ئەڤرۆ نیوز:
شەرێ ناڤخوەیی یێ ل لیبیا ب پشکداریا گەلەک هێزێن بیانی دژوارتر لێ دهێت و حوکمەتا ئەلمانیا ژی ئەڤرۆ راگەهاند کو ئەو دێ هێزێن سەربازی رەوانەی لیبیا کەن.
بەری نها شیرەتکارا ئەلمانیا و سەرۆکێ فرەنسا دیار کربوون کو دڤێت تورکیا و هێزێن دی دەستێوەردانێ د کاروبارێن ناڤخوەیی یێ لیبیا دا نەکەن و دڤێت کار بۆ ئاگربەستەکا دەمدرێژ ل لیبیا بهێتە کرن.
ئه‌ڤرۆ نیوز:
رێكخراوا ساخله‌میا جیهانی راگه‌هاند چ دی وه‌لاتێن جیهانێ نه‌شێن ب ستراتیژیه‌تا گرتنا توخیبان بۆ به‌رهنگاربوونا ڤایرۆسێ كورونایێ بجهـ بكه‌ن، چونكو نه‌شیاینه پلانه‌كا گشتگیر ل سه‌ر ئاستێ نێڤ ده‌وله‌تی بۆ به‌رهنگاربوونا ڤایرۆسی دابرێژن.
مایكل ره‌یان رێڤه‌به‌رێ ره‌وشێن ژ نشكه‌كێ ڤه ل رێكخراوا ساخله‌میا جیهانی راگه‌هاند: ل ده‌مه‌كێ نێزیك سنورێن نێڤ ده‌وله‌تی بگرتی، كاره‌كێ زه‌حمه‌ته و ده‌وله‌تێن جیهانێ نه‌شیاینه پلانه‌كا گشتگیر دابرێژن بۆ ئه‌ڤێ مه‌به‌ستێ.
ناڤبری ئاماژه ب وێ چه‌ندێ دایه كۆ ل هنده‌ك وه‌لاتێن جیهانێ ئه‌و گه‌شتیاردهێنه كه‌ره‌نتینه‌كرن، كۆ ژ ئه‌وان وه‌لاتێن مه‌ترسیا كورونایێ تێداهه‌ی، به‌لێ چ هه‌ماهه‌نگیا نێڤ ده‌وله‌تی دناڤبه‌را وه‌لاتێن جودا جودایێن جیهانێ دا نینه.
ره‌یان ئه‌و چه‌نده ژی دیاركر گرانه دارشتن و پلانه‌كا نێڤ ده‌وله‌تی ژبوو به‌رهنگاربوونا كورونایێ دا بهێته دانان، چونكو ئاستێ مه‌ترسیا كورونایی ژ وه‌لاته‌كی بۆ وه‌لاته‌كی دی زۆر جودایه.
رێڤه‌به‌رێ ره‌وشێن ژ نشكه‌كێ ڤه ل رێكخراوا ساخله‌میا جیهانی دا زانین گرتنا توخیبان بتنێ ئه‌گه‌ر نینه بۆ دانانا توخیبه‌كی بۆ به‌لاڤبوونا كورونایێ، به‌لكۆ ئاستێ مه‌ترسیا راسته‌قینه‌یا كورونایێ ب ره‌وشا به‌لاڤبوونا كورونایێ دناڤخۆ یا وه‌لاتان دا دهێته‌دیاركرن.
ئه‌ڤرۆ نیوز:
په‌یڤدارێ فه‌رمانده‌یێ ئوپەراسیونێن هه‌ڤبه‌شێن عیراقێ راگه‌هاند چاڤه‌ریێ رێكکه‌فتنا دووماهیێ نه ل گه‌ل پێشمه‌رگه‌ی بۆ ده‌ستبكاربوونێ ل ناڤه‌ندێن هه‌ماهه‌نگیا هه‌ڤبه‌ش ل ده‌ڤه‌رێن ده‌رڤه‌ی ئیدارا هه‌رێما كوردستانێ.
ته‌حسین خه‌فاجی په‌یڤدارێ فه‌رمانده‌یا ئوپراسیونێن هه‌ڤبه‌شێن عیراقێ راگه‌هاند ناڤه‌ندێن هه‌ڤبه‌ش یێن لاوه‌كی ل گه‌ل پێشمه‌رگه‌ی ل مه‌خمور و دیاله و نه‌ینه‌وا و كه‌ركوكێ تا نوكه ده‌ست بكار نه‌بوون و چاڤه‌ریێ رێكه‌تنا دوماهیێ نه بۆ رێكخستنا هه‌یكه‌لێ تایبه‌ت و دیاركرنا ئه‌ركێن وان.
ناڤبری گۆت ژی دانوستاندن ل گه‌ل پێشمه‌رگه‌یی به‌رده‌وامن ل سه‌ر ئه‌وێ چه‌ندێ چار ناڤه‌ندێن لاوه‌كی و دو ناڤه‌ندێن سه‌ره‌كی ل به‌غدا و هه‌ولێرێ دێ به‌رده‌وام بن.
ئه‌ڤرۆ نیوز:
دۆنالد ترەمپ سه‌رۆكێ ئه‌مریكا راگه‌هاند دێ ل دووماهیا ئەڤ سالە ڤاكسینێ دژهی ڤایرۆسێ كۆرۆنایێ به‌رده‌ست بیت، من باوه‌ری ب هه‌موو ئه‌مریكیان هه‌یه كۆ كارێن راست دكه‌ن، به‌لێ شیره‌تێن مه بۆ هه‌موو كه‌سه‌كی ئه‌وه تایبه‌تی ته‌ركیزێ ل سه‌ر دووركه‌فتنێن جڤاكی و پاقژییێ بكه‌ن ل ده‌مێ پێدڤی ده‌مامكان بكار بینن.
دۆنالد تره‌مپ سه‌رۆكێ ئه‌مریكا ئه‌و چه‌نده ژی راگه‌هاند مه گه‌له‌ك هاش نوچه‌یێن زۆر پوزه‌تیڤ بوو به‌لێ دوماهیا ئیسال دێ ره‌وش باش بیت و بۆ ئه‌وێ چه‌ندێ كاره‌كێ باش بكه‌ین.
ئه‌ڤرۆ نیوز:
وه‌زیرێ ساخله‌میا حوكمه‌تا هه‌رێما كوردستانێ راگه‌هاند مه چ پێشنیاز بۆ راگه‌هاندنا قه‌ده‌غه‌یا هاتنوچونێ ل رۆژێن چه‌ژنێ دا نه‌كریه، به‌لێ بۆ ههر حاله‌ته‌كی لژنا بلندا به‌رهنگاربوونا كورونایێ بریارێ ل سه‌ر دده‌ت.
د.سامان به‌رزنجی وه‌زیرێ ساخله‌میا هه‌رێما كوردستانێ راگه‌هاند به‌لاڤبوونا ڤایرۆسێ كورونایێ ل هه‌رێما كوردستانێ د قوناغا بلند بوونێ دایه.
وه‌زیرێ ساخله‌میێ ئه‌و چه‌نده ژی ته‌ئكید كر به‌ریا نوكه لژنا بلندا به‌رهنگاربوونا كورونایێ بریار و رێنمایی و رێكارێن كورونایێ و قه‌ده‌غه‌یا هاتنوچونێ ده‌رخستیه و بۆ بریاردانێ ل سه‌ر قه‌ده‌غه‌یا هاتنوچونێ، ده‌سه‌لات هاتیه دان ب پارێزگار و ئیداره‌یێن سه‌ربه‌خو.
ناڤبری دا زانین هه‌تا نوكه مه چ پێشنیاز بۆ راگه‌هاندنا قه‌ده‌غه‌یا هاتنوچونێ ل رۆژین چه‌ژنێ دا نه‌كریه به‌لێ بۆ ههر حاله‌ته‌كی لژنا بلند یا به‌رهنگاربوونا كورونایێ بریارێ دێ ده‌ت.
ئه‌ڤرۆ نیوز:
وه‌زیرێ ساخله‌میا حوكمه‌تا هه‌رێما كوردستانێ راگه‌هاند حوكمه‌تا عیراقێ دێ دو ملیار دیناران بۆ به‌رهنگاربوونا كورونایێ هنێرته هه‌رێما كوردستانێ.
ئه‌ڤرۆ 2/7/2020 د.سامان به‌رزنجی وه‌زیری ساخله‌میا حوكمه‌تا هه‌رێما كوردستانێ راگه‌هاند حوكمه‌تا عیراقێ بریار دایه دو ملیار دینارێن دی بۆ به‌رهنگاربوونا كورونایێ بۆ هه‌رێمێ بهنێریت.
وه‌زیرێ ساخله‌میێ ئه‌و چه‌نده ژی راگه‌هاند ملیاره‌ك ژ وی پاره‌یی گه‌هشتیه هه‌رێما كوردستانێ و بریاره ل ده‌مێ نێزیك ملیاره‌كا دی ژی بگه‌هیت، به‌ریا نها ژی عیراقێ سێ ملیار و نیڤێن دیناران بۆ به‌رهنگاربوونا كورونایێ بۆ هه‌رێما كوردستانێ هنارت بوون.
ئەڤرۆ نیوز:
رێڤەبەریا گشتی یا ساخلەمیا پارێزگەها دهوكێ راگەهاند: کو 16 تووشبوویێن ڤایرۆسێ كۆرۆنایێ چارەسەربوون و سەرجەمێ تووشبوویێن چارەسەر بووین گەهشتە 331 كەسان.
هەروەسا گۆتیە: هێشتا 88 هەلگرێن ڤایرۆسێ كۆرۆنا كۆرۆنایێ ل دهۆکێ ماینە و نوکە لژێر چاڤدێریا نۆشداران دانە و رەوشا هەموو تووشبوویان یا جهگیرە و هیچ مەترسی ل سەر نینە.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: دو ھزار و ٣٥٦ حالەتێن نوویێن توشبوون ب کۆرۆنایێ و ھزار و ٨٢٧ چێبوونێ و ٧٩ حالەتێن وەغەرکرنێ هاتینە تۆمار کرن.
هەروەسا گۆتیە: د دەمێ ۲٤ دەمژمێرێن بوری دا دو ھزار و ٣٥٦ حالەتێن نوویێن توشبوون ب کۆرۆنایێ ھاتینە تۆمارکرن، کو ٧٠٠ حالەت ژ وان ل بەغدا بووینە.
ھەتا نوکە ١١٢ ھزار و ٥٨٥ کەس ل عیراقێ تووشی کۆرۆنایێ بووینە، ژ وێ هژمارێ ژی ٧٧ ھزار و ١٤٤ کەس چێبووینە و چار ھزار و ٤٥٨ کەسان ژی وەغەر کریە.
نيشاندان