ئه‌ڤرۆ نیوز، بارزان مزوورى:
سه‌ردار یه‌حیا عەبدولعەزیز قائیمقامێ قه‌زا شێخان بۆ ئه‌ڤرۆ نیوز دیاركر ئه‌ڤرۆ رێكکه‌فتى 15/7/2020 دگه‌ل رێڤه‌به‌رێن ناحیا و باژێرڤانى و چاندێن سنورێ قه‌زا شێخان كومبووین ل دور دامه‌زراندنا لیژنه‌كا تایبه‌ت ب سه‌رپه‌رشتیا پارێزگارێ دهوك بۆ توماركرن و تاپوكرنا خانیێن زێده‌گاڤى هاتینه ئاڤاكرن كو لدوڤ یاسایا ژماره (3) یا سالا 2019 یا تایبه‌ت ب توماركرن و تاپوكرنا ئه‌و خانیێن هاتینه ئاڤاكرن ب ئاوایه‌كێ زێده‌گاڤى دناڤ سنورێ باژێرڤانیا شێخان ب مه‌رجه‌كى به‌ری 13/3/2018 بن، هه‌ر خانویه‌ك هاتبیته ئاڤاكرن ب زێده‌گاڤى ژلایێ وه‌لاتیان ڤه كو ب مه‌رج ئه‌و وه‌لاتى تێدا ئاكنجى بیت ژلایێ وێ لیژنا تایبه‌ت ڤه ئه‌و خانى دێ ل سه‌ر ناڤێ وى وه‌لاتى هێتە تاپوكرن ل دووڤ مه‌رجێن لژنا تاپوكرنێ.
ناڤهاتى خویاكر خالا هه‌ره گرنگ دڤێ یاسایێ دا د به‌رژه‌وه‌ندیا بنه‌مالێن سه‌ربه‌رز یێن شه‌هیدان و ئه‌نفالیان و په‌كه‌فتێن زیندو ئه‌وێن د شه‌رێ دا بریندار بووین و پێشمه‌رگایه‌تیێ دا ئه‌و كه‌س دهێنه لێبورین كرن ژ وى پارێ دهێت دان یێن رسوماتێن رێڤه‌برنا معاملێن خوە، خاله‌كا دى د به‌رژه‌وه‌ندیا وه‌لاتیان دا سه‌ره‌رای جێ به جێكرنا وێ یاسایێ بۆ توماركرنا خانیێ زێده‌گاڤى سه‌ر ناڤێ وى ب مفادار ناهێت هژمارتن ژلایێ حوكمه‌تا هه‌رێما كوردستانێ ل دووڤ رێنمایێن حكومه‌ت پارچه زه‌ڤیێ بده‌تێ یان خانویه‌كى بۆ دابین بكه‌ت.
ناڤهاتى گۆت: (هه‌تا نها نزانین چه‌ند پارچێن عه‌ردى یێن زێده‌گاڤى هاتینه دروست كرن چه‌ندن به‌لێ ده‌ستپێكا كارێ وێ لژنا هاتیه پێكئینان كارێ وان ژلایێ باژێرڤانیێن هه‌موو ناحیا بۆ هژمارتنا وان زێده‌گاڤیانه دا داتایه‌كێ دروست دیار بیت كا چه‌ند پارچێن عه‌ردى هاتینه ئاڤاكرن ب زێده‌گاڤى وه‌لاتیێن خوشتڤى ئاگه‌هدار دكه‌ین یێن ئه‌و خانى یێن زێده‌گاڤى هاتینه ئاڤاكرن بلا سه‌ره‌دانا باژێرڤانیا بكه‌ن ل سنورێ خوە دا ڤێ بریارێ مفاداربیت) .
و دیار ژی کر کو ب كوژمه‌كێ پاره‌ى ژلایێ په‌رله‌مانێ كوردستانێ ڤه هاتیه دیاركرن بۆ سه‌نته‌رێ ناحیا 5 هزار هه‌تا 8 هزار دیناره رۆبه‌رێ عه‌ردى پێدڤیه 300 م زێده‌تر نه‌بیت دناڤ سه‌نته‌رێ قه‌زایا ژى 10 هزار هه‌تا 15 هزارایه پێدڤیه رۆبه‌رێ عه‌ردى 200م زێده‌تر نه‌بیت ئه‌گه‌ر هات زێده‌گاڤیا هاتیه كرن رۆبه‌رێ وى زێده‌ترى 200م بیت ژلایێ لژنێ ڤه لدوڤ یاسایا ژماره(3) هنده‌ك مه‌رجێن دى به‌رامبه‌ر دهێن ئه‌نجام دان.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ دیار دکەت کو هژمارا توشبوویێن ب کۆرۆنایێ ل کوردستانێ گەلەک زێدە بوویە و نها ئێک ژ وان رێیێن چارەسەریێ بۆ نەخوشان ژی وەرگرتنا پلازما خوونێ یە ژ وان کەسان یێن کو بەری نها تووشی ڤایرۆسێ کۆرۆنایێ بووینە و پاشی ژی باش بووینە.
وەزارەتا ساخلەمیێ دبێژیت ئەو کەسێن باش بووینە ئانکو ٢٨ رۆژ ژ رۆژا ئێکێ یا دەمێ نەخوشیا وان دەرباز بوویی و نها ب تەمامی باش بووینە، دشێن سەرەدانا بەنکێن خوونێ بکەن بۆ بەخشینا پلازما، چونکو ئەو یەک هەم خێرەکا مەزنە و هەم ژی هاریکاریەکا مەزنە بۆ نەخوشێن کۆرۆنایێ.
ئەڤرۆ نیوز:
دەزگەهێن راگەهاندنا عەرەبی دیار دکەن کو پشتی خەلیفە حەفتەر فەرماندارێ لەشکرێ نشتیمانی یێ لیبیا ب فەرمی داخوازا هاریکاریێ ژ مسرێ کری ژ دوهی وەرە لەشکرێ مسرێ گەلەک چەکێن گران رەوانەی لیبیا کرینە و دهێتە چاڤەرێکرن کو مسر بەرهەڤیا خوە بۆ شەرەکێ ژی ل لیبیا دیار بکەت.
ئەو یەک د دەمەکێ دایە کو ئەڤرۆ سپێدێ پەیڤدارێ لەشکرێ نشتیمانی یێ لیبیا دیار کربوو کو دێ شەرەک مەزن ل لیبیا روو دەت.
ئەڤرۆ نیوز:
هێمن هەورامی جێگرێ سەرۆکا پەرلەمانێ کوردستانێ راگەهاند کو ل دۆر چەندین پرسێن گرنگ و یێن نها ل کوردستانێ، پەرلەمانێ کوردستانێ دێ ل گەل ئالیێن پەیوەندیدار ل حوکمەتا هەرێما کوردستانێ کۆمبیت.
ناڤهاتی دیار ژی کر کو ئەو وەکو پەرلەمانێ کوردستانێ پشتەڤانیێ ل دانوستاندنێن د ناڤبەرا هەولێرێ و بەغدا دا دکەن و هێڤی خواست کو هەموو ئاریشێن نها د چارچۆڤێ دستوورێ عیرقێ دا بهێنە چارەسەر کرن.
ئه‌ڤرۆ نیوز:
ئه‌ڤرۆ 54 قوتابیێن هه‌رێما كوردستانێ كۆ ل زانكۆ و په‌یمانگه‌هێن روسیا دخواندن، پشتی ته‌مامكرنا خاندنێ و چاڤه‌رێكرنه‌كا زۆر، ڤه‌دگه‌رنه هه‌رێما كوردستانێ.
هوشمه‌ند گه‌ردی نوونه‌رێ قوتابیان راگه‌هاند ده‌ستپێكێ قوتابی ژ فرۆكخانه‌یا به‌غدا هاتینه خوارێ، به‌لێ نوونه‌راتیا هه‌رێمێ ل به‌غدا دو پاس بۆ قوتابیان به‌رهه‌ڤكرن بۆ ڤه‌گۆهاستنێ بۆ هه‌ولێرێ و سلیمانیێ.
ناڤبری ئه‌و چه‌نده ژی راگه‌هاند 23 قوتابی ئاكنجیێن پارێزگه‌ها هه‌ولێرێ نه و 18 قوتابی ئاكنجیێن پارێزگه‌ها سلیمانیێ نه و 9 قوتابی ژی ئاكنجیێ پارێزگه‌ها دهۆكێ نه.
حكومه‌تێ هه‌رێمێ ب بزاڤێن خوه، چه‌ندین قوتابی ژ ده‌رڤه‌ی وه‌لاتی ب ئه‌گه‌رێ به‌لاڤ بوونا كورونایێ و گرتنا فرۆكخانه‌یان ڤه‌گه‌راندینه هه‌رێمێ.
ئەڤرۆ نیوز:
ب مخانى ڤه ل ئێڤاریا 14/7/2020 مامۆستایێ هوزانڤان و ره‌وشه‌نبیر ( سەدیق شه‌رو ) خاترا خوە ژ مه خواست و مالئاڤاهى كر.
مامۆستا ( سەدیق شه‌رو ) هه‌ڤاله‌كێ دلسوزێ سازیێن مه یێن رەوشنبیرى و راگه‌هاندنێ بوو، چه‌ندین سالان د بیاڤێ رادیۆ و تێله‌ڤزیۆن و رۆژنامه و دراما كوردى، ل سازیێن ناڤه‌ندا خانى دا كاره‌كێ به‌رچاڤ كریه و شین تلبێن وى ل بزاڤا رەوشنبیرى و ئه‌ده‌بى و هونه‌رى ل دهۆكێ د دیارن، دێ ل جیهانا نه‌مریێ دا مینن.
هوزانڤانێ دلسۆز مرۆڤه‌كێ رەوشنبیرى و جڤاكى یێ خۆشتڤى بوو، دید و بوچوونێن وى بالكێشا گوهدارا دكر و باندورا خوە دكر.
ب ڤێ هه‌لكه‌فتا دلته‌زین سه‌ره‌خۆشیێ ل كه‌سوكار و هه‌ڤال و خه‌لكێ دكه‌ین ژ خودێ دخوازین جهێ وی ل به‌هشتا به‌رین خوشكه‌ت و ته‌مه‌نه‌ك درێژ بده‌ته كه‌سوكارێن وى.
انا لله وانا الیه راجعون
ناڤه‌ندا خانى
ئه‌ڤرۆ نیوز:
وه‌زاره‌تا ناڤخۆیا حوكمه‌تا هه‌رێما كوردستانێ بریاره‌كا نوو ده‌ربارێ ئه‌وان ترۆمبێلێن جامێن وان ره‌ش ده‌رخست.
لگۆری به‌یانا ژماره 43 یا سالا 2020 یا وه‌زاره‌تا ناڤخۆ رۆژا 28/6/2020 ب ژماره 8664 ژلایێ وه‌زیرێ ناڤخۆ ڤه هاتیه ئیمزاكرن، ئاماژه ب وێ چه‌ندی هاتیه دان كۆ رینمایین ژماره 5 یین سالا 2019 و راستڤه‌كریا رینمایێن ئیكێ ب به‌یانا ژماره 4 یا سالا 2020 تایبه‌ت ب موله‌ت پێدانا جام ره‌ش بۆ ترۆمبێلان، بریاره‌كا نوو ده‌رخست.
لگۆری به‌یانا نوو، برگه‌یا 12 دكه‌ڤته سه‌ر ماده‌یا پێنج ژ رێنمایێن تایبه‌ت ب موله‌تا جام ره‌ش كۆ برگه‌یا 12 بڤی شیوه‌یی یه:
ئه‌و ترۆمبێلێن كو ل بنه‌ره‌تدا رێژه‌یا ره‌شاتیا جامێن وان دناڤبه‌را 81% بۆ 90% ، ئه‌ڤه دێ 200 هزار دینارین ڤه‌بری دده‌ت.
هه‌روه‌سا برگه‌یا سیزده ئاماژه ب وێ چه‌ندێ هاتیه دان، بهایێ ئه‌وی پاره‌یێ دڤی ماده‌یی دا هاتی دكه‌ڤته سه‌ر حسابا پێشڤه‌برنا هاتنوچونا پارێزگه‌هان.
ئه‌ڤرۆنیۆز، سالار دۆسكی:
پشتی ده‌سپێكرنا ئه‌زموونێن پولا دوزادێ ل سه‌رانسه‌ری كوردستانێ ل گونده‌كێ سه‌ر ب قه‌زا زومار ڤه، ژ نه‌بوونا مبه‌ریدا ل هولێن تاقیكرنێ دایك و بابێن قوتابیان هاریكاریا قوتابیان كر ب دابینكرنا مبه‌ریدان بۆ هولێن ئه‌زموونان.
مامۆستا عصامه‌دین عوبه‌ید سه‌رپه‌رشتێ په‌روه‌ردێ و نوونه‌رێ په‌روه‌ردا سێمێلێ ل هولێن ئه‌زمووتنان ل ده‌ڤه‌را زومار، ئه‌ڤرۆ نیۆز ئاشكراكر كو ل بنگه‌هێ قوتابخانا(حه‌مه‌د ئاغا)یێ ئه‌زموونێن پولا دوزازدێ ل ده‌ڤه‌را زمار ژ به‌ر نه‌بوونا مبه‌ریدان ل هولێن ئه‌زموونا بابێ دو قوتابیێن كچ موبریده‌ك بۆ كچێن خوه ل گه‌ل خوه ئینانه هولا ئه‌زموونا ب بهانا وێ چه‌ندێ كو كچێن وی دنه‌خوش بووینه، پشتی چوونا كاره‌بێ هه‌ر هه‌مان باب ترۆمبێلا خوه چوو مولیده‌كێ كاره‌بێ ژی ئینا بۆ دابینكرنا كاره‌بێ بۆ مبه‌ریدێ ب مه‌ره‌ما به‌رده‌وام بوونا تاقیكرنێن قوتابیان و ئه‌و هه‌ر دو ئامیره ل قوتابخانێ مان هه‌تا تاقیكرن ب دووماهی دهێن.
نوونه‌رێ په‌روه‌ردا سێمێلێ ئه‌و ژی ئاشكراكر كو چه‌ند دایك و بابێن قوتابیێن دی ژی ب هه‌مان مه‌به‌ست بۆ قوتابیان مبه‌ریده دابینكرن دا ژینگه‌ها هولا ئه‌زموونان ب سه‌ركه‌فتیانه ب رێڤه‌بچیت.
مامۆستا (ئیبراهیم حه‌سه‌ن شێخو) سه‌رپه‌رشتێ په‌روه‌ردێ و به‌رپرسێ یه‌كا په‌روه‌رده‌یی ل زمار زێده‌تر بۆ ئه‌ڤرۆ گۆت: ل ده‌ڤه‌را زمار چار بنگه‌هێن تاقیكرنێ هه‌نه كو دبنه 330 قوتابی ئه‌زموونێن پولا دوازدێ ئه‌نجام د ده‌ن و هه‌موو كچ و كورن و خه‌لكێ ده‌ڤه‌را زمار.
هه‌مان سه‌رپه‌رشتێ په‌وره‌ردێ ئه‌و ژی گۆت: پشتی هاتنا هێزێن حه‌شدا شه‌عبی بۆ ده‌ڤه‌را زمار ئه‌و قوتابخانه هاتبوونه تالانكرن و مبریده تێدا نه‌مابوون و پشتی ئه‌نجامدانا ئه‌زموونا هه‌ژماه‌كا دایك و بابێن قوتابیان موبریده ل گه‌ل خو ئینانه هولێن ئه‌زموونان بۆ دابینكرنا سه‌قایه‌كێ ئارام بۆ قوتابیان و هه‌تا شه‌ش موبریدا بۆ هولێن ئه‌زموونان هاتنه دابینكرن.
ئه‌ڤرۆ نیوز، له‌زگین جوقی:
رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو هه‌موو ستافێ سێ ده‌زگه‌هێن سه‌ره‌كیی بۆ به‌رهه‌نگاری و چاره‌سه‌ری و ده‌ستنیشانكرنا كۆرۆنایێ ل دهۆكێ ب شه‌ڤ ورۆژ دئه‌ركی دانه ئه‌و هه‌ر سێ ده‌زگه‌ه بۆ وه‌رگرتنا خه‌لاتی هاتینه ده‌ست نیشانكرن، ئه‌وژی ده‌زگه‌هێ خوه پاراستنا ساخله‌میا دهۆكێ و تاقیگه‌ه بۆ ده‌ست نیشانكرنا نه‌خۆشان و چاره‌سه‌ری ژی ئه‌و نۆژدارێن دروستاهی و رێك وپێك چارسه‌ریێ ب دروستاهی چاره‌سه‌ری دكه‌ن.
د. نزار عصمه‌ت رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو هه‌ر ئێك ژ د. مۆئه‌یه‌د ئه‌غالی به‌رپرسێ چاره‌سه‌ریا نه‌خۆشێن كۆرۆنایێ و د. سیروان محمه‌د ئه‌سود رێڤه‌به‌رێ كاروبارێن خوه پاراستنا ساخله‌میێ و د. ره‌وند عبدالخالق به‌رپرسێ تاقیگه‌ه ده‌ست نیشانكرنا نه‌خۆشیا كورۆنایێ هاتینه خه‌لاتكرن ب خه‌لاتێن قه‌ره‌مانیێن فیدراسیۆنا جیهانیا كوبۆ ئه‌ڤه رامانه‌كا مه‌زن ده‌ت بۆ پشته‌ڤانیكرنا ده‌زگه‌هیێن ساخله‌میێ ل دهۆكێ كو سێ قه‌ره‌مانیێن فێدراسیۆنا جیهانیا كوبۆ ل كوردستانێ خه‌لاتیێن خوه وه‌كو رێزگرتن ژبه‌ر رولێ وان نۆژداران یێن رۆژانا كارێ به‌رهه‌نگاری و چاره‌سه‌ری و ده‌ستنیشانكرنا كۆرۆنایێ ل سه‌رانسه‌رێ پارێزگه‌ها دهۆكێ دكه‌ن پێشكێشی وان كرن راستی ژی نه شه‌ڤ نه رۆژ هه‌نه بۆ ده‌ستنیشانكرنا نه‌خۆشیا و كه‌ره‌نتینكرنا وه‌لاتیان و چاره‌سه‌ریا نه‌خۆشان وهوشیاركرنا وه‌لاتیان داكو ئه‌م بشین ئه‌ڤ نه‌خۆشیا یا راگرتی بیت و نه‌هێته ناڤ پارێزگه‌ها مه دا ئه‌و حاله‌تێن په‌یدا ژی بن زوو بهێنه ده‌ست نیشانكرن وكونترۆل لسه‌ر ره‌وشێ بهێته كرن.
ناڤهاتی ئه‌وژی ئاشكه‌را كركو فیدراسیۆنا جیهانی كوبۆ ده‌ستپێشخه‌ریه‌كا گرنگ ئه‌نجامدایه ئه‌ڤ هانداره بۆ ساخله‌میی پشته‌ڤانیه‌كا زۆر مه‌زنه ئه‌م ژی سوپاسیا وان دكه‌ین وقه‌ره‌مانیێن هه‌ره مه‌زن وه‌لاتیێن پارێزگه‌هێ نه هه‌كه پێگیر بن ورێنمایان بجه بینن ئه‌ز وێ باوه‌ری دامه ئه‌م دێ ژ ڤێ ئاستی ده‌رباز بن دێ كێم زیانێ ده‌ین ل دهۆكێ لێ هه‌كه پێگیر نه‌بن و رێنمایان بجه نه‌هینن دێ مه‌ترسیی زێده‌تر بیت له‌ورا ئه‌م بێژین قه‌ره‌مانیێن ئێكێ وه‌لاتیێن مه نه وهیڤیا ژی خه‌لكێ خوه دكه‌ن بیێ ده‌ستگورك و كه‌مامه ژ مال نه ده‌ركه‌ڤن بلا ببیته كه‌لتوره‌ك دناڤ خه‌لكێ مه دا به‌رده‌وام كه‌مامه و ده‌ستگوركا بكاربینن خوه پارێزی باشترین رێك بۆ چاره‌سه‌ری.
فه‌رشید عیسا سه‌رۆكێ فیدراسیۆنا جیهانیا كوبۆ ل كوردستانێ دیاركركو ئه‌ڤ خه‌لات وه‌كو رێزگرتن بۆ كار و خزمه‌تا ساخله‌میی هاته پێشكێشكرن راستی شیاینه ژیانا خه‌لكێ هه‌تا نوكه بپارێزن و به‌ره‌ڤانیی ژ وه‌لاتیان بكه‌ن نه‌هێلن ڤایرۆسێ كۆرۆنایێ زیانێ بگه‌هینته وه‌لاتیان ب شه‌ڤ و رۆژ چه‌په‌رێن پیشیێ دانه بۆ به‌رهه‌نگاریا وچاره‌سه‌ریا نه‌خۆشیێن كۆرۆنایێ ل دهۆكێ ئه‌م ده‌ستخوشی ساخله‌میێ دكه‌ین هیڤدارین وه‌لاتیی ژی هه‌ڤكاربن بجه ئینانا رێنمایێن ساخله‌میێ.
نيشاندان