ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ل هەولێرێ 15 کەسێن دی تووشی ڤایرۆسێ کۆرۆنا یێ بوون، نوکە سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە هزار و 310 تووشبوویان.
نووترين نووچه
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
سهرهكى نووترين نووچه
خەلاتێ باشترین ئەکتەر ل فیستەڤالەکا ئیتالیا وەرگرت
ئەڤرۆ نیوز، زنار تۆڤی:
دەرهێنەرێ کورتە فلمێ بارێ گران یلماز ئۆزدل، بۆ ئەڤرۆ نیوز دیار کر: هەتا نوکە کورتە فلمێ بارێ گران پشکداری د چەندین فلمە فیستەڤالێن جیهانی دا کریە و چەندین خەلات ژی وەرگرتینە.
ناڤهاتی گۆت ژی: ئەکتەرێ سەرەکی یێ کورتە فلمێ بارێ گران عادل عەبدولرەحمانی ل دویەمین فیستەڤالا کورتە فلمان یا ئۆیفێ ل تۆرین ل ئیتالیا خەلاتێ باشترین ئەکتەر وەرگرت.
ئەو کچا کوردا ل عەفرینێ هاتیە رەڤاندن تەرمێ وێ هاتە دیتن
ئەڤرۆ نیوز:
ئەو کچا کوردا خەلکێ عەفرینێ ل رۆژئاڤایێ کوردستانێ، کو ژ ئالیێ گرۆپەکێ چەکدار ڤە هاتبوو رەڤاندن ، ئەڤرۆ تەرمێ وێ هاتە دیتن.
مەلەک جومعە، کو ل 23 گولانا 2020 ل گوندێ دەروێش ل عەفرینێ هاتبوو رەڤاندا ئەڤرۆ تەرمێ وێ ل ل کێلگەهەکێ هاتت دیتن و جهێ سێ گولان پێڤە دیاربوو.
ئەڤرۆ ئێکشەمبێ، ئەو کچا کو ل٢٣ گۆلانێ ژ ئالیێ چەند کەسێن نەناسیارڤە هاتیە رەڤاندن، تەرمێ وێ ب کوشتی هاتیە دیتن.
سازیێن مافێن مرۆڤی ل عەفرینێ راگەهاندینە: کو تەرمێ وێ کچەکا کوشتی د ناڤ زەڤیێن چاندنێ یێن گوندێ ئەلفەیرەزیە ل رۆژهەلاتێ باژێرێ ئەعزاز هاتیە دیتن.
زاخۆ: ئاریشا گلێشی پێدڤی ب چارەسەر کرنێیە
ئەڤرۆ نیوز، عەلی حاجی :
ب ئامادەبوونا ئەندازیار دیار بەحری، رێڤەبەرێ گشتی یێ باژێرڤانیان و قائیمقامێ قەزا زاخۆ و سەرۆکێ باژێرڤانیا زاخۆ و نوونەرێ کۆمپانیا ھیزل یا کۆمکرنا گلێشی، کۆمبوونەکا گرنگ ل دۆر ئاریشا پاقژکرنا زاخۆ ھاتە کرن
و تێدا بڕیار ل سەر ھندێ ھاتە دان ب زووترین دەم ئەڤ ئاریشێن پاقژکرنا گلێشێ زاخۆ بھێتە چارەسەرکرن.
ئەندازیار دیار بەحری، رێڤەبەرێ گشتیێ باژێرڤانیان ل پارێزگەھا دھۆکێ بۆ ئەڤرۆ نیوز دیار کر کو پێدڤیە ھەر ئەڤرۆ ھەوەکا بەرفرەھ ل زاخۆ ب ھەماھەنگی ل گەل باژێرڤانیا زاخۆ بھێتە ئەنجامدان و بۆ رۆژێن بھێت پلانەکا حەفتیانە بھێتە پێشکێشکرن بۆ باژێرڤانیا زاخۆ و پشتی دھێتە پەسەندکرن بکەڤیتە د بوارێ جێبەجێکرنێ دا.
ناڤهاتی ئاشکرا ژی کر کو داخواز ژ کۆمپانیێ ھاتە کرن ژمارا ترۆمبێلێن راکرنا گلێشی بھێنە زێدەکرن و کۆمپانیا ھیزل ئامادەیا خۆ دەربری کو ئەڤ ترۆمبێلە د ماوێ حەفتیەکێ دا بگەھنە زاخۆ و بکەڤنە د کاری دا و دێ باژێرڤانیا گشتی یا پارێزگەها و باژێرڤانیا زاخۆ بەردەوام چاڤدێریا خالێن دناڤ رێکەڤتنێ دا کەن دا کو ب دروستی بهێنە جێبەجێ کرن.
هەولێر: 10 تووشبوویێن کۆرۆنا یێ ب تەمامی باش بوون
ئەڤرۆ نیوز:
رێڤەبەرێ گشتی یێ ساخلەمیا هەولێرێ راگەهاند: 10 تووشبوویێن دی یێن کۆرۆنا یێ باش بوون و سەرجەمێ گشتی یێن ئەوێن چێبووین گەهشتیە 243 کەسان.
د. دلۆڤان محەمەد فاتح جەلال، رێڤەبەرێ گشتی یێ ساخلەمیا هەولێرێ گۆت: 10 تووشبوویێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام جێگیر بوویە، پشکنین بۆ هاتینە کرن و نێگەتیڤ بووینە، بریار هاتیە دان بۆ مال بهێنە رەوانە کرن.
دهۆک: دو کەسێن دی تووشی ڤایرۆسێ کۆرۆنا یێ بوون
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: دو کەسێن دی ل سنۆرێ پارێزگەها دهۆکێ تووشی ڤایرۆسێ کۆرۆنا یێ بوون، کو دو ژن و بەرکەفتیێن تووشبوویێن بەرێنە و د کەرەنتینێ دابوون.
وەزارەتا ساخلەمیێ گۆتیە ژی: د بەردەوامیا پشکنین و لێگەریانێ لدووڤ تووشبوویان، دو تووشبوویێن دیتر یێن ڤایرۆسێ کۆرۆنا یێ ل پارێزگەها دھۆكێ هاتنە دەست نیشانکرن، کو دو ژنن د ژیێن 48 و 44 سالیێ دانە، هەردو تووشبوویی خۆجهێن ناڤا شارێ دھۆکێ نە.
دەست ب تافیلکرنا جهێن گەشتیاری یێن قەزا ئامێدیێ هاتە کرن
ئەڤرۆ نیوز، مەحمود نهێلی:
ناڤەدندا چالاکیان و پێگەهادنا لاوان ل ئامێدیێ و هەڤکاری ل گەل ساخلەمیا قەزا ئامێدیێ دەست ب هەوەکا تافیلکرن و رەشاندنا جهێن گەشتیاری یێن سنورێ قەزا ئامێدیێ کر.
مراد موحەمەد کاگێرێ ناڤەندا بالا یا ئێکەتیا لاوێن کوردستانێ بو ئەڤرۆ نیوز دیار کر، کو ئەو لاو وەک هەموو دەمان پێشەنگ ژ بو پاراستنا گەل و نیشتیمانی ئەڤ دەسپێشخەریە بناڤێ ( دێ خوە پارێزم) ئەنجامدایە و ئەڤرۆ ٧/٦/٢٠٢٠ ب هەڤکاریا رێڤەبەریا ساخلەمیا قەزا ئامێدیێ دەست ب تافیلکرن و رەشاندنا جهێن گشتی و گەشتیاری و شوونەواری کریە .
ناڤهاتی دیار ژی کر ئەڤە ژی دەمەکی دایە کو فایروسێ کرونا ھەرێمێ زێدە بوویە ژ بۆ رێگرتنێ ژ بەلاڤ بوونا ڤایروسی و پاراستنا ساخلەمیا وەلاتیێن ئامێدیێ و گەشتیاران ئەڤ ھەوە دێ بەردەوام بن و بەلاڤ تڕ و باشتر ژی لێ هێن.
سەرۆک بارزانی پەیامەکێ بەلاڤ دکەت
ئەڤرۆ نیوز:
سەرۆک مەسعود بارزانی ب هەلکەفتا بریارا دیرۆکی یا دیارکرنا رۆژا ریفراندۆمێ ژ ئالیێ هێزێن سیاسی یێن کوردستانێ، پەیامەک بەلاڤکر، ئەڤە ژی دەقێ پەیاما سەرۆک بارزانی یە:
بەناوی خودای بەخشندە و میهرەبان
ئەمڕۆ یادی ڕۆژێكی مێژووییە لە ژیانی سیاسیی گەلی كوردستان.
لە 7ـی حوزەیرانی 2017ـدا لایەنە سیاسییەكانی هەرێمی كوردستان بە كۆدەنگی بڕیاریان لەسەر ڕیفراندۆم دا بۆ ئەوەی گەلی كوردستان بتوانێ لە ڕێگەیەكی ئاشتییانە دەنگ و ویستی خۆی بە جیهانیان بگەیێنێت.
ئەم بڕیارە دەستكەوتێكی گرانبەها بوو بۆ هەموو هاووڵاتیانی كوردستان و شانازییش بۆ هەموو ئەو لایەنانەی كە بەشدار بوون لە دەركردنی ئەو بڕیارە و لێشی پەشێمان نەبوونەوە.
لەم یادەدا پێزانینم بۆ ڕۆڵ و ماندووبوونی سەرجەم تێكۆشەر و ئازادیخواز و نیشتیمانپەروەرانی كوردستان هەیە و، هەزاران سڵاو لە ڕۆحی پاكی شەهیدانی كوردستان و هەموو شەهیدانی ڕێگەی ئازادی.
مسعود بارزانی
۷ـی٦ـی۲٠۲٠
بهرههمێ ٧٠٠ دارێن زهیتونان دبیته زهیت بۆ 366 چرایێن لالش
ئهڤرۆ نیۆز، بارزان مزوورى:
لوقمان سلێمان بهرپرسێ نڤیسینگهها پهرستگهها لالش بۆ ئهڤرۆ نیوز گۆت: (ب بهشداریا میرێ ئێزدیان و بابهشێخ ئهڤه ماوێ پێنج رۆژانه ل پهرستگهها لالش رێورهسمێن دروستكرنا زهیتێ خۆمالى دهسپێكریه بۆ ماوێ شهش رۆژان دێ بهردهوام بیت رۆژانه زێدهترى 50 كهسان ژ ههر دو رهگهزا بهشدارى د دروستكرنا زهیتى دا دكهن).
ناڤهاتى خویاكر بهرههمێ حهفت سهد دارێن زهیتونێن پهرستگهها لالش كو هاتبوونه ههلگرتن د كوگههان دا د نها دا دێ كهنه زهیت ب رێكێن كهڤنار بێ ئامیرهك بهێته بكارئینان دیسان دهێته ههلگرتن دناڤ جهركێن كهڤنار دا دناڤ پهرستگهها لالش بۆ ههلكرنا 366 چرایێن ئاگرى كو رۆژانه دهێن ههلكرن ژلایێ خزمهتكارێن پهرستگههێ ڤه،دیسان گهلهك كهس قهستا پهرستگههێ دكهن داخواز ژ مه دكهن وى زهیتى بكاردئینن بۆ چارهسهریا هندهك نهخوشان.
ژلایهكێ دى ڤه شێخ حسێن فهقیر حهسهن بهرپرسێ كارۆبارێن پهرستگهها لالش بۆ ئهڤرۆ نیوز گوت: (ژیێ وان جهركێن زهیتێ زهیتونا تێدا دهێته ههلگرتن دگههیته زێدهترى 900 سالا ژمارا وان وان جهركا دگههیته زێدهتر ٢٠٠ ههموو وان د پاراستینه دناڤ پهرستگهها لالش دا ئهو جهرك ب ئاخێ هاتینه دروست كرن ژلایێ هندهك كهسێن شههرهزا دبوارێ چێكرنا جهركان دا د نها دا ئهو كهسێن ئهڤ جهركه دروست كرین وهغهركرینه).
ناڤهاتى خویا ژى كر زێدهترى 500 كیلویێن زهیتا زهیتونا یا خومالى دناڤ وان جهركان دهێته ههلگرتن بۆ ههلكرنا چرایێن پهرستگهها لالش.
پەقینەک ل باژێرێ قامشلۆ روو دا
نيشاندان
WP Facebook Auto Publish Powered By : XYZScripts.com