نووترين نووچه
- سەرۆك بارزانی و قونسلێ گشتیێ توركیا رەوشا سیاسییا ئیراقێ و پرۆسەیا ئاشتیێ گەنگەشە كرن
- سەرۆك بارزانی و قونسلێ رووسیا دوپاتیێ ل پێشڤەبرنا هەڤبەندییان دكەن
- بجهئینانا دەستووری كلیلا چارەسەرییا كێشەیێن هەولێرێ و بەغدایێ یە
- شاسوار عەبدولواحد ب فەرمانا دادوەری هاتیە دەستەسەركرن
- كۆمسیۆن: هیچ نیازەك بۆ پاشئێخستنا هەلبژارتنان نینە
- داهاتێ پەترۆلێ دێ بیتە مووچەیێ فەرمانبەرێن هەرێمێ
- تێكچوونا سیستەمێ كارەبێ ل ئیراقێ ئاماژەیا سەركەفتنا پڕۆژەیێ رۆناهییە ل هەرێمێ
- هاریكاریێن هەڤپەیمانان ناهێنە بڕین
- شوان كەلاری: پەسەندكرنا پرۆژە قانوونا حەشدا شەعبی د بەرژەوەندییا ئیراقێ دا نینە
- سەركردەیەكێ رێكخراوا بەدر: پرسا مووچەی سیاسییە و سوودانی دخوازیت جهێ سەدری بگریت
سه‌ره‌كى نووترين نووچه
پارتى و ئێكه‌تى دێ كۆم بن
ئه‌ڤرۆ نيوز:
بڕياره سوبه‌هى رۆژا ئێكشه‌مبى 3ى ئادارا 2019ێ مه‌كته‌با سياسى يا پارتى و ئێكه‌تى ل هه‌ولێر كۆمبوون.
ژێده‌ره‌كى ژ مه‌كته‌با سياسى يا پارتى ديموكراتى كوردستان ئاشكه‌را كر كو بڕياره سوبه‌هى پارتى و ئێكه‌تى بۆ دانوستاندنا پرسا پێكئينانا حوحمه‌تێ و پرسێن كه‌ركووك و به‌غدا كۆم بن.
پارتى و ئێكه‌تى ل سه‌ر چه‌ند پرسان د نه‌رێكن و ل 5ى شوباتا 2019ێ دووماهى كۆمبوونا فه‌رمى ئه‌نجام دايه، راوه‌ستيانا كۆمبوونان ژى كارتێكرن ل سه‌ر داكه‌فتنا پێكئينانا حوكمه‌تا هه‌رێما كوردستانێ هه‌بوويه.
21 ره‌ڤاندى هاتنه رزگار كرن
ئه‌ڤرۆ نيوز، لزگين جوقى:
نڤيسينگه‌ها رزگاركرنا ره‌ڤانديێن ئێزدى رزگاركرنا 21 كه‌سێن دى راگه‌هاند كو 18 ژ وان زارۆ نه و سێ ژى كچ و ژنن.
حسێن قائيدى به‌رپرسێ نڤيسينگه‌ها رزگاركرنا ره‌ڤانديێن ئێزدى بۆ ئه‌ڤرۆ نيوز گۆت: “18 زارۆ و سێ ژن و كچ يێن دى ژ ده‌ستێ داعش هاتنه رزگاركرن”.
ئاشكه‌را ژى كر كو ئه‌ڤ كه‌سه پشتى رزگاركرنا باژێركێ باغوز ژ وێ ده‌ڤه‌رێ هاتنه رزگاركرن و دياره كو گه‌له‌ك هاتينه قوتان و ئه‌شكه‌نجه‌دان.
ئاماژه ب وێ چه‌ندێ ژى كر كو رۆژه‌كێ ل مالا ئێزديان ل سوريا ماينه و شڤێدى گه‌هشتينه شنگال و بڕياره ئه‌ڤرۆ پشتى نيڤرۆ ژى بگه‌هنه پارێزگه‌ها دهۆكێ و پێدڤيێن ئاهێن خوارنێ ل سه‌ر بهێنه به‌لاڤكرن و ژ لايێ ساخله‌ميێ ژى ڤه يا پێدڤى بۆ بهێته كرن.
خشتێ مووچێ هه‌موو وه‌زاره‌تان هاته به‌لاڤكرن
ئه‌ڤرۆ نيوز:
خشتێ به‌لاڤكرنا مووچێ هه‌يڤا 12يێ هه‌موو وه‌زاره‌تان هاته ئاشكه‌را كرن، پێش نه‌ورۆزێ مووچێ هه‌موو فه‌رمانبه‌ران دێ هێته دان و ب گۆره‌ى پێزانينان ژى وه‌زاره‌تا پێشمه‌رگه‌ى دێ به‌رى هه‌موويان مووچه‌ى وه‌رگريت.
ئه‌ڤا ل خوارێ خشتێ هه‌موو وه‌زاره‌ت و فه‌رمانگه‌هان بۆ هه‌يڤا دووماهيێ ژ سالا 2018ێ دێ ب ڤى ره‌نگى بيت:
رۆژا سێشه‌مبى 5ى ئادارا 2019ێ دێ مووچێ ديوانا وه‌زاره‌تا پێشمه‌رگه‌ى و ليوايێن سه‌ر ب وێ ڤه هێته به‌لاڤكرن.
رۆژا چارشه‌مبى 6ى ئادارا 2019ێ دێ مووچێ يه‌كێن 70و 80ێ يێن پێشمه‌رگه‌ى هێته به‌لاڤكرن.
رۆژا پێنجشه‌مبى 7ى ئادارا 2019ێ دێ مووچێ وه‌زاره‌تا په‌روه‌ردێ هێته به‌لاڤكرن.
رۆژا ئێكشه‌مبى 10ى ئادارا 2019ێ دێ مووچێ وه‌زاره‌تا ساخله‌ميێ هێته به‌لاڤكرن.
رۆژا دوشه‌مبى 11ى ئادارا 2019ێ دێ مووچێ مووچێ وه‌زاره‌تا دارايى و ئابوورى هێته به‌لاڤكرن.
رۆژا سێشه‌مبى 12ى ئادارا 2019ێ دێ مووچێ وه‌زاره‌تا كاروبارێن شه‌هيد و ئه‌نفالكريان و كه‌سوكارێن شه‌هيدان و زيندانيێن سياسى هێته به‌لاڤكرن.
رۆژا چارشه‌مبى 13ى ئادارا 2019ێ دێ مووچێ وه‌زاره‌تا خواندنا بلند و ڤه‌كۆلينێن زانستى هێته به‌لاڤكرن.
رۆژا پێنجشه‌مبى 14ى ئادارا 2019ێ دێ مووچێ وه‌زاره‌تا كاروبارێن جڤاكى، وه‌زاره‌تا داد، جڤاتا دادوه‌ريا هه‌رێمێ و خودان پێدڤيێن تايبه‌ت هێته به‌لاڤكرن.
رۆژا ئێكشه‌مبى 17ى ئادارا 2019ێ دێ مووچێ وه‌زاره‌تا ناڤخۆ، وه‌زاره‌تا سامانێن سرۆشتى، وه‌زاره‌تا ئه‌وقاف و كاروبارێن ئاينى، رێڤه‌به‌ريا گشتى يێ ره‌گه‌زناما هه‌رێمێ هێته به‌لاڤكرن.
رۆژا دوشه‌مبى 18ى ئادارا 2019ێ دێ مووچێ جڤاتا ئاسايشێ، ده‌زگه‌هێ گشتى يێ ئاسايشێ، هێزێن زێره‌ڤانى، هێزێن به‌ره‌ڤانى و هاوارهاتنێ هێته به‌لاڤكرن.
رۆژا سێشه‌مبى 19ى ئادارا 2019ێ دێ مووچێ وه‌زاره‌تا باژێرڤانى و گه‌شتوگۆزار، وه‌زاره‌تا چاندنێ، وه‌زاره‌تا كاره‌بێ، وه‌زاره‌تا پلاندانانێ، وه‌زاره‌تا ڤه‌گوهاستن و گه‌هاندنێ، ديوانا چاڤدێريا دارايى، ده‌سته‌يا مافێ مرۆڤ، ده‌سته‌يا وه‌به‌رهێنانێ، ده‌سته‌يا ده‌ستپاكيێ، ده‌سته‌يا ژينگه‌هێ، ده‌سته‌يا گشتى يا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، كۆمسيۆنا بلندا سه‌ربه‌خۆيا هه‌لبژارتن و راپرسيان و ده‌زگه‌هێ گشتى يێ كاروبارێن مينان هێته به‌لاڤكرن.
رۆژا چارشه‌مبى 20 ئادارا 2019ێ دێ مووچێ وه‌زاره‌تا پێشه‌سازى و بازرگانى، وه‌زاره‌تا ره‌وشه‌نبيرى، وه‌زاره‌تا ئاڤه‌دانكرنێ، سه‌رۆكاتيا هه‌رێمێ، سه‌رۆكاتيا په‌رله‌مانى، جڤاتا وه‌زيران، خانه‌نشينێن له‌شكرى و خانه‌نشينێن مه‌ده‌نى.
ب ڤى ره‌نگى دێ دووماهى ب به‌لاڤكرنا مووچێ هه‌يڤا 12 يێ سالا 2018ێ يێ فه‌رمانبه‌رێن هه‌رێما كوردستانێ هێته به‌لاڤكرن.
ل روودانەکێ دا سێ کەسا گیانێ خوە ژ دەست دا
ئەڤرۆ نیوز، سەباح زوھێر:
ئەڤرۆ رێکەفتی 2ى ئادارا 2019 ل جادەیا سەرەکی نێزیک دووریا کویشکێ ناحیا گردەسین یا سەر ب قەزا ئاکرێ ڤە روودانەکا ھاتنوچوونێ دروست بوو د ئەنجام دا سێ کەسا گیانێ خوە ژ دەست دا.
رێکەفت زوھێر بەرپرسێ ھاتنوچوونا قەزا ئاکرێ بۆ ئەڤرۆ نیوز ددەتە دیارکرن کو شڤێدی درەنگ د روودانەکا ھاتنوچوونێ ژ جورێ وەرگەریان ل سەر جاددەیا سەرەکی ل نێزیک دووریانا گوندێ کویشکی یا سەر ب ناحیا گردەسین دروست بوویە.
ناڤھاتی زێدەتر گۆت: “ژ ئەنجامێ وێ بوویەرێ ب مخابنی ڤە سێ کەس د وێ ترۆمبێلێ دا بوون و ھەرسێ یان گیانێ خوە ژ دەست دا، ئەو ژی ترۆمبێلا وان وەرگەریابوو د ئاڤێ دا، ئەو کەسێن گیانێ خوە ژ دەست دایی ب ناڤێ (رزگار حیدەر، عەلی عەبدولرەحمان، سالم مەلا ئیبراھیم) کو ھەرسێ ئاکنجیێن گوندێ (گوندک) ینە یا سەر ب قەزا ئاکرێ ڤە”.
به‌سرا بیره‌وه‌ریا وه‌غه‌ركرنا بارزانیێ نه‌مر ساخ دكه‌ت
ئه‌ڤرۆنیوز:
ب هه‌لكه‌فتا بیره‌وه‌ریا 40 سالیا وه‌غه‌ركرنا مسته‌فا بارزانى رێبه‌رێ بزاڤا رزگاریخوازا گه‌لێ كوردستانێ، ژبلى هه‌رێما كوردستانێ وپارچێن دى یێن كوردستانێ، ل باژێرێ به‌سرا ژى ئه‌ڤ هه‌لكه‌فته هاته ساخكرن.
مسته‌فا بارزانى كو پشتى شوره‌شا 14 ته‌مووزا 1958 ل گه‌ل هه‌ڤالێن خوه ژ ئێكه‌تیا سوڤیه‌تى یا جاران زڤرى عیراقێ، ل باژێرێ به‌سرا هاته دناڤ عیراقێ دا كو ل وێرێ پێشوازیه‌كا جه‌ماوه‌رى یا مه‌زن ژلایێ خه‌لكێ به‌سرا لێ هاته كرن، نوكه ژى هه‌لكه‌فتا 40 سالیا وه‌غه‌ركرنا بارزانیێ نه‌مر ژلایێ خه‌لكێ به‌سرا ب رێیا تۆرێن جڤاكى ب بلند هاته راگرتن.
په‌یچێ (هنا ئه‌لبه‌سرا) ل سه‌ر تۆرا فه‌یسبووكى كو ئێك ژ په‌یچێن سه‌ره‌كى یێن باژێرێ به‌سرایه، ب وێ هه‌لكه‌فتێ وێنه‌كێ مسته‌فا بارزانى به‌لاڤكریه ول سه‌رى نڤیسى یه ( په‌یڤا حه‌قیێ، هه‌كه مه ژى سه‌ركردێن وه‌كو یێن كوردان كوردان هه‌بان ، كو خه‌لك وباژێرێن خوه خوه‌ش دڤێن، مافێن به‌سرا به‌رزه نه‌دبوون”.
كه‌شناسیا هه‌رێمێ رۆهنكرنه‌كێ به‌لاڤ دكه‌ت
ئه‌ڤرۆنیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ راگه‌هاند، ئه‌و پێلا به‌فر و باران بارینێ ئه‌وا چه‌ندین ده‌ڤه‌رێن هه‌رێما كوردستانێ ڤه‌گرتى، ئێڤاریا ئه‌ڤرۆ ئه‌ینیێ 1/3/2019 ب دووماهى هات.
ژێده‌ره‌كى ژ وێ رێڤه‌به‌ریێ دداخۆیانیه‌كا رۆژنامه‌ڤانى دا گۆت” ل ئێڤاریا ئه‌ڤرۆ ئه‌ینیێ ئه‌و پێلا به‌فر وباران بارینێ ئه‌وا بۆ ده‌مێ دو رۆژان ل هه‌رێما كوردستانێ به‌رده‌وام بووى، ب دووماهى هات”.
سه‌ركردێن قه‌ده‌غه‌كرى یێن سونى دێ زڤرن عیراقێ
ئه‌ڤرۆنیوز:
ل دووڤ ژێده‌رێن ده‌نگوباسان یێن عیراقى، دانوستاندن دناڤبه‌را به‌رپرسێن بلند یێن سیاسى وده‌ستهه‌لاتا دادوه‌رى ل عیراقێ هاتینه ئه‌نجامدان ل سه‌ر زڤرینا چار مه‌زنه سه‌ركردێن سونى بۆ عیراقێ.
كه‌نالێ (الشرقیه نیوز) به‌لاڤكر”پێرابوونێن پێدڤى هاتینه هاڤێتن بۆ زڤرینا هه‌ر ئێك ژ تارق هاشمى جێگرێ پێشتر یێ سه‌رۆك كۆمارا عیراقێ ورافع عیساوى وه‌زیرێ دارایى یێ پێشتر وهه‌روه‌سا ئه‌سیل نوجێفى پارێزگه‌رێ پێشتر یێ نه‌ینه‌وا ل گه‌ل عه‌لى حاته‌م سه‌ركردێ دیارێ سونه‌یان ل پاریزگه‌ها ئه‌نبار”.
كه‌نالێ ناڤبرى به‌لاڤكر ژى كو ئه‌و چار سه‌ركردێن سونه پشتى دانوستاندنێ دناڤبه‌را سه‌ركردێن عیراقى یێن بلند وده‌ستهه‌لاتا دادوه‌رى بریارا ئێكلاكه‌ر هاتیه دان كو دشێن ل حه‌فتیا داهاتى بزڤرن عیراقێ.
پێشتر ئه‌و هه‌ر چار سه‌ركردێن سونى ژئه‌گه‌رێ بریارێن سیاسى ول ده‌مێ ناكۆكیان ل گه‌ل سه‌رۆك وه‌زیرێن عیراقێ یێ پێشتر نورى مالكى، ب تیرۆرێ هاتبوونه تۆمه‌تباركرن وهه‌ر چاران ب نه‌چاری عیراق بجه هێلابوو.
گۆره‌كێ ب كۆم یێ كوردێن ئێزدى ل مووسل هاته دیتن
ئه‌ڤرۆنیوز:
گۆره‌كێ ب كۆم یێ كوردێن ئێزدى ل پارێزگه‌ها نه‌ینه‌وا هاته دیتن كو ته‌رمێ 23 وه‌لاتیان تێدایه كو ژلایێ چه‌كدارێن تیرۆرستێن داعشێ هاتبوونه كوشتن.
فه‌رمانده‌یا ئۆپه‌راسیۆنێن نه‌ینه‌وا، ل دووڤ مالپه‌رێ كوردستان تى ڤى، دبه‌یاننامه‌كێ دا به‌لاڤكر كو هێزێن وێ ل نێزیك ده‌ڤه‌را محه‌له‌بیه ل رۆژئاڤایێ مووسل، گۆره‌كێ ب كۆم یێن ئێزدیان دیتیه كو پێشتر ل ده‌مێ ده‌ست ب سه‌رداگرتنا مووسلێ ژلایێ داعشێ ڤه هاتبوونه كوشتن.
ئاماژه كر ژى كو ته‌رمێ 23 وه‌لاتیان دوى گۆرێ ب كۆم دایه كو هه‌موو وه‌لاتیێن ئێزدى نه.
پشتى ئازادكرنا مووسلێ وده‌ڤه‌رێن دى ژ تیرۆرستێن داعشێ، هه‌تا نوكه زێده‌تر ژ 60 گۆرێن ب كۆم یێن كوردێن ئێزدى یێن هاتینه دیتن.
ژئه‌گه‌رێ په‌قینا بۆمبه‌كێ د ترومبێلا وى دا ل سلێمانیێ گیانێ خوه ژده‌ستدا
ئه‌ڤرۆنیوز:
په‌قینه‌ك دناڤ ترومبێله‌كا وه‌لاتیه‌كێ پارێزگه‌ها سلێمانیێ دا ئه‌ڤرۆ ئه‌ینیێ 1/3/2019 روودا ودئه‌نجامدا كه‌سه‌ك ب گرانى برینداربوو وهه‌ردو پیێن خوه ژده‌ستدان.
كه‌مال ئه‌حمه‌د، به‌رپرسێ راگه‌هاندنا نه‌خوه‌شخانا شه‌هید ره‌ئووف به‌گ ل قه‌زا شاره‌زوور دداخۆیانیه‌كا رۆژنامه‌ڤانى دا گۆت”ئه‌ڤرۆ وه‌لاتیه‌ك ب بریندارى بۆ پشكا ته‌نگاڤیان ل نه‌خوه‌شخانا مه هاته ڤه‌گوهاستن”.
گۆت ژى” ئه‌و وه‌لاتى یه ب ناڤێ (فاروق حه‌مه سالح) دژیێ 40 سالیێ دایه، ژئه‌گه‌رێ په‌قینا بۆمبه‌كێ دناڤ ترومبێلا وى دا ل باژێركێ وارماوا ل سنوورێ سلێمانیێ، هه‌ردو پیێن خوه ژده‌ست دان وژبه‌ر گرانیا برینا وى، هاته هنارتن بۆ نه‌خوه‌شخانا ته‌نگاڤیان ل باژێرێ سلێمانیێ”.
هه‌ر ئه‌ڤرۆ ئێڤارى ژئه‌گه‌رێ برینا وى یا دژوار، وى وه‌لاتى گیانێ خوه ژده‌ست دا.
نيشاندان
WP Facebook Auto Publish Powered By : XYZScripts.com