ئەڤرو (۲۰۱۹/۷/۲٤)لیژنا دوفچوونا بازاری ل قائیمقامیا قەزا دهوکێ، دوفچوونا هژمارەکا خوارنگە ونانپێژیان ل دهوکێ کرن.
یوسف محمەد حەسەن بەرپرسێ لیژنا دوفچوونێ ئاشکراکر دوفچوونا لێنانگەهێن چەند خوارنگەهان هاتیە کرن گوت پشتی هەبونا چەندین کێماسیان بریار هاتە دان سوبەهی خوارنگەهێن پاشا وخان کەباب بهێنە داخستن هەتا وان رێنماێن لیژنا دوفچوونێ بهێنە بجهئینان.
ئەڤرۆ نیۆز:
ئەڤرو (۲۰۱۹/۷/۲٤) لیژنا دوقچوونا بازاری ل قائیمقامیا قەزا دهوکێ، دوفچوونا هژمارەکا خوارنگە ونانپێژیان ل دهوکێ کرن.
یوسف محمەد حەسەن بەرپرسێ لیژنا دوفچوونێ ئاشکراکر دوفچوونا لێنانگەهێن چەند خوارنگەهان هاتیە کرن و گوت : پشتی هەبونا چەندین کێماسیان بریار هاتە دان سوبەهی خوارنگەهێن پاشا وخان کەباب بهێنە داخستن هەتا وان رێنمایێن للیژنا دوفچوونێ بهێنە بجهئینان.
ئه‌ڤرۆ نيوز:
ئدريس زۆزانى، به‌رپرسێ راگه‌هاندنا لقێ 17 ل شنگال راگه‌هاند كو شه‌ر د ناڤبه‌را چه‌كدارێن داعش و گۆندێ خانه شه‌هوانيه ل نێزيك كارگه‌ها كونكريتى يا شنگال دا چێبوو.
ب گۆره‌ى گۆتنێن ناڤبرى نێزيكى 15 چه‌كدارێن داعش هاتينه دوورپێچكرن ژ لايێ خه‌لكى ڤه و شه‌ر و پێكدادان يێ به‌رده‌وامه.
ئدريس زۆزانى گۆتژى: “دو وه‌لاتيێن گۆندى به‌رزه ببوون و هنده‌كێن دى ب دووڤدا چووبوون ديت چه‌كدارێن داعش يێن ل ناڤ گۆندى و شه‌ر د ناڤبه‌را وان دا دروست بوويه”.
به‌رپرسێ راگه‌هاندنا لقێ 17 ئاماژه ب وێ چه‌ندێ ژى كر كو هێزێن عيراقى ژى يێن گه‌هشتينه جهێ شه‌رى دا كو شه‌رى كۆنترۆل بكه‌ن به‌لێ هه‌تا نڤيسينا ڤى خه‌به‌رى هێشتا شه‌ر يێ به‌رده‌وام بوو.
ئەڤرۆ نیوز ، عەلی حاجی :
پشتی زێدەتری چار سالان ژ ھەبونا خوینداریێ دناڤبەرا دو بنەمالان دا ل باژێرێ زاخۆ ، ب راوێژیا نڤێسینگەھا کومەلایەتی سەر ب لقا ھەشت یا پارتی دیموکراتی کوردستان ڤە ، ئاریشە ھاتە چارەسەر کرن و دوماھی ب ڤێ کێشەیێ ئینان .
عەبدولا بشار ئاغا ، بەرپرسێ نڤێسنگەھا کومەلایەتی دخویانیەکێ دا بۆ ئەڤرۆ نیوز ئاشکەرا کر ژبەری چار سالان گەنجەکێ بنەمالەکا ژعەشیرا گوویی ل سەر دەستێ گەنجەکێ بنەمالەکا عەشیرەتەکا سلێڤانەیان دھێتە کوشتن ، پشتی چار سالان و چەندین ھەولێن تایبەت ، ب تایبەتی ژلایێ نڤێسینگەھا مەڤە ، مە شیا دوماھیێ ب ڤێ کێشەییێ بینن و ھەردوو بنەمالان رازی بکەین ، پێکھاتنا ھەردوو لایا ل سەر چەند خاەلکان بویە و ھەردوو لایەنا ژی سوز دایە داوی ب کێشەیێ خوە بینن ، لایەنێ دووێ وەکو کارەکێ دەست پێکی دێ کوژمەکێ پارەیی ب لایەنێ ئێکێ دەت و تومەتبار ھەکە ھاتە ئازاد کرن ، نابیت ل سنورێ دەڤەرا زاخۆ بژیت ، ھەر دیسان لایەنێ ئێکێ سکالەیا خوە ل دادگەھێ ڤەکێشیت ، و گوت : ئەم رێزێ ل کارێ دادگەھێ دگرین و جھێ سەروەریا یاسایێ یە ، بەلێ مە نەڤیا ئەڤ کێشەیێ مەزنتر ببیت لەورا ئەم رابوین ب چارەسەر کرنا ڤێ کێشەیێ .
ناڤھاتی گوت ژی : ئەڤە دبیتە دووەم کێشەیەکا ب ڤی رەنگی ئەم چارەسەر بکەین ناڤبەرا چار بنەمالان دا و ئەم دێ بەردەوام بین ل سەر چارەسەر کرنا کێشەیێن ب ڤی رەنگی و ئارمانجا مە ژی ئەوە ھەمی پێکڤە بژین ب برایەتی، دڤێت رولێ کەسایەتیێن دەڤەرا زاخۆ ژبیر نەکەین کو ھەمی دەمان پشتەڤانێن سەرەکیێن چارەسەر کرنا ئاریشەیێن ب ڤی رەنگی نە .
ئەڤرۆ نیوز، نەوزاد ھلوری:
وەکو رێزگرتن ل خەبات و قوربانیدانا جینوسایدا بارزانیان، بریارە د سالروژا جینوسایکرنا 8000 بارزانیان دا رێورسمەکێ تایبەت ل سەر گورستانا جینوسایدا بارزان ل گوندێ بارزان ئەڤ رۆژ بھێتە ساخکرن.
رێبوار رەمەزان بارزانی، رێڤەبەرێ رێڤەبەریا گشتی یا کاروبارێن شەھید و ئەنفالکریێن بارزان بۆ ئەڤرۆ نیوز گۆت: (وەکو رێزگرتن ل خەبات و قوربانیدانا 8000 بارزانیان بو بزاڤا رزگاریخوازیا کوردستانێ کو ب بریارا رژێما بەعس 36 سال بەری نوکە ب ساخی ھاتینە بن ئاخکرن، رێڤەبەریا مە ب ھەڤکاری ل گە دام و دەزگەھێن دن یێن دەڤەرێ دێ رابییت ب دانانا رێورسمەکێ تایبەت بو کەسوکارێن جینوسایدکری و مێھڤانان دەما کو سەرەدانا گورستانا جینوسایدکریان دکەن).
زێدەتر گۆت: (رێورسم دێ ئێڤاریا رۆژا 31/7/2019 لسەر گورستانا جینوسایدکریان ب چەند چالاکیەکان ب رێڤەچیت و نوکە ئەم یێ بەرھەڤیان دکەین و ب ئانەھیا خودێ ئەگەر چ کێشە نەبن رێورسم دێ ددەما خوە دا وەکو ھەر سال ب رێڤەچن).
ناڤبری دیارکر ژی کو بو زێدەتر گرنگیدان ب جینوسایدا بارزانیان مونومێنتەکا تایبەت بو جینوسایدا بارزانیان دھێتە چێکرن و زێدەتر گۆت: (مونومێنتا جینوسایدا بارزانیان ھەر لسەر گورستانا وان دھێتەچێکرن و دێ بیتە جھێ ھەلگرتنا بەرمایک و وێنە و دیکومیێنت و ئەرشیفێ جینوسسایدکریان کو ب ھەول و بزاڤێن مە و خەلکی و کەسوکارێن وان ھاتینە کومکرن داکو جیلێ نوو بزانن کوردان گەلەک قوربانی داینە ھەتاکو ئەڤ ئازادیە ب دەستڤە ھاتی).
دھێتە زانین کو بەری 36 سالان رژێما بەعس 8000 توخمێ نێرینەیێ بارزانی گرتن و پاشان ل بیابانێن نوگرە سەلمان ل باشورێ عیراقێ ب ساخی بن ئاخکرن، ب ھەول و بزاڤێن حوکمەتا ھەرێما کوردستانێ ھژمارەکا روفاتێن وان ھاتینە زڤراندن و ل گوندێ بارزان ھاتینە ڤەشارتن، ھەر سال د سالروژا جینوسایدکرنا وان دا رێورسمێن تایبەت وەکو رێزگرتن بو خوینا وان دھێتە ساخکرن.
ئه‌ڤرۆ نيوز:
ب گۆره‌ى ميديا عيراقى، شه‌ڤا بۆرى چه‌كدارێن داعش چووينه سه‌ر گۆندێ ئه‌زوريج ل باشوورێ رۆژئاڤايێ مووسل و د شه‌روپێكدادانه‌كێ دا ل گه‌ل عه‌شيره‌تا “ساده ئه‌لبوبه‌دران” كو خوجهێن گۆندى نه، سه‌رۆكێ هۆزێ ب ناڤێ “عه‌بى خه‌زعه‌ل به‌درانى” و برازايێ وى “ئه‌رشه‌د به‌درانى” هاتنه كوشتن و ژماره‌كا وه‌لاتيێن گوندى ژى بريندار بوون.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا هاتنوچوونا هه‌رێما كوردستانێ، ئاگه‌هداريا شوفێرێن ته‌كسى و پاسان دكه‌ت كو نابيت ئێدى نه‌فه‌رێن زێده هه‌لبگرن يان رێيا خوه ب گوهۆڕن و هه‌ڤدژى ڤێ چه‌ندێ دێ هێنه سزادان.
ب گۆره‌ى نڤيساره‌كێ كو وێنه‌ك ب ده‌ست ئه‌ڤرۆ نيوز كه‌فتيه؛ نابيت ژ نها و پێڤه شوفێرێن ته‌كسيێ و پاسان نه‌فه‌رێن زێده هه‌لبگرن و رێيا خوه ژ نشكه‌كێ ڤه ب گوهۆڕن و هه‌ڤدژى ڤێ چه‌ندێ دێ ب 40 هزار ديناران هێنه سزادان.
د ڤێ نڤيسارێ دا يا كو ئيمزا رێڤه‌به‌رێ گشتى يێ هاتنوچوونا هه‌رێمێ ل سه‌ر و ب گۆره‌يى ناڤه‌رۆكێ مه‌ره‌م ژ بڕيارێ ئه‌وه، كێمكرنا قوربانيێن روودانێن هاتنوچوونێ يه كو ب گۆره‌ى ئاماران، به‌رده‌وام قوربانى د زێده‌بوونێ دانه.
ئەڤرۆ نیوز، عەلی حاجی:
بنگەھێ لالش ب ھەڤکاری دگەل گروپێ ھیڤی ، چارەمین ڤیستەڤالا شنگالێ یا فلکلوی و ھونەری ل باژێرێ زاخۆ ساز کر و کو تێدا چەندین داوەت و کەلە پور و سترانێن فلکلوری ھاتنە پێشکێش کرن.
بەرپرسێ بنگەھێ لالش تایێ شنگالێ بۆ ئەڤرۆ نیوز ئاشکەرا کر ئارمانجامە یاسەرەکی ژڤێ ڤیشتەڤالێ ئەو بویە ئەم فلکلورێ دەڤەرا شنگالێ ل ڤێرێ نیشان بدەین و زێدەتر گرنگیێ ب فلکلورێ خوە بدەین ژبەر کو فلکلورێ شنگالێ رەوشا مە یا خەلکێ دەڤەرێ نیشان ددەت ، ژبەریا داگیرکرنا شنگالێ مە ڤیستەڤالەک ل چیایێ شنگالێ ئەنجام دابوو ، پشتی داگیرکرنا شنگالێ بۆ ماوەیێ دو سالا نمە ئەڤ ڤیستەڤالە ئەنجام نەدا ژبەر وێ رەوشا خرابا ب سەر شنگالێ دا ھاتی ، ڤیستەڤالێن دوێ و سیێ ل دەڤەرێن خانکێن و شاریا ھاتنە ئەنجام دان و ڤیستەڤالا چارێ مە ل باژێرێ زاخۆ ئەنجام دا وەکو رێزگرتنەک و سوپاسیەک بۆ خەلکێ وێ ل بەرامبەر ھاریکاریا دگەل ئاوارەیێن شنگالێ ئەنجام دەین و دەرگەھێن خوە ڤەکرین .
ناڤبری گوت ژی : ب رێیا ڤێ ڤیستەڤالێ ژی چەندین داوەت و ستران و کەلەپورێ دەڤەرا شنگال ھاتنە نیشان دان و پێشانگەھەکا وێنان ژی ھاتە ڤەکرن کو ئەو وێنە دەربرینێ ژ ئێش و ئازارێن خەلکێ شنگالێ دکرن ، دشێم بێژم ئەڤ ڤیستەڤالە دێ روحیەتەکا دیتر دەتە مە ئەم پێنگاڤێن باشتر بۆ ڤیستەڤالێن دیتر باڤێژین .
ئەڤرۆ نیوز، نیوار محەمەد سەلیم:
کۆنسێرتەکا میوزیکێ ژ لایێ پشکا میوزیک یا پەیمانگەھا ھۆنەرێن جوان رۆژا سێشەمبی رێکەفتی 23ی تیرمەھێ ل ھەولێر ھاتە گێران.
زێدەتر گۆت: “ستافێ پشکداری د کۆنسێرتێ دا کری زێدەتری 50 قوتابیان ژ میوزەکژەن و کورسی بوون و ب رەنگەکێ گەلەک باش ب رێڤە چوو و تێدا چەندین سترانێن نەتەوەی و دلداری و سرۆد ھاتنە گۆتن”.
ئاشکە را ژی کر کو تشتێ بۆ وان دلخۆشکەر ئەو بوو کو ژمارەکا خێزانان ل کۆنسێرتا وان پشکدار بوو ب رەنگەکی کێم جاران ب رەنگەکێ وەسان خێزان ل کۆنسێرتان دھێنە دیتن.
سەرۆکێ پشکا میوزیکێ ل پەیمانگەھا ھۆنەرێن جوان سۆپاسیا رێڤەبەریا گشتی یا رەوشەنبیری و ھۆنەری یا دھۆک و ھەولێر و پەیمانگەھا ھۆنەرێن جوان ھەولێر کر بۆ پشتەڤانیا وان د سەرکەفتنا ڤی کاری.
ئەڤرۆ نیوز:
یانا بروسیا مونشنگلادباگ یا ئەلمانی ب فەرمی ھەڤبەستا ھێرشبەرێ فرەنسی مارکوس تورام کورێ ستێرا بەری نوکە یا ھەلبژارتیێ فرەنسا لیلیان تورام ئیمزاکر .
یانا مونشنگلادباگ یا ئەلمانی گەھشتە رێککەفتنێ ل گەل یانا گانگون یا فرەنسی بوو ڤەگوھاستنا وی ھێرشبەرێ فرەنسی مارکوم تورام بەرامبەر ١٠ ملیون یورۆیا و ھەڤبەستا ئەوی ھاتیە ئیمزاکرن ھەتا ٢٠٢٣.
مارکوس تورام یێ ٢١ سالی ل وەرزێ ٢٠١٨-٢٠١٩ پشکداری د ٣٢ یاریان دا کر بوو دخۆلا پلا ئێک یا فرەنسا و شیابوو ٩ گولان توماربکەت ھەردیسان ل گەل ھەلبژارتیێ فرەنسا یێ ٢١ سالی پشکداری د ٣٨ یاریان دا کربوو شیابوو ١٣ گولان توماربکەت کو ئێک ژ ستێرێن ھەلبژارتیێ فرەنسا بوو د موندیالا جیھانی دا ل سەر ئاستێ لاوان.
ھەژی گوتنێ یە بابێ مارکوس ولیلیان تورام دھاتە ھژمارتن ئێک ژ بەرنیاسترین یاریزان د مێژویا فرەنسا دا و پشکداری د ١٤٢ یاریان دا کربوو ل گەل ھەلبژارتیێ فرەنسا و شیابوو ل گەل ھەلبژارتیێ دو بھاترین قارەمانی ل سەر ئاستێ وی وەلاتی ب دەستخوڤە بینت ئەوژی قارەمانیا موندیالا جیھانی یا ١٩٩٨ و قارەمانیا نەتەوەیێن ئورۆپا ٢٠٠٠.
نيشاندان