ئەڤرۆ نیوز:
وەزارەتا ساخلەمیا هەرێما کوردستانێ دیار کر: 16 کەسێن دی ل سلێمانیێ تووشی ڤایرۆسێ کۆرۆنا یێ بوون، کو هەشت زەلام و شەش ژن، کچەک و کورەکێ گەنجن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، شازدە تووشبوویێن دی یێن ڤایرۆسێ کۆرۆنا یێ ل سلێمانیێ هاتنە دەست نیشانکرن، هەشت زەلام و شەش ژن و کچەک و کورەکێ گەنجن، چاردە تووشبوویی بەرکەفتیێن تووشبوویێن بەرێنە، دو تووشبوویێن دیتر نیشانا وێ نەخۆشیێ ھەیە، ھەموو ژی خۆجهێن ناڤا باژێرێ سلێمانیێ نە.
ئەڤرۆ نیوز، عەلی حاجی :
ئەندامەکێ لژنا دووڤچوونا بازاری ل زاخۆ بۆ ئەڤرۆ نیوز دیار کر: ئەڤرۆ چارشەمبێ ٢٧/٥/٢٠٢٠ ب هاریکاریا پولیس و ئاسایشا زاخۆ لژنەیا وان زێدەتری ٣٠٠ جهان کری یە ژ وان ژی چار جهـ هاتنە دائێخستن.
زێدەتر وەلات هەجەر گۆت : ئەڤرۆ ل روژا چارشەمبێ لژنا دیفچوونا بازاری ل قایممقامیا زاخۆ ب هەڤکاری دگەل پولیس و ئاسایشا زاخۆ سەرەدانا زێدەتری ٣٠٠ جهان کرینە و ژبەر نەپێگیریا چار سەرتراشخانەیان ب رێنمایان ئەو جهە بۆ ٧٢ دەمژمێران هاتنە دائێخستن و هاتنە ئاگەهدار کرن ژی هەر دەما رێنما جێبەجێ نەکرن دێ ب سزایەکی توندتر هێنە سزادان و ئەڤە دبیتە ئێکەم دەرکەڤتنا لژنەیامە پشتی ب دوماهی هاتنا جەژنا رەمەزانا پیروز،هەر دیسان هەمی جهـ هاتینە ئاگەهداە کرن ژی کو پێدڤی یە رێنمایێن خوە پاراستن ژ ڤایروسێ کورونایێ جێبەجێ بکەن دا کو توشی چو سزایێن ماددی و دائێخستنێ نەبن ژلایێ لژنەیا وان ڤە .
ئەڤرۆ نیوز:
بریارە پشتی جەژنێ شاندێ حوکمەتا ھەرێما کوردستانێ سەرەدانا بەغدا بکەت ،ژ بۆ گۆتوبێژان دەربارەی سەرجەم وان ئاریشێن دناڤبەرا هەولێر و بەغدا دا ماینە هەلاویستی.
بەختیار حاجی، ئەندامێ شاندێ حوکمەتا ھەرێمێ و ڕێڤەبەرێ گشتی یێن پەیوەندیێن حوکمەتا ھەرێما کوردستانێ ل بەغدا دیار کریە: ھەردو حوکمەتێن عیراقێ و ھەرێما کوردستانێ رازیبوون نیشاندایە، کو ئاریشێن دناڤبەرا خوە دا چارەسەر بکەن و پشتی بھێنڤەدانا جەژنا رەمەزانێ شاندێ حوکمەتا ھەرێما کوردستانێ دێ سەرەدانا بەغدا کەت، ئەو ئاریشێن ھەین دێ ھێنە چارەسەر کرن.
هەروەسا گۆتیە: حوکمەتا عیراقێ رازیبوون نیشاندایە پشتی جەژنێ ٤۰۰ ملیار دیناران بۆ هەرێمێ رەوانە بکەت .
ئەڤرۆ نیۆز، قائید میرۆ:
بڕیارە تنێ پۆلا ١٢ی ئامادەیی و قۆناغا پێنجێ یا پەیمانگەھان پشکداریێ د تاقیکرنێن دوماھیا سالێ دا بکەن و بڕیاردەرا لیژنا پەروەردێ ژی ل پەرلەمانێ کوردستانێ رەتکر گۆھوڕین ب سەر ژڤانێ تاقیکرناندا ھات بیت.
دکتۆر گەلاوێژ عوبێد، بڕیاردەرا لیژنا پەروەردێ ل پەرلەمانێ کوردستانێ بۆ ئەڤرۆ نیۆز دیارکر ھەموو وانەیێن ب شێوەیێ ئۆنلاین ژلایێ قوتابیانڤە ھاتینە خواندن نابنە پرسیار بۆ تاقیکرنێن دوماھیا سالێ و تنێ پرۆگرام ھند دێ بیتە پرسیار و پشکدارە بۆ تاقیکرنان یێن بەری کۆرۆنایێ ل قوتابخانێ ھاتینە خواندن.
لدۆر گۆھڕینا ژڤانێ رێڤەچوونا تاقیکرنێن پۆلا ١٢ی ئامادەیی دکتۆر گەلاوێژ عوبێد گۆت” گورەی بڕیارا وەزارەتا پەروەردێ دێ تاقیکرنێن پۆلا ١٢ی ئامادەیی و قۆناغا پێنجێ یا پەیمانگەھان ددەمێ خۆ یێ دیاریکری ھێنە ئەنجامدان و گۆھڕین تێدا ناھێنەکرن.
ئه‌ڤرۆ نیوز:
كه‌شتیا سیێ یا پترۆلا ئیرانێ گه‌هشته به‌نده‌رێن ڤنزوێلا بێ كۆ ئه‌مریكا چ كارڤه‌دانه‌كێ هه‌مبه‌ر ئه‌وان كه‌شتیان بكه‌ت.
د ناڤه‌راستا ئه‌ڤێ هه‌یڤێ دا، پێنج كه‌شتی یێن پترۆلا ئیرانێ هه‌لگرتبوون به‌ره‌ڤ ڤنزوێلا برێكه‌تن و ئه‌ڤه‌ژی زێده‌باری سزایێن ئه‌مریكا ل سه‌ر ئیرانێ و رێگریكرن ژ هنارتنا پترۆلا ئیرانێ بۆ بازارێن جیهانێ.
دوی چارچوڤه‌یی دا دو كه‌شتی یێن پترۆلا ئیرانێ گه‌هشتنه دو به‌نده‌رێن ڤنزوێلا كۆ ژلایێ كۆمپانیا نیشتمانیا پترۆلا ڤنزوێلان ڤه دهێنه برێڤه‌برن و پترۆلێ خالی دكه‌ن، كه‌شتی یا سیی ژی گه‌هشته كه‌نارێن تایبه‌ت ب ده‌ڤه‌را ئابووریا ئه‌وی وه‌لاتی و دو كه‌شی ژی ماینه ب گه‌هنه كه‌نارێن ڤنزوێلا، بێكۆ ژلایێ ئه‌مریكا گرفت بۆ چوونا ئه‌وان كه‌شتیان بهێته‌كرن، د ده‌مه‌كی دا به‌س ئه‌مریكا ره‌خنه ل ئه‌وێ پێنگاڤا هه‌ردو وه‌لاتان گرت بوو.
ئەڤرۆ نیۆز،قائید میرۆ:
ئەڤسالە ٤٤ د بۆرن لسەر دەستپێکرنا شۆڕشا گولانێ و فەرماندەیەکێ پێشمەرگەی ژی ئاماژەکر، پێشمەرگە شیا بەرسینگا مەزنترین رژێما ستەمکار ل دەڤەرێ بگریت و دبێژیت، سەرۆک بارزانی ژی رۆلەکێ بەرچاف د شۆڕشا گولانێ دا ھەبو.
رەشید یاسین یێ بەرنیاس ب رەشێ بانیێ فەرماندێ پێشمەرگەی بۆ ئەڤرۆ نیۆز دیارکر” رێکەفتناما خیانەتکاریا جەزائیر بۆ ئەگەرێ ڤێ چەندێ شۆڕشا ئیلوولی بھێتە راگرتن، بەلێ پێشمەرگە یێ بەرھەڤنەبو خۆ رادەستی چو دوژمنەکی و چو دەولەتەکێ بکەت، ھەرچەندە کاودانێن وی سەردەمی د بەرتەنگ بوون، بەلێ ئەم چووینە بەرەف دەڤەرێن سینوری پشتی کو ئەم شیاین وەک پارتی و پێشمەرگەیێن بارزانی خۆ رێک پێخین دوبارە ئەم ڤەگەڕیاین و بە فەرماندەیی و پشکداریا راستەوخۆیا سەرۆک بارزانی و شەھید ئیدریس ئێکەم چریسکا شۆڕشا گولانێ ل ٢٦ی ھەیڤێ ل حاجی ئومەران ھاتە ھەلکرن.
پێشمەرگەی د شۆڕشا گولانێ دا گورزێک کوژەک ل ھێزێن رژێمێ دان
رەشید یاسین، کو پشکداریەکا کارا د شۆڕشا گولانێ دا ھەبو خویاکر” سەرۆک بارزانی رۆلەکێ بەرچاف د شۆڕشا گولانێ دا ھەبو، ھەرچەندە ئەرکێ سەرۆک بارزانی ل ھەموو کەسەکێ گرانتربو، چونکە ژبلی سەرپەرشتیکرنا ھێزێن پێشمەرگەی مە بھزاران ئاوارە ل ئیرانێ ھەبوون د رەوشەکا دژواردابوون و کارۆبارێن حزبێ ھەبوون، بەلێ ب ھەموو شیانێن خوە سەرۆک بارزانی دگەل شۆڕشێ بو.
ئەڤی فەرماندێ شۆڕشێ گۆتژی” پێشمەرگەی د شۆڕشا گولانێ دا ب گیانەکێ کوردایەتی و تژی ڤیان بەرسینگا مەزنترین رژێما ستەمکار دگرت و چەندین گورزێن کوژەک ل ھێزێن دوژمنی دان، ژوانژی داستانا داستانا ناڤودەنگا خواکۆڕکی ھاتە تۆمارکرن و ل زاخۆ ھەتا ناف بەرواریا و دگەھیتە شیلادزێ و دەڤەرا بارزان و حاجی ئومەران و بۆ دەڤەرا سلێمانیێ رۆژانە پێشمەرگەیێن پارتیزان چالاکی ھەبوون.
نيشاندان