ئه‌ڤرۆ نیوز:
كۆمبوونا جڤاتا وه‌زیڕین هه‌رێما كوردستانێ ب سه‌رپرشتیا مه‌سرور بارزانی سه‌رۆكێ حوكمه‌تا هه‌رێما كوردستانێ و جێگرێ وی قوباد تاله‌بانی ده‌ستپێكر.
كۆمبوونا جڤاتا وه‌زیران ده‌ستپێكر
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
بەرپرسەکێ پارتی ل دهوکێ گیانێ خوە ژ دەست دا
دا ئەڤرۆ نیوز،عەلی حاجی:
ب گورەی وان زانیاریێن ب دەست ئەڤرۆ نیوز کەڤتین ئەڤرۆ ل رۆژا چار شەمبێ کارگێرێ لقا هەشت یا پارتی دیموکراتی کوردستان شڤان شێخو ژ ئەگەرێ ڤایروسێ کورونایێ ل ئێک ژ نەخوشخانەیێن وەلاتێ تورکیا گیانێ خوو ژ دەست دا و بریارە هەر ئەڤرۆ روژا چار شەمبێ تەرمێ وی ب رێیا دەروازەیێ نێڤ دەولەتی بگەهیتە باژێرێ زاخۆ و تەرمێ وی بهێتە خاک سپاردن و بۆ دەما چار روژایە ناڤبری توشی کورونایێ ببوو و ب گورەی ئاخڤتنێن کەس و کارێن وی شڤان شێخوی چو نەخوەشیێب دیتر نەبون و ل ئێک ژ نەخوشخانەیێن گازی عەنتابێ چارەسەریا وی دهاتە کرن .
بهایێ پترۆلێ به‌رده‌وام دبلند بوون و داكه‌تنێ دایه
ئه‌ڤرۆ نیوز:
ئاژانسێن جیهانێ به‌لاڤكر، بهایێ پترۆلێ یا برێنت 41.20 دۆلاران كرین و فرۆتن پێ هاتیه‌كرن ل بازارێن جیهانی، بهایێ پترۆلا ئه‌مریكی ژی 39 دۆلاران كرین و فروتن پێڤه هاتیه‌كرن.
داكه‌تن و بلند بوونا بهایێ پترۆلێ دده‌مه‌كی دایه، ژماره‌یه‌كا وه‌لاتان بۆ ریب ری بوونا ڤایرۆسێ كورونایێ ته‌ڤایا كه‌رتێن پیشه‌سازیێ و بازرگنیی راوه‌ستاندبوون، به‌لێ نوكه ب ئه‌گه‌ری كێم بوونا مه‌ترسیێن ڤایرۆسێ كورونایێ پشكه‌كا چالاكیێن ئابووری ده‌ستپێكرینه ئه‌ڤه ژی بوو ئه‌گه‌رێ بلند بوونا بهایێ پترۆلێ.
ئه‌ڤرۆ جڤاتا وه‌زیرێن هه‌رێمێ كۆم دبیت
ئه‌ڤرۆ نیوز:
ئه‌ڤرۆ جڤاتا وه‌زیرێن هه‌رێما كوردستانێ بۆ دانوستاندنێ ل سه‌ر چه‌ند ته‌وه‌ره‌كان كۆم دبیت.
خالد شوانی وه‌زیرێ هه‌رێم بۆ كارۆبارێن ده‌ڤه‌رێن ده‌رڤه‌ی ئیدارا هه‌رێمێ راگه‌هاند كۆمبوونا ئه‌ڤرۆ یا جڤاتا وه‌زیرێن هه‌رێما كوردسانێ تایبه‌ته ب كه‌ركوك و ده‌ڤه‌رێن ئاریشه سه‌ر بۆ ئه‌ڤێ مه‌به‌ستێ و ل سه‌ر بریاره‌كا به‌رێ یا جڤاتا وه‌زیران تایبه‌ته ب پرۆژه‌یه‌كی كۆ هاتیه به‌رهه‌ڤكرن.
وه‌زیرێ هه‌رێم بۆ كارۆبارێن ده‌ڤه‌رێن ده‌رڤه‌ی ئیدارا هه‌رێمێ ئه‌و چه‌نده ژی راگه‌هاند كه‌ركوك و ده‌ڤه‌رێن ئاریشه ل سه‌ر و ئاكنجیێن وان ریب ری قوناغه‌كا دژوار یا ته‌عریبێ بووینه، رێگرتن ژ ته‌عریب و پاراستنا مافێ كوردستانیێن ئه‌ڤێ ده‌ڤه‌رێ ئه‌ركه‌كێ نیشتمانی یه.
د روودانەکا ترافیکێ دا دو کەس بریندار بوون
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا دو کەس بریندار بوون.
ناڤهاتی زێدەتر گۆت: ئەڤرۆ چارشەمبی 2020/9/30 ل دەمژمێر (5:00) سپێدێ ل سەر رێیا سەرەکی یا زاخۆ بۆ دهۆکێ و ل نێزیک چاریانا گرشینی دو ترۆمبێلا لێکدا ( ترۆمبێلەکا بارهەلگر ترێلە یا تورکی ل گەل ترۆمبێلەکا کرێ تەکسی کۆرۆلا )، د ئەنجامێ وێ روودانێ دا دو کەس بریندار بوون و زیانێن مادی یێن مەزن ژی ب وان ترۆمبێلان کەفتن.
ل وەرزێ زڤستانێ دێ دەمژمێرێن كارەبا نیشتمانی زێدە بن
ئەڤرۆ نیوز:
وەزیرێ كارەبا هەرێما کوردستانی راگەهاند: ل وەرزێ زڤستانێ دێ بەرهەمئینانا كارەبێ ل هەرێما كوردستانێ زێدە بیت و 500 میگاواتێن دی یێن كارەبێ بۆ سەر تۆرا كارەبا نیشتمانی دێ زێدە كەین.
د مەراسیما ڤەكرنا پرۆژەكێ وێستگەها كارەبێ ل هەولێرێ كەمال محەمەد وەزیرێ كارەبا هەرێمێ راگەهاند: ل هەیڤا هەشت دا مە نێزیكی 20 دەمژمێرێن كارەبێ داینە وەلاتیان و دنوكە دا سێ هزار هەتا سێ هزار و 200 مێگاواتێن كارەبێ بەرهەم دئینن و ل وەرزێ زڤستانێ ژی دێ 500 مێگاواتێن دی یێن كارەبێ بۆ سەر تۆرا كارەبا نیشتمانی زێدە كەین.
دێ دو یاریكه‌رێن خوە فرۆشیت
ئەڤرۆ نیوز:
د پرۆگرامه‌كێ ئسپانى دا هاتیە ئاشكرا كرن، ل دووماهى كۆمبوون دا راهێنه‌رێ یانا ریال مه‌درید و سه‌رۆكێ یانێ داخوازا ئێكلا كرنا داهاتیێ دو یاریكه‌رێن دى كریه،
وى پرۆگرامى به‌حسێ وێ چه‌ندێ كریه كو زێدانى دڤێت هه‌ردو یاریكه‌ران یوڤێچ و مایورالی ل گەل تیما وى نه‌مینن.
لدووڤ پێزانینێن وى پروگرامێ ئسپانى خوسێ ئه‌نخێل سانچێز رێڤه‌به‌رێ گشتیێ ریال مه‌درید ل ئیتالیایه داكو وان هه‌ردو یاریكه‌ران برێیا خواستنێ بده‌ته یانێن رۆما و ئه‌نترمیلان، دهێته چاڤه‌رێكرن یوڤیچ بچیته میلان و مایورال ژى بچیته رۆما و هه‌ردو گرێبه‌ست ژى دێ ب شێوێ خواستنێ بن.
رۆژناما گاردیان: تورکیا ژ عەفرینێ چەکداران رەوانەی ئازەربایجانێ دکەت
ئەڤرۆ نیوز:
رۆژناما گاردیان یا بریتانی د راپۆرتەکێ دا دیار کریە کو ل باژێرێ عەفرینێ یێ رۆژئاڤایێ کوردستانێ کو نها ل ژێر دەستێ تورکیا دایە کەمپەک ب ناڤێ کەمپا ئازەربایجانێ هاتیە ڤەکرن و چەکدارێن سووریێ و یێن دی ل وێرێ راهێنان ب وان دهێتە کرن و رەوانەی ئازەربایجانێ دکەن.
هەمان رۆژنامێ دیار کریە کو ئەردۆگانی دەست ب یاریەکا گەلەک مەترسیدار ل ئاستێ رۆژهەلاتا ناڤین کریە و شەرێ د ناڤبەرا ئازەربایجان و ئەرمەنستانێ دا دێ بیتە ئەگەرێ گوهۆرینێن مەزن ل دەڤەرێ.
فرۆکێن تورکیا چیایێ هنداڤا گوهەرز بوردومان کر
ئەڤرۆ نیوز، مەحمود نهێلی:
فرۆکێن تورکیا دەریێ بێرا ل چیایێ هنداڤا گوهەرز سەر ب ناحیا دێرەلۆک ل قەزا ئامێدیێ بەری نیڤرۆیا ئەڤرۆ ٢٩/٩/٢٠٢٠ بوردومان کر .
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر: کو ئەڤە جارا گەلەکی یا دەڤەرا وان دهێتە بوردومان کرن و گۆت :(بوردومانا ڤێجارێ گەلەک یا نێزیک بوویە و دیار ژی کر پتر ژ چار موشەکان ل وێ دەڤەرێ داینە و ترس و دو دلی ئێخستیە دلێ خەلکی دەڤەرێ، ل دەمێ بوردومانێ ل دێرەلۆکی خانی هەژیانە. کو جهێ هاتیە بوردومانکرن نێزیکی کیلومەترەکی دووری گوندێ گوهەرز و بلاڤەیە و دورێن سێ کیلومەتران دووری سەنتەرێ ناحیا دێرەلۆکێ یە).
و ئاشکرا کر تا نوکە زیانێن ڤێ بوردومانێ نەهاتیە زانین.
ئامارا ٢٤ دەمژمێرێن بۆری یا کۆرۆنایێ هاتە راگەهاندن
ئەڤرۆ نیوز:
وەزارەتا ساخلەمیا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٧١ کەسێن دی تووشی کۆرۆنایێ بووینە و ٣٢ تووشبوو ژی مرینە.
ل گۆر ئامارا وەزارەتا ساخلەمیێ ٤٦٧ نەخوشێن کۆرۆنایێ ژی ب تەمامی باش بووینە.
ل دهۆکێ ژی ٣٠٢ کەسێن دی تووشی کۆرۆنایێ بووینە و ١٠ تووشبوو ژی مرینە و د هەمان دەمی دا ١٨٠ نەخوش ژی باش بووینە.
نيشاندان
WP Facebook Auto Publish Powered By : XYZScripts.com