ئه‌ڤرۆ نيوز، لەزگین جوقی:

رێڤەبەرێ رێڤەبەریا گشتیێ کاروبارێن ئێزدیان ل وەزارەتا ‏ئەوقاف وکاروبارێن ئاینی یا ھەرێما کوردستانێ ئاشکرا کر، ‏دیدەڤان و بەلگەنامەیێن پشت راستکری ھەنە ئەو عەرەبێن ل ‏کارەساتا شنگال دەستدرێژی کرینە سەر خەلکێ مە، نوکە یێن د ‏ناڤا پولیسێن فیدرالی ل مووسل دا ھاتینە دامەزراندن ودەوامێ ‏وەکو پۆلیس دکەن.‏

خەیری بۆزانی، رێڤەبەرێ رێڤەبەریا گشتیێ کاروبارێن ئێزدیان ل ‏وەزارەتا ئەوقاف وکاروبارێن ئاینی یا ھەرێما کوردستانێ گۆت: ئەو ‏عەرەبێن تەباخا سالا 2014ێ بووینە تیرۆرستێن داعش وھیرشی ‏سەر شنگال کرین، نوکە ھندەک ژوان عەرەبان یێن بووینە پۆلیس ‏دناڤا دام ودەزگەھیێن حوکمەتا عیراقی دا ل مووسل و دەڤەرێن دێ ‏کاردکەن، ئەڤە ژی بوویە جھێ دالگرانیا خەلکێ شنگال نەشێن ‏ڤەگەرنە سەر جھێن خوە، چونکو یاڕەوا نینە کەسەک خیانەتێ ل ‏مرۆڤی بکەت ودەستدرێژی ل سەر نامووسا و روومەتا مرۆڤی ‏بکەت، ئەو کەس ببیتە پۆلیس بھێت پاراستنا مرۆڤی بکەت، ئەڤە ‏ب چو شێوەکێ ناھێتە قبوول کرن،

خەیری بۆزانی ھەروەسا گۆت: پێدڤیە ھەموو تیرۆرستێن داعش ‏وکەسێن بووینە رێخوشکەر و پشتەڤانیێن تیرۆرستێن داعش ‏ھەموو بھێنە سزادان وبگەھنە سزایی خوە دادپەروەرانە، داکو ‏باوەری بۆ خەلکێ شنگال دروست بیت بزانن حوکمەتا عیراقی ‏حوکمەتا ھەموو ئاین ونەتەوە وپێگھاتیێن عیراقی ھەکە بەغدا ڤێ ‏نەکەت باوەری بۆ خەلکێ مە چوو جاران دروست نابیت.‏

رێڤەبەرێ رێڤەبەریا گشتیێ کاروبارێن ئێزدیان ئەوژی دیارکر، ‏چەندێن ھۆزێن عەرەبێن دەروبەرێن شنگال یێن سالانە جیرانی ل ‏گەل ئێزدیان ھەین بووینە کریفێن ئێزدیان یێن خوینی ل دەمێ ‏ھاتنا تیرۆرستێن داعش ئەو عەرەب بوونە ھەڤسۆز وچەکدارێن ‏تیرۆرستێن داعش بتنێ د رۆژا ئێکی یا جینوسایدا شنگالێ دا هزار و 293 کەس ھاتێنە شەھێدکرن و شه‌ش هزار و 417 کەس ژی ژ ھەردوو ‏رەگەزان وەکو دیل ھاتینە گرتن ورەڤاندن ژلایێ تیرۆرستان ڤە ‏ھەر ئەو تیرۆرست بوون یێن نھا دناڤ دام ودەزگەھیێن حوکمەتا ‏عیراقی دا کاردکەن، نوکە پتریا وان تیرۆرستان یێن زڤرینە سەر ‏جھێن خوە یێن کاری ل مووسل و تەلەعفەر و بەعاج و ھەموو ‏دەڤەرێن دی یێن عیراقی.‏

بۆزانی ئەو چەندە ژی نەڤەشارت و گۆت: نوکە ڤێدیو وبەلگەنامە ‏ودیدەڤان ل بەر دەستی ئێزدیان ھەنە ل سەر وان تاوانیێن ھاتینە ‏ئەنجامدان ب مخابنی ڤە چوو رێکارێن قانوونی ھەمبەر وان ‏تیرۆرستان نەھاتینە وەرگرتن، ھەتا ژی رێک یا وان تیرۆرستان ‏ھاتیە دان ڤەگەرنە سەر جە و مالێن خوە ل رەخودۆرێن قەزا ‏شنگال لێ دووبارە زڤرینا وان عەرەبێن بووینە تیرۆرست ل ‏‏3 ته‌باخا 2014 ھیرشی سەر شنگال کرین نوکە خوە باژێر وگۆندێن ‏خودانە ئەم دبینن ھەکە حوکمەتا عیراقی رێکارێن قانوونی ‏ھەمبەر وان تیرۆرستان بجە نەئینت دێ کێشەیێن جڤاکێ یێن ‏مەزن روودەن مە دڤیت حوکمەتا عیراقی رێ نەدەت ئەو تیرۆرست ‏ڤەگەرن ودووبارە زڤرنە سەر دەوامێن خوە ل مووسل و دەڤەرێن ‏دێ داکو ئێزدی ھەولێن تولڤەکرنێ نەکەن پێدڤیە بەغدا وان ‏تیرۆرستان سزابدەت.‏

خۆیا ژی کرکو ژمارا ئێزدیان ل عیراقی دگەھتە 550 هزار کەسان ‏و 360 هزار ئێزدی ژبەر تیرۆرستێن داعش ئاوارە بووینەو ‏‏هزار و 759 کور وکچ ماینە بی باب و 407 ماینە دایک و359 زارۆک ‏ژی ماینە بێ دایک وباب و دایک وبابێن 220 زارۆکان دەستێ ‏تیرۆرستێن داعشێ دانە ھەتا نوکە 69 گۆرێن بکۆم یێن ھاتینە ‏دیتن و 68 مەزارگەھیێن ئێزدیان ژلایێ تیرۆرستێن داعش ھاتینە ‏پەقاندن و دۆرین سەد ھزار کەسان ژی کۆچبەر بووینە یێن ‏چووینە ژ دەرڤەی وەلاتی.‏

ئاماژە دا وی چەندی ژی کو ل کارەساتا شنگال شه‌ش هزار و 417 کەس ‏ھاتبوونە رەڤاندن ژوانا ژی سێ هزار و 548 کچ وژنن بوون و2869 زارۆک ‏وزەلام بووینە ھەتا نوکە سێ هزار و 315 کەس ژ دەستێن تیرۆرستێن ‏داعش ب پشتەڤانیا نڤیسینگەھا سەرۆکێ حوکمەتا ھەرێما ‏کوردستانێ یێن ھاتینە رزگارکرن ژوانا ژی هزار و 155 ژن وکچن ‏و337 زەلامن و 953 زارۆکێن کچن و870 زارۆکێن کورن ھەتا ‏نوکە سێ هزار و 102 کەس دەستێن تیرۆرستێن داعشدا ماینە ئەوژی ‏‏هزار و 440 ژ رەگەزی مێ نە و هزار و 662 رەگەزی نێرن.‏

ئه‌ڤرۆنيوز:

كۆمسيۆنا بلند يا هه‌لبژارتنان ل عيراقێ زڤرينا خوه‌ بۆ كارى راگه‌هاند پشتى دادگها فيدرالى ئه‌نجامێن هه‌لبژارتنان راگه‌هاندين.

رياز ئه‌لبه‌دران، سه‌رۆكێ فه‌رمانگه‌ها هه‌لبژارتنان راگه‌هاند” جڤاتا بلند يا كۆمسيۆنێ هه‌ر ژ رۆژا دوشه‌مبى 28/8/2018 ده‌ست ب كارێ خوه‌ كر ب هه‌موو ئه‌ندامێن خوه‌ڤه‌ ژبلى سه‌عيد كاكه‌يى”.

ئه‌ڤرۆنيوز:

ده‌زگه‌هێ خێرخوازى يێ بارزانى كاروانه‌كێ هاريكاريان گه‌هانده‌ خه‌لكێ پارێزگه‌ها به‌سرا كو تووشى ئاريشه‌كا مه‌زن يا كێم ئاڤيێ بووين.

هاريكاريێن ده‌زگه‌هێ خێرخوازيێ بارزانى پێك دهاتن ژ ده‌هان هزار بتلين ئاڤا دلوپكرى.

ئاڤا (شه‌تولعه‌ره‌ب) ل به‌سرا تووشى پيسبوونێ بوويه‌ وب هزاران وه‌لاتيێن به‌سرا تووشى ژه‌هراوى بوونێ ببوون ژبه‌ر وى ئه‌گه‌رى.

ئه‌ڤرۆنیوز:

ئه‌ندامه‌كێ سه‌ركردایه‌تیا پارتى دیموكراتى كوردستان دبێژیت، حه‌یده‌ر عه‌بادى سه‌رۆك وه‌زیرێن كاربه‌رێكه‌رێ عیراقێ، جاره‌كادى وى پۆستى وه‌رناگریت.

عه‌لى عه‌ونى، ئه‌ندامێ سه‌ركردایه‌تیا پارتى دبه‌رپه‌رێ خوه‌ ل سه‌ر فه‌یسبووكێ به‌لاڤكر”عه‌بادى باش دزانیت نابیته‌ سه‌رۆك وه‌زیرێن عیراقێ، له‌وما دخوازیت خوه‌ بكه‌ته‌ قه‌هره‌مان وبێژیت ژبه‌ر كه‌ركووكێ نه‌شیام مه‌زنترین فراكسیۆنێ دروست بكه‌م”.

زیده‌تر گۆت”لیستا عه‌بادى یا ل به‌ر هه‌لوه‌شاندنێ”.