ئهڤرۆنيوز:
كۆمسيۆنا بلند يا ههلبژارتنان وراپرسيێ ل ههرێما كوردستانێ وان جهان ديار دكهت كو بانگهشا لايهنان يا ههلبژارتنێ تێدا قهدهغهيه.
كۆمسيۆنێ د رۆهنكرنهكێ دا كو ئهڤرۆ پێنجشهمبى 6/9/2018 بهلاڤكرى ئاماژێ ب وێ چهندێ دكهت كو ل رۆژێن بانگهشا ههلبژارتنێن پهرلهمانێ كوردستانێ، جهێن گشتى وناڤهندێن دهنگدانێ وتابلۆيێن هاتنوچوونێ وكهلوپهلێن حوكمهتێ وجادێن ب قهرهبالغ بانگهشه تێدا يا قهدهغهيه.
دياركر ژى كو بانگهشا ههلبژارتنان ل ڤان جهان قهدهغهيه:
2- ناڤهندێن دهنگدانێ.
4- کەلوپەلێن حوكمەتێ و ترومبێل و کەرەستێن حکومی.
5- تابلۆيێن هاتنوچوونێ.
6- ژروويێ ژينگههێ ڤه، قهدهغهيه مادێن لكێنهر بهێنه بكارئينان بۆ ههلاويستنا پۆستهر وئالايێن ليست وبهربژاران، ههروهسا نڤيسين ل سهر ديواران.
7- جادێن ب قهرهبالغ وجادێن گشتى.
برياره ههلبژارتنێن پهرلهمانێ كوردستانێ ل 30/9/2018 بهێنه ئهنجامدان وبانگهشا ههلبژارتنان ل 11/9/2018 دهستپێ بكهت.
ئهڤرۆنيوز:
ژێدهرهكى ژ بهسرا بۆ ئهڤرۆنيوز دياركر كو خوهنيشاندهرێن بهسرا ئهڤرۆ پێنجشهمبى 6/9/2018 شيان ئاڤاهيێ جڤاتا پارێزگهها بهسرا كونترۆل بكهن.
حهسهن داوود، رۆژنامهڤان ژ بهسرا بۆ ئهڤرۆنيوز گۆت” ئهڤرۆ پێنجشهمبى خوهنيشاندهرێن بهسرا شيان ئاڤاهيێ جڤاتا پارێزگههێ كونترۆل بكهن وبچنه دناڤدا وئالايێ عيراقێ ل سهر بانێ وي بلند بكهن”.
گۆت ژى” خوهنيشاندهران داخوازا سزادانا فهرماندێ ئۆپهراسيۆنێن بهسرا كربوو ژبهركو وى تۆمهتبار دكهن ب دهركرنا فهرمانا تهقهكرنێ ل خوهنيشاندهران ل رۆژا بۆرى كو تێدا چهندين خوهنيشاندهر هاتينه كهشتن وبرينداركرن”.
ئهڤرۆنيوز، باسم قاسم شنگالى
ئەڤرۆ پێنچ شەمبی 6/9/2018 رۆژا ئێکێ ژ جمایا ئێزی ل چیایێ شنگالێ ب رێڤەچوو ب ئامادەبوونا ب سەدان ژ خەلکێ چیایێ شنگالێ ئەوێن نۆکە ل دەڤەرا شنگالێ ئاکنجی
پشتی سێ سالان ب سەر کۆمکوژیا ئێزدیان ئەوا ل 3/8/2014 ل قەزا شنگالێ روودای و ب هەزاران ژ ئێزدیان هاتينە کوشتن ورەڤاندن و دەستەسەرکرن ژ لایێ رێکخراوا تیرۆرستیا داعشێ ڤە ـ لەورا رێورسمێن جمایا ئێزی بۆ دهمێ سێ سالان بوو هاتيه راوەستاندن، لێ ئەڤ ساله هەموو رێورسمێن جمايا ئێزی ل چیایێ شنگالێ ئهڤرۆ پێنجشهمبى 6/9/2018 ل چیایێ شنگالێ هاتن گێران كو ئهڤرۆ دبيته ئێکەم رۆژا جەژنا جمایا ئێزی و سوباهى ئهينيێ پەریێن مەزارگەهێ ئێزی دێ هێنە سوارکرن.
ئهڤرۆنيوز:
كۆمسيۆنا بلند يا ههلبژارتنان وراپرسيێ ل ههرێما كوردستانێ، ئهڤرۆ پێنجشهمبى 6/9/2018 نموونهك ژ فۆرما دهنگدانا ههلبژارتنێن پهرلهمانێ كوردستانێ بهلاڤكر كو ئهو فۆرم ناڤ وهژمارا ليست وقهوارێن سياسى بخوهڤه دگريت.
برياره ههلبژارتنێن پهرلهمانێ كوردستانێ ل 30/9/2018 بهێنه ئهنجامدان وتێدا زێدهتر ژ 20 قهواره وههڤپهيمانى دێ پشكداريێ تێدا كهن ونێزيكى 777 بهربژار ههڤركيێ ل سهر ب دهستڤهئينانا 111 كورسيێن پهرلهمانى دكهن.
ئهڤرۆنيوز:
وهزارهتا پهروهردێ ل ههرێما كوردستانێ ب نڤيسارهكا فهرمى هوشداريێ ددهته ههموو قوتابخانه وپهيمانگههێن نه حكومى كو پێدڤيه ل گهل سالنامه وپرۆگرامێ وهزارهتا پهروهردێ دهوامێ بكهن.
وهزارهتا پهروهردێ ب نڤيسارا خوه يا هژمار 10735 ل 29/8/2018 ب ئيمزايا (عيسام عسمهت يونس) رێڤهبهرێ قاتابخانه وپهيمانگههێن نه حكومى، تێدا داخوازێ ژ رێڤهبهريێن گشتى يێن پارێزگههێن ههرێمێ دكهت سهبارهت دهواما فهرمى بۆ ئهڤ سالا خواندنێ 2018 – 2019 يا ههموو باخچه وقوتابخانه وپهيمانگههێن نه حكومى كو پێدڤيه ب پرۆگرامێن وهزارهتا پهروهردێ دپێگير بن.
د وێ نڤيسارێ دا هاتيه ژى كو پێدڤيه ههموو پێگيريێ ب پهيرهو وپرۆگرام وخشته وسالناما وهزارهتێ بن، سهبارهت دهستپێكا دهواما فهرمى ورۆژێن بێهنڤهدانێن فهرمى ل ههمان رۆژ وديرۆكا دهستنيشانكرى.
دياركريه ژى كو ب چو جۆرهكى نابيت گوهۆرين تێدا بهێته كرن ئانكو زووتر يان درهنگتر دهست ب دهوامێ بكهن، بهروڤاژى ڤێ چهندێ ئهو دێ بهرپرسيار بن وپێرابوونێن قانوونى دگهلدا دێ هينه وهرگرتن.
ئهڤرۆنيوز:
بهرپرسێن بزاڤا گۆران دووپات دكهن كو حزبا وان ل گهل ئهنجامدانا ههلبژارتنێن پهرلهمانێ كوردستانێ نينه، ئهگهرى ژى بۆ پاقژنهبوونا تۆمارا دهنگدهران دزڤرينن.
ژێدهرهكێ بلند ژى ل كۆمسيۆنا ههلبژارتنان ل ههرێمێ دياردكهت كو تۆمارا دهنگدهران يا نوكه گهلهك ژ تۆمارا دهنگدهران يا ههلبژارتنێن 2009 و2013 پاقژتره.
نزار مەحمود، ئهندامێ جڤاتا نيشتمانى يا بزاڤا گۆران بۆ (وشه) گۆت” دكۆمبوونا بزاڤا گۆران ل گهل شاندێ بلند يێ پارتى ديموكراتى كوردستان، هاته راگههاندن كو پێدڤيه ههلبژارتن بهێنه پاشخستن، تاكو وى دهمێ تۆمارا دهنگدهران دهێته پاقژكرن”.
گۆت ژى” ب تنێ ئهم نينين، لايهنێن دى ژه يێن گههشتينه وێ باوهريێ كو ههلبژارتن بهێنه پاشخستن ول دهمێ خوه يێ دياركرى دا نههێنه ئهنجامدان، ئهڤ چهنده ژى پێدڤى ب رێككهفتنا مه ههموويانه، ههكه ههر ههلبژارتن ژى بهێنه ئهنجامدان، جڤاتا نيشتمانى يا بزاڤا گۆران دێ كۆمبيت وبريارا خوه دهت وپێشبينى دهێته كرن كو پتريا ئهندامێن جڤاتێ بريارێ بۆ پشكدارى نهكرنا گۆران دههلبژارتنان دا بدهن وپايكۆتا پرۆسێ بكهن”.
جهبار جهلال، ئهندامێ جڤاتا نيشتمانى يا گۆران بۆ وشه گۆت” جڤاتا نيشتمانى ل دهستپێكا حهفتيا داهاتى دێ كۆمبيت وبريارێ ل سهر ئهنجامدانا ههلبژارتنان دهت”.
ژێدهرهكێ بلند ل كۆمسيۆنا بلند يا ههلبژارتنان وراپرسى ل ههرێما كوردستانێ بۆ وشه گۆت” هێجهتا حزبان بۆ پاقژنهبوونا تۆمارا دهنگدهران، تنێ رهڤينى ژ بهرپرسيارهتيێ وخوه دوورخستنه ل هۆكارێن راستهقينه كو وان نهڤێت ههلبژارتن بهێنه ئهنجامدان، ئهگهر نه، تۆمارا دهنگدهران يا نوكه گهلهك پاقژتره وپتريا ناڤێن مريان ژێ هاتينه دهرئينان، ههكه بهێته بهراوردكرن ب تۆمارێن دهنگدهران يێن ههلبژارتنێن 2009 و2013، تۆمارا دهنگدهران يا نوكه بێ سنور پاقژتر وباشتره”.
پێشتر پهيڤدارێ فهرمى يێ بزاڤا گۆران، شورهش حاجى راگههاندبوو” نوكه رهوش يا گونجاى نينه بۆ ئهنجامدانا ههلبژارتنان، خهلكى كێشێن دارايى يێن ههين ورهوش يا گرانه”.
ئهڤرۆنيوز:
راپۆرتين رۆنامهڤانى يێن ئيسپانى بهلاڤكرن كو ياريكهرێ ههلبژارتيێ بهرازيل ويانا پاريس سان جيرمان يا فهرهنسى، نيمار، داخوازا زڤرينێ بۆ يانا بهرشهلونا دكهت.
رۆژناما (موندو ديپورتيڤۆ) يا ئيسپانى بهلاڤكر” ل دهمێ سهرهدانا خوه يا ڤێ دووماهيێ بۆ بهرشهلونا، نيمارى پهشێمانيا خوه ژ دهركهفتنێ ژ يانا بهرشهلونا دياركر وحهزا خوه بۆ زڤرينێ ژى بهرچاڤكر”.
وێ رۆژنامێ ئاماژه دا” ل ژۆرا خوه ل ئوتێلێ، نيمارى ب گرى ڤه داخوازا هاريكاريێ ژ هندهك رێڤهبهرێن جێبهجێكار يێن يانا بهرشهلونا كر كو پهيوهنديێن باش دگهلدا يێن ههين، بۆ دوباره زڤرينا وى بۆ ناڤ رێزێن بهرشهلونا”.
دياركر ژى” نيمار خهونان ب زڤرينێ ڤه دبينيت ب تايبهتى ئهو ب دوور نابينيت بهێته دناڤ رێزێن ريال مهدريد دا ل سالا 2019 ژبهركو ريال ب رژدى دخوازيت نيمارى بينيته دناڤ رێزێن خوه”.
وێ رۆژنامێ ئاشكراكر ” بهرشهلونا ناخوازيت نيمارى بزڤرينيت ب تايبهتى پشتى وان سكالايێن نيمارى ل سهر يانا بهرشهلونا بلندكرين پشتا چوونا وى بۆ ناڤ رێزێن پاريس سان جيرمان، زێدهبارى وێ چهندێ بهرشهلونا دبينيت كو نيمار نوكه يێ گرنگ نينه بۆ وێ”.
نيمار ل هاڤينا 2017 ب گۆژمێ 222 مليۆن يورۆيان هاته ڤهگوهاستن بۆ پاريس سان جيرمان وهكو بهاترين ياريكهرێ تهپا پێى دديرۆكێ دا.
ئهڤرۆ نیۆز:عهزیز ههورامی
وهلاتيێن پارێزگهها بهسرا ژئهگهرێ نهبوونا ئاڤێ وكارهبێ وخزمهتگوزاريێن گشتى خوهنيشادانان ئهنجام دهدهن، چاڤدێرهكێ سياسى ژى دبێژيت رهوشا بهسرا بهر ب گرژيا زێدهتر دچيت.
مهشخهل كهولوسى، سهرۆكێ ناڤهندا چاڤێ كورد بۆ پهرهپێدانا سياسى بۆ ئهڤرۆنيوز گۆت” خوهنيشادانێن بهسرا بۆ داخوازيا ئاڤ وكارهبێ وخزمهتگوزاريێن گشتى دێ كاريگهريێ كهته سهر پێكئينانا حوكمهتا عيراقێ”.
گۆت ژى” حوكمهتا عيراقێ شكهستن ئينا ونهشێت خزمهتگوزاريان پێشكێشى وهلاتيان بكهت”.
سهرۆك بارزانى دپهيامهكێ دا پشتهڤانيا گهلێ كوردستانێ بۆ وهلاتيێن بهسرا راگههاندبوو، مهشخهل كهولوسى ل دۆر وێ چهندێ دبێژيت” پهياما سهرۆك بارزانى يا گرنگ بوو وبۆ كوردان شانازيه سهرۆك بارزانى پشتهڤانيا وهلاتيێن بهسرا بكهت وپهياما سهرۆك بارزانى ل جادا بهسرى دهنگڤهدانهكا مهزن ههبوو كو نڤيسهر وچالاكڤان ووهلاتيێن بهسرا ئهو پهيامه ب بلند نرخاند.
ئهڤرۆ نیوز، نهوزاد هلۆرى:
ئهڤرۆ سپێدێ ههمبهرى ئاڤاهیێ UNێ ل ههولێرێ ، كومهكا چاكلاڤان و كهسایهتى ، دژى كومارا ئیسلامیا ئیرانێ خرڤهبوونهكا نهرازیبوونێ ئهنجام دا و داخوازا ئازادكرنا چاكلاڤانێ رۆژههلاتێ كوردستانێ رامین پهنایى هاتهكرن.
عهلى حسێن پهنایى، برایێ چالاكڤان رامین پهنایى د كونفرانسهكێ رۆژنامهڤانى دا دیاركر كو ئهوان ئهڤرۆ دژى بریارا سێدارهكا برایێ خوه ل ههمبهرى ئاڤاهیێ UNێ ل ههولێر خرڤهبوینه و گۆت: (دوهى ل زیندانێن ئیرانێ ههشت كهس هاتینه سێدارهكان ، و بریاربوو ئێك ژ وان برایێ من بیت و نوكه چارهنڤیسێ وى نهدیاره ، و برایێ من رامین حسێن پهنایى ب تومهتا پشتهڤانیكرنا پارتێن رۆژههلاتێ كوردستانێ هاتیه گرتن ، بهلێ د راستى دا ئهڤ یهك تنێ بهانهیهكه و چو راستى بو نینن).
زێدهتر گۆت: (برایێ من چالاكڤانهكێ سیاسى یه و كار بو خزمهتكرنا دوزرا كوردى ل رۆژههلاتێ كوردستانێ دكهت ، و ههتا نوكه برایێ من چوو تومهت لسهر خوه ئاشكرا نهكرینه و بهرپرسێن ئیرانێ ژى بزاڤێ دكهن ب رێیا توندوتیژى و ئهشكهنجهدانێ دانپێدانێ ژ وى وهربگرن كو ئهڤ یهك كارهك درندانهیه و دژى مافێ مرۆڤى یه ، و ل ڤێره ئهم داخوازێ ل UN و رێكخراوێن مافى مرۆڤى دكهین كو بهێنه سهرخهت).
نيشاندان