ئهڤرۆنيوز:
ل دووڤ دهنگوباسهكێ دهزگههێن راگههاندنێ يێن عيراقى، دراگههاندنا ئهنجامێن دهستپێكى يێن ههلبژارتنان، ئالا تالهبانى ل سهر ليستا ههڤپهيمانيا بهغدا تنێ 996 دهنگ بدهستڤهئيناينه.
پێشتر ئالا تالهبانى راگههاندبوو كو خوه بهربژاركرنا وێ دناڤ وێ ليستا عهرهبى دا ل بهغدا ب ئاگههداريا مالا مام جهلالى وهيرۆ خانێ بوو.
د ههلبژارتنێن سالا 2014 دا، ئالا تالهبانى نێزيكى پێنج هزار دهنگ ل سهر ليستا ئێكهتيێ ل كهركووكێ بدهستڤه ئينابوون.
ئهڤرۆنيوز:
هێزهكا مهزن يا ميليشيێن حهشدا شهعبى گههشته كهركووكێ ودخوازن وان كهسان سزا بدهن ئهوێن سهختهكارى دههلبژارتنان كرى وئێكهمێن كارى وێ هێزێ سڤكايهتيكرن بوو ب ئالايێ كوردستانێ.
مالپهرێ كوردستان تى ڤى ل سهر زارێ چهند ژێدهرێن تايبهت بهلاڤكر” هێزهكا مهزن يا ميليشيێن حهشدا شهعبى ل باشوورێ ناڤهراستا عيراقێ بهر ب كهركووكێ هاتن”.
دياركر” ئێكهمين كارێ وێ هێزا حهشدا شهعبى سڤكايهتيكرن بوو ب ئالايێ پيرۆزێ كوردستانێ”.
وان ژێدهران بۆ كوردستان تى ڤى گۆت ژى” ل دووڤ ئاخڤتنێن بهرپرسێن حهشدا شهعبى، هاتنا وێ هێزێ بۆ ناڤ باژێرێ كهركووكێ، بۆ سزادانا وان كهسايه يێن دههلبژارتنان دا سهختهكارى كرى”.
ئهڤرۆنيوز:
سهرۆك بارزانى، دپهيوهنديهكا تهلهفۆنى دا پيرۆزباهى ل رێبهرێ رهوتێ سهدرى كر ب ههلكهفتا سهركهفتنا ههڤپهيمانيا سائيرون وهكو ليستا ئێكى دههلبژارتنێن جڤاتا نوونهرين عيراقێ دا.
ئهڤرۆ سێشهمبى 15/5/2018 ، ب گۆرهى بهياننامهكا نڤيسينگهها موقتهدا سهدر، ههر ئێك ژ سهرۆك بارزانى، سهرۆكێ پارتى ديموكراتى كوردستان كو ليستا پارتى پلا ئێكێ ل سهر ئاستێ ههرێما كوردستانێ بدهستڤهئينايه وپلا دويێ ل پارێزگهها نهينهوا،ل گهل نێچيرڤان بارزانى سهرۆك وهزيرێن ههرێما كوردستانێ بۆ پيرۆزباهى كرنێ پهيوهندى ب موقتهدا سهدر كريه وب ههلكهفتا سهركهفتنا ههڤپهيمانيا سائيرون كو سهدر پشتهڤانيێ لێ دكهت، پيرۆزباهى ل موقتهدا سهدر كر وهيڤيا سهركهفتنێ بۆ خواستن.
ل دووڤ بهياننامێ، موقتهدا سهدر سوپاسيا وان پهيوهنديێن تهلهفۆنى كر ب ههلكهفتا سهركهفتنا ليستا سائيرون وداخوازكر برايهتى دناڤبهرا گهلێن عيراقێ ب هێزتر ببيت وخوهشتڤى دناڤبهرا ههموو پێكهات وئايين وتائيفێن عيراقێ دا ب هيزتر بيت.
ليستا سائيرون كو ژ رهوتێ سهدرى وحزبا شيوعى يا عيراقى وهژمارهكا حزبێن دى يێن عيراقى 54 كورسى د ههلبارتنێن جڤاتا نوونهرين عيراقێ ب دهستڤهئينان كو رێزا ئيكێ ل سهر ئاستێ عيراقێ بدهستڤهئينا.
ئەڤرۆ نیوز ، زنار تۆڤی :
د نڤێسینەکێدا عهلى سیستانى مەزنە لێڤەگەرێ شیعێن عێراقێ پێشبینى دکەت،کو سوبە چارشهمبێ هەیڤ بهێته دیتن و دبێژیت،رۆژا پێنجشهمبی ئێكهم رۆژا رهمهزانێ یە.
ئهڤرۆ د بەیاننامهکێدا ب ناڤێ عهتبهیا عهباسى ل نهجهف هاتیە بەلاڤ كرن،د وێ بهیاننامێدا ئاماژه بۆ پێشبینا عهلى سیستانى مەزنە لێڤەگەرێ شیعێن عێراقێ هاتیە كرن بۆ دیتنا هەیڤێ،کو موسولمانان ئێكهم رۆژا هەیڤا رهمهزانێ پێ دهستنیشان دكهن.
د وێ بهیاننامێ دا هاتیه کو عهلى سیستانى پێشبینى دکەت کو رۆژا چارشهمبی كو 29 شهعبانا سالا 1439 كۆچیه،د بهرامبهر دا 16 گولانا 2018،ل دەمژمێر 6:53 خولهك دێ هەیڤ هێتە دیتن،ب ڤێ چەندێ رۆژا پێنجشهمبی دێ ئێكهم رۆژا هەیڤا رهمهزانێ بیت.
شیعه ب گرنگی تەماشەی لێدوانێن سیستانى دكهن بۆ دیاركرنا ئێکهم رۆژا رهمهزانێ.
لێ سوننەیێن عێراقێ چاڤەرێی هندێ دكهن، کو سعوودیه بریارێ بدەت.
ھەولێر، قائید میرۆ:
ھەر چەندە دەستەیا سەرۆکاتیا پەرلەمانێ کوردستانێ بەری ھەلبژارتنان سۆز دابوو ھەتا نیڤا ھەیڤا گۆلانێ دێ پڕۆژێ قانوونا چاکسازیێ د لیستا خانەنشینان دا ھێتە پەسەندکرن، بەلێ وەکو پەرلەمنتارەک دبێژیت، رەوش یا گونجایی نینە و دێ پەسەندکرن گیرۆ بیت.
حەیات مەجید، ئەنداما فڕاکسیۆنا پارتی ل پەرلەمانێ کوردستانی بۆ رۆژناما ئەڤرۆ گۆت: “بڕیارە ھەتا ئەڤرۆ 15 گۆلانێ پڕۆژێ قانوونا چاکسازیێ د ناڤا مووچێ خانەنشینان دا بھێتە ئێکلاکرن و پەسەندکرن، بەلێ ژ بەر روودانێن ل سلێمانیێ چێبوویی ب ئەگەرێ ساختەکاریا ھەلبژارتنان و تێکدانا رەوشا دەڤەرێ کۆمبوونا پەرلەمانێ کوردستانێ ناھێتە ئەنجامدان ل دۆر پڕۆژێ قانوونا چاکسازیێ و دێ پاشکەڤیت، بەلێ ھەتا کەنگی دێ گیرۆ بیت ئەڤە دبیت سەرۆکاتیا پەرلەمانی ژڤانەکی دیار بکەت و بھێتە پەسەندکرن.
حەیات مەجید گۆتژی: “زۆر مخابن روودانێن نھا ل ھەرێما کوردستانێ ھەیی کارتێکرنێن خراپ ل سەر پەسەندکرنا پڕۆژێ قانوونا چاکسازیێ ھەنە کو قۆناغێن مەزن دەرباز کرینە و تنێ پەرلەمان دێ کۆمبیت بۆ ئەڤان بڕگە و ماددێن بەرێ گازندە ل سەر ھاتیە راستڤەکرن دەنگی ل سەر بدەت، ئەم وەکو پارتی د رژدین ل سەر پەسەندکرنا پڕۆژێ قانوونا چاکسازیێ ددەمێ خوە دا و بەری دووماھی ھاتنا ئەڤێ خۆلا پەرلەمانی، بەلێ ھەتا چەند دێ بزاڤێن مە سەرگرن ئەڤە پەیوەندی ب رەوشا سیاسیا ھەرێما کوردستانێ ڤە ھەیە”.
ئهڤرۆ نيوز:
بەرپرسێ راگەھاندنا دەستەیا چێکرن و پاراستنا ژینگەھی ل حوکمەتا ھەرێما کوردستانێ دیارکر کو ھەر زێدەگاڤیەکا دھێتە کرن ل سەر ھەوایی و ئەردی و ئاڤێ، سزایێن خوە ھەنە. تیمێن پاراستنا ژینگەھێ بەردەوام د لێ گەریانێ دانە، ب تایبەت زۆرترین سەرپێچی ھەبوونا پارزینگەھێن نەقانوونی بوون کو ب سەرپێچی ھاتیە دروستکرن بەردەوام دھێنە گرتن و سزا ل سەر خودانێن وان دھێنە سەپاندن.
لوقمان شێروانی، بەرپرسێ راگەھاندنا دەستەیا چێکرن و پاراستنا ژینگەھێ ل حوکمەتا ھەرێما کوردستانێ بۆ ئەڤرۆ دیارکر کو ل سالا 2017ێ، 23 پارزینگەھێن نەقانوونی ھاتینە گرتن و ئەڤ سالە ژی پارزینگەە ھاتینە گرتن و گۆت: “بڕینا داران ژی وەکو سەرپێچی ل رێزا دویێ دھێت و سزایێن ماددی ھەبووینە.
شێروانی ئەو چەندە ژی دیارکر کو وان داخواز کریە کو قانوونا دەستەیا چێکرن و پاراستنا ژینگەھێ ل پەرلەمانێ کوردستانێ بھێتە ھەموراکرن ژ بەر کو سزایێن ماددی یێن گەلەک سەرپێچیا د کێمن و دڤێت بھێنە زێدەکرن بۆ پتر بەرژەوەندیا پاراستنا ژینگەھێ ل دەڤەرا گەرمیان پتری ھەموو دەڤەرێن کوردستانێ سەرپێَچی دھێنە کرن و گۆت: “دھۆک ژ وان دەڤەرێن گرنگە یێن ژینگەھێ د پارێزن”.
ئەڤرۆ نیوز ، زنار تۆڤی :
ڕۆژناما وول ستریت جۆرنال یا ئهمریكی د ڕاپۆرتەكێدا ئاماژه ب هندێ دایه،کو پێشكهفتنا لیستا موقتهدا سهدری د ههلبژارتنێن پەرلەمانێ عێراقێ دا، بهلگهیەکێ دیارە،کو خهڵكێ عێراقێ و دهنگدهرێن وی وەڵاتی كۆكن ل سهر ڕوو ب رووبوونا پێگههێ ئهمریكا و ئیرانێ ل عێراقێ و نهبوونە پشتتەڤان بۆ وان قهوارێن کو ئیران و ئهمریكا پشتەڤانیێ لێ دەن.
وێ ڕۆژنامێ نڤێسیە، لیستا سهدری رێزبهندیا ئێکێ گرتیه و ژ ههموو قهوارێن دیتر پتر كورسیێن پهرلهمانی برینە،لەوما ئو دێ تەهرانێ و واشنتون نەچار کەت،کو ڕوو ب رووبوونان ژ عێراقێ دوور بێخیت،ل وی دەمێ وهك سهركردهیهك سهرۆك وهزیرێن داهاتی یێ عێراقێ دیاری دکەت.
د پشکەکا دیتر یا وێ ڕاپۆرتێدا هاتیه،د ههڵبژارتنان دا كێبركیەکا زۆر یا توند و بهێز دناڤبەرا ئهمریكا و ئیرانێ دا ههبوو، بۆ سهپاندنا ههژموونا زێدەتر ل سهر عێراقێ، بهلێ سهدر ههردو وەلات تووشی شۆكێ كرینە،ل وی دەمێ دهنگدهران زۆرترین متمانه دایە لیستا سائیرون دا،نوکە سهدر و لیستا وی دێ بنه كهسێن ئێکهم د شانۆیا سیاسی یا عێراقی دا.
ئەمریکا پشتەڤانیەکا تەمام ل سهرۆك وهزیرێن عێراقێ حهیدهر عهبادی دكر و پێدچیت ئهو ژی ل گهل سهدری بچیته ناڤ وێ هەڤپهیمانیێ، بهلێ كاندیدێن ئیرانێ بۆ سهرۆك وهزیران و لیستێن دیتر یا ب زەحمەتە بشێن ل گهل سهدری هەڤپهیمانیێ ببهستن، چونكی وان نەڤێت د لیستەکێ دابن كو شیوعیێن عێراقێ تێیدا پشکداربن، ئارمانجا سهدری ژڤی كاری گههاندنا پهیامەکا مەزن یا عێراقیان بوو،کو ل دژی پێگههێ ئهمریكا و ئیرانێ د عێراقێ دا رادوەستن.
هەروەسا گوتیە،سهرهرای هندێ کو سهدری دژایهتیەکا زۆر بهرامبهر ئهمریكا ههیه، بهلێ ئارمانجێن لیستا وی ل گەل ئهمریكا ئێک دگرن، چونكی ئهمریكا ژی دڤێت عێراق ل ژێر ههژموونا ئیرانێ بینیتە دهر و عێراقێ بێخته ژێر هەژموونا خوە و نهچیته ژێر بارێ تەهرانێ.
عهلا مستهفا مامۆستا یێ زانكۆیێ ل زانكۆیا بهغدا بۆ وێ ڕۆژنامێ ڕاگههاندیه،کوو سهربازگهها ئیرانێ ل عێراقێ تووشی شکەستنەکا مەزن بوویە ل عێراقێ پشتی شکەستن د ههلبژارتنان دا ئینای،جۆدا ژ هندێ ژی سهدر ب ڤێ سهركهفتنا مەزن نەڤێت بهێته ناڤ سیاسهتێ و ببیته سهرۆك وهزیرێن عێراقێ، بهلكو وی دڤێت وهك سهركردهکێ رووحی دژی گهندهلكاران ژدهرڤە بمینیت.
ئەڤرۆ نیوز ، زنار تۆڤی :
رۆژناما شهرقول ئهوسهت یا لهندهنى ئاماژێ ب هندێ ددەت کو ئهمریكا سهرپهرشتیا وێ هەماههنگیێ دکەت،یا کو دناڤبەرا هێزێن سووریا دیموكرات و هێزێن عێراقی داهەی ل رۆژههلاتێ فوڕاتی.
دوهی فرۆکێن شەری یێن عێراقێ هێرش كریە سهر دەڤەرێن حهسهكێ،لدووڤ راگههاندنەکا هێزێن عێراقی، فڕۆكێن ژ جۆرى f16 یێن عێراقێ ل سووریێ پێگههەکێ گرنگ یێ داعشان بۆردومان كریه.
چهندین جاره هێرش و ئۆپراسیۆنێن ب ڤی شێوهیهى ژ لایێ هێزێن عێراقی د ناڤ ئاخا سووریێ دا دووباره دهبن و میدیایێن نێڤدهولهتی ژی بەحسێ ڤێ هەماههنگیێ دكهن،کو دناڤبەرا هێزێن سووریا دیموكرات و عێراقێ دا ههنه.
رۆژناما شهرقول ئهوسهت ب پشتبهستن ب ئاژانسەکا سوورى نڤێسیە،ل ڤان دوماهیان كۆمبوونهک دناڤبەرا سهركرده و جهنهڕالێن هەڤپهیمانان و هێزێن سووریا دیموكرات هاتیە ئهنجام دان، بۆ گوتۆبێژکرنا ئهنجامدانا ئۆپەراسیۆنەکا سهربازى ل رۆژههلاتێ باكورێ سووریا.
ههموو ژێدەر دووپاتیێ ل هندێ دکەن،کو هەماههنگیا دناڤبەرا ههسهدێ و عێراقێ دا ژ لایێ ئهمریكا دهێته چاڤدێری کرن.
ئهڤرۆنيوز:
سهرۆك وهزيرێن عيراقێ راگههاند، پێدڤيه لايهنێن سياسى رێز ل ئهنجامێن پرۆسا ههلبژارتنان بگرن وپێدڤيه حوكمهتهكا ب هيز بهێته پێكئينان.
حهيدهر عهبادى سهرۆك وهزيرێن عيراقێ، ئهڤرۆ دوشهمبى 14/5/2018 دكۆنگرهكێ رۆژنامهڤانى دا راگههاند” حوكمهت شيا بهرپرسيارهتيا ئهنجامدانا پرۆسا ههلبژارتنان ب ئهمانهت ب رێڤهببهت”.
عهبادى داخواز ژلايهنێن سياسى كر كو رێزێ ل ئهنجامێن پرۆسا ههلبژارتنان بگرن كو ژلايێ كۆمسيۆنا بلند يا ههلبژارتنان دهێنه راگههاندن.
ل دۆر پێكئينانا حوكمهتا داهاتى يا عيراقێ، عهبادى گۆت” پێدڤيه بهرژهوهنديا گشتى ل سهر ههموو تشتهكى بيت ودڤێت پێئينانا حوكمهتا داهاتى يا نيشتمانى بيت ودۆر بيت ژ گهندهليێ وپشك پشكانێ وئهجيندێن دهرهكى”.
ئەڤرۆ نێوز ، زنار تۆڤی :
نوونەرێ تایبەت یێ سەرۆکێ ئەمریکا ب پێدڤی دزانیت،کو لایهنێن كوردستانی رۆلەکێ كاریگهر د پێكئینانا كابینا نوو یا حوکمهتا عێراقێ دا ههبیت.
ئەڤرۆ دووشەمبی 14 گولانێ 2018 نێچیرڤان بارزانی، سهرۆك وهزیرێن ههرێما كوردستانێ ل گەل برێت مهكگۆرگی،هنارتیێ تایبهت یێ سهرۆكێ ئهمریكا بۆ شهری دژی داعشێ و دۆگلاس سلیمان، باڵیۆزێ ئەمریكا ل عێراقێ کۆمبوویه و گوتۆبێژ ل سەر پرسا هەلبژارتنان و پێکئینانا حوکمەتا داهاتی یا عێراقێ کریە.
لدووڤ راگەهاندنەکا جڤاتا وەزیرێن هەرێمێ،شاندێ ئەمریکی و برێت مەکگۆرک دهستخۆشی ل خهلکێ ههرێما كوردستانێ و عێراقێ كریە بۆ وێ ههلبژارتنا دیموكراسی ئهنجام دایه، ئاماژە ب هندێ دایە،کو ل ههرێما كوردستانێ پێشوازیەکا مەزن لێ هاتیه كرن.
شاندێ ئەمریکی ب پێدڤی زانیە،کو لایهنێن كوردستانی ب ئێک دهنگ ل گهل هێزێن سیاسی یێن دیتر یێن د هەلبژارتنان دا سەرکەفتین، ڕۆلەکێ كاریگهر د پێكئینانا كابینا نوو یا حوکمهتا عێراقێ دا ههبیت و پهرلهمانتارێن کورد جهخت ل مافێن خهلکێ كوردستانێ بكهن.
د وێ راگەهاندنێدا ئاماژه ب هندێ ژی کریە،کو نێچیرڤان بارزانی ئاماژه ب رێژهیا پشکداریا وەلاتیێن ههرێما كوردستانێ د ههڵبژارتنان دا كریە،کو ب بهراورد ل گهل بهشێن دیتر یێن عێراقێ، زۆر زێدەتر بوو.
هەروەسا گوتیە،دڤێت لایهنێن سەرکەفتی یێن عێراقێ و كوردستانێ ژی دانوستاندنێ ل پێكئینانا كابینهیا نوو یا حوکمهتێ دهست پێ بكهن ب شێوهیهكێ کو پرۆژێ سیاسی و ئاڤهدانكرنێ بۆ نوکە و داهاتیێ عێراقێ ههبیت و لایهنێن كوردی بۆ جهختكرنێ ل مافێن دستووری یێن ههرێما كوردستانێ، ڕۆلەکێ كاریگهر تێدا ههبیت.
نيشاندان