ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆمار كرن هه‌ر وه‌كو ل ڤى خشتێ خوارێ دياركرى:
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
سه‌ره‌كى نووترين نووچه
ئه‌مريكا: داخوازێ ژ توركيا دكه‌ين هێرشى عه‌فرينێ نه‌كه‌ت
ئه‌ڤرۆ نيوز:
پشتى گه‌فێن توركيا بۆ هێرش كرنا سه‌ر عه‌فرينێ ل رۆژئاڤايێ كوردستانێ، وه‌زاره‌تا ده‌رڤه‌يا ئه‌مريكا داخواز ژ وى وه‌لاتى كر كريارێن ژ ڤى جورى نه‌كه‌ت.
هێزەر ناوێرت، په‌يڤدارا وه‌زاره‌تا ده‌رڤه يا ئه‌مريكا د كۆنگره‌كێ رۆژنامه‌ڤانى دا، ئاماژه ب وێ يه‌كێ كر كو ئه‌و دخوازن هه‌موو لايه‌ن چاڤێن وان ل سه‌ر بابه‌تێ ژ ناڤ برنا داعش بيت و ژ كارێن وان يێن پێشيێ بن كو كار ل سه‌ر بكه‌ن.
حاكم سه‌رحان ل سه‌ر ناڤئينانا كوردستانێ ب(شمال العراق) ڤى هه‌لويستى وه‌ردگريت
ئه‌ڤرۆنيوز:
ئه‌ندامه‌كێ جڤاتا نوونه‌رێن عيراقێ ژفراكسيۆنا پارتى ل سه‌ر ناڤئينانا هه‌رێما كوردستانێ ب باكوورێ عيراقێ، ب توندى به‌رسڤا رۆژنامه‌ڤانه‌كێ عيراقى دده‌ت.
حاكم سه‌رحان ئه‌حمه‌د، ئه‌ندامێ جڤاتا نوونه‌رين عيراقێ ژ فراكسيۆنا پارتى، دبه‌رسڤا پرسياره‌كا په‌يامنێرێ كه‌نالێ (بلادى) يێ عيراقى ل دۆر هه‌رێما كوردستانێ كو ب (شمال العراق) ناڤكر، گۆت” ئه‌و ده‌سته‌واژه يا راست نينه وپێدڤيه بهێته گۆتن هه‌رێما كوردستانێ نه‌كو باكوورێ عيراقێ، چونكى ل دووڤ دستوورێ عيراقى كوردستان هه‌رێمه”.
حاكم سه‌رحان به‌رسڤا پرسيارا په‌يامنێرێ وى كه‌نالى ره‌ت دكه‌ت ودبێژيت” پێدڤيه وێ ده‌سته‌واژێ راست بكه‌ى” به‌لێ په‌يامنێرى ئاماژه دا كو ئه‌ڤه سياسه‌تا كه‌نالێ وانايه وئه‌و نوونه‌راتيا وى كه‌نالى دكه‌ت، به‌لێ وى په‌رله‌مانتارى گۆت” ئه‌ز ژى نوونه‌راتيا گه‌لێ كوردستانێ دكه‌م وناڤئينانا هه‌رێما كوردستانێ ناڤئينانه‌كا دستوورى يه، له‌وما چو داخۆيانيێن رۆژنامه‌ڤانى بۆ ڤى كه‌نالى ناده‌م”.
كه‌نالێ (بلادى) يێ عيراقى ب سه‌ر ئيبراهيم جه‌عفه‌رى وه‌زيرێ ده‌رڤه‌يێ عيراقێ ڤه‌يه.
ژن و مێره‌ك هاتنه كوشتن
ئه‌ڤرۆ نیوز، نه‌وزاد هلۆرى:
شه‌ڤا بۆرى ژن و زه‌لامه‌ك پێكڤه هاتنه كوشتن و ئه‌گه‌رێ وێ روودانێ ژى هه‌تا نها نه‌هاتیه زانین.
ژێده‌ره‌كێ ژ پۆلیسێن هه‌ولێرێ دیاركر كو شه‌ڤا بۆرى ئه‌و هاتنه ئاگه‌هداركرن ل سه‌ر هه‌بوونا روودانه‌كا كوشتنێ ل گوندێ سێبه‌ردان يێ سه‌ر ب ناحیا كه‌سنه‌زان ڤه ل باشوورێ هه‌ولێرێ ، پشتى پۆلیس گه‌هشتینه جهێ روودانێ ژن و زه‌لامه‌كێ ب كوشتى دبینن كو هه‌ڤژينێن هه‌ڤدو بوون بناڤێ هوگر تاهر و چنار سه‌باح.
ئه‌وى ژێده‌رى زێده‌تر بۆ شه‌فه‌ق نیوز گۆت” پۆلیسێن هه‌ولێرێ په‌رێن ڤه‌كۆلینێ ل دۆر وێ روودانێ ڤه‌كرینه بۆ دووڤچوونێ ل سه‌ر ئه‌گه‌رێ روودانێ”.
رێيا دەرگەهێ سەرزێری ژ بەفرێ هاتە ڤەكرن
ئەڤرۆ نیوز ، رۆژهات لوقمان:
رێڤەبەرێ ناحیا كانی ماسێ راگه‌هاند، درەنگیا شڤێدی ل دەڤەرا ئامێدیێ ب گشتی و سنورێ ناحیا كانی ماسێ ب تایبەتى پێله‌كا بەفر بارینێ دەست پێكریە
سەربەست ئاكرەيی رێڤەبەرێ ناحیا كانی ماسێ بۆ ئەڤرۆ نیوز گوت” پتر ژ (10) سم بەفرێ ل سەنتەرێ ناحیا كانی ماسێ بارینە و ژ بەركو دەرگەهێ سنوری یێ (سەر زێری) دگەل وەلاتێ توركیا دكەڤیتە سنورێ ناحیا كانی ماسێ و ژ بۆ ڤەكرنا وێ رێ ژ به‌فرێ، هەر بلەز چەند تیمێن رامالينا به‌فرێ گەهشتنە دەڤەرا مە و هەمو رێ ڤەمالینە و نەهێلایە رێ بهێتە گرتن”.
سه‌ربه‌ستى ئەو چەندە پشت راستكر كو دەرگەهێ (سەر زێری) يێ هەڤسنور دگەل وەلاتێ توركیا نها یێ ڤەكریە وچو ئاریشە د هاتنوچوونا هاولاتیان دا بۆ توركیا نینن.
ئاگر بەربوو شوقێن ئاكنجيبوونا قوتابیان
ئەڤرۆنیۆز، هەرهین محەمەد:
رائیدێ مافپەرەوەربێوارعەبدولعەزیز بەرپرسێ بەرەڤانیا باژێرێ بۆ ئەڤرۆ نیۆز دیاركركو ئەڤرۆ پێنجشه‌مبى 18/1/2018، ل دەمژمێر 1:55 پشتى نيڤرۆ ئاگر بەربوو شوقێن ئاكنجیبوونا قوتابیان ل تاخێ ماسيكێ.
بێوارى گۆت” ئاگر ژ ژئەگەرێ سوپا گازێ بوو و دئەنجامدا چو زیانێن گیانی نە بوون بتنێ زیانێن مادی هەبوون”.
عيراق وبريتانيا ل دۆر په‌ترۆلا كه‌ركووكێ دێ گرێبه‌سته‌كێ ئيمزا كه‌ن
ئه‌ڤرۆنيوز:
برياره ئه‌ڤرۆ پێنجه‌شمبى 18/1/2018، وه‌زيرێ په‌ترۆلا عيراقێ سه‌ره‌دانا باژێرێ كه‌ركووكێ بكه‌ت ب مه‌ره‌ما ئيمزاكرنا گرێبه‌سته‌كێ ل گه‌ل كۆمپانيه‌كا بريتانى بۆ به‌رهه‌مئينانا په‌ترۆلا كه‌ركووكێ.
ژێده‌ره‌كى ژ راگه‌هاندنا كۆمپانيا په‌ترۆلا باكوور ل كه‌ركووكێ، ل دووڤ كورديوو، راگه‌هاند” برياره ئه‌ڤرۆ پێنجشه‌مبى، جه‌بار لعێبى وه‌زيرێ په‌ترۆلا عيراقێ سه‌ره‌دانا كۆمپانيا په‌ترۆلا باكوور بكه‌ت ل پارێزگه‌ها كه‌ركووكێ وئارمانج ژسه‌ره‌دانا وى ئيمزاكرنا گرێبه‌سته‌كێ دناڤبه‌را كۆمپانيا په‌ترۆلا باكوور وكۆمپانيا bp يا بريتانى بۆ بلندكرنا ئاستێ به‌رهه‌مئينانا په‌ترۆلێ بۆ مليۆن به‌رميلان درۆژه‌كێ دا”.
ل دووڤ وێ رێككه‌فتنا دناڤبه‌را وه‌زاره‌تا په‌ترۆلا عيراقێ وحوكمه‌تا ئيرانێ، برياره ل دووماهيا ڤێ هه‌يڤێ، رۆژانه ب رێيا تانكه‌ران 30 هزار به‌رميلێن په‌ترۆلا كه‌ركووكێ بهێنه هنارتن بۆ پالاوگه‌هێن كه‌رماشانێ وپاشى ئه‌و رێژه بۆ 60 هزار به‌رميلان درۆژه‌كێ دا بهێته بلندكرن.
په‌روه‌رده دێ پارێ وانه‌بێژان به‌لاڤكه‌ت
ئه‌ڤرۆنيوز:
پشكا ژمێریاری ل رێڤه‌به‌ریا په‌روه‌ردا دهۆك رۆژهه‌لات بۆ ئه‌ڤرۆ نيوز دياركر كو پارێ مامۆستايێن وانه‌بێژ يێ هه‌يڤا پێنج يا سالا 2017 يێ گه‌هشتى.
دياركر ژى”ئاگه‌هداريا رێڤه‌به‌رێن وان قوتابخانان ل سنورێ په‌روه‌ردا خوه دكه‌ين ئه‌وين وانه‌بێژ لێ هه‌ین، سه‌ره‌دانا پشكا ژمێرياريێ ل په‌روه‌ردا رۆژهه‌لات بكه‌ن بۆ وه‌رگرتنا پارێ وانه‌بێژان یێ هه‌یڤا پێنج سالا 2017″.
ژێده‌ره‌كى ژ په‌روه‌ردا دهۆك/ رۆژئاڤا ژى بۆ ئه‌ڤرۆ نيوز پشت راستكر كو پارێ مامۆستايێن وانه‌بێژ يێن هه‌يڤا پێنج سالا 2017 يێ كه‌هشتى.
ب وێنە: رێیا چیایێ پیرس ھاتە ڤەکرن
ئەڤرۆ نیوز ، نەوزاد ھلۆری:
شەڤا بوری و سپێدەیا ئەڤرۆ شەپولەکا بەفرێ چەند دەڤەرێن کوردستانێ بخوڤە گرتن ، و رێژەیەکا زورا بەفرێ چیایێ پیرس باری و بویە سەدەم کو رێک بھێتە گرتن ، و تیمێن رامالینا بەفرێ رێیا چیایێ پیرس ڤەکر و نھا ھاتن و چون ئاساییی یە.
شەعبان خەلیل رێڤەبەرێ ناحیا دینارتە بو ئەڤرۆ نیوز گۆت: ( ب ھەڤکاریا تیمێن رامالینا بەفرێ ل دینارتە و ئاکرێ ، رێیا سەرەکی یا چیایێ پیرس کو ھەردوو دەڤەرێن بارزان و دینارتە پێکڤە گرێددەت و زێدەتری 100 گوندان بخوڤە دگریت ، ھاتە رامالین و ھاتن و چوون ئاسایی یە).
گۆڕان و کومەل ل ھەولێر کومبوون
ئەڤرۆ نیوز، نەوزاد ھلۆری:
ئەڤرۆ سپێدێ ھەر ئێک ژ تەڤگەرا گۆڕان و کومەلا ئیسلامی بارەگایێ سەرەکیێ کومەلا ئیسلامی ل ھەولێر کومبوون.
شاندێ گۆڕانێ ب سەروکاتیا رێکخەرێ گشتیێ گۆڕانێ ” عومەر سەید عەلی ” و شاندێ کومەلێ ژی ب سەروکاتیا ئەمیرێ کومەلێ” عەلی باپیر ” بوویە.
ب گورەی ئەوان زانیاریێ، کو دەست ئەڤرۆ نیوز کەفتین کومبوونا وان لسەر بارودوخێ سیاسیێ کوردستان و عیراقێ ب گشتی و ڤەکێشانا وان وان ل حکومەتێ یە ب رەنگەکێ فەرمی.
گۆڕان ب چوار وەزیران و کومەڵ ژی ب وەزیرەکێ خوە ژ حوکمەتێ ڤەکێشا و دوڤدا ئێکگرتوویا ئیسلامی ژی ب سێ وەزیران خوە ژ حوکمەتێ ڤەکێشا.
نيشاندان
WP Facebook Auto Publish Powered By : XYZScripts.com