ئەڤرۆنیوز،باسم قاسم شنگالی
كچا رزگاربوویا ئێزدی(رەنا رەشو)بەحسێ چیرۆكا خۆ دكه‌ت دەمێ كەفتیە ددەستێن تیرۆرستێن داعشێ دا ودبێژيت كو تووشی چەندین نەخوه‌شی و ئێش و ئازاران بوویە دەمێ هاتیە گرتن و پتر ژ بیست جاران هاتیە فرۆتن و دەست درێژی لێ هاتیە كرن،هەروەسا هێشتا دایك و باب و دو خوشكێن وێ د دەستێ داعشێ دا ماینە و نەهاتینە رزگاركرن.
ره‌نا كو نوكه دژيێ 18 ساليێ دايه، بۆ ئەڤرۆنيوز گۆت” ده‌مێ داعشێ ئەز و خێزانا من گرتین ل نيڤا سیباشێخدرێ و گرعزێرێ دا بووین ل شنگالێ و دەمێ داعشێ ئه‌م گرتین، بۆ جارا ئێكێ برمە قەزا بەعاج وسێ هەیڤا هێلام و گەلەك كچێن دی یێن ئێزدی دگەل مەدا بوون ل بەعاج و دبرن دفرۆتن، پاشی ئەم ژ بەعاج رەوانەی مووسلێ كرین وسێ هەتا چار هەیڤا لێ ماین، دیسا ئەم ژ مووسل رەوانەی تله‌عفه‌رێ و گوندێن دەوروبەر كرین، دایكێن مە ژمێژە ژمە قوتكرن، رۆژا دەست پێكێ، دایكا من پێنج گوله لێدابوون وبرنە نەخۆشخانێ و ئێدی مە نەدیت”.
دبەردەوامیا ئاخفتنا خۆ دا گۆت” پشتی مووسل ئەم برینە گوندێن تله‌عفه‌رێ و دقوتابخانەكێ دابووین، بۆ ده‌مێ چەندەكێ ل وێرێ ماین و پاشی بۆ جهه‌كى دی ڤەگوهاستین، پاشى ل مووسل ئەمیرەكێ داعشێ ناڤێ وی (حەجی حامد) خەلكێ گەیارە بوو، ئەز برمە مالا خوه و دەستدرێژی ل من كر و بۆ هەفتیەكێ ل جەم وی بووم،پاش دامە زەلامەكی ناڤێ وی موختار بوو كو بۆ ده‌مێ پێنج هەیڤان ل جەم وی ژی مام و د دەستێ وان دا(10)جاران دەستدرێژی كرنە سەر من،هەر ل مووسل هێلام وی موختاری ژی ب پێنج هزار دۆلاران فرۆتمە ئێكێ دی ناڤێ وی مەحەمەد گەیارە خەلكێ بەعاج بوو،پشتی هینگێ ئەم لبا محەمەد گەیارە ڤێجا وی رۆژەكێ ل جەم وی بووم بەرپرسەكی بناڤێ ئەبو حسێن قازی قەبوول نەكر و گۆت گەلەك كچ تە برینە و ئەم دێ ڤێ دەینە ئێكی دی و ئەز برم، ودامه كه‌سه‌كى ل ره‌قه ل سووريێ وپاشى جاره‌كادى ئینامە مووسلێ”.
لدۆر چاوانیا رزگاربوونا خوه، گۆت” تیرۆرستان ژ مووسل ڤەگوهاستمە وەلاتێ سووریێ و ل باژێرێ ئيدلبێ بووم، ئەمیرەكێ داعشێ دڤیا من بفرۆشيت وئەز برمە توركیا،ئەم گەهشتينە سەر سنوورێ توركیا، من ته‌له‌فونا خێزنا خوه كر و گۆتێ ئەوان دڤێن ب سێ دەفتەرێن دۆلاری من بفرۆشن”.
خوياكر” ئەز نەبرمە توركیا و گۆتن هەتا رێ ڤەبن و برمە جەم وەزیرێ كانتۆنا عەفرینێ بارەگایێ یەپەكێ و ل وێرێ دەرەو دكرن و ئەم نەدهنارتين و وان دگۆت ل ڤێرێ بمینە یان ژی بكەڤە ناڤ هێزێن یەپەكێ و هەرە قەندیلی شەری بكه، من گۆتێ دێ چم ده‌ف مالباتا خوه”.
نيشاندان