ئه‌ڤرۆ نیوز:

جێگرێ رێڤه‌به‌رێ گشتی یێ ساخله‌میا سلیمانیێ راگه‌هاند: ل توخیبێ پارێزگه‌ها سلێمانیێ دو توشبوویێن دی ب ڤایرۆسێ كورونایێ گیانێ خوه‌ ژ ده‌ست داینه‌.

ئه‌ڤرۆ چارشه‌مبی 1/7/2020 عه‌بدولا ئه‌حمه‌د جێگرێ رێڤه‌به‌ری گشتی یێ ساخله‌میا سلێمانیێ راگه‌هاند سپێده‌هیا ئه‌ڤرۆ ئافره‌ته‌كا  دی كۆ ژیێ وێ 98 سال بوو و خه‌لكێ پێنجوین بوو، پشتی توشبوونا وێ ب ڤایرۆسێ كورونایێ و چه‌ند رۆژه‌كا ل نه‌خوشخانه‌یێ مایی گیانێ خوه‌ ژ ده‌ست دا.

ژلایه‌كێ دیڤه‌ قائیمقامیه‌تا قه‌زا سه‌یدسادق راگه‌هاند گه‌نجه‌كێ دژیێ 34 سالی ب ئه‌گه‌رێ ڤایرۆسێ كورونایێ گیانێ خوه‌ ژ ده‌ست دا.

ل گۆری دوماهی ئامارێن وه‌زه‌رتا ساخله‌میا حكومه‌تا هه‌رێما كوردستانێ تانوكه‌ ل سلیمانێ چار هزار و 410 كه‌ش توشی كورونایێ بووینه‌، 179 كه‌سان ژی گیانێ خوه‌ ژ ده‌ست دایه‌.

ئه‌ڤرۆ نیوز:

ئه‌ڤرۆ دێ جڤاتا وه‌زیرێن حكومه‌تا هه‌رێما كوردستانێ كۆم بیت و دیارترین ته‌وه‌رێن دانوستاندنا وان ل سه‌ر دانوستاندنێن هه‌ولێرێ و به‌غدا و پرسیا چاكسازیێ یه‌.

جۆتیار عادل په‌یڤدارێ حكومه‌تا هه‌رێما كوردستانێ راگه‌هاند ئه‌ڤرۆ رۆژا چارشه‌مبی جڤاتا وه‌زیرێن حكومه‌تا هه‌رێما كوردستانێ كۆمبوونا خوه‌ یا ئاسایی و هه‌فتانه‌ ب سه‌رۆكایتا مه‌سرور بارزانی سه‌رۆكێ حكومه‌تێ و به‌رهه‌ڤبوونا قوباد تاله‌بانی جێگرێ سه‌رۆك وه‌زیرێ حكومه‌تێ و وه‌زیر ب رێكا ڤیدیو كۆنفرانس ساز كه‌ت.

جۆتیار عادل په‌یڤدارێ حكومه‌تا هه‌رێما كوردستانێ ئه‌و چه‌نده‌ ژی راگه‌هاند د ئه‌ڤێ كۆمبوونێ دا دێ دانوستاندنێ ل سه‌ر ئه‌ڤان بابه‌تان كه‌ن:

• پروسه‌یا دانوستاندنێن دناڤبه‌را هه‌رێم و به‌غدا.
• پێنگاڤێن كرداری یێن چاكسازیێ، رێكار و میكانزمێن بجهكرنێ.
• پێشنوسێ بریارا تایبه‌ت ب راسپارده‌یا چاكسازیێ ل داهاتێ گشتی، پێشڤه‌برنا هه‌ڤبه‌شی كرن ل هه‌ردو كه‌رتێ، تایبه‌ت و شگیت سیته‌مێ خویكێ.
• پرۆگرامێ بایومه‌تری ل هه‌رێما كوردستانێ.
• پێشنیازێن لژنا یاسایی ل په‌رله‌مانی سه‌باره‌ت ب یاسایا دامه‌زرنادنا سندۆقا پشته‌ڤانیكرنا دارایی یا ئاكنجیبوونێ، ده‌سته‌به‌ركرنا جڤاكی و پێشینه‌یا خانوبه‌ره‌ و هه‌ڤژینیێ.