NO IORG
نووترين نووچه

 

 

ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 182 کەسان و گیان ژ دەستدانا پێنج کەسێن دی ب ڤایرۆسێ کۆرۆنا یێ د 24 دەمژمێرێن بوری دا راگەهاند.

هەروەسا گۆتیە: د 24 دەمژمێرێن بوری دا 1970 پشکنین هاتینە ئەنجامدان، 647 پشکنین ل هەولێرێ، 611 پشکنین ل سلێمانیێ، 466 پشکنین ل دهۆکێ، 136 پشکنین ل گەرمیان و 110 پشکنین ل راپەرین، د
ئەنجامدا 182 تووشبوویێن دی یێن ڤایرۆسێ کۆرۆنا یێ هاتینە دەست نیشانکرن، کو 30 ژ وان ل هەولێرێ نە، 107 کەس ل سلێمانیێ و ئیدارا گەرمیان و راپەرینن.

 

 

ئەڤرۆ نیوز، زنار تۆڤی:

 

یاسین قادر بەرزنجی، هونەرمەند و شانۆکارێ ناسیارێ کورد، کو نوکە ل سلێمانیێ دژیت، ئەڤرۆ تووشی کۆرۆنا یێ بوویە، لێ ساخلەمیا وی یا باشە.

ناڤهاتی بۆ ئەڤرۆ نیوز دیار کر: پشتی دەرکەفتنا نیشانێن ڤایرۆسێ کۆرۆنا یێ ل دەف من و پشتی من پشکنینێن کۆرۆنا یێ کرین، دەرکەفتیە کو ئەز تووشی کۆرۆنا یێ بوویمە، لێ رەوشا من یا باشە، هەتا نوکە ئەز نەچوویمە نەخۆشخانێ و من ل مال خوە کەرەنتین کریە.
یاسین قادر بەرزنجی، هونەرمەند، شانۆکار و نڤیسەرە و ل سالا 1956 ل سلێمانیێ ژ لەدایک بوویە، ل سالا 1972 وەکو ئەکتەر دەست ب کارێن هونەری کریە، وەکو ئەکتەر پشکداری د دەهان شانۆگەری، دراما و فلمێن سینەمایی دا کریە.

 

ئەڤرۆ نیوز:

وەزارەتا ساخلەمی و ژینگەها عیراقێ راگەھاند: ھزار و ۲۱۹ حالەتێن نوو یێن توشبوون ب کۆرۆنا یێ و ٥۷۱ حالەتێن چێبوونێ و ٥۳ حالەتێن گیان ژ دەستدانێ ھاتینە تۆمار کرن.

هەروەسا گۆتیە: د دەمێ ۲٤ دەمژمێرێن بوری دا ھزار و ۲۱۹ حالەتێن نوو یێن توشبوون ب کۆرۆنا یێ ھاتنە تۆمارکرن، کو ٦۰٨ حالەت ژ وان ل بەغدا ، ۱۰۹ ل زیقار، ۱۰۰ ل میسان، ۷٦ ل بەسرە، ٦۲ ل دیالە، ٦۰ ل بابل، ٥٦ ل واست، ٤۰ ل کەربەلا، نەجەف و کەرکوکێ ۳٥ ، ل دیوانیە ۱۹ ، ۱۱ ل نەینەوا، شەش ل ئەنبار ، دو ژی ل موسەنا.

دیسان دیار کریە: ٥۳ کەسان ب وێ نەخۆشیێ گیانێ خوە ژ دەستدایە ، کو ۲٥ حالەت ل بەغدا ، ۱۲ ل زیقار ، پێنج ل واست، چار ل نەجەف ، دو کەرکوک و دیالە، حالەتەک ل هەر ئێک ژ پارێزگەهێن بەسرە و میسان و بابل بووینە.
هێشتا دبێژیت: کو ٥۱۷ کەس ژ وێ نەخۆشیێ چێبووینە، کو ۳۳٨ حالەت ل بەغدا ، ٥٥ ل بابل ، میسان و واست ۲٥ ، ل زیقار ۲۱ ، ۱۹ ل کەربەلا ، ۱٨ ل بەسرە، نەجەف و دیوانیە ۱۷، ۱۱ ل موسەنا، هەشت ل دیالە و سەلاحەدین ، حەفت ل کەرکوکێ ، دو حالەت ل نەینەوا، هەروەسا هەتا نوکە ۲۲ ھزار و ۷۰۰ کەس ل عێراقێ تووشی کۆرۆنا یێ بووینە.

 

 
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 16/6/2020، نەهـ نەخۆشێن دی یێن ڤایرۆسێ کۆرۆنا یێ ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوو کو ب تەمامی چارەسەر بووینە و ب سلامەتی ژ نەخۆشخانێ هاتنە دەرخستن و چوونە دناڤ کەسوکارێن خوە دا.

هەروەسا گۆتیە: ب ڤێ چەندێ هژمارا چارەسەر بوویان گەهشتنە 88 کەسان و 47 نەخۆش ژی ماینە د نەخۆشخانێ دا ل دهۆکێ.

 

 

 

ئەڤرۆ نیوز، زنار تۆڤی:

 

 

 

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەک بریندار بوو.

 

ناڤهاتی زێدەتر ئاشکرا کر: ئەڤرۆ سێشەمبی ٢٠٢٠/٦/١٦، ل دەمژمێر(٢:١٠) پشتی نیڤرۆ ل سەر جادا سەرەکی یا دناڤبەرا قەزا بەردەرەش بۆ ناحیا رۆڤیا روودانەک ژ جۆرێ لێگدان روودایە و د ئەنجامدا کەسەک ب سڤکی بریندار بوویە و زیانێن مادی ژی گەهشتینە هەردو ترۆمبێلان.

ئەڤرۆ نیوز:

قایمقامێ هەولێرێ راگەهاند کو د چەند رۆژێن بۆری دا بێهنەکا نەخوش ل باژێرێ هەولێرێ بەلاڤ ببوو و پشتی ڤەکۆلینان دەرکەفت کو ژ بەر هەبوونا چەندین پارزینگەهێن نەئاسایی ئەو بێهنە بەلاڤ بوویە.

قایمقامێ هەولێرێ راگەهاند کو ١٧ پارزینگەهێن نەئاسایی هاتنە داخستن و ب چو رەنگەکێ رێ ناهێتە دان کار بکەن، چونکو چو مەرجێن قانوونی نەبوون و هەر پارزینگەهەکا دی یا نەئاسایی هەبیت دێ هێتە داخستن.

ئه‌ڤرۆ ینوز:

په‌یڤدارێ فه‌رمانگه‌ها ساخله‌میا كه‌ركووكێ راگه‌هاند ژماره‌یا توشبوویێن كورونایێ ل كه‌ركوكێ گه‌هشتیه‌ 406 كه‌سان.

سامان یابه‌ په‌یڤدارێ فه‌رمانگه‌ها ساخله‌میا كه‌ركوكێ راگه‌هاند ته‌ڤایا توشبوویێن ڤایرۆسێ كورونایی كوڤید 19 گه‌هشتیه‌ 406 كه‌سان ژ وان 231 كه‌س ل بن چاڤدێری دانه‌، 161 كه‌س ژی ساخ بووینه‌ و 14 كه‌سان ژی گیانێ خو ژ ده‌ست دایه‌.

په‌یڤداری فه‌رمانگه‌ها ساخله‌میا كه‌ركووكێ ئه‌و چه‌نده‌ ژی راگه‌هاند دهی 28 كه‌س ل كه‌ركووكێ توشی كورونای بوون هه‌روه‌سا پێنج كه‌س ژی ژ ڤایرۆسی ساخ بووینه‌.

ئه‌ڤرۆ نیوز:

وه‌زیرێ ساخله‌میا حكومه‌تا هه‌رێما كوردستانێ راگه‌هاند ل ده‌مێ به‌رده‌ست بوونا موچه‌ی ئێكه‌مین وه‌زاره‌ت كۆ موچه‌ی وه‌ربگریت وه‌زاره‌تا ساخله‌میێ یه‌ و لده‌مێ خودا دێ هێته‌ راگه‌هاندن.

سامان به‌رزنجی وه‌زیرێ ساخله‌میا حكومه‌تا هه‌ریما كوردستانێ ئه‌و چه‌نده‌ ژی راگه‌هاند: موچه‌یی نوژداران و كارمه‌ندێن كه‌رتێ ساخله‌مێ پێدڤی و گرنگه‌ داخاز كریه‌ ژی موچه‌ بهێته‌ پارڤه‌كرن.

وه‌زیرێ ساخله‌میا حكومه‌تا هه‌رێما كوردستانێ دا زانین ل ده‌مێ به‌رهه‌ڤ بوونا پاره‌یی ئێكه‌مین وه‌زاره‌ت كۆ موچه‌ ل سه‌ر بهێته‌ پارڤه‌كرن وه‌زاره‌تا ساخله‌میی یه‌ و ل ده‌مێ خودا هێته‌ راگه‌هاندن و وه‌زاره‌تا دارایی د بزاڤا ئه‌وێ چه‌ندێ دایه‌ بۆ دابینكرنا پاره‌یێ پێدڤی بۆ دانا موچه‌یی.

ئه‌ڤرۆ نیوز:

سه‌رۆكێ فراكسیونا پارتی دیموكراتی كوردستان ل په‌رله‌مانێ كوردستانێ راگه‌هاند هه‌لوه‌شاندنا بریارا ژماره‌ 4 یا 7 هه‌یڤا ئایارێ، ل ده‌سه‌لاتا كه‌سێ دانینه‌ و بتنێ ل ده‌سه‌لاتا كۆمبوونا په‌رله‌مانی دایه‌ ئه‌وێ بریارێ هه‌لبوه‌شینیت، چ هێز و كه‌سه‌ك ل سه‌ر یاسایێ دا نینه‌ و نابیت، چ كه‌س نه‌شێن ب نه‌ یاسایی بریارێ هه‌لبوه‌شینیت.

پشتی رێزوا فایه‌ق سه‌رۆكا په‌رله‌مانێ كوردستانێ بریارا هه‌لگرتنا پارێزبه‌ندیێ ل سه‌ر سوران عومه‌ری ره‌تكری، ئومێد خوشنا سه‌رۆكێ فراكسیونا پارتی په‌یامه‌ك به‌لاڤكر تێدا هاتیه‌ كۆ هه‌لوه‌شاندنا بریارا ژماره‌ 4 یا 7 هه‌یڤا ئایارێ، ل ده‌سه‌لاتا چ كه‌سان دا نینه‌ بتنێ ده‌سه‌لاتا كۆمبوونا په‌رله‌مانی دایه‌ بریارێ بده‌ت ئه‌ڤه‌ ژی ئه‌سته‌مه‌، هیڤیدارم عیبره‌ت ژ رابوردووی وه‌ربگرن، بلا ئاریشه‌ ل په‌رلمانی چاره‌سه‌ر بن، نه‌ك په‌رله‌مان خو ب بیته‌ داهێنه‌رێ ئاریشه‌یێ.

ئه‌ڤرۆ نیوز:

كۆمپانیا بی پی یا بریتانی تایبه‌ت ب پترۆلێ د نووترین راپۆرت دا پێشبینیێن خو بۆ بهایێ پترۆلێ راگه‌هاند كۆ ئه‌و دوێ هزرێ دانه‌ ل سالا 2021 تاكو 2050 بهایێ پترۆلێ ل دورێن 55 دۆلاران دا بمینیت، بهایێ غازا سرۆشتی بۆ هه‌ر پیڤانه‌كا غازێ 2.90 سه‌نتان دا دمینیت.

لگۆری راپۆرتا كۆمپانیا بی پی كۆ ئه‌و بهایێ پێشبینی كری بۆ پترۆلێ دناڤبه‌را سالێن 2021 بۆ2050 ب رێژه‌یا 27% كێمتره‌ ژ پێشبینێن به‌ری نوكه‌ یێن كۆمپانیێ.

كۆمپانیا ناڤبری ئه‌و چه‌نده‌ ژی دیاركر ب ئه‌گه‌رێ به‌لاڤبوونا ڤایرۆسێ كورونایێ نێزیكی 10 هزار كارمه‌ند هاتینه‌ كێمكرن ژ كاری نوكه‌ زێده‌تری 70 هزار كارمه‌ندان دبیت بێ كارن.

website security
WP Facebook Auto Publish Powered By : XYZScripts.com