ئه‌ڤرۆ نیوز:
پشكه‌ك ژ رێكخراوێن ژنان ل سلێمانیێ ب بریاره‌كا دادگه‌ها تاوانێن دهۆكێ دلگرانن ، كو دادگه‌هێ بریارا سزادانا هه‌تا هه‌تایى یا بكوژێ دونیایێ بۆ 10 سالان كێم كریه.
گرۆپێ ژنان، گرۆپه‌كێ سه‌ربخویه و به‌ره‌ڤانیێ ژ مافێ ژنان دكه‌ت، دێ نامه‌كا نه‌رازیبوونێ ئاراسته‌ى سه‌رۆكێ هه‌رێما كوردستانێ كه‌ن و دێ داخوازێ ژێ كه‌ن پێداچوون، د بڕیارا كه‌یسێ دونیایێ دا بهێته كرن.
بۆ پتر پێزانینان ل دۆر بابه‌تى، ڤى ده‌نگوباسێ ئه‌ڤرۆ نیوز بخوینن:
ئه‌ڤرۆ نيوز:
كچه‌كا ئمريكا ب ناڤێ كريستينا كراسه‌كێ ده‌هواتێ ل به‌ر خوه كر دا كو پشكدارى روونشتنه‌كا وێنه‌كرنێ ببيت ل سه‌ر داخوازا ئێك ژ هه‌ڤالێن خوه، پاشان بۆ كره سورپرايز و ئه‌و كراس يێ شه‌هيانا وێ بوو، هه‌ڤال و كه‌سوكارێن وێ ل جهێ كارى ل هيڤيێ بوون.
ئه‌ڤ ديمه‌نێن دبيت جاره‌كا دووباره نه‌بن، هه‌موو د تۆماركرى بوون، ئه‌و و هه‌ڤالێ خوه به‌ر ب دارا ژدايكبوونێ ڤه دچوون ل ئێك ژ جهێن بازرگانى ل باژێرێ بافورد ل ويلايه‌تا جورجيا يا ئه‌مريكى.
هه‌تا وى ده‌مى ئه‌وێ نه‌دزانى ئاهه‌نگا شه‌هيانا وێ يه، ده‌ما به‌ر ب دارا ژ دايكبوونێ دچوو، بابێ خوه ل وێرێ ديت و كۆمه‌كا گۆلان د ده‌ستى دابوو و دا به‌ر سينگێ خوه و گۆتێ كو ئه‌ڤرۆ رۆژا شه‌هيانا وێ يه، دايكا وێ ژى ل وێرێ ئاماده بوو و رۆندك ژ چاڤێن بووكێ هاتنه خوار.
پاشان كريستينايێ ده‌ستێ بابێ خوه گرت و چوون دا كو راده‌ستى هه‌ڤژينێ وێ برايان بكه‌ت، ئه‌وێ وه‌رگرتى و ژيانا هه‌ڤژينيا خوه راگه‌هاندى ل ناڤ جه‌ماوه‌ره‌كێ باش.
ئه‌ڤرۆ نيوز:
يارێكه‌رێن تيمه‌كا ته‌پا پێ ل ليگا سێ يا ئه‌لمانى ئه‌و ئۆتێلا توركى ل باژێرێ ئه‌نتاليا ب جهـ هێلا ئه‌وان 400 كچێن رۆسى به‌ريكانا شاهجوانا رۆسيا لێ ئه‌نجام ددا.
ئاخفتنكه‌رێ ب ناڤێ تيمێ راگه‌هاند كو ئه‌وان تيم ب تمامى ژى هه‌موو ئه‌نتاليا ڤه‌گوهاست پشتى نووچه‌يێ گه‌هشتنا 400 كچێن رۆسى بۆ به‌ريكانا شاهجوانا وى وه‌لاتى گه‌هشتيه گۆهێن وان.
ئه‌ڤى ئاخفتنكه‌رێ ب ناڤێ يانێ ل سه‌ر مالپه‌رێ تايبه‌ت ب يانا خوه دوسبۆرگ گۆت: “ژ به‌ر كو ئۆتێل يا گرتى بوو بۆ نمايشكه‌رێن رۆسى يێن دێ به‌ريكانێ ل سه‌ر شاهجوانا رۆسيا كه‌ن، 400 كچ د ئاماده نه، تيم دێ ئۆتێلێ ب جهـ هێليت”.
ل دووماهيێ ژى ئاماژه ب وێ چه‌ندێ كريه كو ئه‌وان دڤێت ياريكه‌ر د كه‌شه‌كێ ئارام دا بن ژ به‌ر قووناغا داهاتى يا ليگا وان.
ئه‌ڤرۆ نيوز:
كۆمبوونا ئێكه‌تى نشتيمانى كوردستان و بزاڤا گۆڕان ل مه‌كۆيا سه‌ره‌كى يا گۆڕان ل سلێمانيێ ب دووماهى هات و هه‌ردولا ته‌كست ل سه‌ر وێ چه‌ندێ كر كو دێ پۆستێن سياسى ل دووڤ دستكه‌فتنێ هه‌لبژارتنان ب لايه‌نێن دى ده‌ن.
له‌تيف شێخ عومه‌ر ئه‌ندامێ وه‌ڤدێ دانوستاندكارێ ئێكه‌تى نشتيمانى كوردستان د كۆنگره‌كێ رۆژنامه‌ڤانى دا راگه‌هاند كو هه‌ردولا ل سه‌ر وێ چه‌ندێ رێكه‌فتن پێدانا پۆستێن سياسى ل ئيدارا سلێمانيێ ب لايه‌نێن دى ب گۆره‌يى ده‌ستكه‌فتنێ هه‌لبژارتنان بيت.
ژ لايێ خوه ڤه، د. ئاكۆ حه‌مه‌كه‌ريم ئه‌ندامێ وه‌ڤدێ دانوستانكارێ گۆڕان گۆت: “هه‌ردو لا ته‌كست ل سه‌ر وێ چه‌ندێ كريه كو ب گۆره‌يى ده‌ستكه‌فتنێ هه‌لبژارتنان پۆستێن سياسى ب لايه‌نێن دى بده‌ن و هه‌كه ئێكه‌تى يان گۆڕان ئێك ژ وان پۆستان ل ده‌ف هه‌بيت، پێدڤيه ده‌ستبه‌رداريى وى پۆستى ببيت”.
ئه‌ڤرۆ نيوز:
رێڤه‌به‌ريا گشتيى يا كه‌شناسى و بيڤه‌له‌رێ ل هه‌رێما كوردستانێ راگه‌هاند كو ده‌مژمێر 10:49 ده‌قيقه‌يى سپده‌هيا ئه‌ڤرۆ رۆژا دوشه‌مبى بيڤه‌له‌رزه‌كێ ب پلا 3:4 ب گۆره‌يى پيڤه‌رێ ريخته‌ر كه‌ركووك و ده‌وروبه‌رێن وێ هژاندن، به‌لێ چو زيان نه‌بووينه.
ب گۆره‌يى نڤيسياره‌كێ كو دانه‌ك بۆ ئه‌ڤرۆ نيوز هنارتيه هاتيه: ل 19\1\2015 ده‌مژمێر 3:22 ده‌قيقه‌يى سپێدێ ب ده‌مێ هه‌ولێر، بيڤه‌له‌رزه‌ك ب 3.0 پله‌ب گۆره‌يى پيڤه‌رێ ريخته‌ر ل سنورێ پارێزگه‌ها كه‌ركووك ب دووراتيا 20 كيلۆمه‌تران ژ باژێركێ چه‌مچه‌مال و 46 كيلۆمه‌تران ژ دووراتيا سه‌نته‌رێ پارێزگه‌ها سلێمانيێ و ب كووراتيا 8 كيلۆمه‌تران روودا، بێ ى كو چو زيانه‌ك هه‌بيت”.
هه‌ر ئه‌ڤرۆ ل 19\1\2015 ده‌مژمێر 3:22 ده‌قيقه‌يى سپێدێ ب ده‌مێ هه‌ولێر، بيڤه‌له‌رزه‌كه‌كا دى ب 3.4 پله‌ب گۆره‌يى پيڤه‌رێ ريخته‌ر ل سنورێ پارێزگه‌ها كه‌ركووك ب دووراتيا 38 كيلۆمه‌تران ژ باژێركێ چه‌مچه‌مال و 31 كيلۆمه‌تران ژ دووراتيا سه‌نته‌رێ پارێزگه‌ها كه‌ركووك و ب كووراتيا 10 كيلۆمه‌تران دابوو و د وێ بيڤه‌له‌رزێ ژى دا چو زيانێن مادى و گيانى نه‌بوون.
ئه‌ڤرۆ نيوز:
نمايشكه‌را جلكان يا رۆسى ئيرينا شايك بۆ “Us Weekly” ته‌كست كر كو ئه‌و و يێ پرتۆگالى، كرستيانۆ رۆنالدۆ ستێرا يانا ريال مه‌دريد يا ئسپانى يێن ژێك جودا بووين.
شايك گۆت: “دشێم پشت راست كه‌م كو په‌يوه‌نديا من و كرستيانۆ رۆنالدۆيى يا ب دووماهى هاتى، ئه‌وا پێنج سالان ڤه‌كێشايى”. شايك يا 29 سالى دا زانين ژى كو ئه‌و چو پێزانينێن زێده‌تر ل دۆر ڤێ ژێكڤه‌بوونێ ناده‌ته دياركرن.
د هه‌مان ده‌م دا، كرستيانۆ رۆنالدۆ يێ ڤێ دووماهيێ ب ته‌پا زێرى يا سيێ هاتيه خه‌لاتكرن ژى نه‌يێ ئاماده بوو ل دۆر ڤێ ژێكڤه‌بوونێ چو داخۆيانيان بده‌ت.
ب گۆره‌يى راپۆرتێن رۆژنامه‌ڤانى، هه‌ردولا ل سه‌ر داخوازا رۆنالدۆيى ژێكڤه‌بووينه چونكو رۆنالدۆيێ 29 سالى ژ ئيرنا شايك خواست بوو ل ئاهه‌نگا ژ دايكبوونا 60 سالى يا دايكا وى ئاماده ببيت، به‌لێ ئه‌وێ ره‌تكربوو.
هه‌ر ئه‌ڤان ژێده‌ران ئه‌و ژى دا بوو زانين كو رۆنالدۆيى سه‌رێ سالێ ژى ب تنێ ل گه‌ل كوڕێ خوه كربوو، د هه‌مان ده‌م دا شايك ژى ژ به‌ر هه‌مان ئه‌گه‌ر پشكدارى ئاهه‌نگا خلاتكرنا ته‌پا زێرى نه‌ببوو، ئه‌وا ل دوشه‌مبيا بۆرى ل پايه‌تختێ سويسرا، زيۆرخ هاتيه ئه‌نجام دان، خوه شايك ل سه‌ر تۆرێن جڤاكى ژى پيرۆزباهى ل رۆنالدۆيى نه‌كربوو.
ئه‌ڤرۆ نيوز، مه‌سعود خه‌له‌ف:
بابه‌كی ل هندستانێ ل باژارێ تریبپرا خواست كچا خوه یا 10 سالی ب ساخیتی بن ئاخ بكه‌ت، ژ به‌ر كو ل نه ل گور خواستا وی بوو و وی دڤیا كو ببیته بابێ كوران.
لێ كچ بۆ چێبوون و وی ده‌ما دایكا كچێ نه ل مال رابوویه ب كولانا كونچالاكێ و كچ كریه تێدا، لێ جیران پێ حه‌سیان و پولیس ئاگه‌هدار كرن و د چركه‌ێن داويێ دا ئه‌و كچ هاته رزگاركرن
ئه‌ڤرۆ نيوز:
ئه‌ڤرۆ رۆژا دوشه‌مبى رێكه‌فتى 19\1\2015 سه‌رۆكێ حوكمه‌تا هه‌رێما كوردستانێ، نێچيرڤان بارزانى، سه‌ره‌دانا وه‌زاره‌تا دارايى يا حوكمه‌تا هه‌رێما كوردستانێ كر كو ئاماژه ب وێ چه‌ندێ كر كو هه‌تا ناڤه‌راستا حه‌فتيا داهاتى، مووچێ هه‌يڤا 11 دێ ب دووماهى هێت و دێ ده‌ست ب به‌لاڤكرنا مووچێ هه‌يڤا 12 هێته كرن.
نێچيرڤان بارزانى، سه‌رۆكێ حوكمه‌تا هه‌رێما كوردستانێ د چارچۆڤێ سه‌ره‌دانا خوه دا راگه‌هاند: “په‌رله‌مان دڤێت واقعيانه هزر بكه‌ت و بابه‌تێ مووچان نه‌كه‌ته موزاهيده‌كا سياسى”.
گۆتژى: “ئه‌م گرێدايى رێكه‌فتنا ناڤبه‌را هه‌ولێر و به‌غداينه، به‌غدا ژى دێ 1 ل سه‌ر 12 يا بودجێ بۆ مه هنێريت، هه‌تا وى ده‌مێ بودجه دهێته په‌سه‌ندكرن”.
رێباز محه‌مه‌د حه‌ملان، وه‌زيرێ دارايى ل حوكمه‌تا هه‌رێما كوردستانێ راگه‌هاند كو هه‌تا ناڤه‌راستا حه‌فتيا بهێت به‌لاڤكرنا مووچێ هه‌يڤا 11 دێ ب دووماهى هێت و دێ ده‌ست ب به‌لاڤكرنا مووچێ هه‌يڤا 12 كه‌ين”.
گۆتژى: “مووچێ هه‌يڤا 11 و 12 دێ ژ داهاتێ ناڤخۆ ده‌ين و ئه‌و پارێ ژ به‌غدا دهێت دێ مووچێ هه‌يڤا 1 پێ ده‌ين”.
ژێده‌ر: رووداو
ل گور نووچه‌یێن داوی ژ شه‌ر و په‌ڤچوونێن پارێزگه‌ها حه‌سه‌كی دناڤبه‌را هێزێن ره‌ژێمی و YPG دا تا نوكه 8 كه‌سێن سفیل ژیانا خوه ژ ده‌ستدانه ژ ئه‌نجامێ توپبارنا ره‌ژێمێ یا بێ جوداهی ب سه‌ر مالێن سڤیلان دا.
ل گۆر چالاكڤانێ سیاسی عبدالعزیز سلێمان ژ تاخا سالحیێ كو ژ بۆ رۆژناما ئه‌ڤرۆ نیوز داخویاكرن، تاخا سالحیه نوكه یێ ڤالایه و خه‌لك ژێ ده‌ركه‌تن و به‌رێ خوه دانه عامودی و قامشلو.
هه‌ژی گۆتنێ یه كو ئه‌ڤ چه‌ند رۆژه شه‌ر دناڤبه‌را هێزێن ره‌ژێمی و YPG دا به‌رده‌وامه
ئه‌ڤرۆ نيوز:
نه‌جيبا نه‌جيب ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان بۆ ئه‌ڤرۆ نيوز راگه‌هاند كو ل 16 ڤێ هه‌يڤێ به‌لاڤكرنا مووچێ فه‌رمانبه‌رێن عيراقێ يا ده‌سپێكرى و پێدڤيه ڤێ حه‌فتيێ يێ هه‌رێمێ ژى ب هنێرن.
نه‌جيبا نه‌جيب ئه‌نداما لژنا ئابوورى و وه‌به‌رهێنانێ ل جڤاتا نوونه‌رێن عيراقێ گۆت: “ل رۆژا 16\1\2015 يا ده‌ست ب به‌لاڤكرنا مووچێ فه‌رمانبه‌رێن عيراقێ كرى، به‌لێ يێن په‌له‌مانتار و وه‌زيران نه‌داينێ”.
زێده‌تر گۆت: “پێدڤيه د ڤێ حه‌فتيێ به‌هرا هه‌رێمێ ژى يا بودجێ كو ئێك ل سه‌ر 12 يه ب هنێريت ب گۆره‌يى ئه‌و رێكه‌فتنا د ناڤبه‌را هه‌ردو لايان دا هاتيه ئيمزاكرن”.
نيشاندان