ئەڤرۆ نیوز:
لدووڤ ئامارێن نوو یێن وه‌زارتا ساخلەمیا هەرێمێ، د ٢٤ ده‌مژمێرێن بۆری دا ٣٧٢ کەس ب کۆرۆنایێ کەفتن و ١٧٦ نەخوەشێن کۆرۆنایێ ژی باش بوون.
لدووڤ وان ئاماران، دڤان 24 ده‌مژمێران دا ١٢ پێکەتیێن کۆرۆنایێ ژیانا خوە ژ ده‌ست دا.
ب ڤی رەنگی، ھژمارا وان کەسێن ھەتا نوكه ل ھەرێما کوردستانێ ب کۆرۆنایێ کەفتین، گه‌ھشتیە ٩٨ ھزار و ٨٥٨ کەسان، دیسان ٦٢ ھزار و ٤٦٤ کەس ژ وان باش بووینە و سێ ھزار و ٢٣٤ کەسان ژی ژیانا خوە ژ ده‌ستدایه.
ئەڤرۆ نیوز:
وەزارەتا دەرڤەیا ئیراقێ ڕاگەھاند، پاپایێ ڤاتیکانێ ل ھەیڤا ئادارا بھێت دێ سەرەدانا عیراقێ کەت.
ئەڤرۆ وەزارەتا دەرڤەیا عیراقێ ل سەر مالپەرێ فەرمیێ وەزارەتێ بەلاڤکر، ب خۆش حالیڤە ڕادگەھینین کو پاپایێ ڤاتیکان پاپا فەرەنسیس پاپایێ کەنیسا کاسولویکی ل پێنجی ھەتا ٨ ھەیڤا ئادارێ سالا ٢٠٢١ دێ سەرەدانا عیراقێ کەت.
وەزارەتا دەرڤە عیراقێ ھەروەسا دیارکر سەرەدانا پاپای بۆ عیراقێ بۆ وەلاتێ رافیدەین ئاخا ھنارتنا پێغەمبەران ، وەلاتێ ئوور و ئبراھیم پێغەمبەری، روودانەکا دیرۆکی یە و پشتەڤانیە بۆ ھەموو ئیراقێ ب ھەموو پێکھاتێن خۆڤە.
وەزارەتا دەرڤەیا عیراقێ ھەروەسا دبێژیت، سەرەدانا پاپای پەیاما ئاشتیێ یە بۆ عیراقێ و دەڤەرێ ھەمیێ کو داکۆکیێ ل سەر ئێکگرتنا ھەلویستی مرۆڤاتیی د بەرھنگاربوونا توندڕەوی و ململانێ دکەت، ھەڤدەم داکۆکیێ ل سەر فرە پێکھاتەتیی و لێبورین و پێکڤەژیانێ ب ھێز دکەت.
ل سالا ٢٠١٩ ھاتبوو ڕگەھاندن کو پاپایێ ڤاتیکان لبەرە سەرەدانا عیراقێ بکەت، بەلێ ئەو سەرەدانە نەھاتە ئەنجامدان، لەوڕا چاڤەڕێ دھێتە کرن ئێکەم سەرەدانا پاپای بۆ دەرڤەی ڤاتیکانێ سەرەدانا عیراقێ بیتن.
ئەڤرۆ نیوز:
جڤاتا عەرەبێن کەرکووکێ پارێزگارێ نەشەرعی یێ سەپاندی ڕاکان جبوری کریە نوونەرێ خۆ ل کەرکووکێ ل گەل شاندەکێ مەلبەندێ ئێکەتیێ ل کەرکووکێ و سەرەدانا بەغدایێ کرینە و ل گەل سەرۆک کۆمارێ عیراقێ بەرھەم سالح کۆمبوون.
کۆمبوونا ل گەل سەرۆک کۆمارێ عیراقێ ل سەر ئازادکرنا پشکەکا دی یا تیرۆرستێن عەرەب ل زیندانێن سلێمانیێ ھاتیە کرن.
ل گۆڕ ڕاگەھاندنەکا جڤاتا عەرەبی ل کەرکووکێ، شاندێ جڤاتا عەرەبی سەرەدانا سەرۆک کوماری و چەندین داخوازی ل سەر وێ رێککەفتێ ھاتنە کرن.
ھەر لدووڤ وێ ڕاگەھاندنێ بڕیا ھاتیە دان بادەکا عەرەبێن دەستەسەرکری ل ھەرێما کوردستانێ بھێتە ئازراندن و چارەنڤیسێ وەان تیرۆرستان بھێتە ئاشکراکرن، د دەمەکی دا بەری نوکە ژی چەندین تیرۆرستێن داعشێ یێن زیندانکری ل سلێمانیێ رادەستی ڕاکان جبوری و عەرەبێن شوفینی یێن کەرکووکێ کربوون، و چەندین خالێن دیتر.
بۆ زاین ھەرپشتی چەند دەمژمێران ژ ڕاگەھاندنا وێ رێککەفتنێ، ھێزێن حەشدا شەعبی و لەشکرێ عیراقێ خەلکێ گوندێ پەلەکان یێ کوردان ل سنوورێ كه‌ركووكێ ئاگەھدارکرن، کو 24 دەژمێران دڤێت گوندێ ناڤبری چوول بکەن.
ئەڤرۆ نیوز:
پشتی سۆتنا بارەگایێن حزبێن سیاسی و بارەگایێ قائیمقامیێ و پۆلیسان، خونیشاندەران ھێرشکرنە سەر مالا قائیمقامێ باژێرێ سەیدسادق و ل گۆڕ دەنگۆباسیان مالا وی ھاتیە سۆتن.
ل گۆر گۆتنا کادرەکێ پارتی کو نەڤیایە ناڤێ خوە ئاشکرا بکەت دبێژیت، ھەموو ژۆرێن مالا قائیقامێ سەیدسادق ھاتینە سۆتن و چ تشتەک بوو نەمایە.
ھەروەسا ل گۆڕ ژێدەرێن ئاتگەھدار دناڤا خونیشادەران ل سەیدسادف ب کێمی ڤە دو کادرێن پارتی بریندار بووینە، و خەنیشادەرەک ژی ھاتیە بریندار کرن.
ل گەل خوەنیشادانێن سەیدسادق ل چەمچمال و انیە ژی خونیشادان دبەردەوامب، خونیشادەران ھێرش کرینە سەر بارەگایێ لقێ ١٩ یێ پارتی ل چەمچمال و بزاڤێن سۆتنا بارەگایێ ناڤبری ددەن، بەلێ ھەتا نوکە نەگەھشتینە بارەگایێ پارتی، ئەو ژی ب ئەگەرێ تەقەکرنا زێرەڤانێن بارەگایێ لقێ ١٩ دێ بوویە.
ئەڤرۆ نیوز:
وەزیرێ دەرڤەیێ ئیراقێ ڕاگەھاند، ئیراق بزاڤان دکەت وەک دەولەت کاری ل گەل ئیرانێ بکەت و مایتێکرنا د کاروبارێن ناڤخۆیا عیراقێ دا د بەرژەوەندیا ئیرانێ دا نینە.
فۆئاد حسێن وەزیرێ دەرڤەیێ ئیراقێ بۆ رۆژناما بیلادی یا بەحرینی ڕاگەھاند، عیراق و ئیران دو وەلاتێن ھەڤسووینە ددەمێ ھەبوونا ھەر دوبەرەکیەکێ دا ب ئاشکرایێ دانوستاندنَی دێ ل گەل ئیرانێ کەین، ب تایبەتی پشکەک ژوان پەیوەندی ب دەستێوەردانان ڤە ھەیە.
فوئاد حسێن ھەروەسا گۆت: د پرسێن ھەڤپشکدا ل گەل ئیرانێ دێ پێکڤە کار کەین، بۆ نموونە ئیران ل بەرھنگاربوونا ھێشا چەکدارێن داعشێ بۆ سەر عیراقێ ھاریکاریا مە کریە.
وەزیرێ دەرڤەیێ ئیراقێ ئەو چەندە ژی بەرچاڤکر، لاوازیا پڕانیا پێگەھێن دەولەتێ سەدەما بەلاڤ بوونا گەندەلیێ و پەیدا بوونا مافیایان بوویە، پلان و بزاڤێن کەتورای و سیاسی و رێکخستنێ ژی ھەنە، بۆ ئامادەکرنا بنەمایێن بەرھنگار بوونا وێ گەندەلیێ، ھەڤدەم سەرێ ١٠٠ سالایە عیراق د شەری دا دژیت، چ شەڕێ ناڤخۆیی یا یێن دەرەکی ل گەل ئیران و کویتێ زێدەباری شەڕێ تائیفەگەری ل پشتی سالا ٢٠٠٣.
وەزیری دەرڤەیێ عیراقێ ھەروەسا دیارکر، ھەتا نوکە ئیراق یا قەرێن شەڕێ ل گەل ئیرانێ ددەت، کو ب دوەمین شەڕێ درێژ پشتی شەڕێ جیھانی یێ دووێ دھێتە نیاسین کو بۆ ٨ سالان ڤەکێشایە.
ئەڤرۆ نیوز:
ژێدەرەکێ ئاگەھدار ڕاگەھاند خوەنیشاندەرەک ب کولەکا نەبەرنیاس ب قەزا چەمچەمال یا سەرب پارێزگەھا سلێمانێ ڤە ھاتە کوشتن، پشتی نەرازیبوون ب لدۆر گیروبوونا مووچێن فەرمانبەران پەیدابووین و بوویە سەدەما کارێن توندوتیژیێ و بەسرداگرتنا بارەگاێن حوکمە و حزبی ل وێ قەزایێ.
ژێدەرێ ئاگەھداری ھەروەسا ئاشکرکر، خونیشادەرێ ب گوللەیا نەبەرنیاس ھاتیە کوشتن ناڤێ وی ئەدەھم جمالە و تەمەن ٢٦ سالە و دەملدەست بۆ نەخوشخانا سلیمانیێ ھاتیە ڤەگوھاستن چونکی بریندار بوو پاشی ل سلێمانیێ گیانێ خۆ ژدەست دایە.
ھەروەسا خوەیاکر دو کەسێن دیتر ژی ھەر دخونشیادانێن ئەڤرۆ دا ل چەمچەمال بریندار بووینە، و ھێزێن ئێمناھیێ بۆ پاراستنا گیانێ خەلکێ و مال و بارەگایان ل ھەمی خالێن پێدڤی بەلاڤبووینە.
ئەڤرۆ نیوز:
لدووڤ دەنگوباسێن (BBC) یا عەرەبی، ٣٠٠ لەشکرێن بریتانی گەھشتنە کۆمارا مالی کو دکەڤیتە رۆژئاڤایێ کیشوەرێ ئەفریقیا، وەسا دھێتە دیارکرن رێکخراوا تیرۆرێ یا داعشێ ناڤەندێن بزاڤێن خۆ ژ رۆژھەلاتا ناڤین ڤەگوھاستیە دناڤ دلێ ئەفریقیا دا.
ئەو لەشکرێن بەریتانی یێن ل مالی ھاتینە بنەجھکرن دچارچۆڤێ ئۆپراسیۆنا بناڤێ (نیوکومب) یە و دێ بۆ دەمێ ٣ سالان بەراەدەم بیت، ئەو ٣٠٠ لەشکر گرۆپە ژ ھێزێن رەزنامێن جودا جودا یێن سەرب نەتەوەیێن ئێکگرتی ڤە کو ژ ١٥ ھزار لەشکری ل ژێر سەرکرادتیا وەلاتێ فەرەنسا پێکدھیتن، ئارمانج ژێ کونترۆلکرنا سەقامگیریا بیابانا مەزنە یا دھێتە بناڤکرن بناڤێ دەڤەرا کەناری.
ل گۆڕ دەنگوباسێن ئاماژەکرنا تیرۆرێ جیھانی یێن ل چریا دوێ یا بوری ھاتینە بەلاڤکرن، رێکخراوا تیرۆری یا داعشێ ناڤەندا سەنگا ھەبوونا خۆ ژ رۆژھەلاتا ناڤین ڤەگوھاستیە دلێ کیشوەرێ ئەفریقیا و ژێریا کیشوەرێ ئاسیا ب پلەکا کێمتر، چونکی دەڤەرا کەناری کریارێن توندێن کوشتنێ ب رێژا ٦٠% ژ سالێن بوری زێدەبووینە.
ئەڤرۆ نیوز:
پەیڤدارێ فڕاکسیۆنا پارتی دیموکراتی کوردستان ل بەغدا ب ئەگەرێ تووشبوونا ب ڤایرۆسێ کۆرۆنایێ ١٠ رۆژە ل نەخۆشخانێ و ل ژێر چاڤدێریا چڕ دایە.
کەسەکێ نێزیکی پەرلەمانتارێ خەلکێ دھوکێ دبێژیت، بەری ١٩ رۆژان پەرلەمانتار د. ئارام بالەتەیی ل بەغدایێ تووشی ڤایرۆسا کۆرۆنایێ بوویە، ھەتا نوکە ساخلەمیا وی بنەجە نەبوویە.
ھەر ژ دەستپێکا تووشبوونا پەرلەمنتارێ کورد خۆ دمالا خۆدا کرنتین کریە، و پشتی تێکچوونا رەوشا ساخلەمی یا وی بۆ نەخوشخانێ ھاتیە ڤەگوھاستن.
د. ئارام بالەتیی ل سالا ٣/١٠/١٩٧٩ ژ دایک بوویە و سالا ٢٠٠٧ باوەرناما دکتورایێ ل زانکۆیا نەوروز وەرگرتیە، و سالا ٢٠١٨ ل گەل فڕاکسیونا پارتی بوویە ئەندامێ جڤاتا نوونەرێن عیراقێ.
ئەڤرۆ نیوز:
سەرۆکێ بەنکا ناڤەندی یا ئیرانێ راگەهاند ژ بەر سزایێن کو ژ ئالیێ ئەمریکا ڤە ل سەر ئیرانێ هاتینە سەپاندن وەلاتێ وی نەشێت ڤاکسینێ کۆرۆنایێ بکڕیت و رێکخراوا ساخلەمیا جیهانی ژی ژ بەر سزایێ ئەمریکا هەموو داخوازیێن وان رەت کرینە.
عەبدولناسر هممەتی سەرۆکێ بەنکا ناڤەندی یا ئیرانێ راگەهاند کو پرانیا وەلاتێن جیهانێ دەست ب کڕینا ڤاکسینێ کۆرۆنایێ کرینە، لێ مخابن ژ بەر سزایێن ئەمریکا هەموو بزاڤێن وان بۆ کڕینا ڤاکسینێ کۆرۆنایێ هەتا نها بێی ئەنجام ماینە.
نيشاندان