ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ل رۆژا چارشەمبی 22.11.2017 ژ ئەگەرێ روودانەکا ترافیكێ ل سه‌ر جادا گشتى یا دهۆك بۆ هەولێرێ دو کەس برینداربووینە.
ناڤهاتی گوت ژی:ئەڤرۆ چارشەمبی ٢٢/١١/٢٠١٧ ل دەمژمێر ٣:٣٠ خولەكی پشتی نیڤرۆ ل سەر جادا سەرەکی یا دهوك هەولێرێ و ل نێزيك گوندێ تەلوە روودانەک دناڤبەرا دو ترۆمبێلا روودایە و دیارکر ژی:ئەگەرێ ڤێ روودانێ دزڤريت بۆ نەهشياربوونا شوفێری ل دەمێ زڤرینێ،لەورا وان هەردو ترۆمبێلا لێکدایە و د ئەنجامدا دو کەس تێدا برینداربووینە.
ئه‌ڤرۆ نيوز:
سه‌رۆكێ رووسيا، ڤلادیمیر پوتین دياركر، ئه‌و يخوشحاله كو سه‌ركردێن توركيا و رووسيا ب ئه‌رێنى پێشوازى ل بيروكا گرێدانا گۆنگرێ ديالوكا نيشتمانى يا سوورى سه‌باره‌ت چاره‌كرنا قه‌يرانێ سووريا كرن.
پوتين رژدى ل سه‌ر وێ يه‌كێ كر كو د ناڤبه‌را توركيا، رووسيا، ئيرانێ، ب مه‌ره‌ما چاره‌كرنا قه‌يرنا سووريا ده‌قه‌كێ هه‌ڤشك هاتيه موركرن و گۆت: ل دووڤ وى ده‌قى، سێ وه‌لاتان دێ وان پێنگاڤان ديار كه‌ين كو ل سووريا دهێنه هاڤێتن.
ئه‌ڤرۆ نیۆز، ره‌مه‌زان هه‌رنى :
جێگرا سه‌روكێ لێژنه‌یا مافێ مروڤ ل په‌رله‌مانێ كوردستانێ دیاركر , سێ پروژه یاسایێن لێبورینا گشتى هه‌بوون دوو ژوان به‌ریا دوسالا كارلسه‌ر هاتبۆكرن پروژێ دوماهیێ ژى كومبونه‌ك لسه‌ر هاتیه كرن كو لێژنه‌یێن یاسایى و مافێ مروڤ ئێمناهێ و نافخو به‌رهه‌ڤ ببۆن ل گه‌ل هه‌شت داده‌وه‌رێن هه‌رێما كوردستانێ و دادگه‌ها ته‌میز نونه‌رێ وه‌زاره‌تا كارو بارێن جڤاكى و رێڤه‌به‌رێن چاكسازیێن دهوك و هه‌ولێر و سلێمانیێ چه‌ندین پێشنیارو دیتنێن وان هاتنه وه‌رگرتن ل دور لێبورینا گشتى ئه‌م یێ كار دكه‌ین كو ببیته به‌رنامه‌یێ كارى په‌رله‌مانى و كار لسه‌ر بكه‌ین و په‌رله‌مان په‌سه‌ند بكه‌ت.
فه‌یروز ته‌ها ئاكره‌یێ جێگرا سه‌روكێ لێژنه‌یا مافێ مروڤ ل په‌رله‌مانێ كوردستانێ بۆ ئه‌ڤرۆ نیۆز خویاكر , ل كوردستانێ 4 هزارو 841 كه‌س چاڤه‌رێ لێبۆرینا گشتى دكه‌ن كو نوكه د چاكسازیێن كوردستانێ ڤه نه ژوێ رێژه‌یێ 971 تاوانێن كوشتنێ نه 1242 كه‌س ب تومه‌تا تیرورێ و 680 كه‌س لسه‌ر مادێن هوشبه‌رو قه‌ده‌غه‌كرى 585 ته‌ریقه‌نه و 230 جودا جودانه و خه‌لكێ بیانى نه.
جێگرا سه‌روكێ لێژنه‌یا مافێ مروڤ گوتژى : ل سنورێ پارێزگه‌ها دهوكێ 1418 كه‌سن یێن مه‌حكوم و 1400كه‌س ل سلێمانى پتر ژ 1300 كه‌سا ل هه‌ولێرێ ئافره‌ت ژى دناڤ ڤان گرتیان دا هه‌نه ، ئه‌م دێ بزاڤێ كه‌ین ب زوترین ده‌م ئه‌ڤ بریاره بكه‌ڤیته به‌رنامه‌یێ كارى و بهێته په‌سه‌ند كرن، مه راپورته‌ك به‌رهه‌ڤ كریه دێ ئاراسته‌ى سه‌روكایه‌تیا په‌رله‌مانى كه‌ین ل دور لێبورینا گشتى بۆ زیندانیێن كوردستانێ.
ئه‌ڤرۆ نیوز ، نه‌وزاد هلۆرى:
رێكخه‌رێ گشتیێ ته‌ڤگه‌را گۆڕانێ دیاركر كو هه‌لویستێ گۆڕانێ دڤى بارودوخى دا ئه‌وه كو حكومه‌ته‌كا ده‌مكى بهێته درۆستكرن و ل پێناڤێ پاراستنا قه‌واره‌یێ هه‌رێما كوردستانێ ژى ب هه‌موو شێوه‌یه‌كێ ئه‌و دژى دوو ئیداره‌یێ و قانونا پارێزگه‌هانه.
عومه‌ر سه‌ید عه‌لى رێكخه‌رێ گشتیێ ته‌ڤگه‌را گۆڕانێ ب میدیا فه‌رمى یا حزبا خوه دیاركر كو ئه‌و دێ به‌رده‌وام بن لسه‌ر ئه‌و به‌رنامه و پروژێ كو ل ده‌ستپێكا درۆستبوونا گۆڕانێ ب سه‌ركرداتیا نه‌وشێروان موسته‌فایى هاتیه دانان و گۆت: ( ته‌ڤگه‌را گۆڕان دژى دوو ئیداره‌ى و قانونا پارێزگه‌هایه ئه‌و ژى ل پێناڤ پاراستنا قه‌واره‌یێ هه‌رێما كوردستانێ ، هه‌لویستێ گۆڕانێ د نهادا ئه‌وه كو حكومه‌ته‌كا ده‌مكى بهێته درۆستكرن و ئه‌ركێن وێ ژى بهێنه دیاركرن و پێدڤى یه كار بهێته‌كرن بو پێكئینانا شانده‌كا نیشتمانى دپێناڤ گوتوبێژه‌كا ده‌ستوورى لگه‌ل حكومه‌تا ناڤه‌ندى و چاره‌سه‌ركرنا ئاریشه و باشتركرنا ژیانا خه‌لك و فه‌رمانبه‌ران )
ئه‌ڤرۆنيۆز:
راهينه‌رێ يانا به‌رشه‌لونا يا ئيسپانى، ئه‌رنيستۆ فالفيردى، پێكهاتێ سه‌ره‌كيێ يانێ د ياريا ئه‌ڤ شه‌ڤه دا ل گه‌ل يانا يوڤه‌نتۆس يا ئيتالى دچارچۆڤێ گه‌را پێنجێ ژ خۆلا قاره‌مانێن ئورۆپا ئاشكراكر وليونێل ميسى دناڤدا پێكاتێ سه‌ره‌كى دا نه‌بوو.
ل دووڤ مالپه‌رێ (كوره) به‌رشه‌لونا دێ ياريا ئه‌ڤ شه‌ڤه ل به‌رامبه‌ر يوڤه‌نتۆس ل سه‌ر ياريگه‌ها وێ ل ئيتاليا ب ڤى پێكهاتى كه‌ت، تير شتيجن، نيلسون سيميدۆ، ساموێل ئومتيتى، جيرارد بێكێه، لوكاس دينى، ئيڤان راكيتيش، ئه‌ندريێس ئه‌نيێستا، سيرجيۆبۆسكيتس، پاولينيۆ، جيرارد ديولوفيۆ ولويس سوارێز.
د ياريا ئێكێ دا ئه‌وا ل سه‌ر ياريگه‌ها نوكامپ ل به‌رشه‌لونا هاتيه ئه‌نجامدان، به‌رشه‌لونا ب سێ گۆلان بێ به‌رامبه‌ر ب سه‌ركه‌فتبوو.
به‌رى ده‌مه‌كى، ميسى داخواز ژ راهينه‌رێ به‌رشه‌لونا كربوو دچه‌ند ياريێن خۆلا ئيسپانيا وخۆلا قاره‌مانێن ئورۆپا بێهنڤه‌دانێ وه‌رگريت وه‌كو خوه به‌رهه‌ڤكرنه‌ك بۆ مونديالا رۆسيا 2018 كو دێ پشكداريێ تێدا كه‌ت ل گه‌ل هه‌لبژارتيێ ئه‌رجه‌نتينێ.
ئه‌ڤرۆنيۆز:
ئه‌ڤ شه‌ڤه دو بيڤه‌له‌رزێن ب هيز گوندێن سنۆرێ قه‌زا ده‌ربه‌نديخان وچيايێ به‌مۆ ل پارێزگه‌ها هه‌له‌بجه دان.
دارا حه‌سه‌ن،رێڤه‌به‌رێ گه‌شناسى وبيڤه‌له‌رزان ل پاريزگه‌ها سلێمانيێ بۆ باسنيۆز گۆت، به‌رى ده‌مه‌كى دو بيڤه‌له‌رز ل پارێزگه‌ها هه‌له‌بجه وقه‌زا ده‌ربه‌نديخان روودان، خوه‌شبه‌ختانه چو زيانێن مادى وگيانى نه‌بوون.
داراى گوت ژى، ل دووڤ بۆچوونا شاره‌زايێن بوارێ جيولۆجى، دبيت هه‌تا هه‌يڤه‌كا دى ژى بيڤه‌له‌رز ل باژێرێن هه‌رێما كوردستانێ بده‌ن، به‌لێ ئه‌و بيڤه‌له‌رزه دێ دلاواز بن وچو زيانان په‌يدا ناكه‌ن.
ئه‌ڤرۆنيۆز:
وه‌زيرێ ده‌رڤه‌يێ بريتانيا دنامه‌كێ دا بۆ سه‌رۆك وه‌زيرێن هه‌ريما كوردستانێ دبێژيت، دێ دبه‌رده‌وام بين دبزاڤێن خوه‌دا بۆ چاره‌كرنا كێشێن دناڤبه‌را هه‌ولێرێ وبه‌غدا، وپشته‌ڤانيا وه‌لاتێ خوه بۆ سه‌رخستنا پرۆسا ديموكراسى ل هه‌رێما كوردستانێ دياركر.
ئه‌ڤرۆ چارشه‌مبى 22/11/2017 جۆن ويلكس، باليۆزێ بريتانيا ل به‌غدا، ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ وجێگرێ وى قوباد تاله‌بانى كۆمبوو كو ناما وه‌يرێ ده‌رڤه‌يێ بريتانى گه‌هانده سه‌رۆك وه‌زيران كو تێدا وه‌زيرێ بريتانى دووپاتكر كو دێ بزاڤه‌كا رژد كه‌ن بۆ ده‌ستپێكرنا دانوستاندنان ب مه‌ره‌ما چاره‌كرنا ناكۆكيێن هه‌ولێرێ وبه‌غدا ل سه‌ر بنه‌مايێ دستوورى.
ل دووڤ مالپه‌رێ فه‌رميێ حوكمه‌تا هه‌رێما كوردستانێ، دناما (بۆريس جۆنسن) وه‌زيرێ ده‌رڤه‌يێ بريتانيا، ده‌ستخوه‌شى ل بزاڤێن هه‌رێما كوردستانێ بۆ نه‌هێلانا گرژيان ل گه‌ل حوكمه‌تا به‌غدا ب مه‌ره‌ما ده‌ستپێكرنا دانوستاندنێ بۆ چاره‌كرنا ناكۆكيان دكه‌ت ودووپات دكه‌ت كو بريتانيا هه‌مان ئاراسته ل سه‌ر بزاڤێن برده‌وام دي هه‌بيت.
ژلايێ خوه‌ڤه نێچيرڤان بارزانى سه‌رۆك وه‌زيرێن هه‌رێمێ، سۆپاسيا وه‌زيرێ ده‌رڤه‌يێ بريتانيا كر وراگه‌هاند، هه‌رێما كوردستانێ به‌رده‌وام بزاڤ كريه كو ناكۆكى ب رێيا ديالۆكێ بهێنه چاره‌كرن ، داخواز ژ دۆستێن هه‌رێمێ دكه‌م دبزاڤێن به‌رده‌وامدا بن بۆ خوه‌شكرنا ده‌ليڤا ديالۆكێ دناڤبه‌را هه‌ولێرێ وبه‌غدا.
ئەڤرۆ نیۆز ، زنار تۆڤی:
یان كۆبیچ هنارتیێ نه‌ته‌وهێن ئێکگرتی بۆ عێراقێ (یۆنامى)، ل ده‌ستپێكدا ئاخفتنێن خۆدا ل به‌رده‌م ئه‌نجومه‌نێ ئاسایشا نێڤده‌وله‌تى،دەر‌باره‌ى شەرێ ل دژی داعش راگه‌هاند:ب شیانێن هێزێن پێشمه‌رگەی و هێزهێن عێراقی و حەشدا شه‌عبى شیان وێ سەرکەفتنێ تۆمار بکەن،ئاماژه ب هندێ دا کو ل وی جه‌نگیدا قوربانیێن زۆر هاتنەدان،ب تایبه‌ت ل كوردستانێ كو گەلەک خۆبه‌خش شه‌هید بوون،هه‌روه‌سا گەلەک هاریکاری پێشکێشی ئاواران كرینە.
هه‌روه‌سا گوت ژی: دڤێت عێراق رێکێ خۆش بكەت،کو ئاواره ڤەگەرنە سەر جهێن خۆ،هه‌روه‌سا پێكهاتان ژی بپارێزیت، پێدڤیە ئه‌و تائیفیەتا ل عێراقێ هەی ژی نەمینیت،هەروەسا دیارکر،نوکە (عێراق) یا جۆرە ئارامیەکێ ب خۆڤە دبینیت، به‌لێ هێشتا كۆمه‌کا پرسان ماینە، ژ وان ژی ئه‌و گرژیێن دناڤبەرا هه‌ولێر و به‌غدا هه‌ین،کو هه‌ردولا نه‌رازی بوون هه‌یه ل سه‌ر جێبه‌جێنه‌كرنا ماددێن د‌ستوری و گوت ژی:هه‌رێما كوردستانێ ل 25 ئیلۆنا 2017 ریفراندۆم كر، كو دەڤەرێن كێشه ل سه‌ر ژی ڤەگرتینه.
د به‌رامبه‌ر دا، حوکمه‌تا عێراقا فیدرال، كۆمه‌کا رێكاران گرتینە به‌ر،ژ وان ژی داخستنا فرۆكخانا و ده‌ستگرتن ب سه‌ر ده‌روازهێن سنووری، گوت ژی: ل 16 ئۆكتۆبه‌رێ ئۆپه‌راسیۆنەکا سه‌ربازی هاتە ئه‌نجام دان و هێزێن عێراق و حه‌شدا شه‌عبى ده‌ست به سه‌ر چه‌ند دەڤەران دا گرت،کو پێشتر ل دەمێ داگیركاریا داعشێ ل سالا 2014، ئه‌و دەڤەرە ل ژێر ده‌ستێ پێشمه‌رگێ كوردستانێ دابوون،هەروەسا ب ئەگەرێ وێ ئۆپه‌راسیۆنا سه‌ربازی،ئاکنجیێن كورد یێن وان دەڤەران ئاواره بوون،دڤی واری دا (یۆنامى) راپۆرتەك ل سه‌ر وی دۆخی بەلاڤكریەه، کو ئاواره‌بوونا كوردان تێدایه، هندەک جاران رەفتارێن حوکمه‌تا فیدرال وە كریه،کو كورد نه‌شێن ڤەگەرنە سەر جهێن خۆ، گوت ژی:مە داخواز کریە ڤەکۆلین بهێنەکرن و لێپرسین بهێنە ئەنجامدان سەبارەت ئەگەرێن دروستبوونا گرژى و ئاڵۆزیان.
گوت ژی:په‌یاما مە یا روونه،دڤێت كیشه ب دیالۆگێ بهێنە چاره‌سه‌ر کرن و دڤێت ل دووڤ د‌ستوری مافێ هه‌رێما كوردستانێ و كوردان ڤەگەریت.
ئەو ژی گوت:پێدڤیە هه‌ول بهێتەدان کو ب تنێ هێزێن فیدرالی ل دەڤەرێن كێشه ل سه‌ر بهێنە دانان، پێدڤیە ب زووترین دەم گه‌شتێن نێڤده‌ولە‌تی بهێنە ڤەکرن،ئەم ل گه‌ل نوونەرێن حوکمه‌تێ كار دكه‌ین بۆ هندێ دانۆستاندنا ل سەر كێشێن دیتر بكه‌ین و چاره‌سه‌ر بكه‌ین،ژ وان ژی بودجه و مووچێ فه‌رمانبه‌رێن هه‌رێما كوردستانێ.
نيشاندان