ئەڤرۆ نیوز:
بیژەن زەنگەنە وەزیرێ پەترۆلا ئیرانێ راگەهاند کو وەلاتی وی ل گەل ئەمریکا د شەرەکێ مەزن دایە و هەتا نها ژی ئیرانێ شیایە خوەراگیر بیت.
وەزیرێ پەترۆلا ئیرانێ راگەهاند کو ئەمریکا سزایێن گەلەک مەزن ل سەر ئیرانێ سەپاندینە و رەوشا ئابووری یا ئیرانێ گەلەک خرابە، د چل سالێن بۆری دا چو دەمەکێ رەوشا ئیرانێ وەکو نها خراب نەبوویە، ژ بەر هندێ ژی نها ئیران د شەرەکێ گەلەک مەزن دایە.
ئه‌ڤرۆ نیوز:
بریاره ئه‌ڤرۆ سه‌ركرده‌یێن جیهانێ كۆم دبن، ب مه‌به‌ستا ئاهه‌نگێرانێ ب هه‌لكه‌فتا 75 سالیا دامه‌زراندنا نه‌ته‌وه‌یێن ئێكگرتی دا، ئه‌ڤه ژی دده‌مه‌كی دایه ڤایرۆسێ كورونایێ ل جیهانێ به‌لاڤ بووی و به‌رهنگاربوونا ڤایرۆسی پێدڤی ب ئێكرێزیا وه‌لاتێن ئه‌ندام د رێكخراوێ دا هه‌یه كۆ ژماره‌یا وان 193 ئه‌ندامن.
ئه‌میندارێ گشتی یێ نه‌ته‌وه‌یێن ئیكگرتی راگه‌هاند ڤایرۆسێ كورونایێ لاوازیا جیهانێ سه‌لماند، د پلانێ دایه ئه‌ڤرۆ ب سه‌ر سه‌ركرده‌یین جیهانێ بهێته راگه‌هاند كۆ ئه‌وان پێدڤی ب هه‌ڤكاریا به‌رهنگاربوونا ڤایرۆسێ كورونایێ هه‌یه بۆ ریب ری بوونێ.
د ئه‌ڤێ هه‌یڤێ دا نه‌ته‌وه‌یێن ئێكگرتی ب ته‌ڤایا ده‌نگان بریارا به‌رهنگاربوونا گشتگیر و هه‌ڤبه‌ش دایه بۆ ریب ری بوونا كورونایێ، ده‌رخستنا ئه‌وێ بریارێ ب پشته‌ڤانیا ته‌ڤایا ئه‌ندامێن كومه‌له‌یێ نه‌بوو، به‌لكو ئه‌مریكا و ئیسرائیل ل دژی بریارێ راوه‌ستیان.
ئه‌ڤرۆ نیوز:
جڤاتا نوونه‌رێن عیراقێ بۆ شرۆڤه‌كرنا چه‌ند پرۆژه‌یه‌كێن یاسایان كۆم دبیت.
بریاره ئه‌ڤرۆ دو شه‌مبی جڤاتا نوونه‌رێن عیراقێ كۆم دبیت بۆ خاندنا چه‌ند پرۆژه‌یه‌كێن یاسایان بكه‌ت.
بریاره خاندن بۆ پرۆژه‌یێ یاسایا دادگه‌ها فیدرالی كۆ پێشمه‌رجێ سه‌ره‌كیێ ئه‌نجامدانا هه‌لبژارتنێن پێش وه‌خت هاتیه دیاركرن بكه‌ن.
هه‌ر وه‌سا بریاره ده‌نگدان بهێته كرن ل سه‌ر هه‌لوه‌شاندنا بریاره‌كا رژێما به‌رێ كۆ تایبه‌ت ب هژماركرنا سكالایێن خزمه‌تێن سه‌ربازی بتنێ ل ده‌مێ خزمه‌تا سه‌ربازی بتنێ د ده‌مێ خانه‌نشینێ دا.
ئه‌ڤرۆ نیوز:
ده‌سه‌لاتدارێن ئه‌مریكا راگه‌هاندن ئه‌و ژنا بزاڤا ژه‌هركرنا دونالد تره‌مپی دایی هاته گرتن.
لگۆری گوتنێن به‌رپرسێن ئه‌مریكا به‌لاڤكرین، ئه‌و ژنا هاتیه‌گرتن گۆمانا ئه‌وێ چه‌ندێ ل سه‌ره كۆ پوسته‌كێ ژه‌هركری هنارتیه بۆ تره‌مپی كۆ به‌ری بگه‌هتێ هاتیه ژناڤبرن.
ئه‌و ژنا هاتیه گرتن كۆ ل كه‌نه‌دا بزاڤكریه بچیته ئه‌مریكا ل ده‌مێ ده‌سته‌سه‌ركرنێ دا چه‌ك ڤێ هاتیه دیتن، هه‌روه‌ك ئه‌گه‌رێ ئه‌وێ چه‌ندێ هه‌بوویه ژلایێ ئیدارا ئه‌مریكا سكالا ل سه‌ر بهێته توماركرن ب ژبه‌ر ئه‌وان كارێن وێ كرین.
ل چه‌ند رۆژێن بووری دا، ب رێكا پوسته‌كی كۆ ئاراسته‌ی كۆچكا سپی هات بووكر، بزاڤا ژه‌هركرنا دونالد تره‌مپی سه‌رۆكێ ئه‌مریكا هاتیه دان ب رێكا ماده‌یێن ریسین به‌لێ ژلایێ ئێف بی ئایی و خزمه‌تگۆزاریێن نه‌په‌نی ئه‌و بزاڤ هاته ژناڤبرن پاشی هاته به‌لاڤكرن.
ئه‌ڤرۆ نیوز:
سه‌رۆك بارزانی ب هه‌لكه‌فتا 50 سالیا دامه‌زراندنا ئێكه‌تیا زانایێن ئاینێ ئیسلامێ یا كوردستانێ، په‌یامه‌ك به‌لاڤكر.
ئه‌ڤرۆ سه‌رۆك بارزانی ب هه‌لكه‌فتا 50 سالیا دامه‌زراندنا ئێكه‌تیا زانایێن ئاینێ ئیسلامێ یا كوردستانێ په‌یامه‌ك به‌لاڤكر و تێدا هاتیه ب ده‌رباز بوونا 50 سالان ب سه‌ر دامه‌زراندنا ئێكه‌تیا زانایێن ئاینی ئیسلامێ یا كوردستانێ پرۆزباهیێن گه‌رم ل ئه‌ندامێن مه‌كته‌با ته‌نفیزی و جڤاتا ناڤه‌ندیا ئێكه‌تیا زانایان و ته‌ڤایا مامۆستایێن ئاینێ ئیسلامێ ل كوردستانێ دكه‌م.
د په‌یاما سه‌رۆك بازرانی دا هاتیه كۆ پێزانین من هه‌نه ل سه‌ر رۆلێ بلندێ مامۆستایێن ئاینی ل قوناغێن جودا جودایێن ژیانا گه‌لێ مه چ ژ رووییێ به‌لاڤكرنا هزرا خوداناسیێ و بلندكرنا فه‌رهه‌نگا پێكڤه‌ژیان و ریب ری بوونا هزرا توندیێ، ژبلی ئه‌ڤێ چه‌ندێ رۆلێ مامۆستا و مه‌زنه زانایین كورد یێن ئاینێ ئیسلامێ د پێشڤه‌برنا هزرا نه‌ته‌وه و نیشتمانپه‌روه‌ریێ و قبولكرنا پێكڤه ژیانێ ل ددیرۆكا مله‌تێ مه‌دا لبه‌ر چاڤ هاتیه دیاكرن بڤێ رێكێ ژی قوربانی داینه.
سه‌رۆك بارزانی د دوماهیا په‌یاما خودا، هیڤییا سه‌ركه‌ڤتنێ بۆ ئێكه‌تیا زانایێن ئاینێ ئیسلامێ یا كوردستانێ و دئه‌رك و كارێن خودا كو ژیان و چاره‌نڤیسا گه‌لێ مه د ئه‌رك و كارێ پیرۆز دا بن.
ئەڤرۆ نیوز:
ژبه‌ر گرنگیا ئه‌نده‌رپاسا نێزیك مزگه‌فتا شه‌هیدان ل جادا بارزان، ئەڤرۆ كۆمپانیا كاڤین گرۆپ دووماهی ب قاتێ ئێكێ یێ قێركرنا جادێن فرعی یێن ئه‌نده‌رپاسێ ئینا و داكو زێده‌تر شوفێر تووشی ئاسته‌نگیان نه‌بن ل وێ رێیێ، ل دووڤ پێزانینێن ئەڤرۆ نیوز كۆمپانیا كاڤین ب هه‌ماهه‌نگی ل گه‌ل رێڤه‌به‌ریا هاتن و چوونا پارێزگه‌ها دهۆك، بریار دایە ل چه‌ند رۆژێن بهێت تونێلا ره‌خێ مزگه‌فتا شه‌هیدان و ل گه‌ل جادێن فرعی یێن پرۆژه‌ی ب به‌روه‌خت ل هه‌مبه‌ر شوفێران ڤه‌كه‌ت.
رێژا ئه‌نجامدانا پرۆژێ ئه‌نده‌رپاسا نێزیك مزگه‌فتا شه‌هیدان، گه‌هشتیه 71% و ژبه‌ر وێ كارێ 24 ده‌مژمێری یێ كۆمپانیا كاڤین گرۆپ تێدا دكه‌ت، بریاره به‌ری سالا نوی بهێته ڤه‌كرن.
ئەڤرۆ نیوز:
د سوشیال میدیایێ دا بەحس ل وێ چەندێ دهێتەکرن کو دەرزیەک بۆ نەخۆشێن کۆرۆنایێ ل دهۆکێ دهێتە دانان و نەخۆش پێ دمڕن، مە ئەڤ رونکرنە هەنە:
1 چارەسەریا نەخۆشێن کۆرۆنایێ ل دەف مە ل دویڤ پرۆتۆکولێن جیهانی یێن چارەسەریا نەخۆشیا کۆرۆنایێ دهێتەکرن و چ دەرمانەک ژ دەرڤەی پرۆتۆکولێن چارەسەریێ ناهێتەدان.
2 دەرمانێن دکسامیتازون کو بوویە بابەتێ سوشیال میدیایێ، نوکە ل پتریا وەلاتێن جیهانێ ب پەسەندکرنا رێکخراوا ساخلەمیا جیهانی بو هندەک نەخۆشێن رەوشا وان دژوار دهێتە ب کارئینان یێ بوویە هاندەرەک کو رێژا نەخۆشێن کۆرۆنایێ بەر ب باشتر بچیت و مفایەک باش ژێ هاتیە وەرگرتن.
3 رێژا مرنێ ل پارێزگەها دهۆکێ دورێن 1.7%، ئەڤ رێژە کێمترە هەکە بەراوەرد بکەین دگەل ئامارێن جیهانی کو 3%یە.
تیمێن چارەسەریێ ل ساخلەمیا دهۆکێ ب شەڤ و رۆژ د کاری دانە ژ پێخەمەت کونترولکرنا رەوشا نەخۆشان و هیڤیدارین هەر پێزانینەکا نە زانستی کارتێکرنا خوە ل سەر خەلکێ مە نەکەت.
ئەڤرۆ نیوز، بارزان مزووری:
د. كەریم كەمال رێڤەبەرێ ساخلەمیا قەزا شێخان بۆ ئەڤرۆ نیوز دیار كر هەر ژ دەستپێكا هاتنا ڤایرۆسێ كورونا هەتا نها ل قەزا شێخان 41 نوژدار و كارمەندێن تەندروستی توشی ڤایرۆسێ كورونا یێن بوین كو ژ وان 15 كەس چارەسەر بووینە ڤەگەریاینە سەر كارێ خوە یێن دی ژی لبن چاڤدێریا نوژدارانە.
ناڤهاتی خویاكر ئێك ژ وان نوژدارێن قەزا شێخان ژ ئەگەرێ ڤایرۆسێ كورونا گیانێ خوە ژ دەست دایە.
ناڤهاتی گۆت: (ژێدەرێ توشبوونا وان هەموو نوژدار و كارمەندێن تەندروستی كو د كاری دا بووینە دەمێ ئەنجام دانا پشكنین و چارەسەكرنا نەخوشان دا بۆ چ ژ وان كەسا ل دەرڤەی كاری توشی ڤایرۆسی نەبویە).
رێڤەبەرێ ساخلەمیا قەزا شێخان دیار ژی کر ل سنورێ قەزا شێخان هەتا نها 511 كەس توشی ڤایرۆسێ كورونا یێن بووین 16 كەسان ژی گیانێ خوە ژ دەست دایە، داخواز ژ وەلاتیان دكەین پێگیر بن ب رێنمایێن ساخلەمیێ ژ بەر كو ئەو رەوشا ئەم تێدا نها رەوشەك خرابە.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێمێ راگەهاند کو تێدا هاتیە ٤٤٤ کەسێن دی تووشی ڤایرۆسێ کۆرۆنایێ بووینە و هەروەسا ٢٤ تووشبوو ژی مرینە.
ل گۆر ئامارا وەزارەتا ساخلەمیێ د ماوەیێ ٢٤ دەمژمێرێن بۆری ٦٦٧ تووشبوو ب تەمامی باش بووینە.
ل پارێزگەها دهۆکێ ژی ١٦٨ کەسێن دی تووشی کۆرۆنایێ بووینە و ١١ تووشبوو ژی مرینە و هەروەسا ١٦٨ تووشبوو ژی باش بووینە.
نيشاندان