ئهڤرۆ نيوز:
ئهڤرو 8/3/2018 فهرهاد ئهمین ئهتروشی پارێزگهرێ دهۆكێ پێشوازیا شاندهكێ ئافرهتان كو ژ ئافرهتێن پهرلهمانتهر و ئێكهتیا ئافرهتێن كوردستانێ و ئێكگرتویاخویشكانی كوردستانی پێكهاتی بو كر.
دههڤدیتنهكێ بهحسێ رولێ ئافرهتا كورد ل ههمی قوناغێن خهباتا مللهتێ كورد هاته كرن تایبهت قوتاغا پشتی سهرهلدانێ و پشكداری كرنێ دئاڤا كرنا كوردستانێ دا .
پارێزگهرێ دهۆكێ بهراهیێ روژا جیهانی یا ئافرهتان ل ههمی ئافرهتێن كوردستانێ و تایبهت یێن پارێزگههێ پیروز كر و رولێ ئافرهتا كورد ب بهرزی سهنگاند و دیار كر كو ئافرهتا كورد شیایه دوپات بكهت ب كریار كو خودان شیانه ههكه دهلیڤه بو بهێته دورست كرن و شوین دهستێن وێ ل ههمی بوارێن ژیانێ ددیارن و پشتهڤانیا خو وهكو پارێزگار و كارگێریا پارێزگههێ بو ههمی خواستێن ئافرهتان دوپات كر.
شاندێ نافبری داخواز كر كو رێژا پشكداری كرنا ئافرهتان دكارێن حكومهتا خوجهی دا بهێنه زێده كرن و دهلڤێ لبهر ئافرهتێ خوشكهن كو ب دورستی رولێ خو بگێریت.
ل دیماهیا دیدارێ د داخویانیهكێ بۆ كهنالێن راگههاندنێ پارێزگهرێ دهۆكێ بهراهیێ پیروزباهیا ههمی ئافرهتێن كوردستانێ و تایبهت یێن دهۆكێ كر ب ههلكهفتا 8 مارسێ روژا جیهانی یا ئافرهتان. ههروهسا پشتهڤانیا خو وهكو پارێزگار بو ههمی داخازیێن ئافرهتان تایبهت پشكداری كرنا رێژهكا باش یا ئافرهتان د حكومهتا خوجهی دا و داخاز كر كو لایهنێن سیاسی كر تایبهت یێن پشكدار د حكومهتا خوجهی یا دهۆكێ دا و بهری ههمیا پارتی دیموكراتی كوردستان كو لبهرچاڤ بهێته وهرگرتن ئهو گوهرین و ئهو كاندیدێن دهێنه هنارتن بو ئیدارا پارێزگههێ و بو گوهۆرینا ههر پوسته كی بیت رێژا ئافرهتا ل بهر چاڤ بهێته وهرگرتن و كار ب یاسا پهرلهمانی بهێته كرن كو رێژا 30% یه . و ههمی لایهنیێن سیاسی یێن پشكدار د حكومهتا خوجهی دا ڤی رێژی ل بهرچاڤ وهرگرن .
دیسان گوت : مه وهكو پارێزگهه ههمی بزاڤێن خو كرینه و ئهز نابیژم یا بساناهی بویه هندهك ئاستهنگێن ئیداری و هندهك جار یێن یاسایی و یێن حزبی و هندهك جار یێن كهسایهتی ههبوینه كو رێك نههاتیه دان لێ ب ئانههیا خودی ل نێزیك كوهورینێن بچووك ژی بن دێ بزاڤی كهین دا كو ڤی پروسێ بهردهوام كهین.
دیڤدا ئامینا زكری پهرلهمانتهرا كوردستانێ سهرباری سوپاسی كرنا پارێزگهرێ دهۆكێ گوت . ئهم ب نوێنهراتیا ههمی ئافرهتێن كوردستانێ یێن هاتین داكو داخازیێن ئافرهتان بگههینینه پارێزگهرێ دهۆكێ تایبهت بو ئیدارا خوجهیا پارێزگههێ كوت بێی پشكداری كرنا ژنێ جڤاكێ مهدهنی ل سهر بنهمایێ دیموكراسیێ ناهێته ئاڤا كرن.
ههروهسا كوت پشتی مه دیفچون كری دیار بو كو رێژا پشكداریا ژنێ ل دهۆكێ ژ سهرجهم 559 فهرمانگههان تنێ 33 ژن تێدا وهك رێڤهبهر كار دكهن كو دبیته رێژا نێزیكی 6 % و دیسان ل قایمقامیا و ناحیی و رێڤهبهرێن گشتی و زانكویان رێژا ئافرهتا صفره . مه بباشی دیت ئهڤرو دگهل پارێزگهرێ دهۆكێ كوم ببین و هندهك داخازا بكهین و داكو هاریكار و پشتهڤان بیت و ئهز بباوهرم دی ههمی شیان هێنه مهزاختن بو دابینكرنا ههمی مافێن ئافرهتان .
ئەڤرۆ نیوز ، زنار تۆڤی :
زانكۆیا كەركووكێ دو رۆژان بەری ماوێ رۆژا جلێن كوردی، بریارەک ئاراستەی سەرجەم كۆلیژێن زانكۆیێ كریە و تێدا ب هەموو شێوەکێ لبەركرنا جلکێن دیتر،جۆدا ژ جلێن زانكۆیێ رەت دكەت و هەر چالاكی و ئاهەنگەکێ لناڤ كۆلیژان بۆ رۆژا جلێن كوردی ب توندی رەت دكەت.
د نڤێسینەکێدا سەرۆكاتیا زانكۆیا كەركووكێ کو ئاراستەی هەموو راگرێن كۆلێژان كریە،ئەڤ نڤێسینە ل رێكەفتی شەشی ئادارێ بەلاڤکریە،تێدا هاتیە، بۆ ل بەرچاڤگرتن و بەرژەوەندیا كار و رێگری ل هەر پێشێلكاریەکێ، سەرۆكێ زانكۆیێ ئەڤ رێکارە بەلاڤکرینە.
ئێكەم:رێگریکرن ل چوونا ژوورڤە بۆ هەر قوتابیەكێ بۆ ناڤ حەرەمێ زانكۆیێ،هەکە جلێن کوردی بکەتێ.
دویەم: نابیت ل هیچ هەلکەفتەکێ رۆژا لبەركرنا جلێن نەتەوەیی یان مللی ل زانكۆ و هەموو كۆلێژان بهێته ئەنجامدان.
سێیەم: رێگریکرن ل هەر جۆرە ئامیرەکێ دی جی بۆ ناڤ حەرەمێ زانكۆیێ دێ هێتە کرن،ب تنێ ب رەزامەندیا سەرۆكێ زانكۆ،دڤێت وان ئامیران ببنە ناڤ زانكۆیێ.
ئەڤ بریارا سەرۆكێ زانكۆیا كەركووكێ د ددەمەکێ دایە، ئەڤرۆ پێنجشەمبی رۆژا لبەرکرنا جلێن كوردیە و سالێن پێش خیانەتا 16 ئۆكتۆبەرێ ل زانكۆیا كەركووكێ و وی باژێری ب پیرۆزی رۆژا جلێن كوردی پیرۆز دهاتنە راگرتن.
ئهڤرۆ نیوز ، نهوزاد هلۆرى:
ئهڤرۆ ئێڤارى ل سهنتهرێ قهزا ئاكرێ یا سهر ب پارێزگهها دهۆكێ گهنجهكێ ئاواره ب دهستێ كهس و كارێن وى ب شاشى ڤه هاته كوشتن.
مهتین ئاكرهى رێڤهبهرێ كهمپا ماملیان ل ئاكرێ بو ئهڤرۆ نیوز گۆت: (ئهڤرۆ ئێك ژ ئاوارهیێن كهمپا ماملیان شههیانا خوه دكهت ، و پشتى كو بووك و زاڤا گههشتیه جهێ داوهتێ ، ئێكسهر كهس و كارێن وى دهست ب تهقهیێ خوهشیێ دكهن ، بهلێ ب مخابنیڤه گولهیهك ب كهسهكێ دكهڤیت كو ئهو ژى برایێ زاڤایى بوو و دهێته كوشتن)
زێدهتر گۆت: ( ئهو كهسه ب ناڤێ “مهسعود حسێن”ه و ژیێ وى 28 سالن و خهلكێ موسلێ یه و ل كهمپا ماملیان وهكو ئاواره دژیت ، و تهرمێ وى بو نهخوشخانا داد هاتیه رهوانهكرن داكو زێدهتر ڤهكولین لسهر روودانێ بهێتهكرن)
ئەڤرۆ نیوز ، تۆڤی :
بالیۆزێ ئەمریكا ل عێراقێ گوتیە، سونێن عێراقێ ل بەردەم دەرفەتەکا مەزن و مێژوویی نە، بۆ هندێ کو پشتی 15 سالێن رووخاندنا رژێما بەعس، دووبارە دەستهەلاتێ بگرنەڤە دەست، ئەڤەژی د دیدارەکا بالیۆزێ ئەمریكا دڵ هات لگەل سەرۆكێ لیستا سوننیان ل هەلبژارتنێن داهاتیدا ل عێراقێ.
دیدار ل مالا سەلیم جبووری سەرۆكێ پەرلەمانێ عێراقێ هاتیە ئەنجام دان،و تێدا دۆگلاس سلێمان بالیۆزێ ئەمریكا ل عێراقێ ئاشكرا كریە،کو ئەزموونا حوكمكرنا شیعەیان ب تەمامی شكەستن ئینایە، ئەو زێدەتر مژۆلی هندێ نە کو نەیارێن خوە یێن سیاسی بشكێنن،ل جهێ پێشكێشكرنا خزمەتگوزاری و برێڤەبرنا دروست یا وەلاتی،لدووڤ شێوازێ ئەوان عێراق ب تەمامی دێ شكەستنێ ئینیت و ب هیچ شێوەیەكێ ناكەڤیتە سەر رێیا دیموكراتیێ،هەروەسا ژ شەرێ نافخۆ دوور ناكەڤیت.
سلیمانی گوتیە،شیعە دناڤ خوە ژی دا د ئێكگرتی نینن و ب تەمامی دابەش بووینە،لەورا دڤێت سوننی دەستهەلاتێ بگرنە دەست و كورد ژی دێ دوبارە مافێن خوە دەستەبەر کەن ب رێیا سندوقێن دەنگدانێ.
هەر چەندە ژێدەرێن راگەهاندنێ دبێژن، ئەمریكا یا رژدە کو د هەلبژارتنێن 12 ئەیارێ دا عەبادی دێ زۆرینەیا كورسییان ب دەست خوەڤە ئینیت و بۆ خولا دویێ دێ سەرۆكاتیا حوکمەتا عێراقێ وەرگریتەڤە،لەورا ب تنی ئاخفتنێن بالیۆزێ ئەمریكا ل عێراقێ،هاندانەکە بۆ سونیان،داکو ب گەرمی بچنە ناڤ پرۆسا هەلبژارتنان.
ئەڤرۆ نیوز ، زنار تۆڤی:
ریكس تیلرسون وەزیرێ دەرڤە یێ ئەمریكا ل 30 ئۆكتۆبەرا 2017 راگەهاندیە،کو هێزێن ئەمریكا دێ میننە ل عێراقێ و ژ عێراقێ ناچه،هەکە حوکمەتا عێراقێ ژی داخواز بکەت.
ئەڤ ئاخفتنا وەزیرێ دەرڤە یێ ئەمریكا د ئێک دەمدا سیاسەتا وەلاتێ خوە بۆ عێراقێ ئاشكرا دکەت،کو نوکە ژی مژۆلی دروستكرنا بنگەهەکێ دی سەربازینە، هەروەسا بەرسڤەکە ژی بۆ وان دەنگێن ل بەغدا داخوازا چوونا ئەمریكا دكەن،هەروەسا وەك بەرسڤەک بۆ تیلرسونی کو د كۆمبوونا ل گەل شاه سەلمانی پادشایێ عەرەبستانا سعوودی،کو حەیدەر عەبادی سەرۆك وەزیرێن عێراقێ ئامادە ببوو، راگەهاند کو دڤێت میلیشیاتێن چەكداری یێن سەر ب ئیرانێوەكو ئاماژەیەك بۆ میلیشیاتێن حەشدا شەعبی ڤەگەرنە ئیرانێ.
ئەمریكا پشتی شەرێ ئازادیا عێراقێ چەندین بنگەهێن سەربازی دامەزراندینە،وەکی بنگەهێ ئەسەد، بەلەد، تاجی، حەبانیە، سەدا مووسل، فرۆكخانا بەغدا، فرۆكخانا هەولێرێ و فرۆكخانا سەبازی ل حەریر، بنگەهێ سەربازیێ باشیك و كەرەم و كەی وەن، دهێتە چاڤەرێکرن کو بنگەهەکێ دیتر یێ سەربازی و ستراتیجی ل عێراقێ بهێته دامەزراندن،لدووڤ زانیارییان نوکە ئەمریكا 11 هزار چەكدار ل عێراقێ هەنە كە شەش هزار ژ وان شەركەرن، ئەڤەژی دیار دکەت،کو پێگەهێ ستراتیجی یێ عێراقێ بۆ ئەمریكا گرنگیا خوە هەیە.
بۆ ئەمریكا، عێراقێ گرنگیەکا سەبازی و تەناهی و هەوالگری و ئابووری و سیاسی هەیە، ئەڤەژی دیار دکەت،کو ئەمریكا پشتی 2003 گرنگی ب دروستكرنا بنگە و سەربازگەهێن سەربازی دایە،کو ئارمانجا سەرەكی ژێ ئەوە ب تایبەت یا سەرۆك دۆنالد ترەمپ،کو د ئێک دەمدا بەرهنگاربوونا هەژموونا ئیرانێ د عێراق و ڤێ دەڤەرێ دایە،لەورا ئەمریکا دەستبەرداری عێراقێ نابیت و پاشەکشێ ناکەت ل عێراقێ.
ئهڤرۆ نیوز ، زنار تۆڤى:
حهسهن ئهحمهد مستهفا چاڤدێرهكێ سیاسى و ماستهر د سیاسهت و پهیوهندیێن نێڤدهولهتى دا ههیه،د دیدارهكێدا بۆ ئهڤرۆ نیوز دبێژیت:ههر سێ وهلاتێن توركیا و ئیرانێ و عێراقێ ل دژى ههرێما كوردستانێ پیلانهك ههبوو،وێ پیلانێ ژى د ئێك تشت دا ل گهل سیاسهتا نێڤدهولهتى دا ئێك دگرت،كو ئهو ژى ئهو بوو د سیاسهتا نێڤدهولهتى دا و ب تایبهتى یا ئهمریكا و رووسیا دا ئهوه،كو چو كیان بۆ كوردان نههێنه چێكرن،لهورا یا پێدڤى ل سهر كوردان ئهو بوو،كو وهكو بهرهنگارى خوه فهرز بكهن،ههر چهنده ل سهر دهمێ ریفراندۆمێ دا ئهو دهلیڤه بۆ كوردان چێبوو،لێ ژ ئهگهرێ خیانهتا مێژوویى یا جهرگبر ل 16 ئوكتۆبهرێ،ههتا رادهیهكێ ئهو كارته ژ دهستێ كوردان دهركهفت،لهورا نهبوونا سیاسهتهكێ ژ لایێ وهلاتێن زلهێز ڤه،كو د بهرنامێ وان دایه دهستكاریێ د ڤێ دهڤهرێ دا بكهن،ئهو بهرههڤیێن وهلاتێن دهوروبهر ههنه بۆ لێدانا كیانێ كوردى،ل گهل خیانهتا 16 ئوكتۆبهرێ ئهو وێرهكى بۆ توركیا چێكر،كو پێنگاڤا ژناڤبرنا كوردان ل ههردو پارچێن رۆژئاڤا و باشور بهاڤێژیت،ناڤهاتى گوت ژى:سهبارهت ئیرانێ ژى نوكه وێ ئاریشێن كوور ل گهل دهولهتێن مهزن ههنه و دیسا نوكه ئیران راستى قهیرانهكا گهلهك دژوار بوویه،كو ههتا نوكه ئهڤ چهنده د مێژوویا ئیرانێ دا روونهدایه،لهورا ئهوا ئیرانێ ڤیاى ب رێیا عێراقێ و توركیا كر،لهورا وێ هێرش نهكر،لێ توركیا پلانا خوه دهستپێكریه،ههروهسا پلانا توركیا ب پلهیا ئێكێ پشت ب نهێنیهكا گهلهك مهزن و ههستیار دبهستیت.
حهسهن زێدهتر دبێژیت:ل سووریێ ئهو دابهشبوونا ههیى نهعهدالهتیهك تێدا ههیه بۆ هێزێن مهزن،ئهو نهعهدالهتى ژى ئهوه كو 83% ژ نهفت و گازا سرۆشتى و ژێدهرێن ئاڤێ و پرۆژێن ئهلهكتریكێ و زهڤیێن چاندنێ یێن ههره باش ل سووریێ ههموو د سنوورێ جۆگرافیێ ئهمریكا دانه و د دهستێ یهپهگێ دانه،د ههمان دهمدا و بهرۆڤاژى ڤێ چهندێ ئهو سنوورێن جۆگرافى یێن بێ مفا و بێ ژێدهرێن سروشتى د دهستێ رووسیا دانه،ههروهسا یهپهگه ل وى جهى ژى ههنه،لهورا ئهردۆگانى ب عاقلانه بۆ خوه ئهو دهلیڤه دیت و گوته رووسیا،ئهز یێ ئامادهمه هێرشێ بكهمه سهر دهڤهرێن كوردى و وان دهڤهرێن ل ژێر دهستێ كوردان و هێزێن ئهمریكى ئینمهدهر،هوون ژى هاریكاریا من بكهن،ههروهسا رووسیا وهكو مهغدورهكێ خوه دبینیت،دیسا رووسیا ب حهقێ خوه دزانیت كو سووریا ب رهنگهكێ تهقلیدى و سهدان ساله ب جۆگرافیا خوه دزانیت و ئهڤرۆ وێ یاریێ تێدا بكهت،ژ پێخهمهت چهندهكێ ژ وێ ترازیێ راست ڤهكهت،لهورا ئهردۆگانى ب رهنگهكێ زۆر زیرهكانه ئهو یارى دناڤبهرا وان ههردو هێزان داكر،ئهو جۆرێ یاریا توركیا دكهت،بناغهكێ گهلهك كوور ههیه و ل دهمێ خوه ژى ئهتاتوركى ب ههمان شێوه یارى دناڤبهرا ئهمریكا و رووسیا دا كریه،وى دگوته ئهمریكا ئهز ههڤپهیمانێ ستراتیجى یێ ههوه مه،لێ مفا ژ رووسیا وهردگرت،ههر چهنده نوكهژى توركیا ههموو پشتهڤانیهكا رووسى ههیه،ژ لایێ چهكى و جهبلخانه و راگههاندنێ و كور و كۆمبوونێن نێڤدهولهتى ڤه،ههروهسا رووسیا زانیاریێن ههوالگیریێ ژى ددهته توركیا،ئهڤه د دهمهكێ دایه،كو توركیا ههڤپهیمانیا ئهمریكا یه،دیسا ئهمریكا ژى نهشێت بهرهنگاریا هێزهكێ بكهت،كو ئهندامه د ناتۆ دا و هێزا ئێكێ یه د ڤێ دهڤهرێ دا ژ لایێ لهشكرێ پیاده ڤه د ناتۆ دا،ژبهر هندێ توركیا دڤێت عهفرینێ بگریت،ههروهسا ههكه ئهو دۆخه ب ڤى رهنگى بچیت،توركیا دێ شێت عهفرینێ گریت،ههر چهنده یهپهگه بهرهنگاریهكا ب هێز ژ عهفرینێ دكهت،لێ وێ بهرهڤانیێ ههمبهرى رووسیا و توركیا چارچۆڤێ خوه ههیه.
ئهو چاڤدێره زێدهتر دبێژیت:پشتى عهفرینێ توركیا دێ فشارێ ل سهر ئهمریكا كهت،ههر چهنده ئهو فشار دێ د سیاسى و دبلۆماسى بن،دێ فشارێن وێ گوهۆرینا روویێ وێ ژ ناتۆیێ بۆ رووسیا بن،لهورا ئهمریكا دهلیڤا هندێ نادهتێ و دێ یا ئاماده بیت،كو مامهلێ ب كوردان بكهت،ل سهر بابهتێ كۆبانێ و جزیرێ،ئهمریكا دێ یا بهرههڤ بیت،وان دهڤهران تهسلیمى لهشكرێ سوورى بكهت،چونكى ئهمریكا حهز ناكهت ئیسلاما سیاسى یا توندرهو ل سهر دهستههلاتێ بیت،چونكى ئهمریكا دناڤبهرا ئیسلاما سیاسى و بهشار ئهسهدى دا دێ بهشارى ههلبژێریت،ههروهسا پشتى رۆژئاڤایێ كوردستانێ پێنگاڤا ئهردۆگانى یا دویێ هێرشكرنه بۆ سهر شنگالێ،ههم ژ لایێ سووریێ ڤه و ههم ژ لایێ پێشابیرێ ڤه،ئهڤ چهنده گهلهك یا ب مهترسیه ل سهر ههرێما كوردستانێ،دڤێت سهركردایهتیا كوردستانێ گهلهك ب رژدى ژ لایێ نێڤدهولهتى ڤه بزاڤێ بكهت و رێكێ نهدهت،كو ئهڤ پلانا توركى بهێته بجهئینان،چونكى ئارمانجا سهرهكى یا توركیا پێشابیرێ یه و دروستكرنا رێیهكێ یه دناڤ توركومانان دا بۆ تهلهعفهر،چونكى عێراقێ پێدڤى ب 100 ملیاران دۆلاران ههیه بۆ ئاڤهدانكرنا عێراقێ،ههكه ئهڤ 100 ملیار دۆلاره ب رێیا ئیبراهیم خهلیل را بهێنه عێراقێ،ب لایهنێ كێم ڤه دێ 10 ملیار دۆلار ژ وان پاران گههنه ههرێما كوردستانێ،لهورا وان نهڤێت ئهو 10 ملیار دۆلاره بگههنه كوردان،ژبهر هندێ ئهو دێ ئاڤهدانكرنا عێراقێ ژى گیروكهن،ژ پێخهمهت ئهو قازانجه نهگههیته ههرێما كوردستانێ ب رێیا دهرگههێ ئیبراهیم خهلیل.
حهسهن ئهحمهدى ئهو ژى دیاركر:پێنگاڤا سییێ یا توركیا هێرشكرنه بۆ سنوورێ پارێزگهها سلێمانیێ،ههر ژ گهرمیان و پێنجوین و ههلهبجه ههتاكو دگههیته سنوورێ شار باژێر و چیایێ ئاسوس و چیایێن پشت قهلادزێ و ههتاكو دگههیته قهندیلى و حاجى ئۆمهران،ههكه ئهڤ چهنده ب هێرشا پیاده ژى نهبیت،دێ زیانهكا مهزن گههینیته ژێرخانا ئابوورى یا خهلكێ سلێمانیێ ب رێیا ههوایى،لهورا ئهڤ پلانه گهلهك یا مهترسیداره،پێدڤیه كورد ڤێ چهندێ بزانن كو ئارمانجا توركیا ژ ڤێ هێرشكرنێ ب تنێ پارتى و ئێكهتى نینه،بهلكو ئارمانجا وان ههموو خهلكێ كوردستانێ یه،ههر ژ باشور ههتاكو رۆژئاڤا،لهورا دڤێت ههموو لایهنێن كوردستانێ خوه رێكبێخن،ههموو ل ههمبهرى ڤێ پلانا مهترسیدار یا توركیا راوهستن و دڤێت كورد فشارهكا مهزن ل سهر عهبادى بكهن،ژ پێخهمهت عهبادى تهسلیمى ئیرادهیا توركیا نهبیت،ههر چهنده راگههاندنا توركیا گوتیه،عێراق رازى بوویه كو توركیا هێرش بكهته سهر شنگالێ،بهرامبهر هندێ توركیا ل بهعشیقه ب بێ دهنگى پاشڤه كشێ بكهت،لێ ههكه كورد ببنه ئێك ههلویست ئهڤ پلانا توركیا سهرناگریت،لێ ههكه كورد وهكو نوكه د ئێكگرتى نهبن،دێ ئهڤ پلانا توركیا بهرهف پێشڤه چیت،ههروهسا ههكه توركیا دڤێ پلانا خوه دا سهركهفت و ژ لایێ رۆژئاڤایێ كوردستانێ ڤه و گههشته سنوورێ دناڤبهرا عێراق و سووریێ دا،دێ زیانهكا مهزنتر ژ یا 16 ئوكتۆبهرێ ب كوردان كهڤیت.
ئهڤرۆ نيوز، ئازاد گولهيى:
پێشانگهها ترۆمبێلا يا 88ێ ل ژنێڤ یا سويسرا دهست ب كارێن خوه كريه و سوبههى ب رهنگهكێ فهرمى دێ بۆ وهلاتيان ژى هێته ڤهكرن.
رۆژناما ئهڤرۆ و مالپهرێ ئهڤرۆ نيوز ژى ب رێيا پهيامنێرێ خوه ل ئورۆپا ئازاد گولهيى بۆ سالا گهلهكێ يه ل دووڤ ئێك پشكدارى د ڤێ پێشانگههێ دا دكهت.
ئهڤ پێشانگههه يا د رۆژا خوه يا سيێ و دووماهيێ دا بۆ رۆژنامهڤان و كهسانێن شارهزا و بڕياره سوبههى ژى بۆ وهلاتيان ب رهنگهكێ فهرمى بهێته ڤهكرن.
ئهڤرۆ نيوز:
تهقه ل فهرماندهكێ بهرنياسێ “حدك” ل دهڤهرا باليسان يا باشوورێ كوردستانێ هاته كرن و كوشت و حزبا وى ديار دكهت كو يێ هاتيه “تيرۆركرن”.
سپێدههيا ئهڤرۆ رۆژا چارشهمبى 7ى ئادارا 2018ێ تهرمێ قادر قادر كادر و ئێك ژ فهرماندێن پێشمهرگێ حزبا ديموكراتا كوردستانێ “حدك” ل دهڤهرا باليسان هاتيه ديتن.
ئيبراهيم زێوهى، بهرپرسێ پهيوهنديێن حدك ل ههولێر بۆ رووداو گۆت: “ل نێزيك ههرتهلا دولا باليسان تهقه ل وى فهرماندهى هاتيه كرن”.
بهرپرسێ پهيوهنديێن حدك ل ههولێر دا زانين ژى كو ڤهكۆلين د روودانێ دا هاتيه كرن و هووراتيێن بابهتى دێ بهلاڤ كهن.
ئهڤرۆ نيوز:
ب مهرهما پتر خزكهتكرنا وهلاتیان ژ لایێ ساخلهمیێ ڤه و دابینكرنا پێدڤی و كهرهستێن ساخلهمیێ ب ئامادهبوونا هژمارهكا بهرپرسێن حكومی تاقیگهههكا پێشكهفتی ل بنگههێ ساخلهمیا چهمانكێ هاته ڤهكرن و رێڤهبهرێ ساخلهمیا قهزا ئامێدیێ ژی دبێژیت: ب ڤهكرنا ڤێ تاقیگههێ؛ ئێدی پێدڤی ناكهت بۆ گهلهك جۆرێن پشكنینان وهلاتیێن ناحیێ قهستا جهێن دی بكهن.
دكتۆر نهجیب سهعید، رێڤهبهرێ ساخلهمیا قهزا ئامێدیێ بۆ ئهڤرۆ دیار كر كو ئهڤ تاقیگههه یا پێشكهفتی یه و پڕانیا پشكنینان ب خوه ڤه دگریت و گۆت: “مخابن كو ههتا نوكه ئهڤی بنگههی پشكهكا تاقیگههێ یا پێشكهفتی نهبوویه، لێ ب ڤهكرنا ڤێ تاقیگههێ دێ گهلهك ژ ئاریشێن وهلاتیان ژ پشكنینان چاسهر كهت و ئێدی بۆ ئهنجامدانا گهلهك جۆرێن پشكنینان پێدڤی ناكهت وهلاتی قهستا دهرڤهی سهنتهرێ ناحیێ یان تاقیگههێن ئههلی بكهن”.
گۆتژی: “ب ڤهكرنا ڤێ تاقیگههێ دێ باشتر خزمهتا نوشان هێته كرن و د ههمام دهم ژی دا دێ بیته بارسڤككرنهك بۆ وهلاتیان ژ لایێ ئابووری ڤه”.
رێڤهبهرێ ساخلهمیا قهزا ئامێدیێ ئاماژه ب وێ چهندێ ژی كر كو خزمهتكرنا وهلاتیان ژ لایێ ساخلهمیێ ڤه و دابینكرنا كهرهستان دێ یا بهردهوام بیت و یا ژ دهستێ وانا بهێت و د شیان دا بیت دێ بۆ دهڤهرێ ئهنجام دهن.
نيشاندان