ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 9 ملیۆن و 193 هزار و 194 كه‌سان.
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 9 ملیۆن و 193 هزار و 194 كه‌سان ژ ئه‌ڤێ ژماره‌یێ ژی چار سه‌د و 74 هزار و 467 كه‌سان ژی گیانێ خو ژ ده‌ست دایه.
ل سه‌ر ئاستێ وه‌لاتێن جیهانێ ئه‌مریكا زۆرترین رێژه‌یا توشبوونێ ب ڤایرۆسێ توماركریه و گه‌هشتیه دو ملیۆن و 388 هزار و 225 كه‌سان ژ ئه‌ڤێ ژماره‌یێ ژی سه‌د و 22 هزار و 611 كه‌سان ژی گیانێ خو ژ ده‌ست دایه.
ئه‌ڤرۆ نیوز:
رێكخراوا هاریكاریا ئیسلامی پێشوازی ل بریارا سعودیێ ده‌ربارێ حه‌جێ ئیسال دكه‌ت.
یوسف ئه‌لعوسه‌یمین ئه‌میندارێ گشتی یێ رێكخراوا هاریكاریا ئیسلامی په‌سنا بزاڤێن سعودیێ بۆ پاراستنا مێڤانێن مالا خودێ ژ ڤایرۆسێ كورونایێ دكه‌ت، پێشوازیێ ل ئه‌وێ بریارا سعودیێ بۆ ئه‌نجام نه‌دانا حه‌جا ئیسال بۆ حه‌جیێن ده‌رڤه‌یی سعودیێ كر و ب بریاره‌كا باش بۆ به‌لاڤ نه‌بوونا ڤایرۆسێ كورونایێ دانا.
ئه‌میندارێ گشتی یێ رێكخرا هاریكاریا ئیسلامی ئه‌و چه‌نده ژی دازنین بریارا ئه‌نجام نه‌دانا حه‌جێ سعودی ب رۆلێ خو یێ مرۆڤی و شه‌رعی رابوویه، چونكو زۆریا حه‌جیان پیرۆ و ب ته‌مه‌ن و مه‌ترسیا مه‌زن ل سه‌ر ژیانا ئه‌وان دروست بوو.
22/6/2020 وه‌زاره‌تا حه‌جی یا سعودیێ بریارا دا بوو ئیسال ب رێك ب چ كسه‌كی ناهێته‌دان ده‌رڤه‌ی سعودیێ بۆ ئه‌نجامدانا حه‌جێ بهێت و بتنێ ژماره‌كا كێم یا حه‌جیان دناڤخو یا سعودیێ ب ریكارێن ساخله‌میی ئه‌ركێن حه‌جێ ئه‌نجام بده‌ن.
ئەڤرۆ نیوز:
بهایێ بەرمیلەکێ نەفتا خاڤ د بازارێن جیهانی دا بلندبوو نوکە بەرمیلەک ب ٤٣ دۆلارانە، بهایێ بەرمیلەکێ نەفتا خاڤا ئەمریکی ب ٤٠ دۆلار و ٧٠ سەنتان هاتە فروشتن.
لدووڤ نووچەکێ ئاژانسێن ئابووری، د دەمێ چەند رۆژێن بوری دا، بهایێ نەفتا خاف یا برێنت ب رێژا ١٠% و نەفتا خافا ئەمریکی ب رێژا ١٣% بلند بوویە.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 299 کەسێن دی ب ڤایرۆسێ کۆرۆنایێ راگەهاند، کو ٣٤ ل هەولێرێ، (١٦٩ ل سلێمانیێ، ٦١ ل گەرمیان، ٢٠ ل راپەڕین)، (٣ ل دهۆكێ و ١٢ ژی ل هەلەبجە) و گۆتیە ژی: د دەمێ 24 دەمژمێرێن بوری دا هەشت کەسێن دی گیانێ خوە ژ دەستداینە، کو سێ کەس ژ وان ل هەولێرێ نە، سێ ل سلێمانیێ و دو کەس ژی ل دەڤەرا گەرمیان.
هەروەسا دیار کریە: هژمارا تووشبوویێن کۆرۆنایێ ل هەرێما کوردستانێ گەهشتە چار هزار و 164 کەسان. هەروەسا د دەمێ 24 دەمژمێرێن بوری دا 16 کەس باشبووینە، کو 12 ژ وان ل هەولێرێ و چار کەسێن دی ل گەرمیان.
هژمارا گیان ژ دەستدانێ ب کۆرۆنا یێ ل هەرێما کوردستانێ گەهشتە 118 کەسان، 98 کەس ل سلێمانیێ، 18 کەس ل هەولێرێ و دو کەسێن دی ل هەلەبجە.
ئەڤرۆ نیوز:
شێخ حەسەن رەزا کارگێرێ لقێ ١١ یێ پارتی راگەهاند کو پشتی چەندین پشکنین بۆ بەرپرسێ لقێ ١١ یێ پارتی هاتیە کرن دەرکەفت کو تووشی ڤایرۆسێ کۆرۆنایێ بوویە.
ناڤهاتی راگەهاند کو هیوا گەیلانی ئەندامێ جڤاتا سەرکردایەتیێ یا پارتی و بەرپرسێ لقێ ١١ یێ پارتی ل گەل هەڤژینا خوە تووشی ڤایرۆسێ کۆرۆنایێ بووینە و نها هەر دویان ل مالێ خوە کەرەنتین کرینە.
کارگێرێ لقێ ١١ یێ پارتی راگەهاند کو هەتا نها دیار نینە کا بەرپرسێ لقێ ل گەل هەڤژینا خوە چاوا تووسی کۆرۆنایێ بووینە.
ئەڤرۆ نیوز، عەلی حاجی :
سەروکێ لیستا پارتی دیموکراتی کوردستان ل ئەنجوومەنێ پارێزگەها دهوکێ بۆ ئەڤرۆ نیوز دیار کر پارێزگارێ دهوکێ وەکو قوناغا ئێکێ هاتە گوهورین و بۆ قوناغا دویێ ژی دێ شەش رێڤەبەرێن گشتی هێنە گوهورین و قوناغا سیێ ژی دێ قایمقام ژی هێنە گهورین.
زێدەتر هشیار گولی گۆت: (د پوستێ پارێزگارێ دهوکێ دا گوهورین هاتە ئەنجام دان ل جهێ بەرێز فەرهاد ئەتروشی دکتور عەلی تەتەر هاتیە بەربژێر کرن و دانان، هەر دیسان بۆ قوناغا دویێ شەش رێڤەبەرێن گشتیێن پارێزگەها دهوکێ دێ هێنە گوهورین کو ئەو رێڤەبەرێن دەمێ وان یێ یاسایی ب سەرڤە چوویی، ژ وان رێڤەبەریا گشتی یا کارەبێ و رەوشەنبیری و هونەری و ساخلەمی و کشتوکال و گەشت و گوزارە و رێڤەبەریەکا دیترە و ئەڤ گوهورینە ژی د دەمێ بهێت دا دێ ژلایێ ئەنجومەنێ پارێزگەها دهوکێ هێنە پەسەند کرن و گوهورینا پارێزگاری ژی دێ د ڤێ حەفتیێ دا بیت) .
ناڤبری خویاکر ژی بۆ قوناغا سیێ دێ قوناغا گوهورینا قایمقام و رێڤەبەرێن دیتر بیت و بەری نوکە ژی پێنچ رێڤەبەرێن گشتی ژی هاتبوونە گوهورین ل پارێزگەها دهوکێ و ئەڤ بەرنامێ گوهورینان ژی ل پارێزگەها دهوکێ ژلایێ پارتی دیموکراتی کورستان ڤە هاتبوو دانان.
نيشاندان