ئه‌ڤرۆ نيوز:
شاندێ پارتى ب سه‌رۆكاتيا نێچيرڤان بارزانى و عادل عه‌بدولمه‌هدى، سه‌ركردێ ديارێ شيعان كۆمبوون.
ئه‌ڤرۆ شاندێ پارتى ديموكراتى كوردستان ب سه‌رۆكاتيا نێچيرڤان بارزانى، جێگرێ سه‌رۆكێ پارتى ديموكراتى كوردستان ل به‌غدا ل گه‌ل عادل عه‌بدولمه‌هدى، سه‌ركردێ ديارێ شيعێن عيراقێ كۆمبوو.
ب گۆره‌يى پێزانينان د ڤێ كۆمبوونێ دا شاندێ پارتى و عه‌بدولمه‌هدى دانوستاندن ل سه‌ر پرسا پێكئينانا حوكمه‌تا داهاتى يا عيراقێ و پرسا سه‌رۆك كۆمارى كۆم بووينه.
ئه‌ڤرۆ نيوز:
جێگرێ رێڤه‌به‌رێ كۆمسيۆنا بلندا سه‌ربه‌خۆيا هه‌لبژارتن و راپرسيێ لقێ سلێمانيێ راگه‌هاند كو ل پارێزگه‌ها سلێمانيێ قردێلا سۆر ل 115 سندوقێن ده‌نگدانێ هاتيه دان.
ديار نه‌سره‌دين، بۆ خه‌ندان راگه‌هاند كو ل پارێزگه‌ها سلێمانيێ قردێلا سۆر ب 115 سندوقان ڤه‌يه و سكالا ل سه‌ر هاتيه تۆماركرن، “ئه‌و سندوق ئه‌ڤرۆ دێ بۆ هه‌ولێرێ بۆ نڤيسينگه‌ها نشتيمانى هێنه ره‌وانه‌كرن بۆ پشت راست بوون ژ وێ چه‌ندێ كو ئه‌و سندوقێن ده‌نگان دێ هێنه هژمارتن يان نه”.
ئاماژه ب وێ چه‌ندێ ژى كر كو هژمارتن و نه‌هژمارتنا وان ده‌نگان دێ گوهۆڕينێ ل سه‌ر ده‌نگێن لايه‌نێن سياسى كه‌ت.
ئەڤرۆ نیوز، لەزگین جۆقی:
ئولدارەکێ ئێزدیان دیارکر کو ل حەفتیا بھێت دێ رێورەسمێن جەژنا جەمایێ ل پەرستگەھا لالش دەست پێ کەن بۆ دەمێ حەفت رۆژان دێ د بەردەوام بن.
خواجە خەتاری ئولدارێ ئێزدیان بۆ ئەڤرۆ نیوز دیارکر کو جەژنا جەمایێ ئێکە ژ جەژنێن دێرینێن ئێزدیان رێورەسمێن وێ بۆ دەمێ حەفت رۆژان ل پەرستگەھا لالش دێ ھێنە گێران.
دا زانین ژی کو ھەموو ئێڤاریان چرایێن ئاقد و نیشانگەھێن خاسا دھێنە تێ خستن ھەر ئێزدیەکێ قەستا لالش بکەت پێدڤیە د سەر پرا سەلاتآ را بچیت و بچنە مەزارگەە و خاسا زیارەتی و ھەموو ئێڤاریا سەما دھێتە کێشان و قەول و بەیت و قەسیدە دھێنە گۆتن ل رۆژا چارێ ژ جەژنێ پەری دھێتە سوارکرن و رۆژا پێنجێ یا جەژنێ رێورەسمێن قەپاغێ دھێنە کرن و رۆژا د دووڤ دا ژی بەریێ شباکێ دھێتە سوارکرن ھەر کەسەکێ نەمۆرکری بیت ب ئاڤا کانیا سپی دھێتە مۆرکرن و سەردەریێن خاسا سماتێ چێدکەن خەلک ھەموو قەستا پەرستگەھا لالش دکەن بۆ گێرانا رێورەسمێن جەژنا جەمایێ.
خەیری بۆزانی، رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئاینی ل ھەرێما کوردستانێ دیارکر کو ب ھەلکەفتا ھاتنا جەژنا جەمایێ بڕیار ھاتیە دان ببیتە بھێنڤەدانا فەرمی بۆ ھەموو فەرمانبەرێن ئێزدی.
دا زانین ژی کو ئەڤ سالە رێورەسمێن جەژنا جەمایێ ل رۆژا 6-10-2018 دەست پێ دکەن ھەتا رۆژا 12-10-2018 دێ بەردەوام بن ل سەر گێرانا رێورەسمێن جەژنا جەمایێ ل پەرستگەھا لالش ئانکو حەفتیا بھێت ژ بەر جەژنا جەمایێ بھێنڤەدانە بۆ ئێزدیان ل دامودەزگەھێن حوکمەتێ.
ئه‌ڤرۆ نيوز:
فه‌رسه‌ت سۆفى، په‌رله‌مانتارێ خولا چارێ يا په‌رله‌مانێ كوردستانێ ژ فراكسيۆنا پارتى ديموكراتى كوردستان بۆ رووداو راگه‌هاند كو ب گۆره‌يى ماددێ 61 د قانوونا هه‌لبژارتنێن په‌رله‌مانێ كوردستانێ دا، هه‌ر حزبه‌كا بايكوتا په‌رله‌مانێ كوردستانێ بكه‌ت، كورسيێن وان دێ ب گۆره‌يى سيسته‌مه‌كى ب سه‌ر ليستێن دى دا هێنه به‌لاڤكرن.
په‌رله‌مانتارێ خولا به‌رێ يا په‌رله‌مانێ كوردستانێ دا زانين كو ب گۆره‌يى وى سيسته‌مى ده‌نگێن وێ ليستا خوه ژ په‌رله‌مانى ڤه‌كێشايى دێ بۆ وێ ليستا پترترين ده‌نگ برين و نه‌گه‌هشتينه كورسيێ و ب ره‌نگه‌كى هه‌تا دووماهى كورسى، ئانكو دێ بۆ لايه‌نێ ژى هه‌موويان نێزيكتر بۆ كورسيێ چيت.
ئەڤرۆ نیۆز، قائید میرۆ:
ب گورەی ئاخفتنا چاڤدێران پڕۆسا ھەلبژارتنێن پەرلەمانێ کوردستانێ ھەتا رادەیەکێ زۆر یا سەرکەفتی بوویە و چاڤدێرەکژی دبێژیت، زێدەگاڤیێن مەزن نەھاتینە تۆمارکرن.
ھشیار مالو، سەرۆکێ پرۆگرامێن ھەلبژارتنان بۆ ئەڤرۆ نیۆز دیارکر” پڕۆسا ھەلبژارتنێن پەرلەمانێ کوردستانێ رۆژا ئێک شەمبی کو بڕێڤەچوون، گورەی ئەڤێ چاڤدێریا مە کری ھەتا رادەیەکێ زۆر پڕۆسا ڤێجارێ باشتر رێڤەچوو چو پێشێلکاریێن مەزن نەھاتینە تۆمارکرن. ھیشار مالو ئاشکراکر، ل سەرتاسەری ھەرێما کوردستانێ مە ب رێیا ٦٠٠ چاڤدێران ب ھویری چاڤدێریا پڕۆسێ ھەلبژارتنان کریە، راستە ھژمارەک سکالا ھاتینە تۆمارکرن، بەلێ ھەموو پێشێلکاریێن ھاتینە تۆمارکرن پێشێلکاریێن زۆر مەزن نەبووینە.
ل دۆر رەتکرنا ئەنجامێن ھەلبژارتنان ھشیاری گوت” ل ھەموو دنیایێ وەسا یە ھێزێن زۆر دەنگان بدەستڤە نەئینن دکەڤنە تۆمەتبارکرنا پڕۆسێ و پشتی چەند رۆژێن دیژی ئەف نەڕازیبوونا نوکە ھەی لدۆر ئەنجامێن ھەلبژارتنان نامینە.
ئەڤرۆ نیۆز، قائید میرۆ:
بڕیارە ئەڤرۆ لپەرلەمانێ عێراقێ پۆستێ سەرۆک کۆمارێ عێراقێ بھێتە ئێکلاکرن، گورەی زانیاریێن ئەڤرۆ نیۆز ھژمارەک پەرلەمانتارێن ئێکەتیێ ژی دێ دەنگی دەنە بەربژێرێ پارتی دیموکراتی کوردستان.
ژێدەرەکی ژ فڕاکسیۆنا پارتی دیموکراتی کوردستان ب ئەڤرۆ نیۆز راگەھاند” بڕیارە ئەڤرۆ نیڤرۆ پەرلەمانێ عێراقێ لدۆر ھەلبژارتنا سەرۆک کۆمارێ کۆمببیت و ئەگەر پارتی و ئێکەتی نەگەھشتن چو رێکەفتنان ئەڤە دێ دکتۆر بەرھەم سالح وەک بەربژێرێ ئێکەتیێ و دکتۆر فوئاد حوسێن وەک بەربژێرێ پارتی دێ ب دەنگێن پەرلەمانتاران ھێنە ئێکلاکرن، ھەرچەندە ئەگەر ھەنە دناڤا فڕاکسیۆنێن کوردستانی ئەف بابەتە بھێتە ئێکلاکرن.
ل دۆر سەرکەفتنا بەربژێرێ پارتی ئەڤی ژێدەری گۆت” کارێ باش ھاتیەکرن بۆ سەرکەفتنا دکتۆر فوئاد حوسێن و لایەنێن عەرەبی ژی سۆزدایە دەنگی بدەنێ، ھەتا ھژمارەک پەرلەمانتارێن ئێکەتیێ دەنگی نادەنە دکتۆر بەرھەم سالح و سۆزدایە دەنگی بدەنە دکتۆر فوئاد حوسێن بەربژێرێ پارتی دیموکراتی کوردستان.
ئەڤرۆ نيوز:
پەیڤدارێ جڤاتا سەرکرداتیا پارتی دیموکراتی کوردستان ل سلێمانیێ و ھەلەبجە دیار کر کو ل ھەلبژارتنێن خولا پێنجێ یا پەرلەمانێ کوردستانی پارتی دیموکراتی کوردستان ل سنوورێ پارێزگەھا سلێمانیێ ب رەنگەکێ بەرچاڤ رێژا دەنگێن خوە زێدەکریە و پارتی دێ سۆزێن خوە ل گەل دەنگدەرێن خوە بجە ئینیت.
عەتا شێخ حەسەن، پەیڤدارێ جڤاتا سەرکرداتیا پارتی دیموکراتی کوردستان ل سلێمانیێ و ھەلەبجە بۆ رۆژناما ئەڤرۆ دیار کر کو دەنگێن پارتی ب رێژەکا باش ل چاڤ ھەلبژارتنێن بۆری ل گورەی ئەنجامێن نەفەرمی زێدەبووینە و گۆت: “پارتی دیموکراتی کوردستان رێزا سێیێ ل پارێزگەھا سلێمانیێ ب دەستڤەئینایە، ئەو ئەنجامێن ب رێیا بریکارێن پارتی گەھشتینە مە دەنگێن پارتی دیموکراتی کوردستان ل سنوورێ پارێزگەھا سلێمانیێ و دەوروبەرا د ھەلبژارتنێن خۆلا پێنجێ یێن پەرلەمانێ کوردستانێ دا ب رەنگەکێ بەرچاڤ زێدەبووینە”.
ناڤھاتی ئاماژە دا وێ چەندێ کو پارتی د خەما دەنگدەرێن خوەدایە ل ھەموو کوردستانێ دێ سۆزێن خوە بجە ئینیت و گۆت: “ئەو درووشمێن ل دەمێ بانگەشێ ھاتینە ب کارئینان دێ خزمەتا دەنگدەران پێ ھێتەکرن ل ھەموو کوردستانێ، پارتی دێ خودان سۆزا خوە بیت و پشتی ھەلبژارتنان دێ سۆزا خوە ل گەل دەنگدەرێن خوە بجە ئینیت.
ئەڤرۆ نيوز:
وەزارەتا کارەبێ یا حوکمەتا ھەرێما کوردستانێ ڕۆھنکرنەکێ ل دۆر بەرنامێ دانا کارەبا نشتیمانی بۆ وەلاتیان بەلاڤ دکەت و تێدا ھاتیە: ژ ئەگەرێ نزمبوونا پلێن گەرمێ و کیچمبوونا خواستا وەلاتیان ل سەر ب کارئینانا کارەبێ د شیاندایە 19 ھەتا 21 دەمژمێران کارەب بۆ وەلاتیان بھێتە دابینکرن.
وەزارەتا کارەبێ یا حوکمەتا ھەرێما کوردستانێ ئاشکرا ژی کر، د ڤی وەرزی دا و پشتی ھەیڤا ئیلۆنێ سەرەڕای سنۆرداریا ژێدەرێن دارایی و بلندبوونا پلێن گەرمێ و زێدەبوونا خواستا وەلاتیان ل سەر ب کارئینانا کارەبا نشتیمانی، وەزارەت شیا ب پشتبەستن ل سەر بەرنامەکێ تۆکمە، ب تێکڕا 15 دەمژمێران کارەبێ بدەتە وەلاتیان.
وەزارەتا کارەبێ ئاماژە ب وێ چەندێ ژی کر کو د ڤێ ھەیڤێ دا دەمژمێرێن دانا کارەبا نشتیمانی بۆ وەلاتیان دێ زێدەبیت و د رۆھنکرێ دا ھاتیە: “ھەر وەکو بەری نوکە مە ئاماژە پێ دای، د دووماھیا ھەیڤا ئیلۆنێ و دەستپێکا ھەیڤا تشرینا ئێکێ، ژ ئەگەرێ نزمبوونا پلێن گەرمێ و کێمبوونا خواستا وەلاتیان ل سەر ب کارئینانا کارەبێ، دێ شێین 19 ھەتا 21 دەمژمێران کارەبا نشتیمانی بدەینە وەلاتیان”.
وەزارەتا کارەبێ د وێ رۆھنکرنێ دا خویا ژی کریە کو زێدەبوون و کێمبوونا دانا کارەبا نشتیمانی بۆ وەلاتیان، چو پەیوەندی ب مەراسیم و ھەلکەفتان نینە، وەکو ھندەک کەنالێن راگەھاندنێ بەلاڤ دکەن کو ب ھەلکەفتا ھەوا ھەلبژارتنان دانا کارەبێ زێدەبوویە.
ئه‌ڤرۆ نيوز:
سەرپەشتیارێ گشتی یێ فیدراسیۆنا پەنابەرێن عیراقێ دیار کر کو د سێ سالێن بۆری دا 133 کەس د ریێا چوونە ژ دەرڤەی وەلاتی دا بێ سەروشوون بووینە و کۆچکرنا وەلاتیان ژی یا بەردەوامە.
ئاری جەلال، سەرپەشتیارێ گشتی یێ فیدراسیۆنا پەنابەرێن عیراقێ ئاشکرا کر کو دیاردا کۆچکرنێ بەرامبەر سالێن بۆری یا کێمبووی، پەنابەرێن بەری رێکەفتنا وەلاتێن ئورۆپا دگەل تورکیا بھێتە ب جھئینان ب رێژا 90% چووینە وەلاتێن ئورۆپی، ھەموو ماف پێ ھاتینە دان، وەکو خواندن و دەلیڤێن کارکرنێ و گۆت: “رەوشا ژیانا وان ل وان وەلاتا یا باشە، بەلێ ئەو پەنابەرێن پشتی رێکەفتنێ چووینە ئورۆپا و ژ بەر دەستەسەرکرنا وان ب رێکی ڤە تووشی گەلەک ئاریشان بووینە”.
ئاشکرا ژی کر کو ھەر ژ 20-6-2017 ھەتا نوکە 59 کەسان ب رێڤە گیانێ خوە ژ دەستدایە و بێ سەروشوون بووینە و گۆت: “کۆچکرنا وەلاتیان یا بەردەوامە، د سێ سالێن بۆری دا 280 کەسێن عیراقی گیانێ خوە ژ دەستدایە و پتریا وان ژن و زارۆکن، سالا بۆری ژی 65 کەس مرینە و بێ سەروشوون بووینە و 31 تەرم یێن ھاتینە زڤڕاندن و 34 وەلاتی ژی بێ سەروشوونن، د سێ سالێن بۆرێدا 133 کەس بێ سەروشوون بووینە”.
ئەڤرۆ نيوز:
بەرپرسەکێ وەزارەتا بەرگیریێ یا ئەمریکا دیار کر کو رەوشا سووریێ ئالۆزە و روسیا چو پیلان بۆ چارەسەریا قەیرانا سووریێ نینن و ئیران ژی رۆژ ب رۆژێ پتر ھاریکاریێن سەربازی رەوانەی سووریێ دکەت، ژ بەر ھندێ ژی ئەم نەچارین بۆ پاراستنا بەرژەوەندیێن خوە ل سووریێ و رۆژھەلاتا ناڤین ھژمارا بنگەھێن خوە یێن سەربازی ل سووریێ و رۆژئاڤایێ کوردستانێ زێدەتر لێ بکەین.
ئەو یەک د دەمەکێ دایە کو بەری نھا چەندین دەزگەھێن راگەھاندنێ دیار کربوون کو ئەمریکا چەندین بنگەھێن نوو یێن سەربازی ل سەر سنۆرێ د ناڤبەرا عیراقێ و سووریێ دا ئاڤا کرینە و چەکێن گران ل چەندین دەڤەرێن ستراتیژی بجە کرینە.
نيشاندان