ئەڤرۆ نیوز:
ئومێد خوشناو سەرۆکێ فراکسیۆنا پارتی ل پەرلەمانێ کوردستانێ دیار کر کو وان وەکو فراکسیۆنا پارتی یاداشتەک نڤیسینە و هەموو فراکسیۆنێن ناڤ پەرلەمانێ کوردستانێ ژی ئەو یەک ئیمزا کرینە.
ناڤهاتی راگەهاند کو هەموو فراکسیۆنێن ناڤ پەرلەمانێ کوردستانێ داخواز ژ سەرۆکاتیا پەرلەمانێ کوردستانێ دکەن کو وەکو پەرلەمانێ کوردستانێ بەرسڤا حەسەن نەسروللاهی بدەن.
ئەڤرۆ نیوز:
ئەڤرۆ مەسرور بارزانی سەرۆکێ حوکمەتا هەرێما کوردستانێ پێشوازی ل جینین هینیس پلاسخارت نوونەرا سکرتێرێ گشتی یێ نەتەوێن ئێکگرتی ل عیراقێ کر.
د هەڤدیتنەکێ دا هەر دو ئالیان دیار کرن کو دڤێت ئارامیا ل عیراقێ بهێتە پاراستن و هەموو ئالیەک رەوشا عیراقێ بەرچاڤ وەربگریت، چونکو ئالۆزبوونا رەوشا عیراقێ د بەرژەوەندیا چو ئالیەکێ دا نینە و ئەوک یەک دێ کارتێکرنا خوە یا خراب ل هەموو دەڤەرێ کەت.
ئەڤرۆ نیوز،عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر ل دەمژمێر ١ی نیڤرۆ گەنجەکی ل تاخێ مهەندیکی ل زاخۆ ب چەکی خوە کوشتی یە و تەرمێ وی هاتیە رەوانە کرن بۆ پزیشکیا داد ل زاخۆ.
ئەمیر عەلی زێدەتر گۆت : ئەو گەنجە د ژیێ 30 سالیێ دا بوو و ژ روویێ دەروونی ڤە یێ دروست نەبوو و ل دەمژمێر ١ی نیڤرۆ ل تاخێ مهەندیکێ نێزیک مزگەڤتا جودی ب چەکی ژ جورێ جفتە کو دانانیە سەر سینگێ خوە و گولەیەک ل سینگێ خوە دایە و ئه‌و گەنج بناڤێ ( خ.ح ) دوماهی ب ژیانا خوە ئینا و پشتی تیمێن مە گەهشتینە جهێ روودانێ ئێکسەر تەرمێ وی بۆ پزیشکیا داد ل نەخوشخانا زاخۆ هاتە رەوانەکرن بۆ وێ یەکێ پشکنین ل سەر تەرمێ وی بهێتە کرن.
ئه‌ڤرۆ نیوز:
باژێرڤانیا هه‌ولێرێ موله‌تا دروستكرنا ئاڤاهیێ كونسولخانه‌یا كۆمارا چینێ دده‌ت و ئیمزا ل سه‌ر ئااكرنێ ژی هاته‌كرن.
ئه‌ڤرۆ دوشه‌مبی 13/1/2020 ب سه‌ر پرشتیا ساسان عه‌ونی وه‌زیرێ باژێرڤان و گه‌شتوگۆزارێ یا حوكمه‌تا هه‌رێما كوردستانێ موله‌تا ئاڤاكرنا كونسولخانه‌یا وه‌لاتێ چینێ هاته ئیمزاكرن.
موله‌ت ژلایێ عه‌بدلواحد ئه‌حمه‌د سه‌رۆكێ باژێرڤانیا هه‌ولێرێ و نی رووچی كونسولێ گشتی یێ چینێ ل هه‌ولێرێ ل دیوانا وه‌زاره‌تا باژێرڤانیێ ئیمزا ل سه‌ر رێ پێدانا ئاڤاكرنا بالیوزخانه‌یا چینێ هاته ئیمزاكرن.
كونسولخانه‌یا نوو یا چینێ دكه‌ڤته سه‌ر ێكا هه‌ولێر پیرمام و پشتی وه‌رگرتنا موله‌تێ دێ ده‌ست بكاركرنا ئاڤاكرنێ هێته‌كرن
ئه‌ڤرۆ نیوز، مه‌حمود نهێلی
ژ به‌ر نه‌پێگریكرن ب رێنمایان یه‌كا زێره‌ڤانیا ساخله‌میا قه‌زا ئامێدیێ سێ گوشت فروشی سزادان.
سامی ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، كو ئه‌وان بنگه‌هێ پولیسێن دێره‌لۆك ب نڤیسارا ساخله‌میا قه‌زا ئامێدیێ ئاگه‌هدار كرینه ل سه‌ر سزادانا دوو گوشت فرشیا ل دێره‌لۆك و گۆت: ژبۆ پاراستنا ساخله‌میا هاولاتیان و دووركه‌فتن ژ نه‌خوشیان ئه‌ڤ بریاره ژ لایێ یه‌كا زێره‌ڤانیێ ڤه هاتیه دان و دیاره ئه‌ڤان گوشت فروشان ل دووڤ رێنمایێن ساخله‌میێ كار نه‌كریه ژ به‌ر وێ یه‌كێ ژی ژلایێ یه‌كا زێره‌ڤانیا ساخله‌میا قه‌زا ئامێدیێ ڤه بریارا دایخستنا وان هاتیه دان.
ناڤهاتی خویاكر، كو ئه‌وان بنگه‌هێ پولیسان ئاگه‌هدار كریه ل سه‌ر بجهئینانا ڤی سزای و ئاگه‌هداریا وان بهێته كرن تا بجهئینانا هه‌موو رێنمایێن ساخله‌میێ نابیت ئه‌ڤ گوشت فروشه بهێنه ڤه‌كرن.
و دیار ژی كر، به‌ری چه‌ند رۆژان ژی گوشت فروشه‌كی دی ل دێره‌لۆك ژ به‌ر كو ل دووڤ رێنمایان كارنه‌كریه هاتیه سزادان.
تێ زانین تا نوكه چ سه‌ربرخانه ل دێره‌لۆك نینن ژ به‌ر وێ یه‌كی گه‌له‌ك جاران ل به‌رده‌رێ گوشت فروشیێ ئاژه‌ل سه‌رژێ دهێنه كرن و ئه‌ڤێ ژی گه‌له‌ك جاران ئاریشه بۆ هاولاتیان و گوشت فروشان ژی دروست كرینه.
ئه‌ڤرۆنیوز،عه‌لی حاجی :
رێڤه‌به‌رێ ئاڤازاخۆ د داخویانیه‌كێ دا بۆ ئه‌ڤرۆ نیوز دیار كر ئه‌و كێشه‌یێن سالا بوری د پیڤه‌رێن ئاڤێ دا بۆ وه‌لاتیان دروست بووین ژلایێ مه‌ڤه دهێنه چاره‌سه‌ر كرن و ژبه‌ر وان خه‌له‌تیێن د پیڤه‌ران دروست بووین ل سالا بوری دا ئێدی خه‌لكێ باوه‌ری ب پیڤه‌ران نه‌مایه .
زێده‌تر هاشم ئیبراهیم گۆت: نوكه‌دا ئه‌م وان كێشه‌یان چاره‌سه‌ر دكه‌ین ئه‌وێن پیڤه‌رێن ئاڤێ ل سالا بوری داناین و پاره‌یه‌كێ زێده‌بووهاتی توماركرن كو ب ره‌نگه‌كێ دهێته‌چاره‌سه‌ركرن ئه‌و پاره‌یێ زێده‌ژێ ناهێته وه‌رگرتن به‌لێ ل دووڤ سیسته‌مێ نوكه‌یێ خانیان ژێ دهێته وه‌رگرتن و ژبه‌ر وان خه‌له‌تیێن د پیڤه‌راندادروست بووین ل سالا بوری دائێدی خه‌لكی باوه‌ری نه‌مایه پیڤه‌ران بدانن به‌لێ نوكه ئه‌و كێشه‌یا ته‌كنیكی د پیڤه‌ران داهاتیه چاره‌سه‌ركرن و پیڤه‌رێن نوو بۆ ماوه‌یێ پێنچ سالان وه‌كو گه‌ره‌نتی یه ل سه‌ر كومپانیا جێبه‌جێ كار و هه‌رده‌ما خه‌له‌تیه‌ك د وان پیڤه‌ران دا دروستبوووی ده‌می دا كومپانی به‌رپرسیاره .
و گۆت ژی: دوماهی ژڤان بۆ وه‌لاتیان هه‌تا 1/3/2020ێ پێدڤی یه‌هه‌تاوی ژڤانی بدانن و هه ر وه‌لاتیه‌كێ نه‌دانیت ل گوره‌ی رێنمایان دێ هه‌یڤانه 100 هزار دیناران ئه‌و وه‌لاتی هێنه‌سزادان و له‌ورا پێدڤی یه وه‌لاتی ئاگه‌هدار بن ل سه‌روێ چه‌ندێ .
ئه‌ڤرۆ نیوز،عه‌لی حاجی :
نوونه‌رێ قایممقامێ زاخۆ د لژنا سامانێن سروشتی دا د داخویانیه‌كێ دا بۆ ئه‌ڤرۆ نیوز دیار كر د گه‌رادووێ دا 2119 پلێتێن گازاسپی ل سه‌ر چار برێكارێن ئاهێن خوارنێ ل زاخۆدهێنه به‌لاڤ كرن و بریاره د ڤێ هه‌فتیێ دا گازاسپی ل سه‌ر وان خێزانان بهێته به‌لاڤ كرن .
زێده‌تر نیشان بوغوس گۆت : پشتی گه‌را ئێكێ یا هه‌وا به‌لاڤكرنا گازاسپی ل زاخۆ ب دوماهی هاتی نوكه دا 2119 پلێتێن گازاسپی گه‌هشتینه ده‌ستێ مه و ژلایێ خوه‌ڤه ژی ماوه‌یێ دو رۆژانه مه‌ده‌ست ب به‌لاڤ كرنا وان پلێتان كری یه ل سه‌ر چار برێكارێن ئازوقه‌یی ل تاخێن فرقێ و نێزیكی سایلویا زاخۆ و پشتی برێكار ژی وان پلێتان ل سه‌ر وه‌لاتیان به‌لاڤ دكه‌ن دێ ئێكسه‌ر ده‌ست ب به‌لاڤكرنا گازا سپی كه‌ین ل سه‌ر وان خێزانان و پشتی ئه‌ڤ هه‌وه به‌ره‌ڤ قوناغێن دوماهیێ ڤه بچیت دێ دوباره داخازا پشكه‌كا دیتر یا پلێتانكه‌ین بۆ قوناغاسیێ .
و گۆت ژی : هاتنا پلێتان ل دور وێ رێژه‌یا یا گازاسپی یه ئه‌وا ل به‌رده‌ستێ پارێزگه‌ها دهۆكێ و هه‌رده‌ما رێژه‌یه‌ك ل به‌رده‌ست هه‌بیت ئێكسه‌ر ئه‌و پلێت دگه‌هنه ده‌ستێ مه ئه‌م ژی ژلایێ خوه‌ڤه به‌لاڤدكه‌ین .
دهۆك، له‌زگین جوقی
رێڤه‌به‌رێ كارۆبارێن خوه‌پاراستنا ساخله‌میێ ل دهۆكێ دیاركر كو ده‌رباری ئه‌نفلونزا وه‌رزی مه دڤیت بۆ خه‌لكێ خوه ل دهۆكێ ئاشكرابكه‌ین ئه‌ڤ نه‌خۆشیا ئه‌نفلونزا وه‌رزی یه كو ئه‌نفلونزا H1N1 یا وه‌رزی یه نها وه‌رزی ڤێ نه‌خۆشیی یه ل كوردستانێ و عێراقی ژی حاله‌ت هه‌نه ل توركیا و ئوردن وئیران ژی چه‌ندین حاله‌تێن ڤێ نه‌خۆشی هاتینه توماركرن.
د, سیروان مه‌حمه‌د ئه‌سود، رێڤه‌به‌رێ كارۆبارێن خوه‌پاراستنا ساخله‌میێ ل دهۆكێ دپرێس كونفرانسه‌كێ دا دیاركر كو چه‌ندین كۆمبوون ل سه‌ر ئاستی وه‌زاره‌تا ساخله‌میا هه‌رێما كوردستانێ ل سه‌ر ڤێ نه‌خۆشی هاتینه ئه‌نجامدان ل رۆژا 12/1/2020 ژی كۆمبوونه‌ك هاتیه كرن ل وه‌زارتا ساخله‌میا هه‌رێما كوردستانێ دگه‌ل رێكخراوا ساخله‌میا جیهانێ داكو ئه‌وژی هاریكاریا مه بكه‌ن ل سه‌ر چه‌وانیا به‌رهه‌نگاریا ڤێ نه‌خۆشی و ژمارا نه‌خۆشان كێم بیت هه‌تا نوكه ل دهۆكێ 67 حاله‌ت هاتینه تۆماركرن گومانلیكرینه ژهه‌موو حاله‌تان نموونه هاتینه وه‌رگرتن بۆ به‌غدا هاتینه ره‌وانه‌كرن بۆ پشت راستبوونێ نها وێڤه دێ ل هه‌ولیر ئه‌ڤ پشكنین هێنه ئه‌نجامدان ئه‌م ئێدی ره‌وانه‌ی به‌غدا ناكه‌ین دێ هه‌ولیر هێنه پشكنینن كرن.
ئاشكه‌را كركو ژڤان 67 حاله‌تان ژی 24 حاله‌ت ده‌رچووینه H1 N1 بووینه سیێ حاله‌ت ژی نیگه‌تیڤ ده‌رچووینه ودوو حاله‌تێن دی ژی و 11 حاله‌ت ژی ئه‌نفلونزا بوویه وه‌كو ئه‌م دوانن مه دوو جۆرێن ئه‌نفلونزا هه‌نه ئه‌وژی جۆری A و جۆری B تشتی نه‌خۆش مه نه‌ڤێت چوو جاران بیژین گیان ژ ده‌ستدان ژی ژبه‌ر ڤێ نه‌خۆشی هه‌بووینه كو سیێ حاله‌تێن گیان ژ ده‌ستدانێ ژ سه‌رجه‌مێ 67 حاله‌ت هه‌بووینه ونها ژی حاله‌ته‌كێ دی مرنێ هاته تۆماركرن ئه‌ڤه بووینه چار حاله‌تێن گیان ژ ده‌ستدانێ ل هه‌رێما كوردستانێ مه هه‌موو پێكڤه گریدایه هه‌ر حاله‌ت هه‌بیت دهێته توماركرن و ئه‌ڤ نه‌خۆشیا مه‌ترسیی وێ ل ژیێ مرۆڤێ دایه ب تایبه‌تی ژی زارۆیێن بچووك یێ كیمتر ژ پێنچ سالیێ و كه‌سێن 60 سالێن مه‌زنتر و كه‌سین نه‌خۆشه‌كا دێ هه‌بیت كو كارتیكرن ل به‌رگیریا وێ كربیت وه‌كو نه‌خۆشیا په‌نچه‌شێری و ئه‌و نه‌خۆشین به‌رگیریا له‌شی كێم دكه‌ن ل وی ده‌می وه‌ختێ ئه‌ڤ ڤایرۆس دچیته له‌شێ وان دا پتر كارتێكرنی َل به‌رگیریا وان دكه‌ت وپشتی هینگی دگه‌ل ڤایرۆسی كارتیكرنێ ل وی كه‌سی دكه‌ت دێ ئێشان پتر بیت سه‌رجه‌مێ هه‌ر 67 حاله‌تان ژی هه‌موو باش بووینه یێن چووینه مالێن خوه و ده‌رمان وچاره‌سه‌ری پێ هاتینه دان و ڤاكسین بۆ نه‌خۆشی هه‌یه ولێ ڤاكسین ده‌رنگ ژ به‌غدا گه‌هشت بۆ دهۆكێ بتنی 17 هزار و 400 ڤاكسین یێن ئه‌نفلونزا وه‌رزی گه‌هشتنیه دهۆكێ ئه‌ڤ ژماره ژی یا كێمه هه‌مبه‌ر خه‌لكێ خوه‌جهی دهۆكێ و ئاواره وپه‌نابه‌ران ژی .
د. سیروان محمد ئه‌سود گۆت: دوو ریێن خوه پاراستنێ و چاره‌سه‌ری هه‌نه ریێا سه‌ره‌كیی ڤاكسیندان و پاشی ژی پاراستنا ساخله‌میێ مه چه‌ندین پوسته‌ر دروستكرینه و به‌لاڤكرینه ئه‌م بۆ ره‌وشه‌نبیریا وه‌لاتیان به‌رده‌وامین و كه‌سی تووشی په‌رسڤی بیت باشتره مرۆڤ خوه نیزیكی وی نه‌كه‌ت و زارۆك ژی دڤێت ل مال بمینت هه‌كه تووشی په‌رسیڤێ بیت ونه‌چته قوتابخانێ داكو ئه‌و ڤایرۆس نه هێته ڤه‌گوهاستن و ده‌رمان ژی بۆ نه‌خۆشیێ ل دهۆكێ ده‌رمان هه‌نه چوو ئاریشه ده‌رمانان دا نینه یا گرنگ ئه‌و ده‌رمان زوو بهێنه وه‌رگرتن له‌ورا داخازی ژ خه‌لكێ خوه دكه‌ین هه‌ر كه‌سی تووشی ئه‌نفلونزا بیت بلا زوو قه‌ستا ده‌زگه‌هیێن ساخله‌میی بكه‌ت بۆ وه‌رگرتنا چاره‌سه‌رێ.
نيشاندان