ئەڤرۆ نیوز،عەلی حاجی :
ئەڤرۆ سێ شەمبێ 24/12/2019 د كونگرەیەكێ روژنامەڤانی دا بوتان محسن قايمقامێ زاخۆ ئامارا رێڤەبەریێن دەڤەرا زاخۆ راگەهاند كو د وی كونگرەیی دا قايمقامێ زاخۆ تیشك ئێخستە سەر وان خزمەتگوزاری و پرۆژەیێن حوكمه‌تا هەرێما كوردستانێ پێشكێشی خەلكێ زاخۆ كرین.
بوتان محسن د كونگرەیێ روژنامەڤانی دا بۆ دەزگایێن راگەهاندنێ دیار كر ژ وان پروژەیێن هاتینە پێشكێش كرن 99% ژ لایێ حوكمه‌تا هەرێما كوردستانێ ڤە بوینە و 1% ژلایێ رێكخراو و كومپانیا ڤە هاتینە ئەنجام دان .
ئه‌ڤرۆ نيوز:
ده‌سته‌يا گشتى يا كه‌شناسيێ ل عيراقێ راگه‌هاند، سوباهى سێشه‌مبى ژ ئه‌گه‌رێ كاريگه‌ريا نزمه پاله‌په‌ستويێ جه‌مسه‌رێ له‌زاتيا باى دێ چالاك بيت و گه‌هيته نێزيكى 30 كيلۆمه‌تران د ده‌مژمێره‌كێ دا و پلێن گه‌رمێ دێ نزم بن و ل رۆژێن چار شه‌مبى و پێنجشه‌مبى له‌زاتيا باى دێ گه‌هيته 40 كيلۆمه‌تران.
دياركر ژى” ل رۆژا چارشه‌مبى ژ ئه‌گه‌رێ نزمه پاله‌په‌ستويێ ده‌ريا ناڤه‌راست، پێله‌كا بارانێ دێ ده‌ڤه‌رێن هه‌رێما كوردستانێ ڤه‌گريت و بريسى ژى دێ دگه‌لدا بن و ل رۆژا پێنجشه‌مبى ل ده‌ڤه‌رێن چيايى دێ ئه‌و پێله زێده‌تر بيت”.
كه‌شناسيا عيراقێ راگه‌هاند ژى” ل رۆژا پێنجشه‌مبى دێ پێله‌كا به‌فر بارينێ ده‌ڤه‌رێن چيايى ل هه‌رێما كوردستانێ ڤه‌گريت و پلێن گه‌رمێ كو زێده‌تر هێنه خوار و له‌زانيت باى ژى دێ زێده‌تر بيت و گه‌هيته 30 – 40 كيلۆمه‌تران د ده‌مژمێره‌كێ دا و دێ ئاستێ ديتنێ ژى كێم بيت”.
ئه‌ڤرۆ نيوز:
ل سنورێ قه‌زا ئاكرێ رێيه‌كا ستراتيژى بۆ هه‌شت گوندێن مه‌سيحى ل دۆلا نه‌هلێ دێ هێته بجهئينان و نوونه‌ره‌كا مه‌سيحيان ژى دبێژيت، وى پرۆژه‌ى دێ كاريگه‌ريه‌كا ئه‌رێنى ل سه‌ر ده‌ڤه‌رێ هه‌بيت.
روبينا تيارى، نوونه‌ران مه‌سيحيان ل په‌رله‌مانێ كوردستانێ گۆت” پرۆژێ رێيا هه‌شت گوندێن مه‌سيحيان ل دۆلا نه‌هلێ ل سنورێ قه‌زا ئاكرێ دێ هێته بجهئينان، كو بريار بوو به‌رى قه‌يرانا دارايى ئه‌و پرۆژه بهێته بجهئينان، به‌لێ ژبه‌ر قه‌يرانێ و شه‌رێ تيرۆرستێن داعشێ ئه‌و پرۆژه هاتبوو راگرتن”.
روبينايێ زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” پرۆژێ رێيا وان هه‌شت گوندان مفايه‌كێ ئێكجار مه‌زن بۆ خه‌لكێ وێ ده‌ڤه‌رێ يێ هه‌ى و دێ كاريگه‌رى ل سه‌ر گه‌شه‌كرنا كه‌رتێن چاندنێ و گه‌شتوگوزارێ ژى هه‌بيت، چونكى ژ به‌ر خرابيا وێ رێ ئاسته‌نگ بۆ هه‌موو كه‌رتان دروست ببوو”.
ئەڤرۆ نیوز، نەوزاد هلۆری:
رێڤەبەریا نەهێلانا ماددێن بێهوشکەرده‌سته‌سه‌ركرنا دو تاوانبارێن ئیرانی ل ئێک ژ ئوتێلێن هەولێرێ راگەهاند کو رێژەیەکا ماددێن بێهوشکەر دناڤ دیاریێن سەرێ سالێ دا ڤەشارت بوون، د خواست رەوانەیێ دەرڤەیێ کوردستانێ بکەن.
ئه‌ڤرۆ نيوز:
جه‌عفه‌ر شێخ مسته‌فا، ئه‌ندامێ كۆنگرێ چارێ يێ ئێكه‌تى نيشتمانى كوردستان ل دۆر سه‌رۆكێ داهاتى يێ ئێكه‌تيا نيشتمانى راگه‌هاند، هه‌تا نوكه يا ديار نينه كى دێ بيته سه‌رۆكێ ئێكه‌تيێ.
گۆت ژى” ده‌مێ جڤاتا سه‌ركردايه‌تيا ئێكه‌تيێ دهێته هه‌لبژارتن، ئه‌و جڤات دێ بريارێ ل سه‌ر هه‌لبژارتنا سه‌رۆكێ ئێكه‌تيێ ده‌ت”.
ئه‌ڤرۆ نيوز:
په‌رله‌مانتاره‌كێ ره‌وتێ حيكمه راگه‌هاند، لايه‌نێن كوردى ل گه‌ل هه‌ڤپه‌يمانيا فه‌تح ب سه‌رۆكايه‌تيا هادى عامرى ل سه‌ر به‌ربژاركرنا قوسه‌ى ئه‌لسوهێل بۆ پۆستێ سه‌رۆك وه‌زيران رێككه‌فتن.
جاسم به‌خاتى، په‌رله‌مانتارێ ره‌وتێ حيكمه، ل دووڤ سايتێ نه‌وا، راگه‌هاند” 153 ئيمزا يێن هاتينه كۆمكرن بۆ به‌ربژاركرنا قوسه‌ى ئه‌لسوهێل، هه‌روه‌سا رێككه‌فتن د ناڤبه‌را هه‌ڤپه‌يمانيا فه‌تح و كوردان هايته كرن ل سه‌ر به‌ربژاركرنا ئه‌لسوهه‌يل بۆ پۆستێ سه‌رۆك وه‌زيران”.
دياركر ژى” هه‌ر ئێك ژ سائيرون و نه‌سر و حيكمه و جڤاكێ عيراقى داخوازا كه‌سايه‌تيه‌كێ سه‌ربخوه دكه‌ن كو ژ لايێ هه‌موو پێكهاتان يێ په‌سه‌ندكرى بيت”.
هه‌روه‌سا گۆت”ل چه‌ند ده‌مژمێرێن داهاتى سۆپرايزه‌كا چاڤه‌رێ نه‌كرى ل دۆر به‌ربژارێ سه‌رۆك وه‌زيران دێ رووده‌ت و دێ كه‌سه‌كێ دى هێته به‌ربژاركرن كو يێ په‌سه‌ندكرى بيت ل ده‌ڤ خه‌لكى، بێ كو ناڤێ وى ئاشكرا بكه‌ت”.
ئەڤرۆ نیوز، مەحمود نهێلی:
ل دووڤ بریارەکا وەزارەتا پەروەردێ، هەموو ماموستایێن وانە بێژ ل باخچێن ساڤایان دێ هێنە بێ بەهرکرن ژ وانە گۆتنێ، ئەندامەکا لژنا پەروەردێ و خویندنا بلند دیار کر، بزاڤ دهێنە کرن بو ئەڤ سالە کار ب ڤێ بریارێ نەهێتە کرن.
خانم گولستان باقی ئەنداما لژنا پەروەردێ و خویندنا بلند ل پەرلەمانێ کوردستانێ بۆ ئەڤرو نیوز دیارکر، کو وان ئاگەه ژ بابەتی هەیە و پەیوەندی ب جەنابێ رێڤەبەرێ گشتی کریە و گۆت : ئەوان ژی بو مە دیار کریە کو ئەو ل سەر هێلێ نە و بزاڤ دهێنە کرن کو ئەڤ بریارە بو ئەڤ سالە نەهێتە بجئینان .
ناڤهاتیێ دیار ژی کر، کو بزاڤ دهێنە کرن رێنمایێن نوو بهێنە دەرکرن کو ئەڤ ماموستایێن وانە بێژ نەهێنە بێ بەهرکرن و هەر چنە بیت ئەڤ سالە بشێن بەردەوامیێ بدەنە کارێ خوە یێ وانە بێژیێ.
ل دووڤ ڤێ بریارێ ل سنورێ قەزا ئامێدیێ ٤٤ ماموستا دێ هێنە بێ بەهرکرن و بڤێ یەکی ژی دێ ئاریشە بو سێ باخچێن ساڤایان ل دەڤەرێ دروست بیت چونکە ئەڤ سێ باخچەیە پشتی سالا ۲۰۱٤ هاتینە دامەزراندن ل وی دەمی تانوکە دامەزراندنا ماموستایان هاتینە راگرتن.
ئه‌ڤرۆ نیوز، عه‌لی حاجی:
رێڤه‌به‌رێ په‌روه‌ردا زاخۆ د داخویانیه‌كێ دا بۆ ئه‌ڤرۆ نیوز دیار كر بریار هاتیه دان هه‌مهی بورجێن كومپانیێن په‌یوه‌ندیان ل سه‌ر بانێ قوتابخانه‌یان بهێنه راكرن و ئه‌و قوتابخانه‌یا ماموستایێن وان توشی نه‌خوه‌شیا بوین د ده‌مه‌كێ نێزیك دا ئه‌و بورجه دێ هێته راكرن .
زێده‌تر نه‌زیر یوسڤ گوت : ژبه‌ر یا نوكه ژی مه چار نڤێسار داینه قایممقامیا زاخۆ ل دور راكرنا بورجێن په‌یوه‌ندیان ل سه‌ر بانێن قوتابخانه‌یێن زاخۆ به‌لێ چو مفا نه‌بون و هه‌ر دیسا نمه داخاز ژی ژ رێڤه‌به‌ریا زاخۆ كربوو كو كارتێكرنا وان بورجان بۆ مه دیار بكه‌ن به‌لێ وان ژی دیار كر بوو هه‌كه ئه‌و بروجه 50 مه‌تران بلند بیت چو كارتێكرنا خوه نابیت به‌لێ ل سه‌ر ڤێ چه‌ندێ را هه‌تا نوكه سێ بورج ل سه‌ر باننێن قوتابخانه‌یان هاتینه راكرن و ئه‌وێن مایی ژی دێ هێنه راكرن و نامینن .
ناڤهاتی ئه‌و چه‌نده ژی گوت : ئه‌و بابه‌تێ د سایتێ ئه‌ڤرۆ نیوز دا به‌لاڤ بویی ل دور هه‌بونا بورجه‌كێ ل سه‌ر بانێ قوتابخانه‌یه‌كێ بویه ئه‌گه‌رێ په‌یداكرنا نه‌خوه‌شیان مه كوپانی هایدار كری یه ل دور راكرنا بورجێ خوه و وان ژی داخازا ده‌می كری یه هه‌تا كو بشێن جهه‌كێ پێگهور ببینن و بریاره د ده‌مه‌كێ نێزیك دا ئه‌و بورجه بهێته راكرن و ل سه‌ر بانێ وێ قوتابخانێ نه‌مینیت .
ئه‌ڤرۆ نیوز، عه‌لی حاجی:
به‌رپرسێ لژنێن سه‌ندیكا كرێكارێن زاخۆ د داخویانیه‌كێ دا بۆ ئه‌ڤرۆ نیوز دیار كر ل سالا بوری دا 14 كرێكار ل زاخۆ بوینه قوربانی و ل سالا 2017 بریارا ڤه‌كرنا رێڤه‌به‌ریا دابینكرێ ل زاخۆ هاتیه ده‌ركرن به‌لێ رێگری هه‌نه بهێته ڤه‌كرن .
زێده‌تر سه‌گڤان عومه‌ر گوت: (ل سالا 2019 ل باژێرێ زاخۆ 6 كرێكاران ل ده‌مێ كاركرنێ دا گیانێ خوه ژده‌ست داینه كو چار ژ وان كرێكاران خه‌لكێ زاخۆ بون و دوو ژی خه‌لكێ دهوكێ بون و هه‌ر د هه‌مان سال دا ل ده‌ما كاركرنێ دا هه‌شت كرێكار بریندار بوینه دكاری و ئه‌و كرێكارێن گیانێ خوه ژده‌ست داین و بریندار بوینه نه‌هاتینه دابینكرن ل رێڤه‌به‌ریا دابینكرنێ ل پارێزگه‌ها دهوكێ و هه‌كه ئه‌ڤ كرێكاره هاتبانه دابین كرنێ دا شێن داخازا مافێن وان كه‌ین به‌لێ سه‌ر هندێ ژی را مه گه‌له‌ك هه‌ولدان كرن چو تشته‌ك ب ده‌ست مه‌ڤه نه‌هات).
و گوت ژی ل سالا 2017 ل دووڤ بریارا وه‌زیرێ كاروبارێن كومه‌لایه‌تی یا كابینه‌یا هه‌شتێ بریارا ڤه‌كرنا رێڤه‌به‌ریا دابینكرنا جڤاكی ل زاخۆ هاتیه ده‌ركرن به‌لێ ل رێڤه‌به‌ریا دابینكرنێ ل باژێرێ ب هێجه‌تا نه‌بونا ئاڤاهی و ستافێ كاری و كوژمه‌یه‌كێ پاره‌یی هه‌تا نوكه رازی نه‌بوینه ئه‌ڤ رێڤه‌به‌ری یه نه‌هاتیه ڤه‌كرن ب راستی زه‌حكه‌مه ته‌خه‌كا وه‌كی كرێكاران بتنێ بۆ دابینكنێ قه‌ستا باژێرێ دهوكێ بكه‌ن.
ئەڤرۆ نیوز، مەحمود نهێلی:
بەرپرسێ بنگەهێ بەرەڤانیا باژێری ل دێرەلۆکێ دیار کر، کو دڤان سێ هەیڤێن بوریدا دورێن ۱۰ روودانێن ئاگربەربوونێ ل سنورێ ناحیا دێرەلۆک دروست بووینە کو هندەک ژوانا ژ ئەنجامێ بوردومانا فرۆکێن تورکیا بووینە و دورێن ۱٥ ملیون دیناران زیان گەهشتینە هاولاتیان.
نەقیب ئیحسان سەنعان بەرپرسێ بنگەهێ بەرەڤانیا ل دێرەلۆک دیار ژی کر کو پتریا ڤان روودانان ب د زووترین دەم دا هاتینە کونترولکرن و نەهێلایە زیانێن زۆر ل پەی دروست ببن.
و گۆت : ژڤان روودانێن ئاگر بەربوونێ ۳ پیش و پەلەخ بووینە و ئێک ترۆمبێل و ئێک کومپانی و ئێک دوکان و ئێک روودانا ئاگری ژی یێ کارەبێ بو.
و خویاکر، داوی روودانا ئاگر بەربوونێ ل کومپانیەکا ئیرانی بو کو ل پرۆژێ هایدروپاوەرێ دێرەلۆک کار دکەت و د ئەنجامێ دا کابینەیا کومپانیا ناڤهاتی وچەند کەل وپەل تێدا هاتبوونە سوتن و دورێن ۳ ملیون دیناران زیان گەهشتبوونێ.
نيشاندان