نیوز:
وەزارەتا بەرەڤانیێ یا بریتانیا راگەهاند کو ژ بەر ڤایرۆسێ کۆرۆنا و ژ بۆ پاراستنا سەربازێن وەلاتێ خوە ئەوێن نها ل عیراقێ نە وان بریار دایە کو پشکەک ژ سەربازێن خوە ژ عیراقێ ڤەکێشن.
وەزارەتا بەرەڤانیێ یا بریتانیا دیار ژی کریە کو ژ بەر ڤایرۆسێ کۆرۆنا هێزێن وان بۆ دەمێ شەش رۆژان چو راهێنانان ب هێزێن عیراقێ ناکەن.
ئەڤرۆ نیوز:
حاکم ئازاد حەمە ئەمین نەقیبێ سەندیکا رۆژنامەڤانێن کوردستانێ راگەهاند کو نها بابەتێ کۆرۆنا بوویە ئاریشەکا مەزن ل هەموو جیهانێ، ژ بەر هندێ ژی پێدڤیە دەزگەهێن راگەهاندنێ ب بەرپرسیاری سەرەدەریێ ل گەل رەوشا نها بکەن.
نەقیبێ سەندیکا رۆژنامەڤانێن کوردستانێ ئەو یەک ژی دیار کر کو مخابن هندەک دەزگەهێن راگەهاندنێ بەرۆڤاژی هندێ کار دکەن و ب بەلاڤکرنا هندەک بابەتان ترس ل دەف وەلاتیان دروست کرینە، وەکو سەندیکا رۆژنامەڤانان دێ ل دۆر ڤی بابەتی داخۆیانیەکا فەرمی ژی بەلاڤ کەن.
ئەڤرۆ نیوز:
رزا رەئیسی جێگرێ وەزیرێ ساخلەمیا ئیرانێ راگەهاند کو د ماوەیێ ٢٤ دەمژمێرێن بۆری دا ١٤٩ کەسان ژ بەر کۆرۆنایێ ل ئیرانێ جانێ خوە ژ دەست داینە و هژمارا گشتی یا کەسێن کو هەتا نها ژ بەر کۆرۆنایێ جانێ خوە ژ دەست داینە ژی گەهشتیە ١٢٨٤ کەسان.
ناڤهاتی ئەو یەک ژی دیار کر کو هەتا نها ١٨٤٠٧ کەس ل ئیرانێ تووشی ڤایرۆسێ کۆرۆنا بووینە.
ئه‌ڤرۆ نیۆز، عه‌زیز هه‌ورامی:
به‌ڕێوه‌به‌رایه‌تی گشتی ته‌ندروستی هه‌ڵه‌بجه، له‌گه‌ڵ كۆنسوڵییه‌تی كۆماری چین له هه‌رێمی كوردستان ڕێكه‌وتنێكی به‌به‌های، نزیكه‌ی 85 هه‌زار یۆرۆ ئیمزاكر، بۆ كردنه‌وه‌ی هۆڵێكی گه‌وره‌ی له دایكبوون به‌ته‌واوی ئامێره پزیشكییه سه‌رده‌مه‌كان بنیات ده‌نێ.
ئازاد مسته‌فا به‌ڕێوه‌به‌ری گشتی ته‌ندروستی پارێزگای هه‌ڵه‌بجه، به ئه‌ڤرۆ نیۆز ڕاگه‌یاند، ئه‌مڕۆ پێنچشه‌م به‌ڕێوه‌به‌رایه‌تی ته‌ندروستی هه‌ڵه‌بجه له دیوانی پارێزگای سلێمانی، ڕێكه‌وتنێكی ته‌ندروستیمان له‌گه‌ڵ كۆنسوڵییه‌تی وڵاتی چین ئیمزاكرد، نزیكه‌ی به‌به‌های 85 هه‌زار یۆرۆ، بۆ كردنه‌وه‌ی هۆڵێكی گه‌وره‌ی له دایكبوون له هه‌ڵه‌بجه به ته‌واوی ئه‌جیزه پزیشكییه‌كان.
هه‌روه‌ها وتی، ته‌واوی ئامێره پزیشكییه‌كان له لایه‌ن كۆمپانیاكانی كۆماری چیك دابین ده‌كرێن پاش ئه‌وه‌ی قبووڵ ده‌كرێن ده‌بێت، له ماوه‌ی 90 ڕۆژدا ته‌واوی ئامێره پزیشكییه‌كان بگاته هه‌ڵه‌بجه.
ئاواژه‌ی بۆ ئه‌وه‌شكرد، به ته‌واوبونی ئه‌و پڕۆژه‌یه هه‌ڵه‌بجه ده‌بێته خاوه‌نی هۆڵێكی له‌دایكبوونی مۆدێرن به ئه‌جیزه‌ی پێشكه‌وتوی ته‌ندروستیی.
حكوومه‌تی هه‌رێمی كوردستان له‌گه‌ڵ ده‌ست به‌كاربوونی كابینه‌ی 9 گرنگی تایبه‌تی به كه‌رتی ته‌ندروستی داوه، شاره‌زایانی پزیشكی ئاماژه به‌وه ده‌ده‌ن كوردستان له كه‌رتی ته‌ندروستی هه‌نگاوی گه‌وره‌ی به‌رو پێشه‌وه‌ناوه.
ئەڤرۆ نیوز:
فەهیم تاشتەکین بسپۆرێ کاروبارێن سیاسی یێ تورکیا راگەهاند کو رێککەفتنا تورکیا و روسیا ل دۆر ئدلبێ دێ ژناڤ چیت، چونکو روسیا ب چو رەنگەکێ بەرهەڤ نینە داخوازیێن تورکیا قەبوول بکەت و ل ئالیێ دی روسیا باش دزانیت تورکیا دڤێت یاریێ ب کارتا ناتۆ بکەت و داخوازا پشتەڤانیێ ل ئەمریکا کریە، ژ بەر هندێ ژی روسیا دڤێت د زووترین دەم دا ئدلبێ ژ گرۆپێن سەر ب تورکیا پاقژ کەت.
ناڤهاتی دیار ژی دکەت کو روسیا و شام گەهشتینە ڤێ باوەریێ هەتا حوکمەتا سووریێ وەکو جاران کۆنترۆلا هەموو ئاخا وی وەلاتی نەکەت دێ رەوشا ئالۆز یا ل سووریێ بەردەوام بیت.
ئەڤرۆ نیوز:
تیمێن ساخلەمیێ بەردەوام دووڤچوونا گۆمانڵێکریێن ڤایروسێ COVID-19 دکەن و هەر گومانلێکریەک هەبیت دهێتە کەرەنتیکرن و پشکنین بو دهێنە کرن.
بو ڤێ چەندێ ژی نەخۆشەک ژیێ وی 50 سالە کو ژ وەلاتێ ئەلمانیا ڤەگەریایە، پشتی پشکنین بو هاتینە کرن ئەنجامێ وی پوزەتیڤ دەرچوویە و نوکە یێ دنەخۆشخانێ دا و رەوشا وی یا ساخلەمیێ یا باشە و وەلاتیێن پارێزگەهێ پشتراست دکەین دێ بەردەوام د کاری دابین بو پاراستنا ساخلەمیا وەلاتیان.
هیڤیدارین ژ وەلاتیان پێگیریێ ب رێنمایێن لیژنا بلند یا بەرهنگاریا کۆرۆنایێ بکەن.
رێڤەبەریا گشتی یا ساخلەمیا پارێزگەها دهۆکێ
ئەڤرۆ نیوز:
مەنال محەمەد فوئاد، رێڤەبەرا نڤیسینگەها بەرسڤدانا قەیرانان ل پارێزگەها دهۆكێ راگەهاند، ل پارێزگەها دهۆكێ بارانێن بۆش بارین و ل پتریا جهێن سەنتەرێ دهۆكێ و قەزایێن دەوروبەر زیان پێ گەهشتن و ئەڤە ژی بۆ ئەگەر كو دەزگایێ خێرخوازی یێ بارزانی د هەوارا زەرەرمەندان بهێت و هژمارەكا كەرستێن خوارنێ و پێدڤیێن نافمالێ لسەر وان خێزانێن ژئەنجامێ لەهیان زیان گەهشتینێ ل باژێرێ دهوكێ بەلافكرن.
رێڤەبەرا نڤیسینگەها بەرسڤدانا قەیرانان ئاماژە ب هندێ ژی دایە كو هەر خێزانەكا ژلایێ قایمقامیا دهۆكێ هاتیە تۆماركرن كو زیان پێ گەهشت بن هاریكاری گەهشتینێ و رەنگە ئەڤ هەوە هەتا سوبەهی ژی دێ یا بەردەوام بیت هەتا كو هەموو خێزان هاریكااری دگەهنە هەموویان.
ئەڤرۆ نیۆز، قائید میرۆ:
نێزیکی ٢٠ سالانە بۆ جارا ئێکێ یە بھایێ پتڕۆلێ بگەھیتە ئەڤی ئاستێ نوکە و شارەزایەکێ کەرتێ پتڕۆلێ ژی ئاشکراکر، رەوشا پتڕۆلێ یا خرابە و بەرەف خراپتر دچیت.
سعود ھاشم، شارەزایێ کەرتێ پتڕۆلێ بۆ ئەڤرۆ نیۆز دیارکر” ددەمێ نوکەدا رەوشا پتڕۆلێ زۆر خرابە و پێشبینی دھێتەکرن ھێشتا خراپتر بیت، ژبەرکو رەوشا بازاڕی یا جێھگیرنینە و بھایێ پتڕۆلێ بشێوەیەکێ بەرچاف داکەتیە، بێگومان ئەگەر زۆرن بۆ داکەتنا بھایێ پتڕۆلێ، بەلێ چەند ئەگەرەکێن سەرەکی ھەنە ژوانا ھەڤڕکیا ناڤبەرا سعودیێ و رۆسیا.
سعود ھاشم ئاماژەکر” خواست لسەر پتڕۆلێ ئێکجار کێمبوویە، بتایبەتی ل ولاتێ چینێ ب ئەگەرێ بەلافبوونا ڤایرۆسا کۆرۆنا خواست یا کێمە لسەر بکار ئینانا پتڕۆلێ و کارگە و دەڤەرێن پیشەسازی ددەمێ نوکەدا ژکار کەتینە، ئەڤەژی بۆیە ئەگەر پتڕۆل بھایێ خوە ژدەست بدەت.
ئەڤرۆ نیوز،عەلی حاجی :
پشتی دوهی ل رۆژا چار شەمبێ د ئاگەهداریەکێ دا رێڤەبەرێ ئاڤا زاخۆ دیار کربوویی ژبەر دروست بونا لەهیان و شێلی بونا ئاڤێ دێ بۆ ماوەیێ ٤٨ دەمژمێران ئاڤا پروژەیێ زاخۆ بۆ هاولاتینا هێتە راوەستاندن، ئەڤرۆ رۆژا پێنچ شەمبێ ئەو بریارە هاتە لادان.
هاشم ئیبراهیم بۆ ئەڤرۆ نیوز گۆت : پشتی دەرکرنا وێ ئاگەهداریێ و مە زانی دێ رەوش خرابتر لێ هێت و خەلکەکێ پێدڤی یە زۆر ب ئاڤێ هەیە لەورا نەچار بوین بریارا خوە ب هەلوەشینن هەر ئەڤرۆ رۆژا پێنچ شەمبێ ئاڤ ب وەلاتیان هاتە بەردان و دەست ب کارکرنا پرۆژەیێ ئاڤا زاخۆ هاتە کرن و بەلێ وەکو رۆژانێن ئاسایی ئاڤ ب وەلاتیان ناهێتە دان بەلکو کێمتر ژ رۆژانێن ئاسایی دێ ب وەلاتیان هێتە دان بەلێ هیڤی خازین خەلک ژی ئابوریێ د مەزاختنا ئاڤێ دا بکەن و گەلەک ب کار نەئینن هەکە بۆ تشتەکێ فەر نەبیت.
ئەڤرۆ نیوز،عەلی حاجی :
د داخویانیەکێ دا ئەندامەکێ لژنا هەڤپشک ل زاخۆ بۆ ئەڤرۆ نیوز دیار کر ل سنورێ قەزا زاخۆ دو نانپێژ و خارنگەهەک و جهەکێ سەر ژێکرنا ئاژەلان کو ب نەیاسایی کار دکرن هاتنە سزادان و داخستن.
زێدەتر دکتور لاوین هابیل گۆت : ژبەر نەبوونا دەستویریا کاری ل دەف نانپێژەکی ل زاخۆ بۆ ماوەیێ هەشت رۆژان هاتە داخستن و ب کوژمەیەکێ پارەی ژی هاتە سزادان و هەر دیسان نانپێژەک ژی ل ناحیا دەرکارێ هاتە سزادان ب کوژمەیەکێ پارەی و داخستن ژبەر کو گەلەکا پیس بوو،زێدەباری وێ چەندێ ژی خارنگەهەک ل سەنتەرێ باژێرێ زاخۆ هاتە داخستن و سزادان ب کوژمەیەکی ژبەر کو هندەک تشتێن پیس دناڤ خارنەکا وان دا هات بوو دیتن و دیسان ژی ل لێنانگەهێ ژی هندەک زیندەوەر ژی هات بوونە دیتن ژبەر ڤێ چەندێ مە ئەو سزایە دانا بەر،هەر دیسان ل زاخۆ کەسەکێ ب نەیاسایی دناڤ جهەکێ خودان کرنا تەرش و تەوالی رادبوو ب سەرژێکرنا تەرش و کەوالی و هیچ مەرجەکێ تەندروستی تێدا نەبوو و هەر دیسان بێهنەکا گەلەک نەخوەش ژێ دهات .
و گۆت ژی : ئەو جهە بۆ ماوەیێ زێدەتری هەشت رۆژان هاتە داخستن و ب کوژمەیێ ٥٠٠ هزار دیناران ژی هاتە سزادا من و کەیسێ وی ژی بۆ جهێن ئەمنی هاتە رەوانە کرن ژبەر کو نابیت ب چو رەنگان ل وان جهان تەرش و تەوال بهێنە سەر ژێکرن.
نيشاندان