ئهڤرۆ نيوز:
ئهڤ شهڤه ل سـەر رێكا سـەرەكيا سێمێلێ د رويدانەكا ژ جورێ لێکدان دا شوفێرەکێ 35سالی گیانێ خو ژ دەستدا کو نوشدارە ل نەخوشخانا سێمێلێ.
نوشدارەکی گیانێ خوه ژ دەست دا
نووترين نووچه
- سەرەدانا مەسرور بارزانی د دەمەكێ هەستیار و گرنگ دا هاتە ئەنجامدان
- سوپاسییا هاریكارییا حوكمەت و گەلێ كووریا دكەین
- دیدارێن دیپلۆماسی ل ئورۆپا بۆ پاراستنا هەرێمێ و چارەسەركرنا كێشەیان ل گەل بەغدا هاتنە ئەنجامدان
- رۆژنامەیا ئەلشەرق ئەلئەوسەت: عەلی ئەلزەیدی تووشی بەربەستەكا مەزن بوویە
- مەحموود ئێزدی: پێدڤییە حوكمەتا نوو یا ئیراقێ دەست ب پێنگاڤێن بجهئینانا رێككەفتنا شنگالێ بكەت
- بۆ چارەسەرکرنا ئاریشەیان ل گەل شامێ رێککەفتینە
- شرۆڤەكارەكا سیاسی: دیپلۆماسییا نەرم یا نێچیرڤان بارزانی، كلیلا چارەسەركرنا ئاریشەیێن هەولێر و بەغدایێ یە
- فەرهاد ئەترووشی: بۆ بەرژەوەندییا گشتی دێ پشكداریێ د دەنگدانێ بۆ كابینەیا عەلی ئەلزەیدی دا كەین
- پەرلەمانتارەك: پارتی سێ پۆستێن بلند د كابینەیا عەلی ئەلزەیدی دا دێ وەرگریت
- مەسرور بارزانی و ئەردۆغانی نەخشەیێ پاشەڕۆژا پەیوەندییان و ئاسایشا دەڤەرێ گەنگەشەكر
سهرهكى نووترين نووچه
فهیسبۆك و ئنستگرامی ئهكاونتێن سهرۆكهكی بلۆك كرن
ئهڤرۆ نیوز:
ههردو كۆمپانیێن تۆرێن جڤاكی یێن ئسنتگرامێ و فهیسبۆكێ ئهكاونتێن فهرمی یێن رهمهزان كادیرۆڤ، سهرۆكێ ههرێما چیچانێ ل رۆسیا بلۆك كرن.
جهماوهرێ كادیرۆڤ ئهڤرۆ نهشییان ب چ رهنگان ئهكاونتێن وی ڤهكهن و ببینن و ناڤهاتی بخوه ژی نهشیا كار پێ بكهت، ل گۆری زانیاریێن رۆسیا گرتنا ئهكاونتێن وی گرێدایی سزایێن ئهمریكا یه سهر بهرپرسێن رۆسیا.
سهرۆكێ چیچانێ گۆت: فهیسبۆك و ئنستگرامی خوه ب دهزگههێن سهربخوه ددهنه زانین و خوه دووری ئیدارا ئهمریكا دبینن لێ ئهڤ گاڤا وان بهرۆڤاژی دیار دكهت و ئێدی باوهرییا خهلكی ب وان نامینیت.
كادیرۆڤێ چیچانی وهك كهسهكێ نێزیكی ڤلادیمێر پۆتین، سهرۆكێ رۆسیا دهێته ل قهلهمدان.
دڤێ ههفتيێ دا مووچێن خانهنشينێن نهقانوونى وپلێن تايبهت دێ هێنه برين
ئهڤرۆنيوز:
سهرۆكاتيا داواكاريا گشتى ل ههرێما كوردستانێ راگههاند، دڤێ ههفتيێ دا ب قانوونهكێ دێ ههموو خانهنشينيێن پله بلند يێن نهقانوونى ويێن دى ل پهرلهمانێ كوردستانێ هێنه ههلوهشاندن.
بۆتان بهكر سكرتێرێ دهستهيا مافێ گشتى ل سهرۆكاتيا داواكارێ گشتى دبهياننامهكێ دا، گۆت ژى” برينا وان مووچێن نهقانوونى دێ بيته هۆكارهك كو پارهكێ ئێكجار مهزن ڤهگهريته گهنجينێن حوكمهتێ ب پشتهڤانيا راستهوخوه يا سهرۆك وهزيرێن ههرێما كوردستانێ”.
رۆژناما شهرقولئهوسهت: هێزهكا ئهمريكى ل ههولێرێ دهێته جهگيركرن
ئهڤرۆنيوز:
ژێدهرهكى عيراقى بۆ رۆژناما شهرقولئهوسهت راگههاند، هێزهكا ئهمريكى بهرۆڤاژى خواستا حوكمهتا بهغدا ل ههولێرێ هاته جهگيركرن.
رۆژناما شهرقولئهوسهت بهلاڤكر، ژێدهرهكێ عيراقێ پێ راگههانديه كو هژمارهكا هێزێن ئهمريكى بێ خواستا حوكمهتا عيراقێ ل ههولێرێ جهگيربوون.
ل دووڤ وى دهنگوباسى، هێزێن ئهمريكى ل چهندين دهڤهران وهكو (عهين ئهسهد) ل ئهنبار و(گهياره) ل نهينهوا ول ههولێرێ ژى يێن جهگير بووين، ڤى ژێدهرى عيراقى دياركريه ژى كو بريار ئهوبووهێزێن ئهمريكى پشتى ئوپهراسيۆنهكێ ل عيراقێ بن وچهند سهد سهربازبن.
بهحس ل وێ چهندێ ژهى كر كو سهرۆك وهزيرێن عيراقێ(حهيدهر عهبادى) رازى بوو ب ئوپهراسيۆنا تايبهت يا هێزا ئهمريكى ل عيراقێ ومۆلهت دايێ، بهلێ نوكه بهحس ل وێ دهێته كرن كو ئهو هێزێن ئهمريكى بۆ كارێ راوێژكاريێ يێن چووينه ههولێرێ.
رۆژناما ناڤبرى ژزارێ (جاسم محهمهد جهعفهر) نوونهرێ ههڤپهيمانيا دهولهتا قانوونێ وكهسايهتيێ نێزيك ژ عهبادى، بهلاڤكر” رێككهفتنهكا چار قۆلى دناڤبهرا ئيران، ئهمريكا، توركيا وروسيا يا ههى وبريار ئهوه ئهڤ وهلاته هێزێن خوه ژسووريێ وعيراقێ ڤهكێشن وتنێ هێزێن راوێژكار بمينن”.
گۆت ژى” ئهڤ رێككهفتنه ل چهند رۆژێن داهاتى دێ هێته بجهئينان، بهلێ دبيت ژئهگهرێ گوهۆرينێن ڤێ دووماهيێ ل ههرێما كوردستانێ، هژمارهكا هێزێن ئهمريكى ل ههولێرێ بهێته جهگيركرن”.
رۆژنامهكا توركى بۆ وهزيرێ دهرڤهيێ ئيماراتێ: ئهدهب سز
ئهرۆنيوز:
رۆژنامێن توركيا، دوهى ئهينيێ، رهخنێن توند ئاراستهى وهزيرێ دهرڤهيێ ئيماراتى”عهبدوللا كورێ زايدى” كرن، پشتى وى دتويتهرى دا بهحسێ فهخرهدين پاشا دووماهى واليێ عوسمانى ل سهر باژێرێ (مهدينه) يێ سعودى كرى.
رۆژناما “حوريهت” يا توركى دبهرپهرێ خوهيێ ئێكێ دا وێنهكێ سهرۆكێ توركيا رهجهب تهيب ئهردۆگانى بهلاڤكريه كو تێدا يێ تورهيه ژ وهزيرێ ئيماراتى ورۆژنامێ دبن وێنهى دا نڤيسى يه” فهرماندێ عوسمانى فهخرهدين پاشاى ئهمانهتێن دبن دهستێ خوه ڤه وهكو چاڤێن خوه دپاراستن”.
رۆژناما “پۆستا” يا توركى وێنهكێ مهزن يێ وهزيرێ دهرڤهيێ ئيماراتى بهلاڤكر ول سهر وێنهى نڤيسى ( بێ تهربيهت) ورۆژنامێ پرسياركر ” كورێ زايدى دزانيت فهخرهدين پاشا كى يه ورامانا ئاخڤتنا خوه دزانيت؟”.
رۆژناما”توركيا ئهڤرۆ” ل بهرپهرێ خوهيێ ئێكێ بهحسێ تێكچوونا پهيوهنديێن توركيا وئيماراتێ كرن ل سهر وان ريزكێن وهزيرێ ئيماراتى ل تويتهرى بهلاڤكرين وئاخڤتنێن ئهردۆگانى بهلاڤكرينه دهمێ بهرسڤا وهزيرێ ئيماراتى داى وگۆتى” دهما مه باژير دپاراست، باپيرێ ته ل كيرێ بوو ههى خوليسهرێ بێ بهخت؟”.
رۆژناما “غونيش” ئاخڤتنا ئهردۆگانى بۆ كورێ زايدى بهلاڤكر دهمێ گۆتيێ “ل حهدێ خوه راوهسته .. ئهم دزانين هوون پلانان بۆ چ ددانن”.
رۆژناما”خهبهر تورك” ل بهپهرێ خوهيێ ئێكێ ئاماژه ب گۆتارا ديرۆكنڤيسێ توركى “موراد بردكجى” كر دهمێ نڤيسينا كورێ زايدى ب ” كێم تهربيهتێ” هژمارتى وب رامانا توركى “ئهدهب سز” .
دووماهى كارڤهدانا توركى ل سهر ئاخڤتنێن وهزيرێ دهرڤهيێ ئيماراتى ژلايێ باژێرڤانيا ئهنقهره هاته هاڤێتن دهمێ ناڤێ جادا باليۆزخانا ئيماراتى ل ئهنقهره گوهارتى وكريه (جادا فهخرهدين پاشا).
ل دۆر ڤهكێشانێ يان مانێ دناڤ حوكمهتێدا ئێكگرتوو 6 دهمژمێره دكۆمبوونێ دا
ئهڤرۆنيوز:
ل دۆر پرسا خوهڤهكێشانێ يان مانێ دناڤ حوكمهتا ههرێما كوردستانێ دا، جڤاتا سهركردايهتيا ئێكگرتوو ئيسلامى كوردستان ب سهرپهرشتيا سهلاحهدين محهمهد بههائهدين ئهميندارێ گشتيێ ئێكگرتووى يا دكۆمبوونێ دا.
ل دووڤ پێزانينێن ئهڤرۆنيوز ب دهستخوه خستين، جڤاتا سهركردايهتيا ئێكگرتوو ل سڵێمانيێ دێ داخوازا ڤهكێشانێ كهت، بهلێ جڤاتا سهركردايهتيا دهۆكێ دێ داخوازا چارهكا ناڤين دناڤبهرا خوهڤهكێشانێ ومانێ دناڤ حوكمهتێ دا كهت.
دەستکاری د مووچێ پێشمهرگهی دا ناهێتەکرن
ئەڤرۆ نیۆز،زنار تۆڤی:
ئۆمێد خۆشناو ئەندامێ پەرلەمانێ کوردستانێ ل سەر تۆرا جڤاکی یا فێسبووکێ دا دیارکریە،کو ئەڤە چهند رۆژن دهنگۆیێ دهستکاریکرنێ د مووچێ پێشمهرگێ قارهمانێن کوردستانێ دا ههیە.
رۆژانه دهربارهی ڤێ پرسێ چهندین پهیوهندی ههبوون،ههروسا مە ل فراکسیۆنا پارتی ب بهردهوامی ل گهل دهستگەهێن پهیوهندار ل سهر هێلێ بووین و مە دووڤچوون دکر.
ب خۆشحالیڤە نوکە ژێدەرەکێ بریار ب دهست و پهیوهنداری یێ حکومی ئەم دلنیاکرینه کو ب هیچ شێوهیهکێ دەستکاری د مووچێ پێشمهرگەیدا ناهێتە کرن و ل دەمەکێ نێزیک دێ دهست ب دابهشکرنێ هێته کرن.
ب تنێ ئهوێ دهستکاری تێدا دهێتە کرن،کۆژمەکێ کێم یێ مووچێ پله دارانە.
لەورا ئەم ژ فراکسیۆنا پارتی تهئکید دکهین،کو ئەم ل گهل پێنگاڤێن پڕۆسا چاکسازی وپێداچوونێینه بۆ مووچێ فهرمانبهران وچاککرنا بژێوا ژیانا وەلاتیێن کوردستانێ،ههروهسا ب ههموو شێوهیهکێ پشتەڤانیێ ل پێنگاڤێن حوکمهتا ههرێما کوردستانێ دکهین بۆ دهربازبوون ژڤی دۆخێ نە نهخواستی و مە باوەری ب چارهسهری وچاکبوون و دهربازبوون ژ ڤی دۆخێ دەمکی ههیه.
ههلبهت ئەم پشتەڤان وپشگیریا داخوازیێن پێشمهرگهینە،کو هێمایێ مانێ بهرەڤانیێ ژ کوردستانێ بووین و دێبین.
ب وێنە و ڤیدیۆ ..خوهشیا خوە ب زيانێ ب خودانکرنا بالندەیان دبینیت
ئەڤرۆ نیوز ، نەوزاد ھلۆری:
وەلاتيەکێ شێلادزێ دهمێ چەندین سالایە زێدەتر ژ ١٠ جۆرێن بالندەیا دمالا خوە دا ب خودان دکەت و وەکو دیاردكهت زێدەباری کو مەزاختنێن مهزن، خودانکرنا بالندەیان ژلایێ وی ڤه ب تنێ بۆ خوهشيێ يه و ھەردەم ژی يێ زيانداره.
شەمسەدین دۆسکی، بۆ ئەڤرۆ نیوز گۆت” چەندین سالە وەکو خوهشی و زەوق ئەز د مالا خودا زێدتری ١٠ جۆرێن بالندەیان ب خودان دکەم و زێدەباری کو مەزاختنێن مهزن ژی ل وان دکەم، بەلێ مەرەما من ژێ زەوق و خوهشی يە و چو دینارەک ژی ناگەھیتە من، بەلکو بەرامبەر خودانکرنا وان ئەز زياندار دبم”.
زێدەتر گۆت”من ل مال تاوس ، کەو، مریشک ، عەلۆک ، کوتر ، بەبەغا و چەند جۆرەکێن دى یێن بالندەیان يێن ههين و ھندەک ژ وان ھەتا 600 دۆلاران دکرم ، بەلێ گورانکاریێن وەرزێ سالێ هندهك جاران دبیتە ئهگهرکو ئەو بالندە بمرن”.
بەغدا دێ سلفەكێ بۆ كوردستانێ هنێریت
ئەڤرۆ نیۆز، سالار دۆسكی:
سەرۆكێ فراكسیۆنا كۆمەلا ئیسلامی ل جڤاتا نوونهرێن عیراقێ ئاشكراكر كو بهحسێ هنارتنا سلفەكێ بۆ هەرێما كوردستانێ ژلایێ حوكمەتا عیراقێ ڤە يێ ههى.
زانا رۆستاىی، سەرۆكێ فراكسيۆنا كۆمەلا ئیسلامی كوردستان ل جڤاتا نوونهرێن عیراقێ بۆ ئەڤرۆ نیۆز گۆت” نوكە هژمارەكا سیاسی و رۆژنامەڤان و كەسايهتيێن رەوشەنبیر و ئەكادیمی ل بەغدا ل گەل هەرێما كوردستانێ نە ويێ گڤاشتنێ ل سەر سەرۆك وەزیرێن عیراقێ دكەن كو سلفەكێ بۆ هەرێما كوردستانێ ڤرێكەت، دیسا هەمان كەسان دیاركريه كو دڤێت عەبادی دەستهەلاتێن خوە بجهبینت وچو جوداهی دناڤبەرا فەرمانبەرێن كوردستانێ و بەغدا دا نینە”.
زانا رۆستايی ئەو ژی گۆت”ئەو نابیتە بهانه عەبادی بێژیت لیستا مووچێن كوردستانێ گەندەلی تێدایە، لیستا مووچێن هەموو عیراقێ گەندەلی يا تێدا، هندەك وەزارەتان (10) هزار فەرمانبەر دڤێن، بهلێ (13) هزار يێن دامەزراندین، حەشدا شەعبی هەر چ تشتهكێ دروست د لیستا مووچێن واندا نینە و كێشە گەلەك تێدا هەنە”.
دياركر” خوهپیشاندانێن سلێمانیێ كارتێكرن ل هەموو گەلێ عیراقێ كریە و نوكە گڤاشتن ل سەر عەبادی زێدەبووینە كو سلفەكێ بۆ هەرێما كوردستانێ رەوانە بكەت، چونكى مافێ فەرمانبەرانە ل سەر دەولەتێ و چ جوداهيا فەرمانبەرێن كوردستانێ ل گەل يێن بەغدا نینە”.
سوباهى دێ مووچێن ڤان جهان هێنه بهلاڤكرن
ئهڤرۆنيوز:
پشتى وهزارهتا دارايى بريارداى سوباهى ئێكشهمبى 24/12/2017 كو بێهنڤهدانا فهرمى يه، بهنك دڤهكرى بن ل ههرێمێ بۆ بهلاڤكرنا مووچێ وان جهێن بهلاڤكرنا مووچێن وان دكهڤيته درۆژا ئێكشهمبى دا. سوباهى دێ مووچێ چهندين جهان هێته بهلاڤكرن.
ديدار عوسمان رێڤهبهرێ پهيوهنديان ودارايى ل بهنكێن بازرگانيێن ههرێمێ بۆ باسنيوز گۆت” ههموو بهنك يێن هاتينه ئاگههداركرن كو سوباهى دڤهكرى بن”.
ل دووڤ وهزارهتا دارايى ل ههرێما كوردستانێ، رۆژا ئێكشهمبى 24/12/2017 مووچێن كهسوكارێن شههيدان وئهنفالكريان وزيندانيێن سياسى ومووچێ ههيڤا (9) يێ ڤان جهان دێ هێته بهلاڤكرن:
- وەزارەتا دارایی و ئابووری
- وەزارەتا شەھیدان و ئەنفالکريان
- وەزارەتا پلاندانان
- دیوانا چاڤدێريا دارایی
- مافێ مرۆڤ
- دهڤهرێن کوردستانی يێن دهرڤهى ئیدارهيا ھەرێمێ
- دەستەیا ژینگەهێ
- دەستەیا وەبەرھێنانێ
- دەستەیا دەستپاكيێ
- کۆمسیۆنا بلند يا ھەڵبژاردن وراپرسيان
نيشاندان
WP Facebook Auto Publish Powered By : XYZScripts.com