ئه‌ڤرۆ نیوز:

لگۆری رێكه‌تنا ئوپێك پله‌س دڤێت عیراق ل ده‌ستپێكا ئایارێ به‌رهه‌مئینانا پترۆلێ كێم بكه‌ت و وه‌زیرێ پترۆلێ ژی دیاركر بریار هه‌رێما كوردستانێ ژی بخوڤه‌دگریت.

سامر غه‌زبان وه‌زیرێ پترۆلا عیراقێ راگه‌هاند: ل ئێكێ ئایارێ عیراقێ ب رێژا 22.8% به‌رهه‌مئینانا پترۆلێ كێم دكه‌ت، داهات ژ رێژا به‌رهه‌مئینانا پترۆلێ گرنگتره‌ و كێمكرنا ئه‌ڤێ رێژێ ل سه‌ر بنه‌مایێ ڤه‌كۆلینكرنێ هات بۆ چه‌وێ چه‌ندێ بهایێ پترۆلێ بلند بیت، زێده‌كرنا به‌رهه‌مئینانێ ل گه‌ل داكه‌تنا بهایی چ مفایێ خو نینه‌، ئه‌ڤه‌ هه‌موو لایه‌ك زیانێ ژێ دبینن.

سامر غه‌زبان وه‌زیرێ پترۆلێ ئه‌و چه‌نده‌ ژی راگه‌هاند: كێمكرنا ئاستێ به‌رهه‌مئینانا پترۆلا هه‌رێما كوردستانێ ژی بخۆڤه‌دگریت، چونكۆ پشكا عیراقێ ژ به‌رهه‌مئینانا پترۆلێ ل ئوپێكی هاتیه‌ دیاركرن هه‌رێما كوردستانێ ژی بخۆڤه‌دگریت.

ئه‌ڤرۆ نیوز:

دونالد تره‌مپ سه‌رۆكێ ئه‌مریكا راگه‌هاند:رێكخراوا ساخله‌میا جیهانێ شكه‌ستن ئینایه‌ و دبه‌رسڤدانا ڤایرۆسێ كورونایێ به‌رده‌وامه‌ ژ پشته‌ڤانیكرنا زانیاریێن چینێ و نه‌شیایه‌ ب دروستی زانیاریان ب شیوه‌یه‌كێ روون و ئاشكرا بلاڤ بكه‌ت.

سه‌رۆكێ ئه‌مریكا ئه‌و چه‌نده‌ژی راگه‌هاند دلته‌نگم ب دانا وی پاره‌یی، چونكو ب به‌لاش ئه‌و پاره‌ ژ وه‌لاتێ من ده‌ركه‌تیه‌، دڤێت رێكخراوا ساخله‌میا جیهانی به‌رپرسیاریا به‌لاڤ بوونا ڤایرۆسێ هه‌لبگریت، من بریار دایه‌ هه‌ڤكاریێن دارایی بۆ رێكخراوا ساخله‌میا جیهانی بهێنه‌ راوه‌ستاندن.

ئه‌مریكا مه‌زنترین پشته‌ڤانیكارا دارایا رێكخراوا ساخله‌میا جیهانێ یه‌، سالا 2019 ، 400 ملیۆن دۆلار به‌خشیه‌ رێكخراوێ، كۆ نێزیكی 15% یا ته‌ڤایا بۆدجا وێ یه‌ ل ده‌مه‌كی دا ل سالا 2018 و 2019 چینێ بتنی 76 ملیۆن دۆلار بۆ رێكخراوا ساخله‌میا جیهانی ته‌رخانكربوون.

ئه‌نتونیو گۆتیریس سكرتێری گشتی یێ نه‌ته‌وه‌یێن ئێكگرتی راگه‌هاند: نوكه‌ ده‌مێ راوه‌ستاندنا هه‌ڤكاریێن دارایی بۆ رێكخراوا ساخله‌میا جیهانی نینه‌، كۆ كار بۆ به‌رهنگاربوونا ڤایرۆسێ كورونایێ دكه‌ن.

ئه‌ڤرۆ نیوز:

سندۆقا دراڤ یا نێڤ ده‌وله‌تی پێشبینیێ دكه‌ت كۆ ئیسال ئابوورێ عیراقێ پاشڤه‌ چوونه‌كا توند بخوڤه‌ ب بینیت، به‌لێ ل سالا بهێت دێ ب شیوه‌یه‌كێ بهیز گه‌شێ كه‌ت، ته‌ئكید دكه‌ت به‌رهه‌مێ ناڤخۆیێ عیراقێ دێ گه‌هته‌ ئاسته‌كێ بلند.

سندوقا دراڤ یا نێڤ دهوله‌تی د راپۆرته‌كێ داكۆ گه‌هشتینه‌ ئه‌وی ئه‌نجامی، ئیسال ئابوورێ عیراقێ دێ لاوازیه‌كی بخوڤه‌ بینیت، پاشی ل سالا 2021 دێ ئابوورێ وێ گه‌شه‌یه‌كا بهێز كه‌ت.

د ئه‌وێ راپۆرتا سندۆقا دراڤ یا نێڤ ده‌وله‌تی دا هاتیه‌ كۆ به‌رهه‌مێ ناڤخۆیێ عیراقێ ل سالا 2019 بلند بوونه‌كا راسته‌قینه‌ ب رێژا 3.9% بخوڤه‌دیت، به‌لێ ل سالا 2020 ب رێژا 4.7% داكه‌ڤیت، هه‌روه‌سا ل سالا 2021 ب رێژا 7.2 گه‌شه‌یێ كه‌ت.

رێكخراوا ناڤبری یا نێڤ ده‌وله‌تی ئه‌و چه‌نده‌ی ژی دیاركر كۆ ڤایرۆسێ كروونا كۆڤیدی 19 بوویه‌ ئه‌گه‌رێ بلند بوونا مه‌زاختیێن مرۆڤی ل ته‌ڤایا ده‌ڤه‌رێن جیهانێ، له‌ورا پێشبینیا ئه‌وێ چه‌ندێ دهێته‌ كرن كۆ ئابوورێ جیهانێ د ئیسال دا ب رێژا 3% دابكه‌ڤیت، ئه‌ڤه‌ ژی دێ زۆر خراپتر بیت ژ وێ قه‌یرانا دارایی یا ل سالا 2008 روودایی.