ھەولێر، قائید میرۆ:‏

ژ ئەگەرێ قەیرانا دارایی و نەبوونا بۆدجێ بۆ دەمێ چار سالانە پڕۆژێن وەزارەتا ‏باژێڕڤانیێ ھاتینە ڕاگرتن و بەرپرسەکێ وەزارەتێ ژی دیار کر کو چاڤەڕێ ‏مەزاختنا بۆدجێ دکەن بۆ دەستپێکرنا پڕۆژێن تەمام نەکری و گۆت: “ھژمارەکا ‏پڕۆژێن نوو ژی دێ ھێنە بجە ئینان”.‏

عەبدولحەمید مەجید، رێڤەبەرێ گشتێ پلاندانانێ ل وەزارەتا باژێڕڤانی بۆ ‏ئەڤرۆ نيوز دیار کر کو ل سالا 2014ێ وەرە وان چو پڕۆژێن نوو بۆ کەرتێ باژێڕڤانیێ ‏ئەنجام نەداینە و نوکە ئەو یێ چاڤەرێ بۆدجێ دکەن بھێتە پەسەندکرن داکو ‏پرۆژێن خوە دەست پێ بکەن، ب تایبەتی ئەو پڕۆژێن پەیوەندی ب ژیانا وەلاتیێن ‏ھەرێما کوردستانێ ڤە ھەی و گۆت: “بەری قەیرانێ مە 300 پڕۆژە ھەبوون، لێ ‏ێشتی قەیرانا دارایی ب سەر ھەرێمی َدا ھاتی کار د وان پرۆژان دا ھاتە ڕاگرتن، ‏ھەروەسا مە 48 پڕۆژە ھەبوون ھەموو کارێن وان ب دووماھی ھاتبوون ب تنێ مابوو ‏گرێبەست بھێتە ئەنجامدان بۆ بجە ئینانێ”.‏

ناڤھاتی ئاماژە دا وێ چەندێ کو ھەکە حوکمەتێن بەغدا و ھەرێما کوردستانێ ‏بگەھنە رێکەفتنێ بۆ مەزاختنا پشکا بۆدجا ھەرێما کوردستانێ و پڕۆژە قانوونا ‏بۆدجێ ھاتە پەسەندکرن، بێگومان ئەڤ پڕۆژێن بەرێ دێ ھێنە تەمامکرن و ‏پڕۆژێن نوو ژی دێ ھەبن بۆ خزمەتکرنا وەلاتیان، چونکی د دەمێ نوکە دا ب تنێ ‏ھژمارەکا پڕۆژێن بچووک ھەنە ژ لایێ باژێڕڤانیان ڤە دھێنە ئەنجامدان ئەو ژی ل ‏سەر پارێ داھاتێ باژێڕڤانیانە.‏

ئەڤرۆ نیوز:‏

ئەڤرۆ رۆژا ژدایکبوونا پێغەمبەرێ ئیسلامێ سلاڤ لێ بن دێ ب چەندین چالاکیان ل ‏پارێزگەھا دھۆکێ ھێتە ساخکرن.‏

بلند بریفکانی، سەرۆکێ رێکخراوا ھاریکاریا کوردی ئەمریکی بۆ ئەڤرۆ نیوز دیار کر کو ‏رێکخراوا ھاریکاریا کوردی ئەمریکی ب ھەماھەنگی ل گەل لقێ ئێک یێ پارتی دیموکراتی ‏کوردستان و کۆمپانیا ‏MRF‏ ئەڤرۆ رۆژا 20ى چريا دويێ 2018ێ ل دەمژمێر 2:30 نیڤرۆ دێ ‏رۆژا ژدایکبوونا پێغەمبەرێ ئیسلامێ سلاڤ لێ بن ل پارکا نەورۆز ل دھۆکێ ساخکەن و ‏گۆت: “داخوازێ ژ خەلکێ پارێزگەھا دھۆکێ دکەم ل جھێ ساخکرنا ڤێ بیرەوەریێ ‏ئامادەبن”.‏

سوبەھی رۆژا 21ى چريا دويێ 2018ێ ل ژێر درووشمێ (و إنک لعلی خلق عڤیم) سەنتەرێ ‏ئاڤدان یێ رەوشەنبیری ل دھۆکێ دێ مێزگەردەکا تایبەت ل سەر رۆژبوونا پێغەمبەرێ ‏ئیسلامێ سلاڤ لێ بن ل دەمژمێر 4:00 ئێڤاری ل پانۆراما ئازادی ل دھۆکێ دانیت.‏

ئەڤرۆ نیۆز، سالار دۆسکی:

ئەندامەکا جڤاتا نوونه‌رێن عيراقێ ل فراکسیۆنا پارتی دیموکراتی کوردستان ل قەزا زاخۆ سوازا خوە یا بانگەشا ھەلبژارتنان ب جهـ ئیا و نیڤا مووچێ خوە ل سەر خێزانێن کێم دەرمەت بەلاڤەکر.

وه‌سفیا شێخو، ئەنداما جڤاتا نوونه‌رێن عیراقێ ل سه‌ر فراکسیۆنا پارتی دیموکراتی کوردستان بۆ ئەڤرۆ نیۆز گۆت: “ل بانگەشا ھەلبژارتنان مە سوز دابوو خەلکێ خوە کو ھەیڤانە نیڤا مووچێ خوە ل سەر کەسانێن ھەژار و دەست کورت و پێدڤی بەلاڤە بکەین و ئەڤە مە دو مووچە وەرگرتن و ھەر ھەیڤێ ئەز دێ دو ملیۆن و نیڤان ل سەر ھەژار و دەست کورتان و کەسێن پێدڤی و ھەر جار تەخەکێ بەلاڤ کەم و دێ بەردەوام بم ل ھەر چار سالان”.
وەسفیایێ گۆتژی : “ئەڤە نە منەتەکە ل گەل خەلکێ خوە دکەم، بەلکو نوونەرا خەلکی مە دێ بەردەوام بم ژ بەرەڤانیکرنێ ژ خەلکێ خوە و وەرگرتنا مافێن خەلکێ کوردستانێ ل جڤاتا نوونه‌ران”.

ئه‌ڤرۆنيوز:

په‌رله‌مانتاره‌كێ پارتى ديموكراتى كوردستان ل په‌رله‌مانێ عيراقێ مووچێ خوه‌ يێ هه‌ر چار سالێن په‌رله‌مانتاريێ دبه‌خشيته‌ رێكخراوه‌كێ.

نه‌هرۆ مه‌حموود قادر، ئه‌ندامێ په‌رله‌مانێ عيراقێ ژ فراكسيۆنا پارتى ديموكراتى كوردستان، د راگه‌هاندنه‌كێ دا ئاماژێ ب بجهئينانا سۆزه‌كا خوه‌ دده‌ت ل ده‌مێ بانگه‌شاهه‌لبژارتنان داى ودبێژيت” ل ده‌مێ بانگه‌شا هه‌لبژارتنێن په‌رله‌مانێ عيراقێ ، ل دادنڤيسا هه‌ولێرێ من سۆزنامه‌ك پركربوو هه‌كه‌ باوه‌ريا ده‌نگده‌ران ب ده‌ستڤه‌بينم، دێ هه‌موو مووچێ خوه‌ به‌خشم، له‌وما من ئه‌ڤ كاره‌ كر”.

دياركر ژى” من سه‌ره‌دانا ده‌زگه‌هێ بارزانى يێ خێرخوازى كر ول گه‌ل موسا ئه‌حمه‌د سه‌رۆكێ ده‌زگه‌هى روونشتم وپشتى دانوستاندنێ ل سه‌ر چاوانيا به‌خشينا مووچێ خوه‌ وب به‌رهه‌ڤبوونا سه‌رۆكێ كۆمه‌لا تالاسيميا هه‌ولێرێ، من ئيمزا ل سه‌ر به‌خشينا مووچێ خوه‌ يێ هه‌ر چار سالێن په‌رله‌مانتاريێ بۆ وان كر”.