ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو دو کەسێن دی ل هەولێرێ تووشی ڤایرۆسێ کۆرۆنایێ بووینە.
د داخۆیانیا وەزارەتا ساخلەمیێ دا ئاماژە ب هندێ هاتیە کرن کو تووشبوویێ ئێکێ زەلامەکە د ژیێ ٣٨ سالیێ دا و ئاکنجیێ گوندێ (ابو جردە) یە سەر ب ناحیا گوێر، تووشبوویێ دی ژی زەلامەکە د ژیێ ٢٩ سالیێ دا و ئەو ژی ئاکنجیێ عەنکاوە یە.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆكێ هۆشداریێ ددەتە وەلاتیان و دیار دکەت کو ژ دوهی رۆژا سێشەمبیێ ل پارێزگەها دهۆكێ(7) حالەتێن نوو یێن ڤایرۆسێ كورۆنایێ هاتنە تۆماركرن و ئەو هەموو كەسە نها ل نەخوەشخانا تایبەت دانە یا نەخوشیا ڤایرۆسێ كورۆنایێ ل دهۆكێ.
رێڤەبەریا ساخلەمیا پارێزگەها دهۆكێ د ئاگەهداریا خوە دا دوپاتی ل وێ چەندێ كریە ئەو (7) كەسێن هاتینە توماركرن ب ڤایرۆسێ كورۆنایێ، ئەوان كەسان (هاتنوچوون) ل ناڤا باژێری دا ئەنجام دایە و هەر دیسان ئەوان كەسان چەند سەرەدان ژی ئەنجام داینە.
ساخلەمیا دهۆكێ د ئاگەهداریا خو دا هوشداریێ ددەتە خەلكی كو فەرە هشیاری رەوش و ساخلەمیا خوە بن ژ بەر كو ئەوان كەسان هاتنوچوونا ئەنجام دای ناڤا باژێری دا، لەورا فەرە خەلك زور پێگیری رێنمایان بیت تا كو چ مەترسی ل سەر ژیانا وان دروست نەبیت.
ئه‌ڤرۆ نیوز:
رێكخراوا ساخله‌میا جیهانێ تاقیكرن و بكارئینانا ده‌رمانێن هایدروكسی كلوروكین بۆ چاره‌كرنا توشبوویێن ڤایرۆسێ نه‌هێته بكارئینان، چونكۆ چاره‌سه‌ركرنێ كارتێكرنا خو نه‌بوو و زیان بۆ توشبوویان هه‌بوویه.
پشتی لگۆری ڤه‌كۆلینه‌كێ، كۆ ل رۆژا هه‌ینیێ ل گۆڤارا نوژداری یا زه‌لانسیت هاتیه به‌لاڤكرن و تێدا هاتیه ئاشكراكرن، كۆ بكار ئینانا كلوروكین و پێكهاته‌یێن دی وه‌ك هایدروكسی كلوروكین ل دژی كورونایێ كارتێكرن نه‌بوویه، به‌لكۆ زیان به‌خش بوویه، له‌ورا رێكخراوا ساخله‌میا جیهانێ ب شێوه‌یه‌كێ ده‌مكی تاقیكرن ل سه‌ر ده‌رمانێ هایدروكسی كلوروكین بۆ چاره‌سه‌ركرنا توشبوویان نه‌هێته بكارئینان، كۆ بخو د بنه‌مادا دژی نه‌خوشیا مه‌لاریا دهاته بكار ئینان.
تیدروس ئه‌دهانوم گیبریسون رێڤه‌به‌رێ گشتێ یێ ساخله‌میا جیهانێ د كۆنگره‌یه‌كێ رۆژنامه‌ڤانی دا بریارا رێكخراوێ دوپات و راگه‌هاند بریار پشتی ڤه‌كۆلینه‌كا گۆڤارا نوژداری زه‌لانسیت هاتیه به‌لاڤكرن، بكار ئینانا ده‌رمانێن كلوروكین ل به‌رهنگاربوونا ڤایرۆسێ كورونادا زیانبه‌خشه ل شوونا مفا وه‌رگرتنێ.
ئه‌ڤرۆ نیۆز، عه‌زیز هه‌ورامی:
مه‌سرور بارزانی سه‌رۆكی حكومه‌تی هه‌رێمی كوردستان له‌گه‌ڵ خستنه بواری جێبه‌جێ كردنی پڕۆژه‌ی چاكسازی پلانی داناوه سه‌رچاوه‌كانی داهات فره‌چه‌شن بكات و ته‌نها بشت به یه‌ك سه‌رچاوه‌نه‌به‌سترێت، ماموستاییه‌كی زانكۆ باس له‌و كه‌رتانه‌ده‌كات حكومه‌ت ده‌توانێت ده‌ستی بۆبه‌رێت و له‌ماوه‌ی شه‌ش مانگدا ده‌رئه‌نجامی ده‌رده‌كه‌وێت.
هاشم عومه‌ر، ماموستایی زانكۆ ئابووری ناس، به ئه‌ڤرۆ نیۆزی ڕاگه‌یاند، پشتبه‌ستن به یه‌ك سه‌رچاوه‌ی دارایی گرفتی گه‌وره بۆ هه‌رێم دروستكردووه، دوو چاره‌سه‌ری ئانی و دوورمه‌ودا هه‌یه بۆ ئابووری وڵات و فره‌چه‌شنكردنی سه‌رچاوه‌ی ئابووری ،ئه‌وه‌ی ئێسته پێویسته بیكه‌ین، یه‌كه‌م پڕۆژه كشتووكاڵیه‌كان له‌به‌رامبه‌ر زیادكردنی به‌رهه‌می كشتوكاڵی له ڕووی چۆنییه‌تی و چه‌ندییه‌تی وه به‌بازاڕكردنی نێوده‌وڵه‌تی.
هه‌روه‌ها گوتیی، چۆن ئێران له‌ڕوی به‌رهه‌می كشتوكاڵی كوردستانی كردووه به‌سه‌رچاوه‌ی خۆی به‌رهه‌مه‌كانی بۆ هه‌نارده‌ده‌كات ده‌بێت كوردستانیش له‌چه‌ند به‌رهه‌مێكی كشتوكاڵی بۆ بازاڕی چه‌ند وڵاتێك هه‌نارده‌بكات .
سه‌رچاوه پیشه‌سازییه‌كان جگه له نه‌وت و غاز به‌رهه‌مه كانزاییه‌كان گرنگه كاری له‌سه‌ربكرێت، به‌رهه‌مه‌كانی سه‌رچاوه ئاوییه‌كان و وه‌به‌رهێنان له ته‌خته و بلۆك و چیمه‌نتۆ و ئاسن له كوردستان به‌رهه‌مێكی باشی هه‌یه و ئه‌و به‌رهه‌مه خامه‌ی له ڵاوتی ئێمه هه‌یه بۆ ئاسن له وڵاتانی تر‌نییه، ئه‌وماموستایی زانكۆ وای گوت.
ئاماژه‌ی به‌وه‌دا، هیچ كۆمپانیایه‌ك له باج نه‌به‌خشرێت و باجه‌كان ڕێكبخرێته‌وه چاكسازی گشتگیر له ته‌واوی كه‌رته‌كانبكرێت، ده‌توانین بڵێن بۆ ماوه‌ی شه‌ش مانگ ده‌رئه‌نجامه‌كانی ده‌رده‌كه‌وێت، به‌ڵام ئه‌م بابه‌تانه‌ی باسمانكرد هه‌نگاوی جدی سه‌رۆك وه‌زیرانی ده‌وێت.
ئه‌ڤرۆ نیوز:
حكومه‌تا عیراقێ تاكو نها قه‌ر ژ به‌نكا رافیده‌ین و ره‌شید و بازرگانێن عیراقێ كریه.
جه‌مال كۆچه‌ر ئه‌ندامێ لژنا دارایی ل جڤاتا نوونه‌رێن عیراقێ د داخویانه‌یكا رۆژنامه‌ڤانی دا راگه‌هاند ئه‌و قه‌رێن كۆ حكومه‌تا عیراقێ دكه‌ت ژ به‌نكێن ناڤخو چه‌ند مفایین خو هه‌نه وه‌ك به‌نین نێڤ ده‌وله‌تی، به‌لێ د هه‌مان ده‌م دا ئه‌ڤه تشته‌كێ راست و دروست نینه، چونكۆ ل ده‌مێن بهێت مفایه‌كی زۆر دێ چیته سه‌ر و دبیته بارگرانی ل سه‌ر ملێن حكومه‌تێ.
ئه‌ندامێ لژنا دارایی ل جڤاتا نوونه‌رێن عیراقێ ئه‌و چه‌نده‌ژی راگه‌هاند هه‌كه ئه‌ڤ قه‌رێن ناڤخۆی یێن حكومه‌ت بۆ پرۆژه‌یه‌كی یان مه‌به‌سته‌كا دیاریكری نه‌بیت ئه‌ڤه دبیته ئاریشه ل ده‌مین بهێت دا، ب تایبه‌تی هه‌كه ئه‌ڤ قه‌ره بۆ پرۆژه‌یێن وه‌به‌رهێنانێ نه‌هێنه مه‌زاختن.
ئه‌ڤ چه‌نده د ده‌مه‌كی دایه، ب ئه‌گه‌رێ داكه‌تنا بهایێ پترۆلێ و داهاتێ هه‌یڤانه‌یێ عیراقێ ژ فرۆتنا پترۆلێ ژ 6 ملیار دۆلاران كۆ 1.5 ملیار دۆلاران كێمكریه ئه‌ڤه ژی دبیته ئاریشه‌یه‌كا ئابووری و دارایی بۆ حكومه‌تێ ب تایبه‌تی دبیاڤێ دانا موچه‌ی.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، پێنج تووشبوویێن کۆرۆنا یێ ل هەولێر و تووشبوویەکێ کۆرۆنا یێ ل دهۆکێ هاتنە تۆمار کرن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، شەش تووشبوویێن دی یێن ڤایرۆسی کۆرۆنا یێ ل ھەولێر و دهۆکێ هاتنە دەست نیشانکرن ، کو ژنەکا ٤٠ سالی، کچەکا گەنج یا ١٨ سالی، دو زەلامێن د ژیێن ٧٠ و ٦٠ سالیێ دا، دو زارۆک د ژیێن ١٠ و ٦ سالیێ دانە.
سێ تووشبوویی بەرکەفتیێن تووشبوویێن بەرێنە و سێ یێن دیتر نیشانا وێ نەخۆشیێ ھەیە.
تووشبوویەک خۆجهێ هەولێرێ یە و چار تووشبوویی خۆجهێن ناحیا عەنکاوە نە و تووشبوویەک ژی خۆجهێ ناحیا کەلەکێ یە ل دهۆکێ.
ئەڤرۆ نیوز:
وەزارەتا ساخلەمیا عیراقێ راگەهاند: ١٥٠حالەتێن نوویێن توشبوون ب ڤایرۆسێ کۆرۆنایێ و ٧٣ حالەتێن چێبوونێ و سێ حالەتێن گیان ژ دەستدانێ ل بەغدا هاتنە تۆمار کرن.
وەزارەتا ساخلەمی و ژینگەها عیراقێ راگەهاند: د ٢٤ دەمژمیرێن بوری دا ١٥٠حالەتێن نوویێن کۆرۆنایێ هاتینە تۆمار کرن، کو ١١٦ حالەت ل بەغدا، ٢٢ ل نەینەوا، چار ل دیوانیە، سێ ل بەسرا، دو ل نەجەف، ئێک ل بابل، ئێک ل کەربەلا و ئێک ل زیقار.
هەروەسا گۆتیە: ٧٣ کەسێن دی چێبووینە، کو ٥٠ ژ وان ل بەغدا، ١٧ ل بەسرا، دو ل کەربەلا، دو ل واست، ئێک ل موسەنا و ئێک ژی ل بابل.
ئەڤرۆ نیوز:
سەرۆک مەسعود بارزانی پەیامەکێ بۆ سالیادا شۆرەشا گۆلانێ بەلاڤ دکەت و د پەیاما خوە دا سەرۆک بارزانی دیار دکەت کو شۆرەشا گۆلانێ هەلگرێ پەیام و ئارمانجێن شۆرەشا مەزن یا ئەیلۆلێ بوو، شۆرەشا گۆلانێ سەلماند کو چو دەمەکێ ئیرادا گەلێ کوردستانێ ژناڤ ناچیت.
ئەڤە ژی دەقێ پەیاما سەرۆک بارزانی یە:
بەناوی خودای بەخشندە و میهرەبان
لە یادی شۆڕشی گوڵاندا پێزانینم بۆ ڕۆڵ و ماندووبوون و ئاوارەیی و گیانفیدایی هەموو ئەو تێكۆشەر و پێشمەرگە قارەمانانە هەیە، كە بەشداری شۆڕشی گوڵان بوون و مێژوو و شانازییان بۆ گەلی كوردستان دروست كرد. هەزاران سڵاو بۆ گیانی پاكی شەهیدانی شۆڕشی گوڵان و هەموو شەهیدانی كوردستان.
شۆڕشی گوڵان هەڵگری پەیام و ئامانجەكانی شۆڕشی مەزنی ئەیلوول بوو و، یەكێكە لە قۆناغە گرنگەكانی بەرخودانی پێشمەرگە و گەلی كوردستان و سەلماندی كە ئەگەر لە قۆناغێكدا خەباتی گەلی كوردستان تووشی وەستان و نسكۆ هاتبێت ئەوە ئیرادەی تێكۆشانی گەلی كوردستان هیچ كات نەشكاوە و بە گوڕوتینێكی تازە سەرهەڵدەداتەوە.
پەیامی شۆڕشی گوڵان كە لە بیست و شەشی ئایاری 1976ـدا هەڵگیرسا، پەیامی بەردەوامی و كۆڵنەدان و پێداگری بوو لە مافە ڕەواكانی گەلەكەمان و درێژكراوەی شۆڕشەكانی تری گەلی كوردستان بوو. بەرهەمی شۆڕشی گوڵان یەكڕیزیی هێز و لایەنەكانی گەلەكەمان بوو بۆ ڕاپەڕین و فیدڕاڵی و فرەلایەنی و هەڵبژاردن و بەرپابوونی دامودەزگەی هەرێمی كوردستان كە هەر هەمووی دەستكەوتی گرانبەهان و بە خوێن و فرمێسك و هاتوونەتە دی. لەیادی چل و چوارەمین ساڵی شۆڕشی گوڵاندا جەخت لە پەیامی پێكەوەژیان و ئاشتیخوازیی گەلی كوردستان دەكەینەوە و خەڵكی كوردستانیش لەوە دڵنیا دەكەینەوە كە شۆڕش و خەبات و قوربانیدانیان بە فیڕۆ ناچێت.
مسعود بارزانی
25ـی 5ـی 2020
ئەڤرۆ نیوز:
هێمن قادر پەیڤدارێ ژوورا ئۆپەراسیۆنێن هەولێرێ دیار کر کو پشتی ٧٢ دەمژمێرێن قەدەغەیا هاتنوچوونێ ب دووماهی بهێن، ئانکۆ قەدەغەیا ل هەر سێ رۆژێن جەژنێ ب دووماهی بهێن ئێدی قەدەغا هاتنوچوونێ ناهێتە درێژکرن.
ناڤهاتی ئەو یەک ژی دیار کر کو پشتی هەر سێ رۆژێن جەژنێ دێ ژیان وەکو بەری جەژنێ ئاسایی لێ هێت و چو بریار بۆ هندێ ژی نینن کو قەدەغەیا هاتنوچوونێ بهێتە درێژکرن.
هێمن قادر راگەهاند ژی کو ل رۆژا دویێ و سیێ یا جەژنێ ئاسانکاری بۆ وەلاتیان هاتینە کرن و نانپێژی و جهێ فرۆتنا کەسکاتیان و فێقی هاتینە ڤەکرن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ل سلێمانیێ 10 تووشبوویێن دی یێن کۆرۆنا یێ هاتنە تۆمار کرن.
هەروەسا گۆتیە: کەسێن تووشبوویی چار ژنن و د ژیێن 63 و 57 و 42 و 37 سالیێ دانە، شەش زەلام د ژیێن 68 و 60 و 47 و 32 و 29 و 26 سالیێ دانە، حەفت ژ تووشبوویان بەرکەفتیێن تووشبوویێن بەرێ نە و دو ژ تووشبوویان نیشانێن کۆرۆنا یێ ھەنە.
وەزارەتا ساخلەمیێ ئاشکرا کریە: تووشبوویەک خۆجهێ ناحیا حاجی ئاوایە ل سنۆرێ ئیدارا راپەرین و نەهـ تووشبوویێن دیتر ژی خۆجهێن ناڤا شارێ سلێمانیێ نە.
نيشاندان