ئه‌ڤرۆ نیوز:
وه‌زاره‌تا ده‌رڤه‌یا ئیرانێ راگه‌هاند: جڤاتا ئاسایشا نێڤ ده‌وله‌تی ب رێكا ڤیدیو كۆنفرانس كۆم دبیت ده‌ربارێ درێژكرنا بریارا 2231 یا تایبه‌ت ب دوورپێچا سه‌ربازی سه‌ر ئیرانێ، محه‌مه‌د جه‌واد زه‌ریف وه‌زیرێ ده‌رڤه‌یێ ئیرانێ ژی پشكدار دبیت و گوتاره‌كێ پێشكێش كه‌ت.
عه‌باس موسه‌وی په‌یڤدارێ وه‌زاره‌تا ده‌رڤه‌یا ئیرانێ راگه‌هاند ئه‌مریكا دبزاڤا كاراكرنا بریارا دوورپێچا سه‌ربازی دایه بۆ سه‌ر ئیرانێ ل جڤاتا ئاسایشا نێڤ ده‌وله‌تی، ئه‌مریكا نه‌شیانێن چالاكرنا فشاران هه‌یه بۆ دوورپێچكرنا ئیرانێ و نه ئه‌و مافه ژی هه‌یه بكه‌ت، چونكو واشنتون ب ڤه‌كیشانا خوه ژ رێكه‌تنا ئه‌تومی سه‌رپێچی ل بریارا 2231 یا جڤاتا ئاسایشا نێڤ ده‌وله‌تی كر و له‌ورا مافێ وان نینه ل سه‌ر ئه‌نجامێن رێكه‌تنامه‌یێ چ بریاره‌كێ بده‌ن.
په‌یڤدارێ وه‌زاره‌تا ده‌رڤه‌یا ئیرانێ ئه‌و چه‌نده ژی راگه‌هاند: محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ د ئه‌وی ڤیدیوكۆنفرانسی گوتاره‌كێ ده‌ربارێ درێژكرنا بریارا 2231 یا جڤاتا ئاسایشا نێڤ ده‌وله‌تی ل سه‌ر نه‌ته‌وه‌یێن ئێكگرتی پێشكێش كه‌ت.
بریاره ل هه‌یڤا تشرینا ئێكێ یا ئیسال بریارا 2231 یا جڤاتا ئاسایشا نێڤ ده‌وله‌تی كۆ تایبه‌ت ب قه‌ده‌غه‌كرنا فروتنا چه‌كی ب ئیرانێ لگۆری رێكه‌تنا ئه‌تومی یا سالا 2015 هێته لادان.
ئه‌ڤرۆ نیوز:
ب ئه‌گه‌رێ بلندبوونا ژماره‌یا توشبوویێن كورونایێ ل ئه‌مریكا و چه‌ند وه‌لاته‌كێن دی و ڤه‌گه‌راندنا رێگریان هه‌مبه‌ر بلاڤبوونا ڤایرۆسێ كورونایێ ل چه‌ند جهه‌كێن جیهانێ، زیان ب ئاستێ داخازیێ ل سه‌ر پترۆلێ كر و بهایێ وێ ژی داكه‌ت.
ئه‌ڤرۆ بهایێ پترۆلا برێنت 83 سه‌نتان داكه‌ت وبه‌رمیلا وێ ب 40.19 دۆلاران كرین و فرۆتن پێڤه هاتیه كرن ل بازارێن جیهانێ، ئانكو بهایی خو ب رێژا 2% ژ ده‌ست دایه.
بهایی پترۆلا ته‌كساس یا ئه‌مریكی 80 سه‌نتان داكه‌ت، كۆ دبیته 2.1% یا بهایێ به‌رمیلا وێ ب 37.69 دۆلاران كرین و فروتن پێڤه هاتیه‌كرن.
ل هه‌یڤا ته‌موزا ئیسال ده‌مێ پێگیریا وه‌لاتێن ئوپێك پلاس بۆ كێمكرنا قه‌باره‌یێ به‌رهه‌مئینانا پترۆلێ كۆ رۆژانه ب دوماهی دئێت، ئه‌ڤه ژی جهێ دلته‌نگیا وه‌به‌رهێنه‌ران ده‌رباری زێده‌بوونا ئێخستنه ریا پترۆلێ ل بازاری بوویه ئه‌گه‌رێ داكه‌تنا بهایی.
ئه‌ڤرۆ نیوز:
توشبوویێن ڤایرۆسێ كورونایێ ل جیهانێ ژ 10 ملیۆن كه‌سان ده‌رباز بوو و رێژا گیان ژ ده‌ست دانێ ژی گه‌هشته ملیۆنه‌ك و نیڤان.
لگۆری دوماهی ئامارێن توشبوویێن ڤایرۆسێ كورونایێ گه‌هشته 10 ملیۆن و 250 هزار و 971 كه‌سان، ژ ئه‌ڤێ ژماره‌یێ ژی 5 ملیۆن و 558 هزار و 254 كه‌س ژی باش بووینه، 504 هزار و 520 توشبوویان ژی گیانێ خوه ژ ده‌ست داینه.
لگۆری دوماهی ئامارێن وه‌زاره‌تا خله‌میا حكومه‌تا هه‌رێما كوردستانێ، تانوكه 6672 كه‌س توشی ڤایرۆسێ كورونایی بوون و ژ ئه‌ڤێ ژماره‌یێ ژی 1675 كه‌س ساخ بووینه و ژ ئه‌ڤێ ژماره‌یێ ژی 186 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
په‌رله‌مانێ كوردستانێ بۆ دانوستاندنێ دێ ل سه‌ر دو ته‌وه‌ران كۆم دبیت، كۆ ئێك درێژكرنا خۆلا بهارێ یه.
بریاره ئه‌ڤرۆ ده‌مژمێر ئێكێ نیڤرۆ، په‌رله‌مانێ كوردستانێ رینشتنا ژماره 5 یا ئاسایی یا خۆلا بهارێ سالا دوێ ژ خۆلا پێنجێ یا هه‌لبژارتنێن په‌رله‌مانی ساز بكه‌ت.
وه‌ك د كارنامه‌یا كۆمبوونێ دا هاتی، د ئه‌وێ كۆمبوونێ دا په‌رله‌مانێ كوردستانێ دانوستاندنێ ل سه‌ر دو ته‌وه‌ران دكه‌ت، كۆ یا ئێكێ ده‌نگدان ل سه‌ر پێشنیاره‌كا پێشكێشكرنا پێشنیارا یاسا و پێشنیارا بریاران ژلایێ ئه‌ندامین په‌رله‌مانێ كوردستانێ ژبلی حوكمی ماده‌یێ 82 یی په‌یره‌وێ ناڤخو، لگۆری حوكمێ ماده‌یێن 90وو91وو93وو96وو97 ژ په‌یره‌وێ ناڤخو یێ په‌رله‌مانێ كوردستانێ.
ته‌وه‌رێ دوێ درێژكرنا خۆلا بهاری یا سالا دوێ ژ خۆلا هه‌لبژارتنێن پێنجێ یێ په‌رله‌مانێ كوردستانێ، لگۆری برگه‌یا چارێ ژ ماده‌یا 7 یا په‌یره‌وێ ناڤخویێ په‌رله‌مانێ كوردستانێ.
ئه‌ڤرۆ نیوز:
رێكخراوا ساخله‌میا جیهانێ راگه‌هاند كۆ ڤایرۆسێ كورونایێ ل عیراقێ ژ كۆنترولا حكومه‌تێ ده‌ركه‌فتیه.
ئه‌دهه‌م ئیسماعیل نوونه‌رێ رێكخراوا ساخله‌میا جیهانێ راگه‌هاند ژماره‌یا نه‌خوشان ل نه‌خوشخانه‌یان ب تایبه‌تی ئه‌وێن پێدڤی ب چاڤدێریا چر دا هه‌نه، ل ئاستێ خوه ده‌بازبوویه.
ئه‌دهه‌م ئیسماعیل ئه‌و چه‌نده ژی راگه‌هاند ره‌وشا ساخله‌میا عیراقێ زۆر خرابه و ڤایرۆسێ كورونایی ژ كۆنترول ده‌ركه‌تی یه.
تانوكه 45 هزار و 402 كه‌س ل عیراقێ توشی ڤایرۆسێ كورونایێ بووینه و 706 كه‌سان ژی گیانێ خوه ژ ده‌ست داینه.
ئەڤرۆ نیوز:
وەزارەتا پەروەردا هەرێما کوردستانێ روونکرنەک بەلاڤکریە و دیار کریە: دێ ئەزموونێن قۆناغا پێنجێ یێن پەیمانگەهان و ئەزموونێن (پراکتیکی) یێن قۆناغا 12 ئامادەیی پیشەیی، ل رۆژانێن قەدەغەیا هاتنوچوونێ وەک خوە د بەردەوام بن.
دەقێ راگەهاندنا وەزارەتا پەروەردێ
ژ راگەهاندنا وەزارەتا پەروەردێ:
پشتی گوتۆبێژێن ل گەل بەرێز سەرۆکێ ژوورا ئۆپەراسیۆنێن پارێزگەها هەولێرێ، ئەزموونێن قۆناغا پێنجێ یێن پەیمانگەهان و ئەزموونێن (پراکتیکی) یێن قۆناغا ۱۲ ئامادەیی پیشەیی، دێ ل رۆژانێن قەدەغەیا هاتنوچوونێ وەک خوە د بەردەوام بن، پارێزگارێ هەولێرێ دێ کارئاسانیێن پێدڤی دڤی واری دا کەت.
نيشاندان