ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ١٠ حالەتێن نوو یێن کۆرۆنا یێ ل پارێزگەها هەولێرێ هاتنە تۆمارکرن، کو شەش ژ وان نیشانێن وێ نەخۆشیێ هەنە.
هەروەسا گۆتیە: د بهردهواميا پشكنين و لێگهريانێ لدووڤ گۆمانلێكری و توشبوویان، ١٠ تووشبوويێن دی يێن ڤایرۆسێ كۆرۆنایا یێ ل پارێزگەها هەولێرێ هاتنه دهستنيشانكرن، کو هەشت زەلام، دو ژنن.
دیار کریە ژی: شەش ژ توشبوویان نیشانێن وێ نەخۆشیێ هەنە، سێ یێن دیتر ل زالگەها شێراوە پشکنین بۆ هاتینە کرن و ئێک ژی بەرکەفتیا توشبوویێن بەرێیە، هەموو ژی ئاکنجیێن ناڤا باژێرێ هەولێرێ نە.
ئهڤرۆ نیوز، بارزان مزوورى:
ل سنورێ ناحیا ئهترۆش جورهكێ” كولى” زیانێن مهزن گههاندینه جۆتیارێن دهڤهرێ بهرههمێ وان یێ ئهڤسالە یێ گندۆر و تروزیا ب ئێكجارى ژناڤبریه.
سلێمان ئهمین، ئێك ژ جوتیارێن گوندێ مێرسیدا سهر ب ناحیا ئهترۆش بۆ ئهڤرۆ نیوز گۆت: (ئهڤه بۆ ئێكهم ساله ئهڤ جورێ كولى دهێته دیتن ل دهڤهرێ رهنگێ وى یێ “رهشه” ههر جههكێ لێ دانشیت وى جها ناچن ههتا ئهو جههك بهێته ناڤبرن ئهڤ كولیه ل دووماهیا ههیڤا رهمهزانێ دهركهفتیه ئهو بهرههمێ ئهڤسالە یێ گندۆر و ترۆزیا سهدان دونهم یێن ناڤبرین).
ناڤهاتى خویاكر دو جاران ب ئامیرێن رهشاندنێ رهشاندیه بهلێ یا بێ مفا بوویه رۆژ ب رۆژێ رێژا وان زێدهتر لێ دهێت ئهو بهرههمێ هاتیه چاندن ل سهر عهردى را بریه، ژبلى بهرههمێ جوتیارا بهلگێن چلى و داروبارى تێكداینه ئهگهر ب ڤى شێوهى بیت ئهڤسالە جوتیار دێ تووشى زهرهرێن مهزن بن.
ژلایهكێ دى ڤه عومهر حسێن، بهرپرسێ هوبا چاندنێ ل ئهترۆش بۆ ئهڤرۆ نیوز گۆت: (ئهو جوتیارێن مه بهرى نها دهرمانێ كوشتنا سنكى دایه وان ئهوى دهرمانى دشێن بكار بینن بۆ كوشتنا ڤى جورێ كولى ژ بهر كو كولی مهترسیه بۆ دهڤهرێ).
ناڤهاتى خویاكر تیمێن مه یێن چاندنێ دێ سهرهدانا وان جههن كهن یێن كولى زیان پێ گههاندى .
ئەڤرۆ نیوز، عەلی حاجی :
ئەندامەکا لژنا ساخلەمیێ و ژینگەهـ و مافێ بکاربەر ل ل پەرلەمانێ کوردستانێ بۆ ئەڤرۆ نیوز دیار کر هەتا رادەیەکێ د ئەزمونێن پولا دوازدێ دا رێنمایێن ساخلەمیێ هاتنە جێبەجێ کرن بەلێ کێماسی هەبون و وەکو پێدڤی نەبوو.
زێدەتر روژان ئیبراهیم گۆت: (د ئێکەم روژا ئەزمونێن پولا دوازدێ دا وەکو پێدڤی رێکارێن ساخلەمیێ نەهاتنە جێبەجێ کرن ژبەر کو ل سەر قوتابی و ماموستایان هات بوو ئیجبار کرن کو ئەو دەزگورک و کەمامان بۆ خوە پەیدا بکەن بەلێ ئەڤە ژی نەیا دروستە و پشتی مە پەیوەندی ب وەزارەتا ساخلەمیێ و پەروەردێ کری دیار بوو کو وان داخاز ژ رێڤەبەریێن گشتیێن پەروەردێ ل پارێزگەهان کری یە بۆ دابین کرنا کەمامان بۆ قوتابیو ماموستایان و ئەو رێژەیا قوتابیێن پولا دوزادێ پشکداری ئەزمونان بوویی رێژەیەکا مەزن نینە لەورا پێدڤی یە کەمامە بۆ قوتابیان بهێنە دابین کرن ژلایێ جهێن شولەژێ ڤە و دێ بەردەوام ژی چاڤدێریا ئەزمونان کەین بۆ بجهـ ئینانا رێکارێن ساخلەمیێ و هەر دیسان د پەیوەندیێن خوە دا دگەل وەزارەتا پەروەردێ مە دوپات کری یە بۆ دابین کرنا کەمامان بۆ قوتابی و ماموستایان).
ناڤبری خویا کر ژی بۆ ئەزمونێن بهێت دێ پلانەکا باشتر دانین دا کو د ئەزمونان دا کەمامە و دەستگورک بۆ قوتابی و ماموستایان بهێنە دابین کرن ژبەر کو هەکە ب ڤی رەنگی بەردەوام بیت دێ مەترسی لسەر ژیانا وان پەیدا بیت ژ ئەگەرێ ڤایروسێ کورونایێ).
ئهڤرۆ نیوز:
وهزیرێ داد یێ ئهمریكا راگههاند سیستهم و یاسایێن پۆلیسێن ئهمریكا رهگهزپهرستانه نینن بهلكو ب شێوهیهكی سیستهماتیك هاتینه دارێژتن.
ولیام بار وهزیرێ داد یێ ئهمریكا راگههاند هێشتا رهگهزپهرستی دهێته بكار ئینان ل ئهمریكا، بهلێ د وێ باوهریێ دا نینم كۆ سیستهم و یاسایێن وهلاتی رهگهزپهرستانه بن، سیستهمێ دهسهلاتداریێ ل سالین شێستان ل ئهمریكا رهگهزپهرستی دهاته پهیرهوكرن، بهلێ پشتی قوناغا چاكسازیا یاسایێن وهلاتی بهرهڤ پێشڤهچوونێن باش بخوڤه دیتن، سوپایێ وهلاتی باشترین نمونا ئهوێ چاكسازیێ یه.
ولیام بار وهزیرێ داد یێ ئهمریكا ئهو چهنده ژی راگههاند دوێ باوهریێ دا نینم كێمكرنا پارێزبهندیێ ب شێت رهفتاران باش بكهت، بهلكو دبیته ئهگهرێ دروستكرنا دودلیێ ژ دهزگههێن ئاسایشا وهلاتی.
پشتی 27 ههیڤا بوری جورج فلوید یێ رهش پیست ل بن پێت ئهفسهرهكێ سپی پست دا گیانێ خو ژ دهست دا، پێلهكا خونیشاندان و نهرازیبوونێ دژی نهتهوهپهرستیێل ئهمریكا و جیهانێ سهرهلدا.
ئەڤرۆ نیوز:
د. ئەحمەد عەلی رێڤەبەرێ نەخوشخانا گشتی یا قەزا خورماتو راگەهاند کو هەشت کەس ل گوندێ کۆکس یێ سەر ب قەزا خورماتو تووشی ڤایرۆسێ کۆرۆنایێ بووینە و ژ بەر هندێ ژی ئەو گوندە هاتیە کەرەنتین کرن.
ناڤهاتی ئەو یەک ژی دیار کر کو تووشبوویێن کۆرۆنایێ نها ل نەخوشخانا گشتی یا خورماتو جهەک تایبەت بۆ وان هاتیە تەرخانکرن و ل ژێر چاڤدێریێ دانە.
ئهڤرۆ ینوز:
راوێژكارهكێ ئابووری یێ سهرۆك وهزیرێن عیراقێ راگههاند بهایێ بهرمیلا خهملاندی ل پرۆژهیێ بودجا سالا 2020 كۆ بریار بوو ل ڤان نێزیكان بهێته رهوانهكرن بۆ جڤاتا نوونهران دناڤبهرا 30 بۆ 35 دۆلاران دا بیت، خهملاندنا بودجا ئیسال نێزیكی 100 ترلیۆن دینارانه كۆ دبیته 80 ملیار دۆلار.
مهزههر محهمهد راوێژكارێ ئابووری یێ سهرۆك وهزیرێ عیراقێ راگههاند پرۆژهیێ یاسایا بودجا 2020 كۆ مهزاختیێن حكومهتێ ل دهست پێكا ئیسال ههتا ههیڤا حوزهیرانێ ههروهسا مهزاختی و داهاتێ خهملاندی بۆ شهش ههیڤێن دوماهیا سالێ بخوڤهدگریت ل گهل بهایێ بهرمیلا پترۆلێ یا خهملاندی و تهڤایا داهاتێن كهرتێن دی ژبلی پترۆلێ دهست دكهڤن.
راوێژكارێ ئابووری یێ سهرۆك وهزیرێ عیراقێ ئهو چهنده ژی راگههاند پشتی تهڤایا داهات و مهزاختی ب ژماره و بهیری دێ گههنه دهستێ لژنا بهرههڤكرنا پرۆژهیێ بودجا 2020 و دشیان دایه ل دهمهكێ كورت دا پرۆژه بهێته بهرههڤكرن لهورا پێشبینیێ دكهین ل دو ههفتیێن بهێت حكومهت پرۆژهی رهوانهی جڤاتا نوونهرێن عیراقێ بكهت.
ئهڤرۆ نیوز:
ههتا نوكه توشبوویێن ڤایرۆسێ كورونایێ ل جیهانێ گههشتیه حهفت ملیۆن و 91 هزار و 667 كهسان.
رێژهیا توشبوویێن ب ڤایرۆسێ كورونا كوڤید 19 رۆژ بۆ رۆژێ رێژهیا توشبوویان بلند دبیت و نوكه ل ههموو جیهانێ رێژا توشبوویێن ڤایرۆسێ كورونایێ گههشتیه حهفت ملیۆن و 91 هزار و 667 كهسان، سێ ملیۆن و 461هزار و 619 كهس ساخ بووینه، 406 هزار و 195 توشبوویان ژی گیانێ خو ژ دهست دایه.
ئهڤرۆ نیوز:
حكومهتا عیراقێ ب فهرمی داتایێن پێدڤی ب هنارتنێ و بهرههم ئینانا پترۆلێ یا ههیڤا بوری بهلاڤكرن و تێدا هاتیه، چار ملیۆن و 213 هزار بهرمیلێن پترۆلێ بهرههم ئیناینه كۆ زێدهتری ئهوی ئاستی یه یا كۆ ژلایێ رێكخراوا ئوپیكێ ڤه هاتیه دهست نیشانكرن.
لگۆری داتایێن كۆمپانیا بازاكرنا پترۆلا عیراقێ سومو عیراق ل گهل ههرێما كوردستانێ د ههیڤا پێنج دا رۆژانه 3.633 ملیۆن بهرمیلێن پترۆلێ رهوانهی بازارێن جیهانێ كرینه.
لگۆری ئهوێ رێكهتنا ئوپێكێ رێ ب عیراقێ هاتیه دان بهرههم ئینانا رۆژانه یا پترۆلا خو د سێ ملیۆن و 592 هزار بهرمیلان بهێلیتـ ههر لگۆری رێكهتنێ ئهو وهلاتێ ئاستێ بهرههم ئینانا خو كێم نهكهت دڤێت ههیڤێن حهفت و ههشت و نههێ قهرهبوویا ئهوێ زێده بهرههم ئینانێ بكهت كۆ كێمنهكر بوو.
عاسم جیهاد پهیڤداری وهزارهتا پترۆلا عیراقێ راگههاند زێده بهرههم ئینانا پترۆلێ ڤهدگهریت بۆ ئهوی شهرێ چهندین ساله ل عیراقی و حكومهتێ پێدڤی ب داهاتی ههیه، بهلێ پێگیرین ب رێكهتنا ئوپێكێ و دێ دهست ب دانوستاندنێ ل گهل كۆمپانیێن پترۆلی یێن بیانی كهین بۆ كێمكرنا ئاستێ بهرههم ئینانا پترۆلێ.
ئهڤرۆ نیوز:
وهزارهتا ساخلهمیا حكومهتا ههرێما كوردستانێ د راگههاندنهكی دا بهلاڤكریه ل گهرمیان 12 توشبوویێن كورونایی هاتنه توماركرن.
ئهڤرۆ وهزارهتا ساخلهمیا حكومهتا ههرێما كوردستانێ د راگههاندنهكێ دا بهلاڤكریه و تێدا هاتیه، دبهردهوامیا پشكنین و لێگهریان ل دووڤ گۆمانلێكریان، 12 توشبوویێن دی ب ڤایرۆسێ كورونایێ ل گهرمیان هاتنه دهست نیشانكرن كۆ نههـ زهلام و دو ئافرهت و كچهكا گهنج ههموو توشبوو بهركهتیێن توشبوویێن بهری نوكهنه.
نيشاندان