NO IORG
نووترين نووچه

ئه‌ڤرۆنيوز، ئيقبال عومه‌ر

ل شەڤا بۆری به‌رپرسه‌كێ په‌كه‌كێ و سێ چەکدارێن دی بوونە ئارمانجا فروکێن تورکی و هاتنە کوشتن.

فروکێن تورکی ل گەلیێ بالندا ل سنورێ ناحیا شێلادزێ یا سەر ب قەزا ئامێدیێ ڤە ترومبێلەك بومبە بارانکر كو چار کەس ئه‌وژى به‌رپرسه‌ك و سێ چەکدارێن پەکەکێ دناڤا وێ ترومبێلێ دا هاتنە کوشتن، دو فروکێن  تورکی ئێکسەر هاتنە هنداڤی کومەلگەها سیریێ ودو مۆشه‌ك ل ترومبێلا وان چەکدارێن پەکەکێ دا ل گەلیێ بالندا.

ناڤێ وى به‌رپرسێ په‌كه‌كێ(دەلیل) و چەکدارەك ژی ب ناڤێ (هەمزە) هاریکارێ دەلیل بو و دو چەکدارێن دی کو ناڤێ وان نەهاتیە زانین).

دەلیل، بەرپرسێ دارایی یا هەرێما زاپێ و ئاڤا شین بوو، ڤی به‌رپرسێ پەکەکێ هەردەم خوە نێزیکی جهێن گەشتیاری دکر و دچو دناڤا وەلاتیێن سڤیل دا، و ب شەڤ ژی دهاتە جهێن ئاڤەدان و هەروەسا خوە نێزیكى زالگەها پێشمەرگەی ژی دکر داکو  یێ پاراستی بیت و نەبیتە ئارمانجا فروکێن تورکی، ئەڤ به‌رپرسێ په‌كه‌كێ دژیێ نێزیکی ۷٥ سالیێ دابوو كو ل شەڤا ۱۳/۷/۲۱۸ ل دەمژمێر ۱۱ و پینجی خولەك ل گەلیێ بالندا سەد مەترا دوور ژ زالگەها پێشمەرگەی بوو ئارمانجا فروکێن تورکی.

ئه‌ڤرۆ نیوز ، ره‌زوان رۆژبه‌یانى:

به‌ره‌ڤانیا باژێرێ پارێزگه‌ها دهۆكێ دیار كر خێزانه‌ك ب مه‌ره‌ما گه‌شت و سه‌یرانێ دچنه‌ سه‌ر لێڤى روبارێ خازر دا و ژنكه‌كێ ڤه‌ سێ زارووێن وان دكه‌ڤنه‌ ناف روبارى و ئێك دهێته‌ قورتال كرن و دووی ێن دى ژى خه‌ندقینه‌.
رائد ” بێوار عبدالعزیز” رێڤه‌به‌رێ پۆلیسێن به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوزخویاركر ئه‌ڤرۆ رۆژا شه‌مبى ده‌م ژمێر (12:00) ى نیڤرۆ رێكه‌فتێ 14/7/2018 خێزانه‌كا ئاكنجیێ گوندێ ئامیان یا سه‌ر ب قه‌زا به‌ره‌ده‌ڕه‌ش ڤه‌ , ژبۆ هین كرن و گه‌شت و سه‌یرانێ دچنه‌ سه‌ر لیڤێ روبارێ خازر ل نزیك پردێ مه‌ندان به‌لێ ژنشكه‌كێ ڤه‌ سێ زارویێن وێ خێزانى دچنه‌ ناف روبارى و ئێك دهێته‌ قورتال كرن و دووێین دى ژى ب ناڤێ ( شیفا ره‌مه‌زان و نیهایه‌ت ره‌مه‌زان ) دژیێ 12و 13 سالى كو هه‌ردو كچن و خوشكێت ئێكن وجانێ خوه‌ ژ ده‌ست دده‌ن, گوت ژى ئه‌ف ساله‌ هه‌تا نوكه‌ 24 كه‌س ل سنوورێ پارێزگه‌ها دهۆكێ خه‌ندقینه‌و 17 كه‌س ژى ژ خه‌ندقینێ هاتینه‌ رزگار كرن ئه‌م داخاز ژ هه‌مى خێزانان دكه‌ین كو ده‌مێ دچنه‌ سه‌ر رووبارى ل وه‌رزێ هاڤینێ پیتڤییه‌ چاڤێ وان ل زارویێن وان بیت دا چوو نه‌خوشى بۆ وان په‌یدا نه‌بن زارویێن وان نه‌ بنه‌ قوربانى

ئه‌ڤرۆ نيوز:
ئەڤرو لدەمژمێر 10: 10 ” خولەك ل سەرجادەیا سەرەکیا سێمێل_دهوك ل نێزیك پانزینخانا دەریا ترومبێلەك ژ جورێ ئودی ژمارە ئەورپێ ژ بن کۆنترۆڵا شوفێری دەرکەت و خوە ل دیواری دا و د ئەنجامدا دو كه‌سان گیانێ خو ژێ دە ست دا و چار كه‌س ژى بریندار بوون كو ئه‌ندامێن ئێك خێزان بوون.
0

1

ئه‌ڤرۆ نيوز:

ژێده‌ره‌كێ ئه‌منى ل به‌غدا راگه‌هاند كو ئاماده‌كارى هاتينه‌ كرن بۆ ئه‌نجامدانا خوه‌نيشاندانێن به‌ر فره‌هـ ل باژێرێ به‌غدا.

ژێده‌ره‌كێ ئه‌منى د داخۆيانيه‌كێ دا بۆ سايتێ غه‌دپرێس يێ عيراقى راگه‌هاند كو پێزانين ل به‌ر ده‌ستن ده‌رباره‌يى وان ئاماده‌كاريێن كو دهێنه‌ كرن بۆ ئه‌نجامدانا خوه‌نيشاندانێن به‌رفره‌هـ ل باژێرێ به‌غدا كو بڕياره‌ ئێڤاريا ئه‌ڤرۆ بهێنه‌ ئه‌نجام دان.

هێزێن ئه‌منى ل به‌غدا خستينه‌ حاله‌تێ ئاماده‌باشيێ و رێكارێن پێدڤى گرتينه‌ به‌ر بۆ پاراستنا ره‌وشا ئه‌منى يا داموده‌زگه‌هێن ده‌وله‌تێ.

ب گۆره‌يى وێ راگه‌هاندنا ل تۆڕێن جڤاكى به‌لاڤ بوويى، وه‌لاتى مژوولى ئاماده‌ باشيێ نه‌ دا كو ل ده‌مژمێر 18:00ى ئێڤاريا ئه‌ڤرۆ خوه‌نيشاندانان ده‌ست پێ بكه‌ن.

دهێته‌ چاڤه‌رێكرن كو خوه‌نيشاندانێن ئه‌ڤرۆ بچنه‌ ده‌ڤه‌را كه‌ست و نه‌رازيبوونا خوه‌ ل وێرێ ده‌رببڕن.

خوه‌نيشاندان ل به‌غدا يا هه‌ڤده‌مه‌ ل گه‌ل خوه‌نيشاندانێن وه‌لاتيان ل پارێزگه‌هێن دى يێن باشوورێ عيراقێ.

ئه‌ڤرۆ رۆژا شه‌شێ يا خوه‌نيشاندانێن وه‌لاتيێن باشوورێ عيراقێ يه‌ كو تێدا داخوازا باشتركرنا ره‌وشا خزمه‌تگۆزاريان و دابينكرنا ئه‌ڤ و كاره‌ب و ده‌ليڤێن كارى نه‌.

ئه‌ڤرۆ نيوز:

هنارتيێ ئه‌ڤرۆ نيوز ل جهێ ب ده‌ست هژمارتنا ده‌نگان ل دهۆكێ راگه‌هاند كو ده‌ست ب هژمارتنا ده‌نگان ده‌ست پێ كر و چار لايه‌نێن نه‌رازى بايكوت كر.

ئه‌ياد به‌روارى، هنارتيێ ئه‌ڤرۆ نيوز ل كوليژا چاندنێ ل سێمێلێ كو جهێ ب ده‌ست هژمارتنا ده‌نگێن پارێزگه‌ها دهۆكێ يه‌ بۆ وان سندوقێن سكالا ل سه‌ر هه‌ين، ئاشكه‌را كر كو پرۆسا ب ده‌ست هژمارتنا ده‌نگان ل دهۆكێ ده‌سپێكر.

ب گۆره‌يى پێزانينێن ئه‌ڤرۆ نيوز هه‌ر ئێك ژ ئێكگرتوو و گۆڕان و كۆمه‌ل و هه‌ڤپه‌يمانيێ بايكوتا ئاماده‌بوون ل هۆلا ب ده‌ست هژمارتنا ده‌نگان كريه‌ و چ نوونه‌ر بۆ هۆلێ ره‌وانه‌ نه‌كرينه‌.

ب گۆره‌ى پێزانينێن ئه‌ڤرۆ نيوز ئه‌ڤ ده‌نگێن دێ ل دهۆكێ ب ده‌ست هێنه‌ هژمارتن ئه‌و ده‌نگن يێن سكالا ل سه‌ر هاتينه‌ تۆماركرن يێن هه‌ر ئێك ژ گشتى و تايبه‌ت و ئاواران كو سه‌رجه‌مێ وان دبيته‌ 112 سندوق و دهێته‌ پێشبينيكرن كو دو هه‌تا سێ رۆژان ئه‌ڤ پرۆسه‌ ڤه‌كێشيت.

پێشتر پرۆسا هه‌ژمارتنا ده‌نگان ب ده‌ستى ل كه‌ركووك و سلێمانيێ و هه‌ولێر ده‌سپێكريه‌ و ب دووماهى هاتينه‌ و نها ژى ل پارێزگه‌ها دهۆكێ ده‌ست ب ڤێ پرۆسێ هاته‌ كرن و ل دووڤ پێزانينێن ئه‌ڤرۆ نيوز ل هه‌ردو پارێزگه‌هێن كه‌ركووك و سلێمانيێ جوداهيه‌كا زێده‌ مه‌زن ل ئه‌نجامێن ده‌نگان دا هه‌بوويه‌.

ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان ب ده‌ست هژمارتنا ده‌نگان

ئەڤرۆ نیوز، نەوزاد ھلۆری:

دەڤەرا ئامێدیێ کو مەزنترین سنور ل پارێزگەھا دھۆک ل گەل باکوورێ کوردستانێ ھەیە و ژ بەر سەدەما ھەبوونا بنگەهـ و بارەگایێن پارتا کرێکارێن کوردستانێ ئەڤ سالە 68 جاران فرۆکێن تورکیا بوردومانا دەڤەرێن جوداجودایێن وێ کرینە ب تایبەتی ل دەڤەرا شێلادزێ.

ب گورەی زانیاریێن مەیدانیێن ئەڤرۆ نیوز ل رێکەفتی 1-1-2018 ھەتا شەڤا بوری 68 جاران فروکێن تورکیا دەڤەرێن جوداجودایێن سنورێ قەزا ئامێدیێ بوردومانکرینە ب تایبه‌تی سنورێ ناحیا شێلادزێ و د ئەنجام دا ھژمارەکا وەلاتیان بووینە قوربانی و زیانێن زورێن ماددی ژی ب وان گەھاندینە.

بۆردۆمان گه‌ليێ بالندا

زانیاریێن مەیدانیێن ئەڤرۆ نیوز بەحس ل وێ یەکێ ژی دکەن کو ل رێکەفتی 20-9-2017 ھەتا نھا 15 کەسان ل دەڤەرا ئامێدیێ ژ بەر بومبەباران و توپبارانێن وه‌لاتێ توركيا و بومبێن چاندنی یێن پەکەکێ ل قەزا ئامێدیێ گیانێ خوە ژ دەست داینە و پێنج کەس ژی برینداربووینە کو ژ وانان 10 شەھید و سێ بریندار دکەڤنە شێلادزێ، ھەتا نھا سێ بریندارێن بوردومانێ دھێنە چارەسەرکرن.

ژ ئەگەرا بەزادنا سنوری و ھاتنە پێش و پێشرەویێن سوپایێ تورکیا بۆ ھند دەڤەرێن سنوری ب تایبەتی زاب و ئاڤا شین پەکەکێ بنگەهـ و بارەگایێن خوە بۆ نێزیکترین خالێن ئاڤەدانی و ئاکنجیبوونا خەلکێ گوند و دەڤەرێن شێلادزێ نێزیک بکەت و ب ڤێ یەکێ 102 گوندێن نێروەورێکان و 30 گوندێن دەڤەرا بەرواری بالا و 15 گوندێن بەرێ گارێ و ھژمارەکا گوندێن دوسکی ژووريان بکەڤنە بن بوردومانا فروکێن تورکیا و وەلاتی نەشێن مفايی ژ سرۆشت و ژینگەهـ و خێر و بێرێن مولک و زەڤیێن خوە وەربگرن و چاندنێ بکەن و تەرش و کەوالی ب خودان بکەن، 40% ژ ھەموو دەڤەرا ئامێدیێ بکەڤیتە بن کونترولا پەکەکێ و سوپایێ تورکیا.

بۆردۆمان گه‌ليێ بالندا

ب گورەی زانیاریێن لقێ 18ێ پارتی ديموكراتى كوردستان ژى پەکەکە ھاتنە نێزیکترین خالا ئاڤەدانیێن ئامێدیێ و بوویە سەدەم کو وەلاتی ببنە قوربانی و زیانێن ماددی بەر دەڤەرێ بکەڤن، ب چوونا ئەوان جارەک دن دێ ژیانەک ئاسایی و نورمال و سەقامگیر بۆ دەڤەرێ زڤریت ڤە و پەکەکە دبیتە بھانە بۆ بوردومانکرنا دەڤەرێن شێلادزێ، پێشتر ژی ل شێلادزێ د چەند خوپێشاندانەکا دا داخواز ل وێ یەکێ ھاتیەکرن کو سوپایێ تورکیا دەست ژ بوردومانکرنا دەڤەرێن وان بەردەت و پەکەکە ژی دەڤەرێ چول بکەت.

شەڤا بوری ژ ئەنجامێ بوردومانا گەلیێ بالندا کو تنێ 200م ل بارەگایێ سەرەکیێ پێشمەرگە و ئاسایشێ و 800م لە گوندێ کەەمپێ دویرە بویە سەدەم کو رێیا سەرەکی یا گەلیێ بالندا بھێتە برین و تێکدان، و کارەبا نیشتمانی بھێتە برین و زیانێن زور ب ژینگەھا دەڤەرێ بگەھینیت، ئەڤە زێدەباری کو دوو ترومبێلێن پەکەکێ بوینە ئارمانجا فروکان و ئێک ژ وان ھاتیە سوتن.

بۆردۆمان گه‌ليێ بالندا

ئەڤرۆنیۆز، سالار دۆسکی

ژڤانە سوبە 14-6-2018 ل بەردەرگەھێ قونسلخانا تورکیا ل وەلاتێ ئەلمانیا خونیشادانەک دژی گرتنا ھونەرمەند جانێ بھێتەکرن و داخازا ئازادکرنا وێ بھێتەکرن.

به‌ختیار ئیبراھیم، سەرۆکێ کومەلا دوستایەتی کوردستان ئسرائیل بۆ ئەڤرۆ نیۆز گۆت: ئه‌ڤرۆ دەمژمێر 2:00 ھەتا 8:00ى ئێڤاری دێ خوه‌نیشاندانەکێ ل بەر دەرگەھێ قونسخانا تورکیا ل وەلاتێ ئەلمانیا كه‌ن و ئارمانج ژ خونیشاندانێ ئەوە کو ھونەرمەندا کورد جانێ بھێتە ئازاد کرن.

بەختیاری ئەو ژی دیارکر کو ماوێ چەندێ يه‌ ھونەرمەندا کورد جانێ ژ لایێ حوکمەتا تورکیا ڤە ھاتیە دەستە سەر کرن ب گونەھا پەیوەندی ل گەل PKKێ، لەوما ئه‌ڤرۆ دێ خوه‌نیشادان ھێنە کرن.

ئەڤرۆ نیوز:

رۆژناما “حورییەت” یا تورکی بەلاڤکریە، کو وێنەگرەکێ تورکی خەلکێ مەلاتیا کارەساتەک ب سەرێ زاڤایەکێدا ئینایە دەمێ ژیێ دروست یێ بووکێ دزانیت.

ئەڤ وێنەگرە دبێژیت، پشتی کو وی زانی ژیێ بووکێ پازدە سالە، وی چەندین جاران بزاڤکریە کو وێ ئاهەنگێ راوەستینیت.

هەروەسا وی وێنەگری دیارکریە، من تێبینیا هندێ کر، کو بووک گەلەک یا بچووکە و ترس یا ل دەف دیاربوو، لەوما ل دەمێ وێنەگرتنێدا من گوتە زاڤای ژیێ بووکێ چەندە؟، ئەوی ژی بەرسڤ دا و گوت 15 سالە، لدووڤدا شەرەدەڤ دناڤبەرا وان دا روودایە و بوویە شەر، د ئەنجامدا وێنەگری دفنا زاڤای شکاندییە.

دیسا وی وێنەگری ل سەر فەیسبووکێ خوە نڤێسیە هەکە ئەز دڤی بابەتی دا بێ دەنگ مابا مە، واتە دا هاریکاریا مامەلەکرنا خراب ل گەل زارۆیان دەم.

هەروەسا گوتیە، چو هێز نینن د دونیایێ دا من پال بدەت، کو زارۆیەکێ وەک بووک وێنە بکەم و ئەز نەیێ پەشێمانم ژ وی کارێ من کری”.

ئەڤرۆ نیوز ، زنار تۆڤی:

سال بۆ سالێ رەوشا عیراقێ یا بەرەف نە ئارامیێ و ئالۆزیێن مەزنتر ڤە دچیت، لەوما ژبەر نەبوونا خزمەتگوزاریان ل چەندین باژێران خەلکێ خوەنیشاندان کرینە، کو ئەو خوەنیشاندان ژی ل دژی کێمیا خزمەتگۆزاریان و بێکاریێ بووینە، پشتی کو خوەنیشاندان گەهشتینە پارێزگەها نەجەفێ، خەلکێ وێ داخوازا دەست ژ کارکێشانا حوکمەتێ کریە.

خوەنیشاندانان ل پارێزگەها نەجەفێ یا ناڤەراستا عیراقێ ژی دەست پێکر و چالاکڤانێن سڤیل ل تۆرێن جڤاکی دیار دکەن: کو خوەنیشاندانێن وان دێ بەردەوام بن هەتاکو حوکمەت خزمەتگۆزاریێن وەکی ئاڤ و کارەب و پێدڤیاتیێن سەرەکی بۆ وان دابین دکەت.

هەروەسا خوەنیشاندەران داخواز کریه، کو چارەیەک بۆ زێدەبوونا رێژەیا بێکاریێ بهێتە دیتن، هەکە نە هاتە دیتن، پێدڤی یە ب زوو ترین دەم حوکمەت دەست ژکار بکێشیت.

ئەڤرۆ یوز، ئێقبال عومەر:

 فرۆکێن له‌شكرێ تورکی گەلیێ بالندا یا سەرب ناحیا شێلادزێ ڤە به‌رى ده‌مه‌كێ كێم  بومبە بارانکر کوشتی ژی هەنە و ترس و لەرزەکا مەزن د دلێ خەلکی دا پەیدا کریە.

 ئه‌ڤ شه‌ڤه‌ ل دەمژمێر ۱۱ و پێنجی خۆله‌ك، دو فرۆکێن تورکی ژبەر هەبوونا چەکدارێن پەکەکێ ل گەلیێ بالندا یا سەر ب ناحیا شێلادزێ ڤە کرینە ئارمانجا خوە و بومبە بارانکرینە، دڤێ بومبەرانکرنێ دا چه‌ند گریلایێن پەکەکێ هاتینە کوشتن ب گۆره‌ی ژێدەرەکی نێزیكی وی جهی.

جهێ بومبەبارانکرنێ بتنێ سەد مەتران ژ زالگەها پێشمەرگەى ل گه‌ليێ بالندا يێ دوورە، ديسا نێزیك 200  مەتران ژ مالێن وەلاتیێن گوندێ کەمپێ یا دوورە و بەرو ئاخ و سەچمە ب سەر زالگەهێ دا دەرباز بووينە و هەروەسا بوویە ئەگەرێ ترس و لەرزەکا مەزن د دلێ وەلاتیێن دەڤەرێ دا .

website security
WP Facebook Auto Publish Powered By : XYZScripts.com