ئهڤرۆ نيوز:
سهرۆك وهزێرێن عيراقێ بڕيار دا وهزيرێ كار و كاروبارێن جڤاكى ب رهنگهكێ دهمكى دێ وهزارهتا بازرگانى يا عيراقێ ب رێڤه بهت كو مهلاس محهمهد عهبدولكهريم وهزيرێ وێ وهزارهتێ يه.
ب گۆرهيى فهرمانهكا ديوانێ كو ئيمزايا د. مههدى عهلاق، رێڤهبهرێ نڤيسينگهها سهرۆك وهزيرانه ل 22ى ئيلۆنێ ئيمزا كريه، محهمهد شهياع سودانى، وهزيرێ كار و كاروبارێن جڤاكى هاتيه راسپاردن بۆ ب رێڤهبرنا وهزارهتا بارزگانى.
پێشتر ميديايێن عيراقێ نووچێ وێ چهندێ بهلاڤكربوو كو ژمارهكا زێرهڤانێن وهزيرێ بازرگانى ژ لايێ كاميرێن چاڤدێريێ ڤه ل دهمێ دانانا بۆمبێن چاندى ب ترۆمبێلا ميدياكار نازم نهعيم هاتينه وێنهكرن.
پاشان ئهو زێرهڤان هاتينه دهستهسهركرن و ڤهكۆلين ل گهل هاتيه كرن، بهلێ ههتا نوكه داخۆيانيا فهرمى د وێ دهربارێ دا ژ لايێ وهزيرێ بازرگانى ڤه نههاتيه دهركرن.
مهلاس محهمهد عهبدولكهريم ژ نهتهوێ كورده و سهر ب ليستا عيراقيه يا نهتهوى ڤه پۆستێ وهزيرێ بازرگانى ل حوكمهتا عهبادى وهرگرتيه.
ئهڤرۆ نيوز، نيوار محهمهد سهليم:
رێڤهبهريا گشتى يا ساخلهميا پارێزگهها دهۆكێ راگههاند كو د رۆژانێن جهژنێ دا نێزيكى 15 هزار كهسان سهرهدانا نهخۆشخانێن دهۆكێ كريه و ژ ئهگهرێ روون و نهخۆشيان ژى نێزيكى 30 كهسان گيانێ خوه ژ دهست دايه.
حهمزه رهزيكى بهرپرسێ راگههاندنێ ل رێڤهبهريا گشتى يا ساخلهميا پارێزگهها دهۆكێ د پرێسكۆنفرانسهكى دا ل رێڤهبهريا گشتيا ساخلهميا پارێزگهها دهۆكێ راگههاند كو د رۆژانێن جهژنێ دا، 14 هزار و 631 كهسان سهرهدانا نهخۆشخانێن پارێزگهها دهۆكێ يه.
زێدهتر گۆت: “ههر د رۆژانێن جهژنێ دا، 628 كهس ژ دايك بووينه و ژ وان ژى 311 كوڕ و 317 كچ بووينه”، دا زانين ژى كو بهرامبهر وێ 17 كهس ژ ئهگهرێ نهخۆشيان و 12 كهس ژى ب ژ ئهگهرێ روودانان مرينه و گۆت: “سهرجهمێ گشتى يێ كهسانێن گيانێ خوه ژ دهست داين، 29 كهس بووينه”.
بهرپرسێ راگههاندنێ ل رێڤهبهريا گشتى يا ساخلهميا پارێزگهها دهۆكێ ئاماژه ب وێ چهندێ ژى كر كو پتريا ئهو روودانێن هاتينه تۆماركرن ژ ئهگهرێ ترۆمبێلێ بووينه كو ئهو روودانێن ترۆمبێلا يێن ل دهزگههێن ساخلهميێ هاتينه تۆماركرن 39 روودان بووينه و ژ وان ژى سێ كهسان گيانێ خوه ژ دهست دايه.
رهزيكى دا زانين ژى كو 56 روودانێن سۆتنێ ژى پهيدا بووينه و ژ وان ب تنێ چار ل نهخۆشخانێ هاتينه نڤاندن و كچهكا 26 سالى ژ ئهگهرێ رێژا زێده يا سۆتنێ گيانێ خوه ژ دهست دايه كو 95% بوو.
ئهڤرۆ نیوز:
ئاژانسا دهنگوباسێن دوغان بهلاڤ كر د ههوهكا پولیسێن توركیا دا بۆ سهر ژمارهكا راگههاندكارێن كوردى، ل باژێرێن جودا جودا یێن توركیا، 32 راگههاندكارێن كورد گرتن.
ئاژانسا دهنگوباسێن دوغان ئاماژه ب وێ یهكێ ژى كریه كو ههیاما چهند حهفتیانه راگههاندكارێن كورد ل توركیا دهێنه گرتن ب بههانا وێ یهكێ كو پروپاكندێ بۆ بهرژهوهندیێن پهكهكێ دكهن.
ئهڤرۆ نیوز:
دوهى د چارچوڤێ كومبوونا نهتهوێن یهكگرتى، ئوباما و ڤلادیمیر پوتین كومبوونهكا دو قولى ئهنجامدان.
د كومبوونێ دا ئوباما یێ سهرۆكێ ئهمریكا و پوتنێ سهرۆكێ رووسیا رێككهفتن كو ل داهاتى چهند دانوستاندنێن دى ژى ئهنجام بدهن سهبارهت پروسێن سهربازى یێن ههردو وهلاتان ل سوریێ دژى داعش ههتا كو ل بهر ئێك نهكهڤن، ههروهسا رێكهفتن رێكه چارهكا سیاسى ببینن بۆ قهیرانا سوریا، بهلێ سهبارهت چارهنڤیسێ بشار ئهسهد سهرۆكێ سوریا نهگههشتنه چ رێككهفتنا.
ئهڤرۆ نیوز: ڤهدهر رهشاڤایی:
ئاژانسا ناسا د پرێسكۆنفرانسهكی دا ڤهدیتنا ئاڤا شل ل سهر ههسارا مهریخێ راگههاند، ئهڤ یهكه ژی وهسا نیشامن ددهت كو ئهو ههساره دێ بكێر ژیانێ هێت.
چهندین زانایێن ئهمریكی پشتی چهندین لێكۆلین و دووڤچوونان بۆ دیار بوو كو ل بن تهخا بهستیێ ل مهریخێ ئاڤهكا سیر خوه دهلاڤێت كو پلا گهرماتیا وێ ژ یا مهریخێ بلندتره و لدهمێ دهرێژ دبیت كونێن تاری لدووڤ خوه دهێلیت، بڤێ یهكێ دهلیڤا ژیانێ ل مهریخێ زێدهتر دبیت.
ههروهسا پشتی گهشتیهكا ئهسمانی هاتیه هنارتن بۆ مهریخێ شوونوارێن دهریاچهكێ كو ئاڤا شرین و ژیانا بهكتریایی لێ ههبووينه هاتينه دیتن.
ئهڤرۆ نیوز: ڤهدهر رهشاڤایی:
باراك ئۆباما سهرۆكێ ئهمریكا د گۆتارا خوه دا ل نهتهوێن ئێكگرتی گۆت :ئهمریكا وانهكا گران فێربوویه ژ سهرهاتییا وێ ل ئیراقێ و دڤێت بهرهنگاری ههمی هزران بكهین یێن رێیێ ددهنه شهرێن مینا ئیراقێ.”
ههروهسا ناڤهاتی ئامادهییا وهلاتێ خوه دهربری ژ كاركرنێ لگهل رووسیا و ئیرانێ بؤ چارهسهركرنا قهیرانا سوریا لێ دیاركر ژی ههر چارهسهریا ههبیت دڤێت ژكارلادانا ئهسهد گهرهنتی بكهت.
ئهڤرۆ نیوز: ڤهدهر رهشاڤایی:
هێزێن پاراستنا گهل یهپهگێ پتری 20 تیرۆرستێن داعش ل رۆژههلاتا حهسهكێ نزیك گوندێ تل سهلمان كوشتن ، ژ نهچاری داعش خوه ژ وێ ناوچێ ڤهكێشا.
ئهڤه ددهمهكی دایه كو هێزێن یهپهگێ بزاڤێن خوه بۆ پاقژكرنا باژێرێ جهرابلوس ل رۆژئاڤایێ كۆبانێ لسهر رووبارێ فورات دهستپێكرینه، ئهو جهێ توركیا بزاڤێ دكهت ههرێما ئارام لێ چێكهت.
ئهڤرۆ نیوز: ڤهدهر رهشاڤایی:
فرۆكێن شهركهر یێن توركیا د نووترین هێرشێن خوه دا ل ههرێما كوردستانێ چهندین كۆگههێن چهكی یێن بنعهرد یێن پهكهكێ بۆمبهبارانكرن.
ژێدهرێ، لهشكهرێ توركی ئاشكرا كر كو فرۆكهیێن بێ فرۆكهڤان (İHAs) شیابوون وان جهان دهستنیشان بكهن یێن پهكهكه چهك و تهقهمهنیێ لێ ڤهدشێریت و لدووڤ دا فرۆكهیێن F-16 و F-4 2020 ئهو جهـ كرنه ئارمانج.
ئهڤرۆ نیوز: ڤهدهر رهشاڤایی:
پهیڤدارێ كۆمسیونا بلندا سهربخۆیا ههلبژارتن و راپرسیێ ل ههرێما كوردستانێ (شێروان زرار) راگههاند كو بۆ دهمێ دو رۆژانه داگرتنا فۆرمێن دامهزراندنێ ژ ئالیێ كۆمسیۆنێ ڤه هاتینه راگرتن، بریاره ژی سوبههی جڤاتا كۆمسیۆنێ كۆمببیت بۆ بریاردان لسهر وێ یهكێ كا ئهو دو رۆژ بهێنه قهرهبووكرن یان ژی داوی ب ژڤانێ پركرنا فۆرمان بهێـه دان، ژبهركو ئهڤرۆ داوی ژڤان بوو.
ههروهس ناڤهاتی گۆت كو ههیا نها لدووڤ زانیاریان 100 هزار كهسان فۆرم بۆ 535 پلهیێن دامهزراندنێ تژی كرنه.
نيشاندان