ئەڤرۆ نیوز:
کۆمبوونا مەکتەبا سیاسی یا پارتی ب سەرۆکاتیا سەرۆک مەسعود بارزانی بەری دەمەکێ ب دووماهی هات و پارتی د کۆمبوونێ دا بریار دایە کو ژ بۆ چارەسەریا ئالۆزیێن ڤێ دووماهیێ ل گەل ئێکەتیێ کۆم ببیت.
پارتی هەروەسا پشتەڤانیا خوە بۆ مستەفا کازمی سەرۆک وەزیرێن راسپاردی بۆ ئاڤاکرنا کابینا نوو یا حوکمەتا عیراقێ ژی دیار دکەت و داخواز دکەت کو تایبەتمەندیا هەرێما کوردستانێ ل بەرچاڤ بهێتە وەرگرتن.
ئه‌ڤرۆنیۆز ،سالار دۆسكى:
مامۆستایێن زانكۆیێ بسپور دوارێ كارگێرى دا بریارێن ژوورا ئوپراسیوونا ل پارێزگه‌ها دهۆك ب نه‌دیراسه‌تكرى دیاردكه‌ن، ئاشكرادكه‌ن كو باشتره چ جه نه‌هێنه‌ڤه‌كرن هه‌تا قه‌ده‌غا هاتن و چوونێ ب دووماهى دهێت.
د.مێهڤان شه‌ریف گوللى، سه‌رۆكێ پشكا زانستێن كارگێرى ل زانكۆیا زاخۆ ئاشكراكر كو بریارێن ژوورا ئوپراسیوونا ل پارێزگه‌ها دهۆكێ نه‌دیراسه‌كرینه و ڤه‌كرنا دوكانێن موبایلا و كارگه‌هێن بلوكا و گه‌له‌ك جهێن دى نه ژ پێدڤیان بووینه و جهێن گرنكتر هه‌بوو پیًدڤى بوو بهێنه‌ڤه‌كرن.
سه‌رۆكێ پشكا زانستێن كارگێرى دیاركر ژى كو سه‌رتراشخانه هاتنه‌ڤه‌كرن به‌لێ هه‌تا ئاسته‌كێ باش رێنما بجهئیناینه و كونترۆل سه‌ر هه‌بوو، به‌لێ ڤه‌كرنا دوكانێن موبایلان گه‌له‌ك قه‌ره‌بالغ دروست كربوو و هه‌كه بڤى ره‌نگى با ره‌نگه ماندیبوونا خه‌لكى هه‌موو دئاڤێ دا چووبا و بریار هه‌كه یا دیراسه‌تكریبا هه‌ر زوو دوكان نه‌دهاتنه داخستن ڤه.
هه‌ڤده‌م، د.هیشام یوسف، راوێژكارێ میكروب و به‌رگێریێ و مامۆستا ل هه‌مان زانكۆ بۆ ئه‌ڤرۆ نیۆز گۆت: هه‌تا نوكه بریارێن ژوورا ئوپراسیوونا ل پارێزگه‌هێ ل سه‌ر بنیاته‌كێ شاش دهێنه‌دان، ڤه‌كرنا دوكانێن موبایلا و كارگه‌هێن بلوك و ئه‌له‌منیوونى چ مفا تێدا نینه ژبلى مه‌ترسیێن زێده‌تر، باشتر بوو هه‌تا 23/5 چ بریار نه‌هاتبانه ده‌ركرن هه‌تا دووڤچوونا كاودانان باشتر هاتباكرن.
د.هیشام ئه‌و ژى گۆت: بلا چ دوكان و جه نه‌هاتبانه ڤه‌كرن، بتنێ ماركێتێن ناف تاخا باشه دڤه‌كربان، باشتر بوو سه‌رتراشخانه و كلینكێن نوشدارى دڤه‌كریبان و ئه‌ڤه ل دووف رێنمایێن ساخله‌می هاتبانه‌ڤه‌كرن كو پێدڤى یا خه‌لكى ل سه‌ر هه‌یه.
گوللى ده‌ست خوش ل هێزێن ئێمناهیێ و نوشدار و فه‌رمانبه‌رێن ساخله‌میێ كر كوم اوێ بوورى دا به‌رده‌وام خزمه‌تا خه‌لكى داب ووینه.
ئەڤرۆ نیوز:
سەنتەرێ نێڤدەولەتی یێ گەردونناسیێ ئێكه‌م رۆژا هه‌یڤا رەمەزانێ دیار کر.
سەنتەرێ نێڤدەولەتی یێ گەردونناسیێ راگه‌هاندیه، کو پرانیا وه‌لاتێن جیهانێ ل ئێڤاریا رۆژا پێنجشەمبی 23-4-2020 دێ هه‌یڤێ بینن و ب ڤێ چەندێ دێ رۆژا ئه‌ینیێ 24-4-2020 ئێكه‌م رۆژا هه‌یڤا رەمەزانا پیرۆز بیت.
ئەو وه‌لاتێن رۆژا ئه‌ینیێ ئێكه‌م رۆژا هه‌یڤا رەمەزانێ دڤێت تێدابن:
سعودیە، ئیمارات، ئوردن، ئیران، سووریا، لیبیا، جەزائیر، مەغرب، مۆریتانیا، ئیندۆنیسیا، مالیزیا، برۆنای، پاکستان، هندستان، عومان و هەمی وەلاتێن ئەفریقیا.
هەروەسا گوتیە، هندەک وه‌لاتێن وەکو عیراق، مسر، تورکیا و تونس ل ئێڤاریا رۆژا چارشەمبی 22-4-2020 دێ چاڤدێریا هه‌یڤێ كه‌ن، لێ زه‌حمه‌ته هه‌یڤێ ببینن، ژبه‌ر ڤێ چەندێ ل وان وه‌لاتان ژی دێ رۆژا ئه‌ینیێ 24-4-2020 بیته ئێكه‌م رۆژا هه‌یڤا رەمەزانا پیرۆز.
ئەڤرۆ نیوز:
بریارە ئەڤرۆ ئێکشەمبی شاندەکێ حكومەتا هەرێمێ ب سەرۆكاتیا وەزیرێ دارایی سەرەدانا بەغدا بكەت بۆ گوتۆبێژکرنێ دەربارەی لێکەفتێن ئابووری و ڤایرۆسێ کۆرۆنا یێ.
ئەڤرۆ دێ شاندەکێ حكومەتا هەرێمێ ب سەرۆکاتیا ئاوات شێخ جەناب، وەزیرێ دارایی بۆ گوتۆبێژکرنێ دەربارەی لێکەفتێن ئابووری و ڤایرۆسێ کۆرۆنا سه‌رەدانا به‌غدا دكەت، شاندێ هەرێمێ دێ دانوستاندنێ ل سەر دو بابەتان کەن، بابەتێ بودجەی و مووچێ هەرێمێ و بابەتێ کێمکرنا بەرهەمهئیانا نەفتێ.
د هەمان دەمدا ژ بلی وەزیرێ دارایی دێ هەر ئێک ژ دارا رەشید وەزیرێ پلاندانانێ و خالد شوانی وەزیرێ کاروبارێن هەرێمێ و بەغدا، د.ئومێد سەباح سەرۆکێ دیوانا جڤاتا وەزیران و نوونەرێ هەرێمێ ل بەغدا، پشکداریێ د وان گۆتوبێژان دا کەن.
ئەڤرۆ نیوز:
موفتیێ عەرەبستانا سعودی راگەهاند، پێدڤیە د هەیڤا رەمەزانا پیرۆز دا وەلاتیێن سعودی نڤێژێن تەراویحا ل مالێن خوە دا بكەن، هەکە رەوش ب ڤی شێوەی بمینیت، دێ نڤێژا جەژنێ ژی د دمالێن خوە دا كەن.
شێخ عەبدولعەزیز ئەلشێخ، موفتیێ عەرەبستانا سعودیێ داخواز ژ خەلكێ وی وەلاتی كریە، کو د هەیڤا رەمەزانێ دا پێگیریێ ب رێنما و رێكارێن ساخلەمیێ و خۆپارێزیێ ژ بەلاڤبوونا ڤایرۆسێ كۆرۆنا یێ بكەن.
لدووڤ ئامارێن وەزارەتا ساخلەمیا سعودی، هەتا نوکە، 9 هزار 406 حالەتێن تووشبوونێ ب ڤایرۆسێ كۆرۆنا ل وی وەلاتی هاتینە توماركرن و هەروەسا 97 تووشبوویان ژی گیانێ خوە ژ دەستداینە.
ئەڤرۆ نیوز:
مالپەرێ وورلد ئومیتەر یێ جیهانی بۆ داتایان بەلاڤكریە، سەرجەمێ هژمارا تووشبوویێن ڤایروسێ كۆرۆنا یێ ل سەرانسەری جیهانێ گەهشتیە دو ملیون و 276 هزار و 340 كەسان.
هەروەسا گوتیە، هەر ژ دەست پێكا سەرهلدانا ڤایرۆسی ل باژێرێ ووهان یێ چینێ و هەتا نوكە، 156 هزار و 120 تۆشبوویێن ڤایرۆسێ کۆرۆنا یێ گیانێ خۆ ژ دەستداینە، هەتا نوکە 582 هزار و 527 تۆشبوویی ب تەمامی چێبووینە.
ئەڤرۆ نیوز:
ساخلەمیا هەلەبجە راگەهاند، چار توشبوویێن دی یێن کۆرۆنایێ چێبوون، هەموو ئەندامێن ئێک خێزانن.
رێڤەبەریا گشتی یا هەلەبجە راگەهاند، چار توشبوویێن دیتر یێن کۆرۆنا یێ، پشتى سێ حەفتیان د ناڤ قایشا تایبەت یا کۆرۆنا یێ دا ماین و پشتى وەرگرتنا چارەسەریێ چێبوون و هاتنە رەوانەکرن بۆ مال.
دیار کر ژى، کو ئێک ژ وان زەلامەکێ د ژیێ ٧٣ سالیێ دایە و ژنەکا د ژیێ ٧٢ سالیێ و ژنەکا دیتر د ژیێ ٣٧ سالیێ دایە، هەروەسا زارۆکەکێ ٥ سالیە و هەموو ئەندامێن ئێک خێزانن بۆ مالێن وان هاتینە هنارتن.
لدووڤ دووماهی ئامارێن ساچلەمیێ، هەتا نوکە ٣٣٧ کەس توشی ڤایرۆسێ کۆرۆنایێ بووینە و ژ وێ هژمارێ ژى هەتا نوکە ٢٥٤ کەس چێبووینە.
ئەڤرۆ نیوز:
د. شێرزاد حەمید
ژ ئەگەرێ ڤایرۆسێ کۆرۆنا یێ و لدووڤ وی بەرنامێ حوکمەتا هەرێما دارێژتی، 200 هزار خێزانێن هەرێما كوردستانێ دێ مفادار بن ژ وەرگرتناهاریكاریان، ل پارێزگەها دهۆكێ ژی هژمارەکا مەزن یا خێزانان دێ ژ وان هاریكاریان مفادار بن.
د. شێرزاد حەمید، رێڤەبەرێ گشتی یێ چاڤدێری و كومەلایەتی ل پارێزگەها دهۆكێ بۆ ئەڤرۆ نیوز دیار كر: ژ ئەگەرێ ڤایرۆسێ کۆرۆنا یێ، کارتێکرن ل سەر ژیارا چەندین خێزانان بوویە و وان خێزانان پێدڤی ب هاریکاریان هەیە، د ڤی واری دا حوکمەتا هەرێما كوردستانێ پلانەك دارێژتیە، كو هاریكاریان ل سەر (200) هزار خێزانێن هەرێما كوردستانێ دا بەلاڤ بكەت.
هەروەسا گۆتیە ژی : ل سنورێ پارێزگەها دهۆكێ دێ هممارەکا مەزن یا خێزانان ژ وەرگرتنا هاریكاریێن حوکمەتا هەرێما كوردستانێ د مفادار بن و ئەو خێزانێن پێدڤی ب هاریكاریان هەیی و ئەوێن كێم دەرامەت بن دێ هاریكاریێن حكومەتا هەرێما كوردستانێ وەرگرن.
ناڤهاتی دیار كر ژی: بۆ ڤێ چەندێ مە لژنەك پێكئینایە كو ژ شەش كەسان پێك دهێت و ئەز بخو سەرۆكاتیا وێ لژنێ دکەم و مە ل رێڤەبەریێ فورمەك دروست كریە و ل حەفتیا بوری مە دەست ب بەلاڤكرنا فورمێ كریە و هەلبەت ئەڤ فورمە دێ ب رێیا موختارێن گوندان و تاخان هێتە بەلاڤكرن، ل ناڤەندێن قەزایان ژی دێ ئەڤ فورمە هێنە بەلاڤکرن.
د. شێرزاد حەمید هێشتا دبێژیت: ل قەزایێن سەر ب پارێزگەهێ ڤە دێ ب رێیا رێڤەبەریێن مە یێن چاڤدێریا جڤاكی ڤە فورم گەهنە دەستێ موختارێن گوندان و هێنە بەلاڤكرن و هەر فورمەكا دهێتە پر كرن دێ ب هووری ل سەر راوەستین و دووڤچوونێ بۆ كەین، ئەم خەلكێ خوە پشت راست دكەین هەر خێزانەكا پێدڤی پێ هەبیت دێ ژ وەرگرتنا هاریكاریا حكومەتا هەرێما كوردستانێ مفادار بیت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا هاتنوچوونێ دا کەسەکێ گیانێ خوە ژ دەستدا.
ناڤهاتی گۆت ژی: ئەڤرۆ شەمبیێ 18/4/2020 روودانەکا هاتنوچوونێ ل سەر جادا گشتی یا ناحیا مانکێشکێ بۆ کومەلگەها کورا ل نێزیک گوندێ حوجاڤا د ناڤبەرا سێ ترۆمبێلان دا روودایە و د ئەنجامدا کەسەکێ گیانێ خوە ژ دەست دایە و دو کەسێن دیتر ژی بریندار بووینە، ئەگەرێن ڤێ روودانێ ب کارئینانا لەزاتیێ بوویە.
ئه‌ڤرۆ نیوز:
لژنا ناڤخۆ و به‌ره‌ڤانیێ ل جڤاتا وونه‌رێن عیراقێ راپۆرته‌ك بۆ كرینا مووشه‌كێن S400 یێن رووسی به‌رهه‌ڤكریه.
به‌در زیادی ئه‌ندامێ لژنا ناڤخۆ به‌ره‌ڤانیا جڤاتا نوونه‌رێن عیراقێ راگه‌هاند: راپۆرت ژلایێ لژنێ ڤه هاتیه به‌رهه‌ڤكرن و هاتیه دان ب سه‌رۆك وه‌زیرێ عیراقێ، دوێ راپۆرتێ دا هاتیه داخازكرن عیراق سیسته‌مێ دژه موشه‌كی S400 روسی بۆ پاراستنا وه‌لاتی بكریت.
ئه‌وی ئه‌ندامێ لژنا ناڤخۆ یا جڤاتا نوونه‌رێن عیراقی دیاركر ئێكلایكرنا پرسا كرینا سیسته‌مێ دژه موشه‌كی دكه‌ڤیته ستویێ حكومه‌تا بهێت یا عیراقێ كۆ بریاره مسته‌فا كازمی پێك بینیت.
ئه‌ڤ چه‌ند دده‌مه‌كی دایه كۆ ئه‌مریكا هه‌موو بزاڤان دكه‌ت بۆ رێگرتن ژئه‌وان وه‌لاتێن هه‌ڤپه‌یمان و دوست ئه‌وی سیسته‌مێ روسی بكرن و دو سیسته‌مێن دژه‌موشه‌كی یێن پاتریبوت ل عیراقێ و هه‌رێما كوردستانێ بنه‌جیه كرین.
نيشاندان