ئەڤرۆ نیوز:
بەرپرسەکێ سەربازی یێ عیراقێ بەری دەمەکێ راگەهاند کو د ئەنجاما ئۆپەراسیۆنەکێ دا ل سەلاحەدین فەرماندارەکێ پۆلیسێن فیدرالی هاتە کوشتن و دو ئەفسەرێن دی ژی ب گرانی بریندار بووینە.
فەرماندارەکێ پۆلیسێن فیدرالی هاتە کوشتن
نووترين نووچه
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
سه‌ره‌كى نووترين نووچه
ئەڤسالە رێورەسمێن جەژنا جەمایێ ناهێنە گێران
ئەڤرۆ نیوز، بارزان مزووری:
لوقمان سلێمان، بەرپرسێ نڤیسینگەها راگەهاندنێ ل پەرستگەها لالش بۆ ئەڤرۆ نیوز گۆت: (لدوڤ بریارا میرێ ئێزدیان و جڤاتا روحانیا ئێزدیان كۆ ئەڤ سالە رێورەسمێن جەژنا جەمایێ ناهێن گێران ،ژبەر مەترسیا بەلاڤ بونا ڤایرۆسێ كورونایێ هەرچەندە ئەڤ جەژنە مەزنترین جەژنا ئێزدیانە كۆ بۆ ماوێ حەفت رۆژا رێورەسم دهێن ئەنجام دان هەر رۆژێ بشێوەیەكێ جودا رێورەسمێن ئاینی دهێن ئەنجام دان بەلێ ژبەر پاراستنا ژیانا وەلاتیان).
ناڤهاتی خویاكر سالانە رێورەسمێن جەژنا جەمایێ هەموو ل پەرستگەها لالش دهێن ئەنجام دان ل رێكەفتی 7/10/2020 رێورەسم دەست پێ دكەن هەتا 13/10 دوماهیك دهێن هزارەها ئێزدی ل كوردستانێ و دەرڤەی وەلاتی بەشدار دبن.
ناڤهاتی گۆت: (بەری چەند رۆژە میرو جڤاتا روحانیا ئێزدیا ب رێكا بەیاننامەكێ داخاز یا هەموو ئێزدیانكری ئەوێن دەرڤەی وەلاتی دژین كۆ بەرهەڤیێن خۆ نەكەن بۆ بەشداریا وان ل جەژنا جەمایێ ل پەرستگەها لالش ئەڤسالە جەژن ناهێتە گێران).
ب وێنە: رێورەسمێ ب خاک سپاردنا تەرمێ شڤان شێخو
ئەڤرۆ نیوز، عەلی حاجی:
ل گورستانا گوندێ بەرزیرێ یا سەر ب قەزا زاخۆ ڤە ب ئامادەبونا هەژمارەکا بەرپرسێن حزبی و ژ حکومی و ژمارەیەکا کەسایەتیێن دەڤەرا زاخۆ تەرمێ وی هاتە خاک سپاردن .
سالح حەیدەر کارگێرێ لقا هەشت یا پارتی دیموکراتی کوردستان د پەیڤەکێ دا گۆت: (ژ دەست دانا شڤان شێخویی خوسارەتیەکا مەزن بوو ژبەر کو ڤی کەسی ژیەکێ درێژ د پێخەمەتی حزبایەتی و نیشتیمان پەروەریێ دا دەرباز کر بەلێ کورونایێ گەلەک سەرکردە و کەسایەتی و کەسانێن عەسکەری ژ مە دوور کرن و پارتی دیموکراتی کوردستان یا زەنگینە ب سەرکردە و کەسایەتیێن ژێهاتی و شڤان شێخو د بوهارا ژیێ خوە دا ئەم هێلاین و سەر بلندیێ بۆ بنەمالا خودێ ژێ رازی ژبەر کو دژیەکێ بچیک دا وی خزمەتەکا باش دناڤ رێزێن ئێکەتیا قوتابیێن کوردستانێ و پارتی دا کربوو هەر ژبەر هندێ ژی زیکا پلا کارگێریێ دناڤ لقا هەشت دا وەرگرت و ژ دەست دانا ڤی کەسی هەڤ خەمیەکا مەزنە بۆ دەڤەرا زاخۆ و ئەندام و لایەنگرێن پارتی).
وه‌زاره‌تا ساخله‌میا هه‌رێمێ ئاماره‌كا نوو یا كورونایێ راگه‌هاند
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ ئامارا نوو یا ڤایرۆسێ كورونایێ به‌لاڤكر و تێدا هاتیه ل 24 ده‌مژمێرێن بوری سێ كه‌سان گیانێ خوه ژ ده‌ست دایه ب ئه‌گه‌رێ كورونایێ.
لگۆری راگه‌هاندنا وه‌زاره‌تا ساخله‌میێ ل 24 ده‌مژمێرێن بوری 4979 پشكنینێن نوو هاتینه‌كرن، كو 1932 ل هه‌ولێرێ و 758 سلێمانیێ و 168 گه‌رمیان و 2085 دهۆك و 36 ل هه‌له‌بجه هاتینه‌كرن.
د راگه‌هاندنا وه‌زاره‌تا ساخله‌میێ دا هاتیه ژی ئه‌و كه‌سێن توشی ڤایرۆسی بووین 673 كه‌سن كۆ ل 297 ل هه‌ولێرێ و 92 ل سلێمانێ و 28 گه‌رمیان و 224 دهۆك و 32 هه‌له‌بجه.
وه‌زاره‌تا ساخله‌میا هه‌رێمێ ئه‌و چه‌نده ژی دیاركریه كو كه‌سێن ژ كورونایێ ساخبوین 430 كه‌سبوون و 197 ل هه‌ولێرێ و 21 ل سلیمانێ و 26 گه‌رمیان و 159 ل دهۆكێ و 27 ل هه‌له‌بجه.
توشبوویێن ب ڤایرۆسێ كورونایێ مرین ل 24 ده‌مژمێرێن بوری دا 24 كه‌سن، 5 ل هه‌ولێرێ و 10 ل سلیمانێ و 1 گه‌رمیان و 8 ل دهۆكێ.
وه‌زاره‌تا ناڤخو مه‌رجێن ئینانا ترۆمبێلان دیاردكه‌ت
ئه‌ڤرۆ نیوز:
وه‌زاه‌تا ناڤخویا حوكمه‌تا هه‌رێما كوردستانێ مه‌رجێن ئینانا ترۆمبێلان دیار دكه‌ت.
لگۆری نڤیساره‌كا وه‌زاره‌تا ناڤخۆیا حوكمه‌تا هه‌رێما كوردستانێ تێدا هاتیه، ترۆمبێل دڤێت ب كێماتی دو ئێرباكێن شوفێری و ته‌نشت شوفێری و سیسته‌مێ ABS هه‌بن و دڤێت ژ 100 كیلۆمه‌تران زێده‌تر نه چوو بیت و ده‌مێ دگه‌هته خالێن توخیبی یێن هه‌رێمێ.
لگۆری ئه‌وێ نڤیسارێ كو تێدا هاتیه دیاركرن، دڤێت باوه‌رنامه‌یا COC ل گه‌ل بیت، دبیت ل خالێن توخیبی ژلایێ كۆمپانیێن كوالیتی و باوه‌رنامه‌یا COC پێ هێته دان، هه‌روه‌سا ترۆمبێلا ژ جورێ پاس ژ 14 نه‌فه‌ری به‌ره‌ڤ سه‌ری بیت و مه‌رج نینه ئێرباك هه‌بن.
هه‌ر لگۆری نڤیسارا وه‌زاره‌تا ناڤخو، ترۆمبێلا كلاسیك دڤێت ب كێماتی 40 سال ده‌رباس بن ب سه‌ر درۆستكرنا وێ و پاشی توماركرنا وێ چ كرین و فرۆتن پێڤه ناهێنه‌كرن، ئینانا ترۆمبێلێن كه‌ڤن د ده‌سه‌لاتا وه‌زیرێ ناڤخو و وه‌زاره‌تا دارایی دایه كار ب چ نڤیساره‌كێ ناهێته‌كرن هه‌كه ئیمزایا وه‌زیرێ ناڤخو ل سه‌ر نه‌بیت.
سوپایێ عیراقێ ئوپراسیونه‌ك ل باكورێ به‌غدا ده‌ستپێكر
ئه‌ڤرۆ نیوز:
هێزێن عیراقێ ده‌ست ب ئوپراسیونه‌كا سه‌ربازی ل دژی چه‌كدارێن رێكخراوا تیرۆریستی یا داعشێ ل باكورێ به‌غدا كر.
شانه‌یا راگه‌هاندنا ئه‌منی د به‌یاننامه‌یه‌كێ دا راگه‌هاند ئوپراسیونه‌ك سپێده‌هیا ئه‌ڤرۆ ل دولا سه‌رسار ل توخیبێ پارێزگه‌ها سه‌لاحه‌دین ل باكورێ به‌غدا ده‌ستپێكر.
دئه‌وێ ئوپراسیونێ دا ژبلی فه‌رمانده‌یێ ئوپراسیونێن سه‌لاحه‌دین و رۆژئاڤایێ نه‌ینه‌وا و جه‌زیره‌یا سوپای عیراقێ و پولیسێن سه‌لاحه‌دین پشكداریێ تێدا دكه‌ن.
هه‌ر د ئه‌وێ راگه‌هاندنێ دا هاتیه ئوپراسیون بۆ كوشتن و گرتن و ژناڤبرنا چه‌كدارێن داعشێ یه ل ده‌ڤه‌رێ.
جڤاتا ئاسایشێ داخازه‌كا راوه‌ستادنا شه‌رێ ئه‌رمینیا و ئازه‌ربایجانێ دكه‌ت
ئه‌ڤرۆ نیوز:
جڤاتا ئاسایشا نێڤ ده‌و‌له‌تی داخازه‌كا بله‌زا راوه‌ستادنا شه‌رێ هه‌ردو وه‌لاتێن ئه‌رمینیا و ئازه‌ربایجانێ دكه‌ت.
شڤێدی جڤاتا ئاسایشێ ل سه‌ر داخوازیا به‌لجیكا و ده‌ستپێشخه‌ریا ئه‌لمانیا و فه‌ره‌نسا كۆمبوونه‌كا بله‌ز ده‌ربارێ شه‌رێ ئه‌رمینیا و ئازه‌ربایجانێ ئه‌نجامدا و تێدا دلته‌نگیا خو هه‌مبه‌ر ئه‌نداێن شه‌ركر نیشاندا و داخازا بله‌زا راوه‌ستاندنا شه‌ری و ده‌ستكرن ب دانوستاندن كرن.
27/9/2020 سوپایێن هه‌ردو وه‌لاتێن ئه‌رمینیا و ئازه‌ربایجانێ ل ده‌ڤه‌رێن توخیبی یێن ده‌وله‌تا قه‌ره‌باغ ریب ری هه‌ڤ بووینه و شه‌ر هه‌تا ده‌رنگێ شه‌ڤێ به‌رده‌وام بوویه و رۆژێن دی ب كێم كێم شه‌ر هه‌بوویه.
قه‌ره‌باغ كۆماره‌كا باشوورێ قه‌وقازه و ژلایێ چ وه‌لاتان دانپیدان پی نه‌هاتیه‌كرن، زۆرینه‌یا ئاكنجیێن ئه‌وی وه‌لاتی ئه‌رمه‌نینه و هه‌ردو وه‌لاتێن ئه‌رمینیا وئازه‌ربایجانێ قه‌ره‌باغ ب پشكه‌كێ ژ ئاخا خو دزانن.
كۆمبوونا جڤاتا وه‌زیران ده‌ستپێكر
بەرپرسەکێ پارتی ل دهوکێ گیانێ خوە ژ دەست دا
دا ئەڤرۆ نیوز،عەلی حاجی:
ب گورەی وان زانیاریێن ب دەست ئەڤرۆ نیوز کەڤتین ئەڤرۆ ل رۆژا چار شەمبێ کارگێرێ لقا هەشت یا پارتی دیموکراتی کوردستان شڤان شێخو ژ ئەگەرێ ڤایروسێ کورونایێ ل ئێک ژ نەخوشخانەیێن وەلاتێ تورکیا گیانێ خوو ژ دەست دا و بریارە هەر ئەڤرۆ روژا چار شەمبێ تەرمێ وی ب رێیا دەروازەیێ نێڤ دەولەتی بگەهیتە باژێرێ زاخۆ و تەرمێ وی بهێتە خاک سپاردن و بۆ دەما چار روژایە ناڤبری توشی کورونایێ ببوو و ب گورەی ئاخڤتنێن کەس و کارێن وی شڤان شێخوی چو نەخوەشیێب دیتر نەبون و ل ئێک ژ نەخوشخانەیێن گازی عەنتابێ چارەسەریا وی دهاتە کرن .
بهایێ پترۆلێ به‌رده‌وام دبلند بوون و داكه‌تنێ دایه
ئه‌ڤرۆ نیوز:
ئاژانسێن جیهانێ به‌لاڤكر، بهایێ پترۆلێ یا برێنت 41.20 دۆلاران كرین و فرۆتن پێ هاتیه‌كرن ل بازارێن جیهانی، بهایێ پترۆلا ئه‌مریكی ژی 39 دۆلاران كرین و فروتن پێڤه هاتیه‌كرن.
داكه‌تن و بلند بوونا بهایێ پترۆلێ دده‌مه‌كی دایه، ژماره‌یه‌كا وه‌لاتان بۆ ریب ری بوونا ڤایرۆسێ كورونایێ ته‌ڤایا كه‌رتێن پیشه‌سازیێ و بازرگنیی راوه‌ستاندبوون، به‌لێ نوكه ب ئه‌گه‌ری كێم بوونا مه‌ترسیێن ڤایرۆسێ كورونایێ پشكه‌كا چالاكیێن ئابووری ده‌ستپێكرینه ئه‌ڤه ژی بوو ئه‌گه‌رێ بلند بوونا بهایێ پترۆلێ.
نيشاندان
WP Facebook Auto Publish Powered By : XYZScripts.com