ئه‌ڤرۆنيوز:
پشتى ئه‌ڤرۆ سێ كه‌سێن چه‌كدار چووينه دناڤ ئاڤاهيێ پارێزگه‌ها هه‌ولێرێ دا وپاشى ژلايێ هيزێن ئه‌منى يێن هه‌رێمێ هاتيه دۆرپێچكرن وكوشتن، ژ ئه‌گه‌رێ وێ هێرشا چه‌كدارى فه‌رمانبه‌ره‌كێ خزمه‌تگوزارى ل ناڤ ئاڤاهيێ پارێزگه‌ها هه‌ولێرێ كو ژ پێكهاتێ مه‌سيحى يه ( فه‌رحان ئيليا ) بريندار بوو وپاشى ژ ئه‌گه‌رێ دژواريا برينا وى گيانێ خوه ژ ده‌ستدا.
ئه‌ڤرۆ نيوز:
ده‌مژمێر 7:45 ده‌قيقه‌يى سپێده‌هيا ئه‌ڤرۆ رۆژا دوشه‌مبى سێ چه‌كدار چوونه ناڤ ئاڤاهيێ پارێزگه‌ها هه‌ولێر و پشتى چار ده‌مژمێران ژ ئۆپه‌راسيۆنا ئاسايش و هێزێن ئه‌منى يێن هه‌ولێر، هه‌ر سێ هێرشبه‌ر هاتنه كوشتن و ئۆپه‌راسيۆن ب دووماهى هات.
تاهر عه‌بدولا، جێگرێ پارێزگارێ هه‌ولێر بۆ رووداو راگه‌هاند: هێرش نێزيكى ده‌مژمێر 8:00ى سپێده‌هيا ئه‌ڤرۆ روودابوو. سێ چه‌كداران خواست بچنه ژوور، ئێك ژ پۆليسێن به‌رده‌رگه‌هى ژى بريندار بوو.
هێرشبه‌ران دو چايچيێن پارێزگه‌هێ وه‌كو ئێخسير گرتبوون، ئێك ئازاد كر و ئێك ژى شه‌هيد بوو.
ئه‌ڤرۆ نيوز:
دۆنالد تره‌مپ، سه‌رۆكێ ويلايه‌تێن ئێكگرتيێن ئه‌مريكا ب دژوار به‌رسڤا حه‌سه‌ن رۆحانى، سه‌رۆكێ ئيرانێ دده‌ت و د په‌يامه‌كێ دا دبێژيت: “هه‌كه جاره‌كا دى گه‌فا بكه‌ت، ده‌رئه‌نجامێن خراب دێ هه‌بن”.
شه‌رێ راگه‌هاندنا واشنتۆ و ته‌هران د به‌رده‌وامن و د نوونرين پێشهات دا، دۆنالد تره‌مپ “گه‌له‌ك ب دژوارى” به‌رسڤا حه‌سه‌ن رۆحانى دا.
پشتى رۆحانى به‌رى نوكه راگه‌هاند كو ئه‌نجامدانا شه‌رى ل گه‌ل ئيرانێ دێ بيته “دايكا هه‌موو شه‌ران”، تره‌مپ ب تويته‌كى ل تۆڕا جڤاكى يا توويته‌رى به‌رسڤا وى دا.
تره‌مپ د توويته‌كى دا كو ئاراسته‌يى رۆحانى كريه دبێژيت: “جاره‌كا دى گه‌فان ل ئه‌مريكا نه‌كه‌يى، هه‌كه نه دێ د كارڤه‌دانان دا وه‌سان نالى، كو كێم كه‌س وه‌كو ته ب درێژاهيا مێژوويێ ژ به‌ر نالى بن”.
دا زانين ژى كو ئێدى ئه‌مريكا وه‌لاته‌ك نينه ل هه‌مبه‌ر گۆتنێن نه ل ئاست و گۆتنێن دينێن تۆند ب راوه‌ستيت، “هشيار به”.
To Iranian President Rouhani: NEVER, EVER THREATEN THE UNITED STATES AGAIN OR YOU WILL SUFFER CONSEQUENCES THE LIKES OF WHICH FEW THROUGHOUT HISTORY HAVE EVER SUFFERED BEFORE. WE ARE NO LONGER A COUNTRY THAT WILL STAND FOR YOUR DEMENTED WORDS OF VIOLENCE & DEATH. BE CAUTIOUS!
— Donald J. Trump (@realDonaldTrump) July 23, 2018
ئه‌ڤرۆ نيوز:
ب گۆره‌يى پێزانينێن ل به‌ر ده‌ست ئه‌ڤرۆ نيوز هه‌تا نوكه دو چه‌كدارێن هێرش كريه سه‌ر ئاڤاهيێ پارێزگه‌ها هه‌ولێر هاتينه كوشتن و نوكه ئێك مايه، هه‌ر چه‌نده پێشتر دهاته راگه‌هاندن كو دو چه‌كدارن.
ئه‌ڤرۆ سپێدێ ده‌مژمێر 7:15 ده‌قيقه سێ چه‌كداران ب ده‌بانجه و كلاشينكوفێ هێرش كريه سه‌ر باره‌گايێ پارێزگه‌ها هه‌ولێر ل ناڤه‌ندا باژێرى و ب گۆره‌يى پێزانينان دو كه‌سان هاتينه كوشتن و ئێك ژى مايه.
پێشتر تاهر عه‌بدولا، جێگرێ پارێزگارێ هه‌ولێر، راگه‌هاند كو نوكه ره‌وشا ئارامه و وه‌لاتيان پشت راست دكه‌ين كو چو تشت نينه و گۆت: “هێزێن ئاسايشێ يێن چووينه ژوور و ره‌وش نوكه ل بن كونترۆلا وانه”.
زێده‌تر گۆت: “چه‌كداران ب چه‌كێ سڤك هێرش كريه سه‌ر باره‌گايێ پارێزگه‌هێ و زێره‌ڤانه‌كێ به‌ر ده‌رگه‌هى بريندار كريه و چووينه ژوور ڤه ل قاتێ سيێ خوه ئاسێ كريه”.
دا زانين ژى هێشتا ناسناما وان ديار نه‌بوويه كو سه‌ر ب چو لايه‌نه‌كى نه و مه‌ره‌ما وان چيه و گۆت: “هه‌ر تشته‌كێ د ده‌ربارێ وان و ناسناما وان دا بهێته گۆتن يا زێده يه”.
ئه‌ڤرۆ نيوز:
بڕياره ئه‌ڤرۆ ل باژێرێن به‌غدا و به‌سرا و چه‌ند باژێرێن دى يێن عيراقێ خوه‌نيشاندانێن به‌رفره‌ـ بهێنه ئه‌نجام دان و هێزێن زۆرێن ئه‌منى ژى ل به‌غدا هاتينه به‌لاڤكرن.
ب گۆره‌يى پێزانين ل ده‌زگه‌هێن راگه‌هاندنێ هاتينه به‌لاڤكرن ل مه‌يدانا ته‌حرير و ده‌ڤه‌رێن دى يێن باژێرێن به‌غدا هێزێن زۆرێن ئه‌منى ژ ترسا خوه‌نيشاندانێن به‌رفره‌هـ دا خستينه حاله‌تێ ئاماده باشيێ.
ئه‌ڤه د ده‌مه‌كى دايه دوهى خوه‌نيشاندان ل به‌سرا و به‌غدا هاتنه ئه‌نجام دان و خوه‌نيشانده‌ران داخوازا دادگه‌هكرنا گه‌نده‌لكاران و هه‌لوه‌شاندنا جڤاتا پارێزگه‌هان و ده‌سته‌لاتا باژێرێن وان كرن و ره‌خنه‌يێن دژوار ژى ل بێده‌نگيا حزبان گرتن.
ماوێ زێده‌ر ژ دو حه‌فتيانه خوه‌نيشاندان ل باژێرێن عيراقێ دژى نه‌بوونا خزمه‌تگۆزاريێن ئاڤ و كاره‌ب و ده‌ليڤێن كارى يا به‌رده‌وامه و هه‌تا نوكه 15 خوه‌نيشانده‌ر هاتينه كوشتن و ب سه‌دان خوه‌نيشانده‌ر ژى بريندار بووينه.
ئه‌ڤرۆ نيوز:
ئه‌ڤرۆ سپێدێ ده‌مژمێر 7:15 ده‌قيقه دو چه‌كداران ب ده‌بانجه و كلاشينكوفێ هێرش كريه سه‌ر باره‌گايێ پارێزگه‌ها هه‌ولێر ل ناڤه‌ندا باژێرى و هێشتا نه‌هاتينه ده‌سته‌سه‌ركرن.
تاهر عه‌بدولا، جێگرێ پارێزگارێ هه‌ولێر، راگه‌هاند كو نوكه ره‌وشا ئارامه و وه‌لاتيان پشت راست دكه‌ين كو چو تشت نينه و گۆت: “هێزێن ئاسايشێ يێن چووينه ژوور و ره‌وش نوكه ل بن كونترۆلا وانه”.
زێده‌تر گۆت: “دو چه‌كداران ب چه‌كێ سڤك هێرش كريه سه‌ر باره‌گايێ پارێزگه‌هێ و زێره‌ڤانه‌كێ به‌ر ده‌رگه‌هى بريندار كريه و چووينه ژوور ڤه ل قاتێ سيێ خوه ئاسێ كريه”.
دا زانين ژى هێشتا ناسناما وان ديار نه‌بوويه كو سه‌ر ب چو لايه‌نه‌كى نه و مه‌ره‌ما وان چيه و گۆت: “هه‌ر تشته‌كێ د ده‌ربارێ وان و ناسناما وان دا بهێته گۆتن يا زێده يه”.
ئه‌ڤرۆ نيوز:
سەرۆکێ ناڤەندا چاڤێ کوردستان ئاماژە بوێ چەندێ دکەت، چەندین ئەگەر بۆ خۆنیشاندانێن عیراقێ ھەنە ، بەلێ سەدەما سەرەکی ئەڤە سیستەمێ حوکمڕانیا شیعەیان فەشەل ئینایە و دیارکر، دەستەک ھەیە ناھێلیت عێراق تەناھیێ بخۆڤە ببینیت، ژبەرکو بەرژەوەندیێن وەلاتان وەسا دخوازین عیراق یا ئالۆزبیت.
مەشخەل کەولۆسی، سەرۆکێ ناڤەندا چاڤێ کوردستان بۆ رۆژناما ئەڤرۆ گۆت: خۆنیشاندانێن عیراقێ و تێکچوونا رەوشا وی وەلاتی ئەگەرەک بتنێ نینە، بەلکو کۆمەکا ئەگەران ھەنە و یا ژ ھەموویێ گرنگتر، ھەبوونا گەندەلیێ یە ل عیراقێ، بودجێ عیراقێ ل سالا 2005ێ سال بۆ سالێ ھەر زێدەبویە، د ھەمان دەمدا چو خزمەتگۆزاری بۆ وەلاتیان نەھاتینەکرن، لەوڕا نەک تنێ بوی شێوەی دەولەت بڕێڤە ناچیت، بگرە ئاشتیا جڤاکی تێکچوویە، ئەڤا نوکە ل عیراق ھەی جەماوەر یێ ژ دەستھەلاتێ توڕەیە، لەوڕا ژی ھەکە رەوش ھوسا بچیت دێ بتەمامی رەوش ئالۆزبیت و تێکچیت، پرسیار ڤێرەدا ئەوە ھەر ئێکسەر پشتی پڕۆسا ھەلبژارتنێن عیراقێ ئاڤ و کارەب ل سەر ھژمارەک دەڤەرێن باشوورێ عیراقێ ھاتیە بڕین، ئەڤە ددەمەکی دایە ئاڤ و کارەبێن ئەڤان دەڤەران ژلایێ ئیرانێ دھاتنە دابینکرن، ئەڤە پرسیارێن جەوھەرینە لەوڕا دەستەک ھەیە ناھیلیت عیراق تەناھیێ بخۆڤە ب بینیت، ژ بەرکو بەرژەوەندیێن ھەموو لایەنان ھند چووینە ناڤێکدا و پشتی ھاتنا ترامپی لێک ترازان پەیدابوویە.
سەرۆکێ ناڤەندا چاڤێ کوردستان دیارکر،” ئەف جۆرێ حوکمڕانیا عیراقێ یێ سەقەتە و بکێری خەلکی ناھێت، عەقلێ شیعی یێ سەرکەفتی نەبوو د ئیدارەکرنا عیراقێ دا و نابیت ئەڤا حەوزێن ئاینی دبێژیت ھەمان تشت بھێتە بجە ئینان، چونکو ھەکە تو نەشێی خزمەتگوزاریین سادە پێشکەشی وەلاتیێن خوە بکەی، ئەڤە تو نەیێ سەرکەفتی د حوکمەتێدا، ل عیراق وەلاتی توڕەنە لڤی سیستەمێ ھەی ئەڤە ناھێتە ڤەشارتن، عیراقێ تنێ بودجێ خوە نەمەزاختیە ب ملیارەھا پارە قەڕکریە و کەس ژی نوزانیت ئەف پارە کیڤەچوویە، وەلاتیان نە ئاڤ و کارەب ھەنە نە چو خزمەتگوزاری پێشکەش کرینە پارەژی دیار نینە، پرسیارا وەلاتیێن عیراقی ئەڤە ئەف پارە کیڤەچوو، پیلانێن نێڤدەولەتی و بەرژوەندیان وەلاتێن زلھێزن ناھێلن عیراق وەکی خوە بڕێڤەبچیت.
مەشخەل کەولۆسی گۆت: نوکە ئیران یا دخوازیت بەرژەوەندیێن ئەمریکا ل عێراقێ پاشڤە ببەت، ھەتا ئەف گڤاشتنێن ئەمریکا دکەتە سەر ئیرانێ سست ببن، ھەکە بھێت و ئاریشە بۆ بەرھەم ئینانا پەتڕۆلا عیراقێ ھوسا بھێنە چێکرن دێ بەرھەم ئینان زۆر داکەڤیت و عیراقێ بەرھەم نامینیت، ئەڤە ژی دێ بیتە ئەگەر ئەمریکا و رۆژئاڤا نەچاربن گڤاشتنێن زێدە نەکەنە سەر ئیرانێ، لایەکێ دیڤە ئەمریکا ژی بەرژەوەندی د ئالۆزیێن عیراقێ دا ھەیە، کو سعودیا و ئەمریکا دخوازن فەشەلا دەستھەلاتا شیعی ل عیراقێ ئاشکرا بکەن.
ئەڤرۆ نیوز:
یوسف حسێن ئێکمالەی بەرگارەی، هاریکارێ رێڤەبەرێ گشتیێ ساخلەمیا پارێزگەها دهۆکێ بو کارۆبارێن کارمەندێن ساخلەمیێ ڤێ سپێدێ ژ نشکەکێڤە گیانێ خوە ژدەست دا .
ناڤبری ژدایکبوویێ سالا 1966 و پەیمانگەها تەکنیکی مووسل پشکا خۆپاراستنێ ب دوماهی ئینابوو و سالا بوری ژی پشکا پەیوەندیێن نێڤدەولەتی ل زانکۆیا نەوروز ب دووماهی ئینابوو.
ژ سالا 2012 وەرە وەکو هاریکارێ رێڤەبەرێ گشتیێ ساخلەمیا پارێزگەها دهۆکێ دەست ب کارببوو و خزمەتەکا مەزن پێشکێشی کەرتێ ساخلەمیێ و ب تایبەت کارمەندێن ساخلەمیێ کریە.
نيشاندان