ئەڤرۆ نیوز:
سەباح هەورامی رێڤەبەرێ ساخلەمیا سلێمانیێ راگەهاند، پێنج حالەتێن دی یێن توشبوون ب ڤایرۆسێ کۆرۆنایێ ل سلێمانیێ چێبوونە و ڤەگەریاینە مال.
ئەڤرۆ دوشەمبیێ سەباح هەورامی رێڤەبەرێ ساخلەمیا سلێمانیێ راگەهاند، ئەو پێنج کەسە چێبووینە و ڤەگەریاینە مالێن خوە، ئەو نەخۆشێن دیتر ژی یێن کو ماینە ل نەخۆشخانێ ساخلەمیا هەموویان یاجهگیرە.
ئەڤرۆ نیوز:
هاشم بەتحائی ئەندامێ جڤاتا دەستنیشانکرنا بەرژەوەندیێن کۆمارا ئیسلامی یا ئیرانێ کو بەری چەند رۆژان تووشی ڤایرۆسێ کۆرۆنا ببوو ئەڤرۆ جانێ خوە ژ دەست دا.
دەزگەهێن راگەهاندنا ئیرانێ دیار کرن کو ناڤهاتی چەندین رۆژان د نەخوشخانێ دا بوو و شەڤا بۆری رەوشا وی خرابتر لێ هات و پاشی ژی جانێ خوە ژ دەست دا.
هەتا نها چەندین ئەندامێن پەرلەمانێ ئیرانێ و بەرپرسێن وی وەلاتی ژ بەر ڤایرۆسێ کۆرۆنا جانێ خوە ژ دەست داینە.
ئەڤرۆ نیوز:
کیانوس جەهانپور پەیڤدارێ وەزارەتا ساخلەمیێ یا ئیرانێ راگەهاند کو ژ بەر ڤایرۆسێ کۆرۆنا هەتا نها ٨٥٣ کەسان ل ئیرانێ جانێ خوە ژ دەست داینە و هەروەسا هژمارا کەسێن کو تووشی ڤایرۆسێ کۆرۆنا بووینە ژی بەردەوام د زێدەبوونێ دایە و نها ل ئیرانێ ١٤ هزار و ٩٩١ کەس تووشی کۆرۆنایێ بووینە.
ناڤهاتی ئەو یەک ژی دیار کر کو د ٢٤ دەمژمێرێن بۆری دا ل ئیرانێ ١٢٩ کەسان ژ بەر ڤایرۆسێ کۆرۆنا جانێ خوە ژ دەست داینە.
ئەڤرۆ نیوز، عەلی حاجی :
د داخویانیەکێ دا رێڤەبەرێ کەمپا بێرسڤ دو ل زاخۆ بۆ ئەڤرۆ نیوز دیار کر هاتن چوونا خوە جهێن دناڤ کەمپان دا هاتیە سنور دار کرن و هەکە کارەکێ پێدڤی نەبیت رێک پێ ناهێە دان هاتن و چوون ب هێتە کرن.
زێدەتر ماهر سندی گوت: (بریارا سنور دار کرنا هاتن و چوونا خوە جهێن کەمپێ بۆ ژدەرڤە و دناڤ کەمپێ دا ب بریارا لژنا ناحیا رزگاری بویە بو سێ کەمپێن ل سنورێ وغ ناحێی کو پێک دهێت ژ کەمپێن بێرسڤ ئێک و دو و دەرکارێ و هەمی خوە جهێن کەمپێ ژی هاتینە ئاگەهدار کرن هەکە کارەکێ پێدڤی نابیت رێک ناهێتە دان هاتن و چوون بهێتە کرن و هەتا نابیت کەسەک بۆ کارەکێ دویری کەمپێ ژی دەرکەڤیت بتنێ هەکە ئەو کار فەر بیت و نێزیکی کەمپێ بیت دێ رێک پێ هێتە دان و نوکە دا ئەو بریار کەڤتیە د بوارێ جێبەجێ کرنێ دا و پێدڤی هەمی خوە جهێن کەمپێ ژی پێگیر بن ب وێ بریارێ و ئەڤ بریارە ب مەرەما خوە پاراستنێ ژ ڤایروسێ کورونایێ هاتینە دان).
ئهڤڕۆ نیۆز، عهزیز ههورامی:
ئهمڕۆ 32 ساڵ بهسهر مهرگهساتی كیمیابارانی ههڵهبجه تێدهپهڕێت بهڵام بههۆی مهتری ڤایرۆسی كۆرۆنا هیچ مهڕاسیمێكی فهرمی بهڕێوه نهچو، كهسوكاری شههیدان لهبهردهم ماڵهكانی خۆیان بهپێوه كاتژمێر 11:30 خولهك ڕاوهستان.
ماوهی دووڕۆژه كۆمهڵهی قوربانیانی كیمیابارانی ههڵهبجه و ڕێكخراوهكان، دهستكێش و دهمامك بهسهر كهسوكاری شههیدان و بریندارانی چهكی كیمیاوی دابهش دهكهن، ئهمڕۆش هاوڵاتیان پێنچ دهقه لهبهردهم ماڵهكانی خۆیان بهپێوه ڕاوهستان بۆ ڕێزگرتن له ڕوحی شههیدهكانیان.
نازهنین بارام،له كارهساتی ههڵهبجهچهندین ئهندامی خێزانهكهی لهدهست داوه، به ئهڤرۆ نیۆزی ڕاگهیاند، دهستخۆشیمان له حكوومهتی ههرێمی كوردستان ههیه بۆ پاراستنی گیانی هاونیشتیمانیان و نهوهكانی شههیدانی ههڵهبجه، بهفهرمیی یادی كیمیابارانی ههڵهبجهی نهكردهوه، بۆیه ئێمه ئهمڕۆ لهبهردهم ماڵهكانی خۆمان سهعات11:30 خولهك بۆ ڕێزگرتن له ڕوحی شههیدهكانمان بهپێوه ڕاوهستاین، نامانهوێت ئیدی بهچاوی خۆمان مهرگی ئازیزهكانمان ببینین.
كۆمهڵهی قوربانیانی كیمیابارانی ههڵهبجه بهیان نامهیهكی بڵاو كردهوه داوای بهدهمهوه هاتنی كهسوكاری شههیدان و بریندارانی بهركهوتوی چهكی كیمیاوی دهكات.
ههروهها كۆمهڵهی قوربانیان دهڵێ، داواكارین له حكوومهتی عێراق كه میرات گری حكوومهتی ڕژێمهكهی سهددام حوسێنه به ئهركی سهرشانی خۆی ههستێت و قهرهبوی مادی و مهعنهوی ههڵهبجهیهكان بكاتهوه، ههروهها ڕو له بهرپرسانی كورد دهكات له بهغدا و دهوایان لێ دهكات، فشار بكهنه سهر حكوومهتی بهغدا بۆ هاتنه ژێرباری قهرهبوی ههڵهبجهیهكان.
كۆمهڵهی قوربانیانی كیمیابارانی ههڵهبجه، ئاماژهی بهوهكردووه، بۆ پابهندبوون به ڕێنمایهكانی وهزارهتی تهندروستی و وهزارهتی ناوخۆ، و پاراستنی نهوهكانی شههیدان هیچ مهڕاسیمێكی فهرمیمان لهم ڕۆژه خهمناكه نهكرد، وه لهجێگهی ئهوه دهمامك و دهستكێش و ڕێنمایمان بۆ خۆپارێزی بهسهر كهسوكاری شههیدان دابهشكرد، داوامان لێكردن پابهندی ڕێنمایهكان بن و له ماڵهكانیان بمێننهوه.
ئەڤرۆ نیوز، عەلی حاجی :
ئەندامێ لژنا بلند ل زاخۆ یا روو ب رووبونا ڤایروسێ کورونا بۆ ئەڤرۆ نیوز دیار کر ژبەر کو خەلکەک زور قەستا پێشانگەهێن کرین و فروتنا ترومبێلان ل زاخۆ دکەت بریارە سوباهی سێ شەمبێ هەمی پێشانگەهـ بهێنە دائێخستن.
زێدەتر خەلات ئوسمان گوت: (بریارە ئەڤرۆ روژا دو شەمبێ هەمی خودانێن پێشانگەهێن ترومبێلان ل زاخۆ بهێنە ئاگەهدار کرن کو نابیت سوباهی پێڤە ل روژا سێ شەمبێ پێشانگەهێن کرین و فروتنا ترومبێلان بهێنە ڤەکرن هەتا دەمەکێ نەدەست نیشان کری و ئەڤ پێنگاڤە دێ ژبەر وێ چەندێ هێتە هاڤێژتن کو روژانە رێژەیەکا زور یا هاولاتیان قەستا وی جهی دکەن و ب ڤی رەنگی خەلکەکێ زور کوم ڤە بیت وئەڤ بریارە دێ بیتە رێگریەک کو ئێدی خەلکەک ل وی جهی کومڤە نەبیت و هیڤی خازین ژی هەمی خودانێن پێشانگەهێن ترومبێلان هەڤکار بن دگەل جێبەجێ کرنێ وێ بریارێ و ئەڤ بریارە د بەرژەوەندیا گشتی دایە) .
ئەڤرۆ نیوز، عەلی حاجی :
ئاخڤتنکەرێ دەروازا نێڤ دەولەتیا ئیبراهیم خەلیل د داخویانیەکێ دا بۆ ئەڤرۆ نیوز دیار کر ل درەنگیا ئەڤ شەڤە دێ دەریێ سنوریێ ئیبراهیم خەلیل ل بەردەم رێڤینگان ب ئێکجاری هێتە گرتن و هاتن و چون نامینیت .
زێدەتر کامی کەمال گوت: (ئەڤ شەڤە دناڤبەرا روژا دو شەمبێ ل سەر سێ شەمبێ دەمژمێر ١٢ی شەڤ ل گورەی بریارەکا وەزارەتا نافجویا کوردستانێ ئێدی ب چو رەنگان هاتن و چوونا رێڤینگان دناڤبەرا دەریێن سنوری دا نامینیت و ئەڤ بریارە دێ دەرگەهێ نێڤ دەولەتیێ ئیبراهیم خەلیل ژی هێتە جێبەجێ کرن لەورا ژ وی ژڤانی پێڤە ئێدی چو رێڤینگ نەشێن ژ وەلاتەکێ دیتر ب رێا دەرگەهێن سنوری هاتن و چوونێ بکەن وبتنێ دێ بزاڤا بازرگانی یا بەردەوام بیت ، هەر دیسان هەر هاولاتیەکێ هەرێما کوردستانێ ل وەلاتەکێ دیتر ژی بیت بتنێ دشێت ژبەریا دەمژمێر ١٢ ێ یق ئەڤ شەڤە بهێتە ناڤ ئاخا هەرێما کوردستانێ دا و ئەڤجا پێدڤی یە هەمی هاولاتی ل سەر ڤێ چەندێ هاریکار بن).
و گوت ژی: ئەڤ بریارە بتنێ بۆ رێڤینگایە و بەروڤاژی دێ بزاڤا بازرگامی ل دەریێ سنوریێ ئیبراهیم خەلیل یێ بەردەوام بیت و ئەڤ بریارە ژی ژلایێ حکومەتا هەرێما کوردستانێ ڤە هاتیە دەرکرن.
ئەڤرۆ نیوز:
سەندیکا پارێزەرێن ئامەدێ د داخۆیانیەکێ دا راگەهاند کو ٣٢ سال ل سەر کیمیابارانا باژێرێ هەلەبجە دەرباز دبیت لێ مخابن هەتا نها ئەو یەک وەکو جینوساید نەهاتیە نیاسین و دڤێت تورکیا و وەلاتێن دی کیمیاباران هەلەبجە وەکو جینوساید قەبوول بکەن.
سەندیکا پارێزەرێن ئامەدێ دیار ژی دکەت کو ل باژێرێ هەلەبجە پتر ژ ٥ وەلاتی ب کیمیابارانێ شەهید کەفتن و پتر ژ هزار وەلاتیێن کورد ژی هەتا نها نەخوشن و مخابن جڤاکێ نێڤدەولەتی کیمیابارانا هەلەبجە وەکو جینوساید ناس نەکریە.
ئهڤرۆ نیۆز، قائید میرۆ:
بهری نیڤرۆیا ئهڤرۆ ئهردههژینهكا بهێز رۆژئاڤایێ پارێزگهها ههولێرێ ڤهگرت و چو زیانێن مادی و گیانی نهبوون، رێڤهبهرێ سهقاناسی و ئهردههژینانژی دبێژیت، سهنتهرێ ئهرد ههژینێ سنورێ پارێزگهها مووسله.
فازل ئیبراهیم، رێڤهبهرێ سهقاناسی و ئهردههژینان ل ههرێما كوردستانێ بۆ ئهڤرۆ نیۆز دیاركر” بهری نیڤرۆیا ئهڤرۆ رۆژا دوشهمبی ئهردههژینهكێ رۆژئاڤایێ ههولێرێ ڤهگرت و دوڤدا دهركهت هێزا ئهرد ههژینێ 4.9 پله بوویه، راسته یا بهێزبو ئهرد ههژین، بهلێ خۆشحالبووین چو زیانێن مادی و گیانی نهبووینه.
فازل ئیبراهیم ئاماژهكر” سهنتهرێ ئهرد ههژینا ئهڤرۆ باژێڕكێ حهمدانیه یێ مووسل بوویه و ب ئهگهرێ كۆراتیا ئهرد ههژینێ زیانێن وهسا نهبووینه.
ئەڤرۆ نیوز، ئێقبال عومەر:
ئیسماعیل مستەفا قایمقامێ قەزا ئامێدیێ، بو ئهڤرۆ نیوز دیاركر، كو بهردهوام لژنا وان دووڤچوونا بازاری دكهت و گۆت: ( لێژنا مه كو ژ رێڤەبەریا قایمقامیێ و رێڤەبەریا ساخلەمیا ئامێدیێ و رێڤەبەریا ناحیێ و پولیس و ئاسایش و باژێرڤانیێ پێك دهێت د ههوهكی ل بازارێ شێلادزێ دهست ب سهر چهند كهرهستێن دەم بسەرڤەچووی دا گرتن و ژناڤبرن).
قایمقامێ قەزا ئامێدیێ زێدەتر گوت: (مەرەما مە ژڤێ سەرەدانێ ژی ئەوبو کو ژنێزیك هایداری وان جهێن ڤەکری بین دناڤ بازاری دا وەکو مارکێت و نان پێژ و گوشت فروش هەمی فروشیارێن دی کو ئایا پێگرن ب وان رێنمایێن رێڤەبەریا ساخلەمیێ دایێ یان نە و زێدەباری بهایێ کەلوپەلان داکو زێدەگاڤی ل سەر بهای نەهێتەکرن، بەلێ دەست خوشیێ ل وان هەمی فروشیاران دکەین یێن پێگیربوی ب وان رێنمایان).
زێدەتر گوت: هەروەسا مە چەندین رێنمایێن نوی کو ژ وەزارەتا ساخلەمیێ دەرکەفتی مە گەهاندینە وەلاتیان، مە وەلاتی هایدارکرینە کو ب چو رەنگان نابیت خرڤەبوون دروست ببن و ل روژێن داهاتو کو دڤێ هەیڤێ دا چەندین هەلکەفت هەنە یێن خوەش و نەخوەش کو هەرسال چەندین چالاکی دهاتنە گێران بەلێ ئەڤ سالە هەمو هاتنە قەدەغەکرن ژلایێ حکومەتا هەرێمێ ڤە، نەڤروز نێزیک بو دەمێ دەرکەفتن و سەیرانا نە بەلێ ئەم رێکێ نادەین خەلکەك ل دەف ئێك خرڤەببن و نە ل باژێری و نە ژدەرڤەی باژێری، هیڤیدارین وان دەرکەفتن و سەیران و خرڤەبوونێن خوە پاش بێخن و ژمالێن خوە دەرنەکەڤن تاکو وی دەمی کو ئەڤ ڤایروسە دناڤ مەدا نەمینیت و بنبربیت، داکو گیانێ هەمی وەلاتیێن مە یێ پاراستی بیت.
گوت ژێ: مە دهست ب سهر هژمارهكا كهرهستێن دەم بسەرڤەچوی دا گرتن و چەند مارکێت و نان پێژ و خارنگەه هاتنە سزادان ژبەر نەپێگیری کرن بوان رێنمایێن بو هاتیە دان ژلایێ وەزارەتا ساخلەمیێ ڤە و چهندین جهێن دی یێن سهرپێچیكار هاتینه ئاگههداركرن كو وان سهرپێچیان راكهن، ههكه نه دێ هێنه سزادان و ل سهر ڤێ یهكێ بنگههێ پولیسان هاته ئاگههدار كرن.
نيشاندان