ئه‌ڤرۆ نیوز:
ئه‌ڤرۆ ئێكه‌م حاله‌تێ مرنێ ب ئه‌گه‌رێ كورونایێ ل رووسیا هاته راگه‌هاندن و ئه‌و كه‌سێ مری ژی زه‌لامه‌كێ ته‌مه‌ن 79 سالان بوو.
ئاژانسا رویته‌رز به‌لاڤكر، ئه‌ڤرۆ ئێكه‌م حاله‌تێ مرنا ب ئه‌گه‌رێ كورونایێ ل روسیا هاته توماركرن و توشبوویێن دی ژی چاره‌سه‌ریا نوژداری وه‌ردگرن.
مرنا ئه‌وی كه‌سی دده‌مه‌كی دایه كۆ به‌ریا نوكه حكومه‌تا روسیا ب فه‌رمی راگه‌هاند بوو كۆ هژماره‌كا وه‌لاتیێن وێ توشی ڤایرۆسێ كورونایێ بوینه.
ئەڤرۆ نیوز:
ئەڤ شەڤە فەرهاد ئەترۆشی پارێزگارێ دهۆکێ د کۆنگرەکێ رۆژنامەڤانی دا راگەهاند، ل دەمژمێر ١٢ دێ قەدەغەیا هاتنوچوونا سەرانسەری ل دهۆکێ هێتە راگەهاندن.
دیار کر ژی، بریار دێ هاتنوچوونا ترۆمبێلان و وەلاتینان ڤەگریت و گۆت ژی، دەمژمێر ئێکێ شەڤێ هەتا شەشێ سپێدێ دێ هاتنوچوون سنوردار بیت، لێ دێ دەرمانخانە و نەخۆشخانێن ئەهلی و حکومی د ڤەکری بن.
ناڤهاتی گۆت ژی، سەمونخانە و فرن و جهێن ئازوقەی، قەسابخانە و جهێن فرۆتنا فێقی و کەسکاتی دێ ڤەکری بن و ناهێنە داخستن.
گۆتیە ژی، هاتنوچوون بۆ رۆژنامەڤانان ئاساییە، لێ پێدڤیە ناسناما کارێ وی دەزگەهێ لێ کاردکەت ڤێ هەبیت، هەر کەسەکێ کارەکێ گرنگ هەبیت دشێت رەزامەندیا لیژنا پارێزگەهێ بۆ خوە وەربگریت، ئەڤ قەدەغەیا هاتنوچوونێ دێ بۆ پێنج رۆژان بیت، هەکە پێدڤی بکەت، دێ هێشتا درێژ تر لێکەن.
ئه‌ڤرۆ نیۆز، عه‌زیز هه‌ورامی:
له سلێمانی چوار توشبوی هه‌ڵگری ڤایرۆسی كۆرۆنا به‌ته‌واوه‌تی چاك بونه‌وه خه‌سته‌خانه‌یان به‌جێ هێشت و ڕۆشتنه‌وه بۆ ماڵی خۆیان.
دكتۆر سه‌باح هه‌ورامی به‌ڕێوه‌به‌ری گشتی ته‌ندروستی سلێمانی، ڕایگه‌یاند:” ئه‌مڕۆ 18/3/2020 چوار توشبووی ڤایرۆسی كۆرۆنا، پاش وه‌رگرتنی چاره‌سه‌ر به‌ته‌واوه‌تی چاك بونه‌ته‌وه نه‌خۆشخانه‌یان به‌جێ هێشتووه.
له پارێزگای سلێمانی تاوه‌كو ئێستا 12 هه‌ڵگری ڤایرۆسی كۆرۆنا به‌ته‌واوه‌تی په‌تاكه‌یان په‌ڕاندووه، نه‌خۆشخانه‌یان به‌جێ هێشتووه.
ئه‌ڤرۆ نیوز ، زنار تۆڤى:
د 24 ده‌مژمێرێن بورى دا رێژه‌كا مه‌زن یا بارانان ل سه‌رانسه‌رى پارێزگه‌ها دهۆكێ باریه و ل چه‌ندین باژێر و باژێركێن ڤێ پارێزگه‌هێ له‌هى رابووینه و زیان گه‌هاندینه مالێن وه‌لاتیان و پرۆژێن گشتى، كو ئێك ژ وان پرۆژان پرا سه‌ره‌كى یا دناڤبه‌را دهۆك و مۆسلێ دایه.
مه‌عسوم ئیبراهیم سه‌عید، رێڤه‌به‌رێ گشتى یێ رێك و پرا و ئاڤه‌دانكرنێ و نیشته‌جێكرنێ ل پارێزگه‌ها دهۆكێ بۆ ئه‌ڤرۆ نیوز دیار كر: ئه‌و سایدێ ژ دهۆكێ دچیته مۆسلێ ل پرا عمریێ، كو پره‌كا كه‌ڤنه ل سه‌ر رێیا دهۆك بۆ مۆسلێ، ژ ئه‌گه‌رێ بارینا بارانان ب رێژه‌كا زۆر و رابوونا له‌هیان سێ سپانێن وێ هه‌رفتینه و ئه‌ڤه چه‌نده بوویه ئه‌گه‌رێ هه‌رفتنا وێ پرێ، كو ئه‌و سایدێ ژ دهۆكێ دچیته باژێرێ مۆسلێ هاتیه برین و سایدێ دیتر یێ بوویه سایدێ هاتنوچوونا ترۆمبێلان، لێ ئه‌م دێ بزاڤێ كه‌ین، ئه‌و سایدێ ماى چو لێ نه‌هێت و دێ پارێزین، ژ پێخه‌مه‌ت ئه‌و رێیه ب تمامى نه‌هێته برین.
ناڤهاتى گۆت ژى: هه‌ر ده‌مێ روش خۆش ببیت، ئه‌م دێ ڤه‌دیتنه‌كێ بۆ وێ پرێ كه‌ین، ژ پێخه‌مه‌ت ئه‌م بشێین وى سایدى چێكه‌ینه ڤه، هه‌ر چه‌نده ده‌مه‌ك بۆ دڤێت، هه‌تاكو ئه‌م بشێین جاره‌كا دى وێ سایدى بێخینه د خزمه‌تا شۆفێران دا، هه‌ر چه‌نده ئه‌و پره ل سه‌ر پارێزگه‌ها مۆسل ڤه‌یه، به‌لێ ل ژێر كۆنترۆلا هه‌رێما كوردستانێ دایه.
ئه‌و ژى گۆت: ل گه‌له‌ك جهان هریان چێبووینه و رێك خراب بووینه، لێ ب تنێ ئه‌ڤ رێیا سه‌ره‌كى خراب بوویه، پشتى راوه‌ستیانا بارانان دێ وان رێیا هه‌موویان چێكه‌ین و سه‌خبێر كه‌ین.
ئەڤرۆ نیوز،عەلی حاجی :
ژبەر بلند بوونا رێژەیا ئاڤێ و دروست بوونا لەهیان دناڤ سەنتەرێ باژێرێ زاخۆ دا گەنجەکێ ٢٠ سالی دکەڤیتە دناڤ ئاڤێ دا و گیانێ خوە ژ دەست دا.
رائید بێوار عەبدولعەزیز بەرپرسێ راگەهاندنا بەرەڤانیا باژێری ل دهۆکێ بۆ ئەڤرۆ نیوز دیار کر ئەو گەنجێ ٢٠ سالیێ ل زاخۆ ئەڤرۆ ١٨/٣/٢٠٢٠ ل دەمژمێر ٢:٠٠ پشتی نیڤرۆ ل تاخێ بێدارێ ئەو گەنجە دکەڤیتە دناڤ ئاڤێ دا و لەشێ وی دناڤ ئاڤێ دا چوویە و ژبەر بلند بوونا رێژەیا ئاڤێ هەتا نوکە تەرمێ وی گەنجی نەهاتیە دیتن و ئەگەرێن کەڤتنا وی گەنجی دناڤ ئاڤێ ژی دا نەهاتیە زانین،،تیمێن مە ل بەرەڤانیا باژێری ل زاخۆ بەردەوامن ل سەر لێگەریانا تەرمێ وی گەنجی دا کو بهێتە دیتن.
ئەڤرۆ نیوز، عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر ژبەر بارینا رێژەیەکا زور یا بارانێ و شێلیبوونا ئاڤێ ل زاخۆ دێ بۆ ماوەیێ دو روژان ئاڤا پروژەیێ زاخۆ هێتە قوت کرن.
زێدەتر هاشم ئیبراهیم گوت : ژبەر وێ رێژەیا زور یا باران بارینێ ل زاخۆ بوویە ئەگەرێ شێلیبۆونا ئاڤا خابیرێ زاخۆ ئەم نەچارین بۆ ماوەیێ دو رۆژان ئاڤا پروژەیێ زاخۆ قوت بکەین ئەڤجا داخوازێ ژ خەلکێ دکەین ئاڤێ گەلەک بکار نەئینن دا کو هزرا خوە بۆ وان دو روژان بکەن ،قوت کرنا ئاڤێ بتنێ دێ پروژەیێ ئاڤا زاخۆ ڤەگریت و ئاڤا بیرتەوازیان ب ئاسایی دێ ئاڤ بۆ وان مالان هێتە بەردان و ئەڤجا هەکە وەلاتی ژی هاریکار نەبن دێ پێدڤی یا وان زور بیت ب ئاڤێ.
ئەڤرۆ نیوز:
وەزارەتا دارایی راگەهاند، رۆژا شەممە و ئێکشەمبی 21 و 22 ئادارا 2020 دێ مووچێ یەکەیێن 70 و 80 یێن وەزارەتا پێشمەرگە هێنە دابەش کرن.
ئەڤرۆ چارشەمبی 18-03-2020، وەزارەتا دارایی و ئابووری یا هەرێما کوردستانێ راگەهاند، ئه‌ڤرۆ و سوبەهی 18 و 19-03-2020) مووچێ دیوان و لیوایێن وه‌زاره‌تا پێشمه‌رگه یو وەزارەتا دارایی و ئابووری دێ هێنە خه‌رجکرن.
ئەڤرۆ نیوز ، مەحمود نهێلی:
رێڤەبەرێ ئاڤا قەزا ئامێدیێ بو ئەڤرۆ نیوز دیار کر، ژ ئەنجامێ بارینا بارانێن زۆر و رابوونا ئاڤا رووبارێ زێی و سپنەی، پرۆژێ ستراتیژی یێ ئاڤا ئامێدیێ و پرانیا پرۆژێن ئاڤێ ل دەڤەرێ تێکچووینە.
بشار حاجی رێڤەبەرێ ئاڤا ئامێدیێ دیار کر، کو تێکچوونا پرۆژێن ئاڤێ ل دەڤەرێ دبیتە ئەگەرێ بێ ئاڤ بوونا هژمارەکا زۆرا خەلکێ دەڤەرێ ل سەرانسەرێ قەزایێ بۆ هەیاما چەند رۆژەکان.
گۆت ژی: ئەم وەک فەرمانگەهێن ئاڤا ئامێدیێ و سەرنکی داخازێ ژ خەلکێ دەڤەرێ دکەین کو دڤان چەند رۆژەکان کێم مەزاختنێ د ئاڤێ دا بکەن و کێم ئاڤێ ب مەزێخن چونکە دروستکرنەڤەیا ڤان پرۆژان دەم پێ دڤێت ژ ئەگەرێ قەدغەیا هاتن و چونێ و رێنمانیێن خوە پاراستنێ ژ ڤایروسێ کورونایێ.
ناڤهاتی تەکەز ژی کر، کو ئەڤ ئاریشا بێ ئاڤیێ دێ بو هەیامەکا کورت بیت و دێ ب هەموو شیانێن خوە کار کەن بو وێ یەکێ بشێن ڤێ ئاریشەیێ چارەسەر بکەن. و گۆت هاریکاریا خەلکێ دەڤەرێ دگەل مە جهێ رێزگرتنێ یە .
ئەڤرۆ نیوز، له‌زگین جوقی:
رێڤه‌به‌ری سه‌خبێری وپاراستنا رێك وپرا ل دهۆكێ دیاركركو پرا عمریكی یا پارێزگه‌ها دهۆك و مووسل پپێكڤه گرێده‌ت ژبه‌ر بارانی هه‌رفت.
دیوالی حه‌می بریندار، بۆ ئه‌ڤرۆ نیوز گۆت: (بۆ ڤه‌دیتن و چیكرنا پرا ناڤبه‌را دهۆك و مووسل دا ئه‌م چووینه وێده‌ر دگه‌ل رێڤه‌به‌ری سه‌خبیریا رێكا ل مووسل ئاخڤتینه ئه‌م پرا پێدڤیه ناڤبه‌را ئێدارا مووسل و دهۆك دا بهێته چاره‌سه‌ركرن هه‌ر چه‌نده پرا عمریكی گرێدایه مووسلی یه نوكه بتنی ئێك سایدی پری مایه بۆ هاتن وچوونی هاتیه بكارئێنان ئه‌م هه‌ولین به‌رده‌وامداینه بۆ وی چه‌ندی له‌ز ل سه‌ر ڤه‌دیتنا پرا عمریكی بهێته كرن چونكو رێكه‌كا ستراتیجی یە و دهۆك و مووسلێ پێكڤه گرێدده‌ت).
نيشاندان