ئەڤرۆ نیوز:
ئاژانسا رۆیتەرز ل سەر زارێ دەستهەلاتدارێن فرەنسا بلاڤە کریە، د ماوێ 24 دەمژمێرێن بوری دا 231 كەسێن دیتر ب ڤایرۆسێ كۆرۆنا یێ ل فرەنسا گیانێ خوە ژ دەستداینە، هژمارا مریان گەهشتە هزار و 331 كەسان.
نڤێسینگەها ساخلەمیا گشتی ل فرەنسا بەلاڤه کریە، کو سەرجەمێ تووشبوویێن ڤایرۆسێ كۆرۆنا ل وی وەلاتی گەهشتووەتە 25 هزار و 233 حالەتان.
ئەڤرۆ فریدریك ڤالیتۆ، سەرۆكێ ئێكەتیا نەخۆشخانان ل فرەنسا گوتیە: هژمارا راستەقینە یا قوربانیێن ڤایرۆسێ كۆرۆنا ل فرەنسا گەلەک ژ وێ هژمارێ زێدەترە، یاکو ژ ئالیێ حكومەتا فرەنسا ڤە دهێتە راگەهاندن.
ئه‌ڤرۆ نیوز:
ئه‌ڤرۆ 30 توشبوویێن نوو ب ڤایرۆسێ كورونایێ ل عیراقی هاتنه توماركرن و دو ژ توشبوویێن ڤایرۆسی كورونایێ مرینه.
وه‌زاره‌تا ساخله‌مێ و ژینگه‌ها عیراقێ راگه‌هاند: ئه‌ڤرۆ دو توشبوویێن ب ڤایرۆسێ كورونایێ مرینه و هه‌ر ئێك ژ وان ل باژێرێ بابل و كه‌ركوكێ بوون.
وه‌زاره‌تا ساخله‌میێ ئه‌و چه‌نده ژی دیاركر شه‌ش ژ توشبوویێن نوو ل ده‌ڤه‌را ره‌سافه‌یا به‌غدا بوو، سێ یێن دی ژی ل باژێر نوژداری یێ به‌غدا بوون سێ كه‌سێن دی ژی هه‌ر ئێك ل باژێرێ به‌سره و كه‌ركوكێ و دیوانیی بوون، چارێن دی ل باژێرێ كه‌ربه‌لا و چار ژی ل نه‌جه‌ف و ئێك ل هه‌ولێری و دو ژی ل موسه‌نایێ توشبوون، شه‌ش توشبووێن نوو ل سلێمانێ هاتینه توماركرن.
جهێ گۆتنێ یه هه‌ر ئه‌ڤرۆ 14 كه‌س ئه‌وێ توشبوویێن ڤایرۆسێ كورونایێ ب بوون ل عیراقێ ساخ بووینه.
ئەڤرۆ نیوز:
وه‌زیرێ ساخلەمیا هەرێمێ راگه‌هاند، هژمارا تووشبوویێن ده‌ربه‌ندیخان به‌راورد ب دەڤەرێن دیتر زێدەتره.
ئەڤرۆ چارشەمبی ل سه‌ر راسپاردەیا مەسرور بارزانی سەرۆکێ حوکمەتا هەرێما کوردستانێ بۆ گرنگیدان و دووڤچوونا رێکاران، د. سامان بەرزنجی وەزیرێ ساخلەمیێ، گەهشتە قەزا دەربەندیخان و ل گەل بەرپرسێن وێ قەزایێ كۆمبوو.
د. سامان بەرزنجی راگه‌هاند: ئەم د قۆناغا چاره‌سه‌ریێ و كۆنترۆلكرنێ داینە بۆ هندێ داکو ئەڤ ڤایرۆسه ژ ده‌ست ده‌رنه‌چیت و بەربەلاڤ نه‌بیت و دخوازین وەلاتی پابه‌ندی رێكاران بن و نه‌هێنه ژ ده‌رڤه.
ئەڤرۆ نیوز:
ئیتالیا ئێکەم وەلاتە ژ روویێ هژمارا گیان ژ دەستدانێ ب ڤایرۆسێ کۆرۆنا، کو 683 کەسێن دیتر ب کۆرۆنا یێ گیانێ خوە ژ دەستدایە، سەرجەمێ گیان ژ دەستدانێ ل جیهانێ ب ڤایرۆسێ کۆرۆنا گەهشتە 20 هزار و 500 کەسان.
بەرپرسانی ئیتاڵیا دەڵێن، لەماوەی 24 کاژێری رابردوودا 683 کەس لە سەرانسەری وڵاتدا گیانیان لەدەستداوە و بەو جۆرەش ژمارەی مردووان لەو وڵاتە ئەوروپییە بۆ حەوت هەزار و 503 کەس بەرزبوەتەوە.
هژمارا تووشبوویێن کۆرۆنا ل ئیتالیا گەهشتنە 74 هزار و 386 کەسان، ل ئیسپانیا د ماوێ 24 دەمژمێرێن بوری دا 738 تووشبوویێن دیتر ب کۆرۆنا یێ گیانێ خوە ژ دەستدایە.
ل ئەمریکا ژی هژمارا مریان ب کۆرۆنا گەهشتە 737 کەسان و هژمارا تووشبوویان ژی گەهشتە 54 هزار و 453 کەسان.
ئەڤرۆ نیوز:
هێزێن فرەنسا د چارچۆڤێ هێزێن هەڤپەیمانیا نێفدەولەتی یا ل دژی داعشێ ل عیراقێ بوون، دێ خوە ژ ڤی وەلاتی ڤەکێشن.
ئەڤرۆ چار شەمبی، ئاژانسا نووچەیێن عێراقییە، ژ زاردەڤێ پەیڤدارێ بناڤێ فەرماندەیا گشتی یا هێزێن چەكدارێن عیراقێ، عەبدولكەریم خەلەف بەلاڤە کریە، ل سەر بنەمایێ رێككەفتنێ ل گەل حكومەتا عێراقێ، هێزێن فرەنسا دێ ئاخا عیراقیێ بجهـ هێلن و بنگەهەکێ ئەسمانی ژی ژ ئالیێ هێزێن هەڤپەیمانیا نێڤدەولەتی ڤە هاتە چۆلكرن.
خەلەفی گۆتیە، پاشڤەکێشانا هێزێن فرەنسا، د چارچۆڤێ رێککەفتان دایە ل گەل حكومەتا عیراقێ.
ئەڤرۆ نیوز:
وەزارەتا ناڤخوە یا هەرێما کوردستانی راگەهاند، ئەو هێزێن نوکە د ئەرکی دا، هەتا ب فەرمی ژ ئالیێ وەزارەتێ ڤە نەهێنە ئاگەهدارکرن دێ د ئەرکێ خوە دا مینن و ناهێنە ئالوگور کرن.
ئەڤرۆ چارشەمبی 25.3.2020 د نڤیسارەکێ دا، کو ئیمزایا رێبەر ئەحمەد وەزیرێ ناڤخوە یێ هەرێمێ ل سەرە، تێدا هاتیە،کو ئەو هێزێن نوکە د ئەرکی دا ل گەل ئەوێن د بێنڤەدانێ ناهێنە گوهارتن، کو پێک دهێن ژ هێزێن ئاسایشا ناڤخوە، بەرەڤانی و هەوەرهاتنێ، زێرەڤانی، ئاسایش، پێشمەرگێن یەکێن ۷۰ و ٨۰ دێ د ئەرکێ خوە دا مینن، هەتا ب فەرمی ژ ئالیێ وەزارەتا ناڤخوە دهێنە ئاگەهدارکرن.
هەروەسا گۆتیە، پشتی ژ ڤێ رەوشێ دەرباز دبین، وی دەمێ ئەو د ئەرکی دا ماین، دی بۆ وان ب مولەت هێتە قەرەبووکرن.
ئەڤرۆ نیۆز، قائید میرۆ:
سەرەڕای نەبوونا دەواما فەرمی فەرمانبەرێن وەزارەتا کارەبێ بەردەوامن لسەر ئەرکێن خوە و پەیڤدارێ وەزارەتا کارەبێ ژی ئاشکراکر، ھەموو جھێن تایبەت ب بەرھنگاربوونا کۆرۆنایێ ٢٤ دەمژمێران کارەب ھەیە.
ئومێد ئەحمەد، پەیڤدارێ وەزارەتا کارەبێ بۆ ئەڤرۆ نیۆز دیارکر” ددەمێ نوکە دا رەوشا کارەبێ باشترە ل ھەیڤێن بۆری و فەرمانبەر و ئەندازیارێن کارەبێ ل سەنگەرێ پێشیێ نە بۆ دەوامکرنێ و بەردەوامن لسەر ئەرکێن خوە ھەتا د ئەڤێ رەوشێ دا کارەبا بسەر وەلاتیان بھێتە بەلافکرن.
ئومێد ئەحمەد گوتژی” ھەموو ئەو نەخۆشخانە و جھێن ھاتینە تایبەتکرن بۆ چارەسەری و بەرھنگاربوونا ڤایرۆسا کۆرۆنا ٢٤ دەمژمێران کارەب ھەیە و دەڤەرێن دھێنە کەرەنتین کرنژی ئەم بەردەوام کارەبێ دەینە وانا ھەتا بشێن وان چواردە رۆژێن کەرنتین بۆ ھاتیە دیارکرن دەرباز بکەن و ئاریشە بۆ پەیدانەبن.
ئه‌ڤرۆ نیوز:
ئه‌‌نجیلو بوریلی سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا راگه‌هاند: ژماره‌یا حاله‌تێن توشبوون ب ڤایرۆسێ كورونایێ ل وه‌لاتی گه‌هشتیه 54 هزار و 30 كه‌سان، ل گه‌ل ئه‌وێن مرین و ساخ بووین ژماره‌یا وان گه‌هشته 69 هزار و 176 كه‌سان.
سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا ئه‌و چه‌نده ژی راگه‌هاند: به‌ریا نها حه‌فت هزار و 432 كه‌س ساخ بووینه و دهی ژی 894 كه‌سێن دی، ته‌ڤایا هه‌مویان هه‌شت هزار و 326 كه‌س ژ ڤایرۆسی ساخ بووینه.
ناڤبری ئه‌و چه‌نده ژی دازانین ته‌ڤایا ئه‌و كه‌سین مرین ب ئه‌گه‌رێ ڤایرۆسێ كورونایێ گه‌هشتیه شه‌ش هزار و 820 كه‌سان.
نيشاندان