ئەڤرۆ نیوز:
دەزگەهێن راگەهاندنا ئەلمانیا دیار دکەن کو ئەردۆگانی دخواست کارتا پەنابەران وەکو فشارەکێ ل دژی وەلاتێن ئێکەتیا ئورۆپا بکار بینیت لێ دەمێ وەلاتێن ئورۆپا هاریکاریا یونانێ کرن و سنور باش هاتنە گرتن ئەو کارتا ئەردۆگانی ژی بێ ئەنجام ما.
دەزگەهێن راگەهاندنا ئەلمانیا دیار ژی دکەن کو ئێدی وەلاتێن ئورۆپا بەرهەڤ نینن وەکو سالێن بۆری پارەکێ مەزن ژ بەر پەنابەران بدەنە تورکیا، ئارمانجا سەرەکی یا ئەردۆگانی وەرگرتنا پاران بوو، لێ ئەو یەک ژی بێ ئەنجام ما.
ئەڤرۆ نیوز:
پشتی کو سەرۆکێ رژێما سووریێ راگەهاند کو کورد ل سووریێ مێهڤانن و چو پرسا کوردی ل سووریێ نینە، ئەنجوومەنێ نشتیمانی یێ کوردی ل سووریێ ب توندی بەرسڤا بەشاری دا و راگەهاند کو بەری دەولەتا سووریێ بهێتە ئاڤا کرن کورد ل سووریێ و رۆژئاڤایێ کوردستانێ هەبوون و ل سەر ئاخا خوە دژیان و نها ژی کورد ل سەر ئاخا خوە دژین.
ئەنجوومەنێ نشتیمانی یێ کوردی ل سووریێ دیار ژی دکەت کو پرسا کوردی ل سووریێ پرسەکا نەتەویە و هەتا پرسا کوردی نەهێتە چارەسەرکرن قەیرانا ل سووریێ ژی دێ یا بەردەوام بیت.
ئەڤرۆ نیوز، عەلی حاجی :
نوونەرێ قایمقامیا زاخۆ د لژنا دیفچوونا بازارێ زاخۆ دا بۆ ئەڤرۆ نیوز دیار کر ژبەر نەپێگریکرنا چەند جهەکان ب رێنمایێن نوویێن خوە پاراستنا ڤایروسێ کورونایێ دو کافێ هاتنە دائێخستن و ١١ جهێن دیتر هاتنە سزادان.
زێدەتر وەلات هەجەر گوت: (ب فەرمانا قایمقامێ زاخۆ بوتان محسن دوهی روژا ئێک شەمبێ سەرتراشخانێن زەلام و ئاڤرەتا و نانپێژ و خارنگەهـ و گوشت فروشان هاتینە ئاگەهدار کرن پێگیر بن ب رێنمایێن نوو، پشتی ئەڤرۆ ل روژا دوشەمبێ ب هاریکاریا ئاسایش و پولیس و ساخلەمی و چاڤدێریا بازرگانیا زاخۆ مە دیفچوونا وان جهان کرین،ژبەر نە پێگیریا وان جهان دو کافێ ب ناڤێ چایخانە هاتنە دائێخستن ژبەر کو پێدڤی یە هەمی کافێ بهێنە دائێخستن و هەر دیسان ١١ جهێن دیتر ژ نانپێژ و سەرتراشخانەیێن زەلامان و چایخانە و خارنگەهـ ب کوژمەیەکێ پارەی هاتنە سزادان وەکو قوناغا ئێکێ و بریارە قونغا دووێ سباهی روژا سێ شەمبێ بهێتە دەست پێکرن و سەرەدانا هەمی جهان بکەین).
و گوت ژی: روژانە هەر ژ دانێ سپێدێ هەتا ئێڤاری دێ بەردەوام چاڤدێریا ڤان جهان دکەین و هەر کەسەکێ دوبارە رێنمایێن نوو جێبەجێ نەکەت دێ سزایێن توندتر هەبن و وەکو قایمقامیا زاخۆ ژی دێ ب هویربینی چاڤدێر بین دا کو هەمی رێنمایێن خوە پاراستن ژ ڤایروسێ کورونایێ بهێنە جێبەجێ کرن.
ئەڤرۆ نیوز:
د. یاد نەقشبەندی پەیڤدارێ رێڤەبەراتیا ساخلەمیا سلێمانیێ راگەهاند کو ساخلەمیا وان ٩ کەسێن کو بەری نها تووشی نەخوشیا کۆرۆنایێ ببوون جێگرە.
ناڤهاتی راگەهاند کو چو مەترسی ل سەر ژیانا وان ٩ کەسان نینە لێ ب باشی دووڤچوونا وان دهێتە کرن و هەر دەمێ ب تەمامی ژ ڤایرۆسێ قورتال بوون دێ ڤەگەرنە ڤە ناڤ کەسوکارێن خوە.
ئهڤرۆ نیۆز، عهزیز ههورامی:
حكوومهتی ههرێمی كوردستان ڕێوشێنهكانی ڕێگاقاچاخچییهكانی توندكردووه بۆ ئهوهی هیچ كاڵایهكی قاچاخ نههێندرێته ههرێمی كوردستان له ڕوی ئێرانهوه،ئاسایشی شارهزوور له پارێزگای ههڵهبجه له ڕونكردنهوهیهكدا دهست بهسهرداگرتنی ئاژهڵ و دهرمانی زهراعی قاچاخ ڕاگهیاند.
له ڕونكردنهوهیكدا ئاسایشی شارهزوور بڵاوی كردووهتهوه كۆپێكی بۆ ئهڤرۆ نیۆز نێردراوه تێداهاتووه، بۆ پاراستنی سنورهكان و ڕوبهڕوبونهوهی ههر ئهگهرێك كه مهترسی بڵاو بونهوهی پهتایی كۆرۆنایی لێبكهوێتهوه یان دزه كردنی ههر هاوڵاتیهك كه بیهوێت بهقاچاخ یان كهل و پهلی قاچاخ بهدهر له ڕینمایه تهندروستیهكان بهێنێته ناو ههرێمی كوردستان، بۆ ئهو مهبهسته له چهند ههڵمهتێكی چڕدا هێزهكانی ئاسایش، دهست بهسهر دهرمانی زهراعی و تهندروستی و ئاژهڵ كهویستراوه به قاچاخ بهێندرێنه ناوخاكی كوردستان له دیوی ئێرانهوه.
ههروهها بهڕێوهبهرایهتی گشتی ئاسایشی شارهزوور، له ڕونكردنهوهكهیداهاتوه، چوار بار دهرمانی تهندروستی كه پێك هاتوون له نۆ جۆر كه ههر جۆرهی بهبڕی جیاوازه، چل و دوو كارتۆن دهرمانی زراعی جۆراو جۆر،ده مهزاخهی ڕشتنی دهرمان ، پهننجاو یهك سهر ئاژهڵ له جۆری مهڕ و بزن، ناردنی نزیكهی 140 هاوڵاتی بۆ كهرهنتینهكان كه به ڕێگهی قاچاخ هاتونهتهوه ههرێمی كوردستان.
ئاماژهش بهوهدراوه، بهفهرمانی بهریز دادوهری لێكۆڵینهوهی ئاسایشی شارهزوور دۆسییهی لێكۆلینهوه كراوهتهوه و هێزهكانمان بهردهوامن له لێكۆڵینهوه.
ئەڤرۆ نیوز:
دهێتە گوتن کو ڤایرۆسێ کۆرۆنا پتر کەسێن دانعەمر ڤەدگریت، لێ ل ولاتێ چینێ کەسەکێ د ژیێ ١٠٠ سالیێ دا، پشتى توشی ڤایرۆسێ کۆرۆنایێ دبیت پشتى ١٣ رۆژان ل ژێر چاڤدێریا نۆشداران دا دمینیت و چێدبیتە ڤە.
ئاژانسێن نووچەیان، چێبوونا وى کەسێ ژیێ ١٠٠ سالیێ دا ل ولاتێ چینێ بەلاڤکر، ئەو کەسە پشتى تووشی ڤایرۆسێ کۆرۆنا دبیت بۆ دەمێ ١٣ رۆژان ل نەخۆشخانا هوبی د مینیت و لدووڤ دا نووچێ چێبوونا وى ب مالپەر و ئاژانسێن نووچەگەهان دا بەلاڤ دبیت و ب تەمەنترین تووشبوویێ کۆرۆنایێ کو چێبوویە ڤە هاتیە هژمارتن.
دیار کریە ژی، ئەو کەسێ چینی سەد سال دەربازکرینە و ژ دایکبوویێ سالا ١٩٢٠ یە، هەڤدەم چەند نەخوشیێن وەکو بلندبوونا فشارا خوینێ و ئەلزەهایمەر و ئاریشێن دلی ژی هەبووینە.
ئەڤرۆ نیوز، مەحمود نهێلی:
ژ بەر نەپێگریکرن ب رێنمایان، لیژنا دووڤچونا بازاری ل دێرەلۆکێ جهێ برین پێچەکی ل دێرەلۆکی گرت و نانپێژیەک ژی ب کوژمەکێ پارەی سزادا.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیارکر، پشتی لیژنا دووڤچونا بازاری ل دێرەلۆکی سەرا چەند جهێن ساخلەمیێ و ناپێژی و کافیێن سنورێ ناحیا دێرەلۆک دای جهی برین پێچەکی دایخستن و نانپێژیەک ژی ب کوژمەکی پارەی سزادا و گۆت : ڤی برین پێچی ل دووڤ رێنمایانیێن ساخلەمیێ کارنەدکر و مولەتا وی ژی ب سەر ڤە چوبوو ژ بەر وێ یەکی ژی بریارا گرتنێ بۆ وی هاتە دەرکرن و هاتە دایخستن.
ناڤهاتی تەکەز ژی کر، هەتا کو هەموو رێنمایان ب جهنەئینیت و مولەتا خوە نە دروست کەت، ئەڤ جهە دێ ب داخستی مینت. و دیار ژی کر، هەر جهەکی ل دووڤ رێنمایێن ساخلەمیێ کار نەکەت دێ ب توندی هێتە سزادان.
ئەڤرۆ نیۆز، قائید میرۆ:
پشتی کو پەرلەمانێ عێراقێ بڕیارا ھەلوەشاندنا ئەنجوومەنێن پارێزگەھان دەرکری بڕیارە ئەڤرۆ دادگەھا بلندا فیدڕالی بڕیارا دوماھیێ لدۆر ئەنجوومەنێن پارێزگەھێن عێراقێ بدەت.
خالیدە خەلیل، پەرلەمانتارا فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر ” راستە بەری نوکە پەرلەمانێ عێراقێ بڕیاردایە کارێن ئەنجوومەنێن پارێزگەھان بھێنە راگرتن ل عێراقێ، بەلێ نوکە ئەو پرس ل دادگەھا فیدڕالە و بڕیارە ئەڤرۆ دادگەھا بلندا فیدڕالی ئێکلا بکەت و دێ بڕیارا خوە بدەت.
پەرلەمانتارا کورد گۆتژی” گورەی مادێ ٩٤ یێ دستوورێ عێراقێ ھەر بڕیارەکا ژلایێ دادگەھا فیدڕال بھێتە دەرکرن دێ ھێتە بجە ئینان، واتە ئەگەر بھێت و دادگەھا فیدڕال بڕیارێ بدەت ئەنجوومەنێن پارێزگەھان بمینن دێ بەردەوامبن لسەر ئەرکێ خوە ل عێراقێ.
خالیدە خەلیل ئاماژەکر” بدیتنامە ھەبوونا ئەنجوومەنێن پارێزگەھان پێدڤینە بۆ عێراقێ بتایبەتی بۆ ھندەک پارێزگەھێن وەکی نەینەوا، چونکە ھاریکاربووینە بۆ رێڤەبرنا کارێن حوکمەتێ.
ئهڤرۆ نیوز:
وهزارهتا كارهبا حكومهتا ههرێما كوردستانێ د راگههاندنهكێ دا كۆ ئاماژه ب وێ چهندێ هاتیهكرن ل بن چاڤدێریا سهرۆكێ حكومهتا ههریما كوردستانێ بهرێ بنیاتی بۆ دو پرۆژهیێن بهرههمئینان و ڤهگۆهاستنا كارهبێ هێنهدانان.
ئهڤرۆ وهزارهتا كارهبێ د راگههاندنهكێ دا د پهیجێ فهرمیێ خۆدا ل تورا جڤاكی فیسبوكی بهلاڤكریه، رۆژا سێ شهمبێ ل بن چاڤدێریا مهسرور بارزانی سهرۆكێ حكومهتا ههرێما كوردستانێ بهرێ بنیاتی بۆ دو پرۆژهیێن بیاڤێ بهرههمئینان و ڤهگۆهاستنا كارهبی دا هێنهدانان، دهستپێكێ، ئیسگههێ 132 كهیڤی یێ سوران ل سهر ریكا سوران رهواندز یێ دوێ بهرێ بنیاتی بۆ پرۆژهیێ هێلا 132 كهیڤی و گوهورینا تێلێن ناڤبهرا شهقلاوا و سوران و بهرفهرهكرنا ئیسگههێ سوران ب بهایێ شهش ملیۆن و 700 ههزار و 50 دۆلاران هێته بجهكرن.
ههر د رۆژا سێ شهمبی دا بهری بنیاتی بۆ پرۆژهیێ وهبهرهێنانێ بۆ بهرههمئینانا 100 مێگاواتین كارهبێ ژ ئاڤێ(HIDRO +) ب شیوهیێ وهبهرهێنان ژلایێ ههردو كۆمپانیین ئاریان ئیندهستریت – ئوسترالی و strog oil ب بهایێ 250ه ملیۆن دۆلاران هێته بجهكرن.
ئهڤرۆ نیوز:
وهزارهتا ناڤخویا حكومهتا ههرێما كوردستانێ د نفیسارهكێ دا كۆ ئاراستهی پارێزگههان و ئیدارهیا گهرمیان و راپهرین كریه كو داخازا كارێن پێدڤی بهێنه ئهنجام دان ژبوی راوهستاندنا هاتنو چونا ئاواره و پهنابهرێن ل ههرێما كوردستانێ بۆ دهرڤهی ههرێمێ ڤهگهریانا وان.
دنفیسارا وهزارهتا نافخویا حكومهتا ههرێما كوردستانێ كۆ ب ژماره 35 یا 8/3/2020 دهركهتیه و تێدا هاتیه كاری پێدڤی بهێته ئهنجامدان ژبوی راوهستاندنا هاتنوچونا ئاواره و پهنابهرێن دهرڤه و ناڤخویا كهمپان بۆ دهرڤهی توخیبێ ههرێما كوردستانێ و هاتنا وان بۆ ههرێمێ بجهكرنا تهڤایا رێكارین خۆ پاراستنێ ل سهر وان كهسان.
لگۆری نفیسارێ مهبهست ژ بریارێ خۆپارێزی ژ بهلاڤبوونا ڤایرۆسێ كورونایێ و پشتگیریكرن دپێخهمهتا پاراستن و سلامهتی و ساخلهمیا ئاواره و پهنابهرانه و وهلاتێن ههرێما كوردستانێ یه.
دنفیسارێ دا ئاماژه ب وێ چهندێ هاتیه دان كۆ ئهڤ فهرمانه بهێته بجهكرن و ههتا كۆ ب شیوهیهكێ فهرمی ههوه ئاگههدار دكهین.
نيشاندان