ئه‌ڤرۆ نيوز:

ل دووڤ ئامارێن به‌رگريا شارستانى ل هه‌ولێرێ، ب تنێ د شه‌ش هه‌يڤێن ئه‌ڤ ساله‌دا،ل سنورێ پارێزگه‌ها هه‌ولێرێ، 119 ترۆمبێل سوتى نه‌ و ب گشتى 701 روودانێن ئاگرگه‌تنێ و خه‌ندقاندنێ رووداينه‌.

ئەڤرۆ نیۆز:
وەزارەتا دارایی و ئابووری یا حکومەتا ھەرێمێ د رۆنکرنەکێ دا دیارکر کو شیان دا نینە مووچەیێ وەزارەتا پێشمەرگەی و ناڤخوە و پەروەردێ ب ئێک لیست بھێت پارڤەکرن.
وەزارەتا دارایی و ئابۆری د رۆنکرن خوە دا کو ئاراستەی رایا گشتی و مامۆستایان کریە ئاماژەکریە سیستەمێ دابەشکرنا مووچە و دیارکریە: مووچە ب دو لیستەیان دھێتە دان یەک ب داھاتێ فرۆشتنا پەترۆلا ھەرێمێ و یەک ژی پارێ بەغدا دھنێریت، دوپات ژی کر دگەل گەھشتنا پارەیێ ژ بەغدا دھێت، ئێکەم وەزارەت دێ پەروەردە بیت مووچەیێ خوە وەربگریت.

ئه‌ڤرۆنيوز:

ئه‌ ڤرو سێشه‌مبى‌ 3-7-2018 ل كه‌مپا خانكێ‌  فه‌رهاد ئه‌مین  پارێزگه‌رێ‌ دهۆكێ‌ ب به‌رهه‌ڤبوونا ئيسماعیل محه‌مه‌د هاریكارێ‌ پارێزگه‌ری بۆ كاروبارێن مرۆڤایه‌تی وئه‌یسه‌ر جه‌رجیس قایمقامێ‌ قه‌زا سێمێلێ‌ ب وه‌كاله‌ت وچه‌ند به‌رپرسێن رێكخراوێن مرۆڤایه‌تی پێشوازیا شانده‌كێ‌ رێكخراوا USAID یا ئه‌مریكی ب سه‌رۆكاتیا (مارك گرین) رێڤه‌به‌رێ‌ گشتی یێ‌ رێكخراوێ‌ كر.

دهه‌ڤدیتنه‌كێ دا به‌حسێ‌ ره‌وشا په‌نابه‌ر وئاواره‌یان ل سنورێ‌ پارێزگه‌ها دهۆكێ‌ وئه‌و كار وخزمه‌تێن بۆ دهێنه‌ پێشكێشكرن وپێدڤیێن وان ل ناڤ وده‌رڤه‌ی كه‌مپان ب گشتی هاته‌ كرن.

پارێزگه‌رێ‌ دهۆكێ‌ دياركر كو هاتنا هژماره‌كا مه‌زن یا په‌نابه‌رێن سوری وئاواره‌یێن ناڤخوه‌یی بۆ سنورێن پارێزگه‌ها دهۆكێ‌ فشاره‌كا مه‌زن ئێخستیه‌ سه‌ر هه‌موو سه‌كته‌رێن خزمه‌تكاری وژبه‌ر ڤێ‌ چه‌ندێ‌ وان سه‌كته‌رێن خزمه‌تكاری نه‌شیایه‌ وه‌كو پێدڤی خزمه‌تان پێشكێش بكه‌ن وخواست كو لایه‌نێن په‌یوه‌ندیدار ورێكخراوێن مرۆڤایه‌تی تایبه‌ت رێكخراوا USAIDپتر هاریكاریا پێشكێش بكه‌ت بۆ باشكرنا ژین وژیارا په‌نابه‌ر وئاواره‌یان وباشكرنا ئاستێ‌ كاركرنا سه‌كته‌رێن خزمه‌تكاری وخوه‌جهێن ده‌ڤه‌رێ‌ .

پاشى پارێزگه‌رێ‌ دهوكێ‌ وشاندێ‌ رێكخراوا USAIDسه‌را سه‌نته‌رێ‌ خانكێ‌ یێ‌ گه‌شه‌پێدانا شیانێن زارۆك وكه‌نجان دا، هه‌روه‌سا سه‌را چه‌ند خیڤه‌تا ل ناڤا كه‌مپا خانكێ‌ دا وژنێزیك سه‌حكره‌ ره‌وشا خێزانێن ئاكنجی.

هه‌ژی گوتنێ‌ یه‌ نێزیكی 700هزار ئاواره‌ وپه‌نابه‌ر ل سنورێ‌ پارێزگه‌ها دهۆكێ يێن هه‌ين كو‌ هنده‌ك ل ناڤا 21كه‌مپا دانه‌ وهنده‌ك ژی ل ناڤ باژێر وباژێركێن پارێزگه‌هێ‌ ژیانا خوه‌ ده‌رباز دكه‌ن.

ئه‌ڤرۆ نیوز، نه‌وزاد هلۆرى:

ده‌مه‌كێ كێم به‌رى نوكه‌ ئاگر به‌ربوو‌ كارگه‌ها چاره‌سه‌ركرنا گلێشى ل ئاكرێ و هه‌تا به‌رهه‌ڤكرنا ‌ڤى نوچه‌ى ژى ئاگر به‌رده‌وامه‌ و نه‌هاتیه‌ كونترۆلكرن.

فیراس یاسین، به‌رپرسێ راگه‌هاندنا به‌رگريا شارستانى ل ئاكرێ بۆ ئه‌ڤرۆ نیوز گۆت: (ده‌ردورێن ده‌مژمێر 7:00ێ ئێڤاریا ئه‌ڤرۆ ئاگر به‌ربوویه‌ كارگه‌ها مه‌زن یا گلێشى ل سه‌نته‌رێ قه‌زا ئاكرێ و نوكه‌ تیمێن به‌ره‌ڤانیا باژێرى ل ئاكرێ و ده‌وروبه‌ران كو چوار تیمن مژوولێ ڤه‌مراندنا ئاگرى نه‌).

 زێده‌تر گۆت: (هه‌تا نوكه‌ پێزانين ل به‌ر ده‌ست نینن كا ئه‌گه‌رێ به‌ربوونا ئاگرى چى یه‌ و قه‌بارێ زیانێن وێ چ نه‌ ، به‌لێ ئاگره‌كێ زۆر مه‌زنه‌ و ده‌مژمێرێن بهێت دێ هه‌موو پێزانينان به‌رچاڤ كه‌ین و نها تیمێن مه‌ مژوولێ كونترۆلكرنا ئاگرى نه‌).